كيف اخلي الطير يطلب الحمام ويلحقه

[سيف العلا]

مسيكم بالخير جميــــــــــــــــــــــــــــع

كيف حال الصقارين عساكم بخير

يرجال عندي طير مايرغب الحمام نفكله حمامه وما يطلبها
مدري ويش يحس فيه جوعناه يومين

ولا نفع فيه وطير فرخ

ابيه مايسمع بالحمام تكفوون

ولكم تحياتي وشكري ومودتي لكم ويعلم الله اني اعزكم بالله واني لااستغني عن المنتدى الغالي

[احمد الحاسي]

السلام عليكم ورحمة الله وبركاته مساء الخير ياخوي سيف العلا ماهو نوع الطير بارك الله فيك

[nassr_11]

هلابك اخوي سيف العلا من الطبيعي بعض الطيور مايرغب الحمام . اذكر طير لواحد من اخويانا الله يبارك له فيه تشوف جناحه ع الحمام تعيفه بس على الحبارى خيالي. والله يباركلك بطيرك

[هلاع]

هلا اخوي سيف هدله حمام اطياره ظعيف حيل وإذ صاد اكرمه عليها سو الطريقه هذي ٧ ايام او اكثر وبعدين اقوا شوي وراح يتغير عليك الطير //وتقبل مروري اخوك /هلاع

[سيف العلا]

يعطيكم العافيه اخوي نسر وهلا ع بنسبه لطير ياحمد الحاسي وكري فرخ ولعطيته حمامه مقصر بها حيه او ميته لاكن طيار بالبر انس الهدد ابيه يضرب كرت للحمام ؟؟؟؟؟؟

[طريبيل]

امسك الحمامه وقطب عيونها بشريط لاصق وفكها وخلها ترتفع ارفع من السيارة بشوي وهد عليها من قريب واذا صادها اكرمه عليها وخلك على هالحال لمدة ثلاث ايام وبعدين ابتدي ارفعها له بالتدريج وفك عليها من بعيد شوي
لان الحمام المقطب يغري الطير في الطيار مو مثل الحمام المفكوك
واذا شفته تمكن من الحمامه خذلك حمامه وانتف منها وخلها ماترتفع وفك عليها
ومع الايام بإذن الله بيرغب طيرك الحمام

هذي الطريقة أنا جربتها في كثير من طيوري والحمدلله نجحت

والله يبارك لك في طيرك وتاكل من صيده يالغالي

اخوك طريبيل

[سنجااار]

ابد مع الطير من الصفر خله يجيها بالارض ويذبحها وعشه صوافق صافيه وانت مضعفه واليوم البعده خذ من ريشها وحطها بالارض وهده عليها عشان ومن بعيد شوي ولو مايمديها تطير ألاهو صايدها ابرك وعاد بالتدريج ولاشفت رغبته زينه تيبله عين وحده بس وكل يومين اكثر ارتفاع من الي قبله ولاتهدهـ الا من تحتها وان شاء الله المرتفع بيتعلم عليه وهي برأيي وتجربتي افضل طريقه

وان شاء الله بيرغب الحمام

[قرناس شماالي]

يالغالي اتوقع ان الطير يبيله تدهيل وتنقيز بسبب

لين يتوالف لان الطير جوعته ويبي الحمامه لاكن خايف منك او من الي حوله

ويقعد يتلفت يمين ويسار يبيلك تدهله وتخليه حول الناس علشان يتوالف

وبعدين اقصر عليه

وهدله حمامه ماتطير وخله يذبحها براحته ولاتجيه الى يوم يقضي من معركته مع الحمامه

والله يوفقك لكل خير

[الرقعي]

عطه بتدريج حمام تطير مع الارض ثم تطير مسوحله مع الارض ثم خل فيه ست ست ثم هدله حمام عادي كم مره وبعدين دور التلحيق عسي الله يوفقك

[الجره جديده]

يالربع مساكم الله بالخير جميع الطير فرخ للحين ما علم شكله على الحمام
طمعه اول شي الحمام خله يذبح خمس ست عشر اللي يجي بس من قريب لقريب لا تفلسه اهم شي
لو انها من تحت الوكر ما عندك مشكله لين يحرص وبعدين تعطيه الحمامه من مسافه شوي لين يطلب اول ما تفرع به
وبعدين قطب له الحمام وسلامتك

[المضحي]

نفس المشكله معي امس الطير.
لكن بسألك هل الطير مدهل صح ولا يكرك لشاف الحمامه
يناظرك شوي ويناظر الحمامه ويكرك ويصرف النظر عنه ويكافخ ولا لا
اذا كان نعم الطير وحش يبي له تدهيل شوي يبي لك تسهره وتحطه عند الناس والجماعه ويشوف الي رايح والي جاي لمين يولف على الآوادم وبعده ابد بالتعلوم.
الله يعينك انا نفس الحاله الي عندك عندي.

[سيف العلا]

يعطيكم العافيه ومقصرتم وجزاكم الله الف خير

المضحي نعم الطير ماهو مدهل لاكن افرع لطير بالمجلس وخليه يشوف الناس ويستامن ونشالله انه بيظبط

[عأإدل الرشيدي]

هدله حمام مع القاع يالله يطير وان صادها عشه وتدريجيا مع الايام وكل يوم خلها ترتفع اكثر واكثر وراح يطمع الطير بالحمام بالحاله هذي وكثر النقل على الطير

[عاشق العنابي]

من كلامك ياسيف العلا

يبيله شنذره

[راعي طرفه]

والوكري لو تحاول السوادي مايلحقه سلم ابد حتى لو قالو
وسلامتك


مالك لوا اخوي الناقد