غثيث أزمة الخليج

[ال-رايق]

السلام عليكم ورحمة الله وبركاته:
أخواني /أخواتي يمكن هذي السالفة الاولة لي أمامكم ,, فاصبروا علي لو حمّرن الزغيدات(الخدود)وقعدت أفرّك بأصيبعاتي :cool:.
والبركة في حبيب الكل /ناصر العلي بعد ماروى لكم قصة الغثيث, وامتعنا فيها ,وابو علي لو يسولف بلغة غير لغتنا درست على حسابي عشان اتسمع له .
عندها تذكرت غثيث الأزمة:
سالفتنا صارت ايام الغزو العراقي للكويت -الله لايعيده- ومثلكم عارفين خصوصا اهل العاصمة وش جانا من الروعات وبالذات اول ليلة هجوم بصواريخ السكود(الظاهر ان صدام ذاك اليوم هو ضابط خفر:D) لأنها اكثر طبّة صواريخ.:j. بعدها وعلى اثر الجوبنة قلنا مابدّهاش ,,النحشة:burnout2: و كل ارسل عياله خارج العاصمة:redcar: وانا اولهم ’.. لكن الطفش: أجبرنا على التالي:
اتفقت مع مجموعة من الربع والاصدقاء بتجديد بيتنا القديم - بيت شعبي من الحجر والجص يسمونه(مسلّح بس مامعه ترخيص:D) وضبّطناه بالفرش و -تلفزيون كبير -طبعا كل معه رادو ولا تمر عاير الا وتسمع اذاعة البي بي سي((-هنا لوندون -وكررت لكم حرف الواو علشان المذيع محمود الازرق وصوته اللي كنه سماعة مخفوسه))اما التلفزيون فجميع انواع المحطات يجيبها بدون دش ويمكن تسائلون كيف ؟اقول لكم ..بحكم موقعنا القريب من منشآت سكنية دوليه وكل دولة نستقبل بثّها.. وياسلام سلّم معنا حريف هندسة اتصالات:type: ويسحب من ارسالهم واصلا ما يبيله ,الناس فوقنا بالضلع والبث يدحدر علينا-ولعب بلوت وطبخ شقرديه ولا فينا من ينكد الا بعض الملاقط على البلوت ولاّ شخير نايم:o..وهه . ومن ضمن الشلّه من يعمل بالعسكرية وفيهم واحد مقر عمله قريب منا وجاب مرة معه واحد من زملائه(بطل فلمنا الليلة) فيه من اللصقنة والغثاثة والبثارة ما لو وزعت على شعب بأكمله لأفسدته.. وصار الأخ-ابو غثّه- كل ساعة ليته كل يوم وهو محضّر عندنا وأحسن أفعال يسويها يالربع:
1-اذا طق الباب زقارته في يده
2-مايطق طق مسلمين يهبد هبد ,لا من نعومة يده واصابعه اللي كنّهافشق ابو غزال..وكل ضربة يطيح كسرة من برواز الباب(ديكور من الجص ).
3-اول مايدخل لديه المصطلحات التالية:
(هاه !نايمين لهالوقت-ضفوا حوستكم-وين الفطور-اقصروا على الصوت او ارفع عليه-وين فلان يقصد خويّه, يعني اني مااذب نفسي عليكم انا جاي لفلان وترى الضابط يسأل عنه)
4- كل شوي وهو طالع وواقف على الباب وبلبسه الرسمي من زين القيافة وهالمقدمة اللي لاعرّض عليك كنه شايل تلفزيون مع درج.
5- يرّم ماشافه قبل يمسكه.ولا يجيب شي ولا يقط معنا .. لا , كذب الشيطان يقط بس ماهو فلوس , يقط وجهه على قولة اخوانناالكويتيين حتى الدخان .وقال له واحد من اخواني عسى الله يفكّه وكل مسلم منه, قال (عطني زقاره) قال اخوي (كم لك سنة تدخن؟) قال(15سنة)قال (يعني خمسطعش سنة وانت تشحذ) ..ايههههه ..انا اللي انحرجت مهوب هو..:hot:
حاولنا نصرّفه ماش لمحنا له :no2:مافاد صكّينا الباب مامشت عليه بحكم الباب ينفتح بربع رجفة, والشبابيك (درايش طراز مال اول يبه)يسمعنا من وراهاو يصرّ على عدم المغادرة وطلبت منهم يفتحون له بحكم ان بيتنا معروف والناس بتقول فيهم وفيهم.كلمنا خويّه اللي جاي يزمّه مثل غليص قال والله ما اقدر :no:.قلنا ليه ؟ قال انه يعرف مدري من يعرف مدري من يعرف الضابط الفلاني وخاف احتاجه, خبركم(خرشةعسكرية) ..وليتها على هذي وبس المصيبة اللي ماتحملناها فيه وارجوكم دقّوا اللطمة:1-2-3: اكشن:
تكرمون يجينا بالبساطير وان قلناله فكّها ندمنا وان تركناه قهر,,واحد من الربع :looney:يقول (واحالالاه يالـ .. انّه ارحم من هالريحة).
وتعرفون اخوكم يشاور أعضاء الشلّة ..لذا طلبت منهم عقد اجتماع عاجل لحل هالمشكلة,, يالله دخيلك غيرنا حلّوا ازمات دوليه وانا وشلتي احترنا:rolleyes: مع هالـــ علّة ,,لكن خرجنا بالقرار التالي:good2::
طبعا سألتهم بحكم ان أغلب سرياته ما اكون موجود لأني اروح البيت والشباب هم اللي قالوا لي اذا سمع الانذار:alarm: نزل وزنه وطلع فيه خف وصارت مكينته تيربو:redcar: قلت بس لقيتها .والياعندنا فيديو جي في سي اللي بابه ينفتح فوق وسبق ان سجلوا الشباب صوت الانذار كانكم تخبرون:(( ليلة ينخرش المذيع :(ويخرشنا معه))’’ وصار كل ما جانا الغثيث شغلناه:director: ووخّر عنه اليا سمعه ..لا يتهبّدك لأنه لازم يحّضر عند خوياه في المعسكر
وصرنا نفتك منه اكثر الأحيان..لكن من جد المستفيد الاكبر البساس لأنها مربّطه بطونها من الجوع في الشارع ماتحصل شي وهو موجود
والسالفة غلّقت وابشركم الازمة انحلّت كذلك:BUTT1: .اعذروني . ولكم تحياتي.
أخوكم/أبومهنّد

[قوافي ( أم نهار )]

حياك ربي اخوي
ماشاء الله سالفه جميله جداً وان كان على اول مره نقيمها امتياز..
تدري لو انا منكم وش سويت كان خليته ينام بالسطح وفكيت شريحت ريموت كنترول التلفزيون وبمسمار وثبتها بالقدر ثم حطيته عند فراشه لين نام وطلعت من البيت
شوي وينصاه سكود صارهدف من غير هداف الطلقه من بعيد
امزح مهوب صدق
الله يعين كل من قابل مثل هالعينه سوء من الرجال او النساء..
مشكور اخوي سالفه جميله وننتظر الثانيه طلما هذي الاوله..
تحياتي لشخصك الكريم
اختك
..قوافي..

[ال-رايق]

حياك ربي اخوي
ماشاء الله سالفه جميله جداً وان كان على اول مره نقيمها امتياز..
تدري لو انا منكم وش سويت كان خليته ينام بالسطح وفكيت شريحت ريموت كنترول التلفزيون وبمسمار وثبتها بالقدر ثم حطيته عند فراشه لين نام وطلعت من البيت
شوي وينصاه سكود صارهدف من غير هداف الطلقه من بعيد
امزح مهوب صدق
الله يعين كل من قابل مثل هالعينه سوء من عند الرجال او النساء..
مشكور اخوي سالفه جميله وننتظر الثانيه طلما هذي الاوله..
تحياتي لشخصك الكريم
اختك
..قوافي..

هههههه-وش تقصدين مثل الاهداف اللي توجه بالليزر وحلوه حكاية القدر عشان الارسال ..لا وهو يحب القرارة..لكن المشكلة والان تذكرت والله ماقط شفته راقد لان معي ناس اقل مابيسوون له مقلب مقلبين-وانا بوافق لهم الا في الشي المضر-ولا اذكر انه وصل بتواجدنا كلنا الا مرة والباقي ماله اي وقت بعض المرات مرتين في اليوم..ياااهه ودي اشوفه هل شيّب:D
على العموم مشكورة اختنا/قوافي لردك-وتاج على الراس تقييمك الله يرفع قدرك عند مولاك .
وتسلمين ومن يقرا

[ابو صفوق]

عليكم السلام ورحمة الله
هههههههههه
ماجوين على مقابل هالغثيث
انا قد قابلت واحد بسوق الخضره لا أعرفه ولا يعرفن شافن شايب واستلمن يبي يساعد وانا قد تبت من هالنمونه بسبة واحد حمالي سرق مقاضيي وانا وين والركض وين وراحن لو معلمن انه يبيهن عطيته اياهن من غير مايذنب بنفسه ويحمله اثم السرقه الله يسامحه ويعفو عنه
وبتل يمشي وراي اشيل ياعم اشيل ياعم اشيل ياعم قلت له انت حمالي قال لا قلت خلاص رح مابي احد يشيل قال ركبك ياعم تعورك قلت تدري خذ ومشينا للموتر ويوم حط المقاضي قال عايش لحالك ياعم ؟يشوف فراش البر قلت لا معي اهلي قال طيب ليش الفراش بالسياره زعل منهم؟قلت اقول انتزلع تراك حومت تسبدي انت تساعدن ولا تقلب راسي قال ان كانك بياع تراي شراي همن حسيت اني شوي واباعلق به اعوذ بالله
اسف طولت عليك
الله يجزاك خير وماشاء الله حتسياتك تطرب لا تأخرعلينا انت مطالب بالثانيه
ابو صفوق الثنيان

[ال-رايق]

عليكم السلام ورحمة الله
هههههههههه
ماجوين على مقابل هالغثيث
انا قد قابلت واحد بسوق الخضره لا أعرفه ولا يعرفن شافن شايب واستلمن يبي يساعد وانا قد تبت من هالنمونه بسبة واحد حمالي سرق مقاضيي وانا وين والركض وين وراحن لو معلمن انه يبيهن عطيته اياهن من غير مايذنب بنفسه ويحمله اثم السرقه الله يسامحه ويعفو عنه
وبتل يمشي وراي اشيل ياعم اشيل ياعم اشيل ياعم قلت له انت حمالي قال لا قلت خلاص رح مابي احد يشيل قال ركبك ياعم تعورك قلت تدري خذ ومشينا للموتر ويوم حط المقاضي قال عايش لحالك ياعم ؟يشوف فراش البر قلت لا معي اهلي قال طيب ليش الفراش بالسياره زعل منهم؟قلت اقول انتزلع تراك حومت تسبدي انت تساعدن ولا تقلب راسي قال ان كانك بياع تراي شراي همن حسيت اني شوي واباعلق به اعوذ بالله
اسف طولت عليك
الله يجزاك خير وماشاء الله حتسياتك تطرب لا تأخرعلينا انت مطالب بالثانيه
ابو صفوق الثنيان

أبو صفوق/أخونا الكبير ,,عسى الله يسلمك ..آمين
مرورك شرف لي فمابالك باشادتك اللي أعتبرها نيشان على صدري.. وبعد اقول الله يوسع صدرك على السالفة ويضيق صدر هالعليلة اللي كل شي يبي يعرفه وبعدين وش رايك هل اذا اعطاهم الواحد وجه من البدايه يصدقون انفسهم ان الاسئلة واللقافة واجب عليهم ولاكيف؟ لأن التطنيش ما يفيد مثل خويك انت ساكت والاخ مدرعم سبحان الله ..وهل هي مرض نفسي وهل اذا اكسحه احد يتوب ولا يواصل خصوصا اذا ما تعرفه يبي لك تحط له طوق حق الكلاب الله يكرمك اللي اليا نبح يلذعه بكهرب ويهجد عشان مايزعج الجيران ((اسمع به الله يزيدنا بالجعاريه جهل))ههه .. واذا تعرفه ولازق جنبك على المركى كانه في طيارة كراسيها صغيره بوينج 737 وشوي الا اذانيه تقل نسافات تحك بوجهك او كلما جا يسولف غز رجلك باصبعه مثل اللي يقول اسمع ..دواهم حظاير وانتركوم من بعيد:D
لاهنت الله يسلمك.

[سليمان الربيعان]

السلام عليكم ورحمت الله وبركاته
بعض الناس مغسول وجهة بتراب ( الله لا يبلانا )
ولا يفهم انه مكروه بين الي يجيهم
لو انه يقط ما نبيه هو ولا قطته
اذا والله اسلوب سواليفك مثل كذا نبي منهن كثير
ما شاء الله اسلوب وسرد رائع وجميل لا تحرمنا جديدك
تقبل تحياتي......

[ال-رايق]

وعليكم السلام ورحمة الله وبركاته,,أخوي/أبو ربيعان
وانا شاكر ومقّدر مرورك العطر..واذا تقول اسلوب جميل فهذه شهادة أعتز فيها وانت الأجمل جمّل الله حياتك وأسعدك .
وصدقت بملاحظتك ..ويكون في علمك الكريم اللي يسبق علمي وخبرتك بالحياة , ان طرح السوالف اذا نظرنا في معناها الصحيح خصوصا في مجالس الكبار ومنتدانا خير مثال-الله يوفق من يسعى فيه بالخير- انها تكون وسعة صدر وهادفة ايضا على سبيل المثال كلّنا يجي منّا بعض اساليب هالغثيثين (تيجي مسنعجل وتدق جرس اوباب والناس وقت صلاة او الوقت متأخر-او رايح بهوجاس والباب مفتوح وتعور المسلمين) اذا جا مثل هالتلميحات انا وانت تلاقينا ننتبه في المستقبل لانطب هالمطب حتى لو الواحد يعرف اللي له وعليه.وغيرها من الامثلة كثير وبالنسبة للفطّة يعلم الله ما همنا يجيب شي ..او نكون ما نحب الضيوف والمسايير -لأن الحمدلله الامور بخير خصوصا وقت السالفة فالكثير اللي مثلكم وشرواكم يسيرون من وقت لأخر و لايجي الواحد الا معه خير خصوصا الذبايح تخيل اخذنا حوش خلف البيت كان في السابق مخبز(الله المستعان كان الريال به 8خبزات) وصرنا نحط فيه الغنم..لكن القصد الله يعدينا اثامه انه بالحيل ؟؟؟
تحياتي وتقديري لك ومن يقرا.

[عطيب ومايغيب]

محسوبك عطيب يسجل تميزك بسرد والابداع

هل تعلم يهذا ما الذي اعجبني با القصه هو وصفك (لصدام يوم تقول ماسك ظبط خفر ))هههههه الله يرحم ابو عدي رحمه واسعه

[أبوعابد 22]

الله يعطيك العافيه اخوي
وازمة الخليج الله لايعدها صواريخ سكود تهون عند الكيماوي
وحلوه حقة صدام يوم تقول ماسك ظبط خفر

[ولد روووق]

الله يكفينا شرهم شاكر على القصة

[Al3rands]

هههههههههههههه اجل ابو عدي ضابط خفر خخخخخخخ

[النبهاني]

وعليكم السلام ورحمة الله وبركاته
ياهلا والله وغلا ببو مهند
مبدع والله كاشاعر وابدعت في مجال القصه
من مواضيعك وردودك ارتقيت لقمة الاخلاق وفرضت على متابعينك الاحترام والتقدير
ومن قال اني اجامل فليذهب الى اي موضوع لارمادجي ويرى بنفسه
سالفه رائعه مثل روعة راعيها
وترى العلوم تبقشت وعرفنا ان عندك سوالف ولا تسدنا هذي
ولاتصير مثل ابو علي واعدنا والا هالحين وهو مديون
حفظك المولى يا أبا مهند

[ال-رايق]

محسوبك عطيب يسجل تميزك بسرد والابداع

هل تعلم يهذا ما الذي اعجبني با القصه هو وصفك (لصدام يوم تقول ماسك ظبط خفر ))هههههه الله يرحم ابو عدي رحمه واسعه


ربي يخلي هالوجه الطيب/أخوي عطيب
ورى ماتقول محسوبك الاستاذ/عطيب.. فأنتم خير من يقيّم واشادتك تاج على الراس.
وصحيح انه اكثر ليلة ما ادري لوهي فوق العشرة ..ولها قصص ومعي بالذات وقابلت ناس وصرت اعرفهم وحكوا لي عن اشياء مثل مايقولون بالسينما المزح الاسود..مصايب مضحكه اذا الله اراد جبناها لو على شكل مقتطفات .
شكري وتقديري لشخصك الكريم على المرور العطر.

[أبوتركي ومحمد]

وعليكم السلام ورحمة الله
تقول يقط معكم الرجال هههههههههههههههههههه
يقط وجهه لاحول ولاقوة الا بالله ياخوي هذي العينة دمار على المجتمع أسأل الله أن يجنبنا وأياكم وكل مسلم من شرها وشكراً لك أخي الكريم على القصة المميزة
تقبل تحيتي

[ال-رايق]

الله يعطيك العافيه اخوي
وازمة الخليج الله لايعدها صواريخ سكود تهون عند الكيماوي
وحلوه حقة صدام يوم تقول ماسك ظبط خفر


هلا وغلا أخوي/أبو عابد..عسى الله يّطول عمرك ومن يقرا على العز والمعزّة.
ايو الله’’ الله لايعيدها مثل مايقولون جعلها تذكر ولاتعود.
وحكاية ابوعدي ..تعرف ضابط خفر اذا اجتهد:D
-----------
تحياتي لك ..وتسلم على مرورك الطيب ..من طيب راعيه.

[ال-رايق]

الله يكفينا شرهم شاكر على القصة


حياك الله أخوي/ولد روووق:-
آمين ومثل ما تفضلت الله لايهينك يكفينا شرهم -وتقصد اللي فيه شر - ولاّ الباقين على الخفيف اهون .
والشكر موصول لمثلك وشرواك.
وتسلم على مرورك الطيب يالطيب...

[ال-رايق]

هههههههههههههه اجل ابو عدي ضابط خفر خخخخخخخ


أكيد والدليل دقّة الاصابة:good2: ,,لكن ربك سلّم (على النيّة يمكن انه ما يقصدها::D)هههه
تحياتي وشكرا لمرورك لاهنت

[ال-رايق]

وعليكم السلام ورحمة الله وبركاته
ياهلا والله وغلا ببو مهند
مبدع والله كاشاعر وابدعت في مجال القصه
من مواضيعك وردودك ارتقيت لقمة الاخلاق وفرضت على متابعينك الاحترام والتقدير
ومن قال اني اجامل فليذهب الى اي موضوع لارمادجي ويرى بنفسه
سالفه رائعه مثل روعة راعيها
وترى العلوم تبقشت وعرفنا ان عندك سوالف ولا تسدنا هذي
ولاتصير مثل ابو علي واعدنا والا هالحين وهو مديون
حفظك المولى يا أبا مهند
--

لبّى والله هالطلّه يابو سالم,,لبيك لله وفي مايرضيه ..عساك من اللي راضين عنهم والديهم.آمين وكل الاخوان..وكل حرف سطّرته وسام يشرفني الحصول عليه,,ودلالة على كرم خلقك وحسن ذاتك وعصامية شخصك الكريم .
وساعة شفت معرّفك قلت(اهه)ورطنا مع ابوسالم لأني موعدك زمان فلكن لأن السالفة في طرفها ابو علي قلت الثانية بحيل اللي ماتنام عينه هدية باسمك .. ومن اللي لها وزنها وبتعجبك ان شاء الله .يبي لها تنسيق فقط .
شكري وتقديري لك الله لايهينك.

[ال-رايق]

وعليكم السلام ورحمة الله
تقول يقط معكم الرجال هههههههههههههههههههه
يقط وجهه لاحول ولاقوة الا بالله ياخوي هذي العينة دمار على المجتمع أسأل الله أن يجنبنا وأياكم وكل مسلم من شرها وشكراً لك أخي الكريم على القصة المميزة
تقبل تحيتي


حياك ربّي أخوي/أبو تركي ومحمد,,,,,,,, عساك تشوف عيال عيالهم.
من جد هالعينات متواصلة في مشوارها المتفرع:D لكن وان بغيت الجد خصوصا خوينا هذا كثر خيره هو ونمونته اذا ماوراهم مشاكل ..صحيح انهم عالة..لكن الادهى اذا كان يجمعك انت وقرايب لهم علاقة تستحي وتقدر وتجامل لعيون الباقين وها البثر على قولة (يا.... واصلي) يواصل ولا عنده..ليت ياشيخ لهم حساسات نركبها لو على حسابنا.
شكري وتقديري لمرورك العطر.

[خوي مخباته]

مشكووووووووووووووورر اخونا الغالى ابومهند " ارمادجي 11 " ســـــــــــــــــــالفه رائـــعـــــه وممتعه واخذنامعها سجات
ابـــــــــداع .... و .... امتاع ســــــــــــــــــرد طيب
والفكــــــــــــرة حلوه كل ماجاكم نقزتـــوة بظغطت ..... زررر..... صار رجل الي بارك الله فيـــــــــــــــــك !
{ ننتظــــر جــديدك }

[فرخ العقاب]

ههههههههههههههههههههههه

اضحك الله سنك . وزين ربي فككم منه .

لو انا مكانكم كان كلمته وقلت له أنت الآن واحد مننا وخوينا واللي يجي عليك يجي علينا واللي يجي علينا يجي عليك ، وحنا ناويين نأثث هالشقة ، ونحط عزبة جديدة . ونبي قطته والقطة 150 دينار .
والله ما عاد تشوف وجهه . خخخ
لك تحياتي .

[ال-رايق]

مشكووووووووووووووورر اخونا الغالى ابومهند " ارمجدون " ســـــــــــــــــــالفه رائـــعـــــه وممتعه واخذنامعها سجات
ابـــــــــداع .... و .... امتاع ســــــــــــــــــرد طيب
والفكــــــــــــرة حلوه كل ماجاكم نقزتـــوة يظغطت ..... زررر..... صار رجل الي بارك الله فيـــــــــــــــــك !
{ ننتظــــر جــديدك }

قبل كل شي:
----------اعتذر منك ومن الجميع بالخيمة الشيّقة اذا انا مقصّر في مشاركاتي معكم -------
ومثل مايقول الشاعر:
راع الثنتين يصبر على اللوم=يصبر على فرقى الأهل والعمامي
-------------------------------------------
والله يغليك عند ربك اخوي ويسلمك والابداع المتواصل انتم في قمة هرمه ,, والذوق الرفيع انتم على سفوح جبله.
والرجل الآلي-ههه-يبي له زيت اقصد شحم والا يامتحرك اذا الكشنة شاقة خشمه ..ومن من ؟من يدين المتخصصين من خويانا ولا افضّلهم عليكم اذا تولوا الطبخ تجي الكبسة ياشيخ دعايتها منها وفيها- روّاسي في الخشم.والاخ تجيه سجّه ويقف ارساله اذا جاع ورقيبته كل شوي متجهه جهة المطبخ تقل مروحة قعادية:D ولا الومه كلنا مثله اذا جاع الواحد يجيه غلقة بزران-لافاتت الرضعة-:(
تحياتي وتقديري لشخصك الكريم..وتسلم ومن يقرا.

[ناصر العلي]

وعليكم السلام ورحمة الله وبركاته
سلمت يالغالي
وصح لسانك على هالسالفة الحلوة
وأحبك الله ياأبامهند
والظاهر خويكم هذا هو خوي الربع تعسكر وحضّر عندكم
لا ومن زين الطبياع مرّوح بعد
بس حلووووة حركة صافرة الإنذار
جابت نتيجة مع هالغثيث
تدري ويش مشكلتنا
إنا نجامل على حساب راحتنا
والله ياهالنوعية مايقشعة ولا سكود بعد
أسعدتني حيّل بهالسالفة
عاد نبي أخته قريباً
دمت بخير ياوجه الخير

[ال-رايق]

وعليكم السلام ورحمة الله وبركاته
سلمت يالغالي
وصح لسانك على هالسالفة الحلوة
وأحبك الله ياأبامهند
والظاهر خويكم هذا هو خوي الربع تعسكر وحضّر عندكم
لا ومن زين الطبياع مرّوح بعد
بس حلووووة حركة صافرة الإنذار
جابت نتيجة مع هالغثيث
تدري ويش مشكلتنا
إنا نجامل على حساب راحتنا
والله ياهالنوعية مايقشعة ولا سكود بعد
أسعدتني حيّل بهالسالفة
عاد نبي أخته قريباً
دمت بخير ياوجه الخير


هلا وغلا مليار
في اخونا الغالي/أبو علي
واللي يعجبك يابو علي انا اعتبره سعة الصدر وبهجة الخاطر الله يسعدك
-الاّ هالغثيث-:D
وتكفى يابو علي ..اشهد بأنه جاب لنا التكوك وعلى سبيل المثال ’’ كان يزورنا على الخفيف ناس من اعيان البلد وبمختلف الأعمار والطبايع تصدق تفشلنا فيهم ..لأنه ما يخليهم ياخذون راحتهم ( انت وش تعمل وليه ما تقهوى ووو).واللي ما احد يدخّن عنده والشباب مستحين منه يصفقها عنده من قو عينه,, وسوالفه لو احكيها يمتلي المنتدى...منها مرة يقول لنا وش تبون بفلان قلنا ليه قال كن عليه قل صح --وهو صادق لكن من جيراننا قبل المدرسه وعندنا يسوى طوايفه -- بالله ناظر كيف المونة هو وخشمه-.
تحياتي ’’ وانت تأمر أمر.

[نجم000الشمال]

ياهلا وغلا باخوي الشيخ/ ارمادجي
وووووين ذكرتنا بأزمة الخليج وصواريخ سكود والباتريوت !
هالحين نقول الله يرحم ظابط خفر عز الله انه كان فاكنا من بلا ...... وجهة نظر!
جعلك تسلم اخوي الغالي.

[ال-رايق]

ههههههههههههههههههههههه

اضحك الله سنك . وزين ربي فككم منه .

لو انا مكانكم كان كلمته وقلت له أنت الآن واحد مننا وخوينا واللي يجي عليك يجي علينا واللي يجي علينا يجي عليك ، وحنا ناويين نأثث هالشقة ، ونحط عزبة جديدة . ونبي قطته والقطة 150 دينار .
والله ما عاد تشوف وجهه . خخخ
لك تحياتي .


حياك الله ’’ ولك بالمثل من واليك في كل دعوة فيها ترفع اياديك,,
وعسى الله يزيّن معانيك ويوسع صدرك بالعافية
وكلامك على متمّه..شف كل شي راح ’’والله ماهمّنا وش يدفع ولو نقول له مايسمع..المشكلة ولو تتابع بعض الردود اذكر فيها من بعض ما يبدر منه,,وياكثر مايطلع به وكلها مفاجآت.. واللي وهّقنا خويّنا اللي جابه لنا وجارنا في نفس الوقت متربين سوى ..والاخ جايز له حضوره ’’’ خبرك يغطي عليه العمل حتى صاروا اسلاك اذا بتقشع واحد اقشع الثاني معه:D وصعبه في حق خوينا والمشكلة خوينا اذا عطيناه الساخن بالكلام من النوع اللي مايرد عليك او يزعل ...فقط((يبلّم ويظل يهوجس)) وبالاخر تروح وتتركه مااستفدت شي منه.
مشكور لمرورك العطر الله يوفقك.

[ال-رايق]

ياهلا وغلا باخوي الشيخ/ ارمادجي
وووووين ذكرتنا بأزمة الخليج وصواريخ سكود والباتريوت !
هالحين نقول الله يرحم ظابط خفر عز الله انه كان فاكنا من بلا ...... وجهة نظر!
جعلك تسلم اخوي الغالي.


المهلّي مايولّي أخوي/أبو أسامه
والسالفه مايحق لي امدحها الا بسبب وهو:انها خلتني اتشرف بمروركم العطر والنفيس .
وبيني وبينك بكلمتك (وووووين ذكرتنا) صارت تبين اللي لحق ذيك الازمة من اللي توه صغير
وفعلا صدقت ان الضابط ترك فراغ ,,لكن الله يعوض المسلمين.
تسلم ,,لاعدمناك ولا كل طيب مثلك و شرواك.

[ناصر العلي]

وعليكم السلام ورحمة الله وبركاته

ياهلا والله وغلا ببو مهند
مبدع والله كاشاعر وابدعت في مجال القصه
من مواضيعك وردودك ارتقيت لقمة الاخلاق وفرضت على متابعينك الاحترام والتقدير
ومن قال اني اجامل فليذهب الى اي موضوع لارمادجي ويرى بنفسه
سالفه رائعه مثل روعة راعيها
وترى العلوم تبقشت وعرفنا ان عندك سوالف ولا تسدنا هذي
ولاتصير مثل ابو علي واعدنا والا هالحين وهو مديون

حفظك المولى يا أبا مهند


ياحبي لك ياأبوسالم:good2:
بشرني عنك
عسى كل شيئ تمام
والله يعيننا على الوفا بهالدين
لاعدمناك يالغالي
والله لايحرمنا تواصلكم
دمت بألف خير

[ابوخالد6]

الله يعيينا وياكم

[ال-رايق]

الله يعيينا وياكم


ومن يقول اخوي/أبو خالد
شرفني مرورك العطر..لاهنت.