المساعد الشخصي الرقمي

مشاهدة النسخة كاملة : ممكن احداثية شعيب شمس وشميسة بيض الله وجيهكم


الصواعق
12/02/2012, 06:06 AM
السلام عليكم ورحمة الله وبركاته

اسعد الله صباحكم بكل خير ،، يا اخوان ابي فزعتكم في احداثية شعيب شمس وشميسه اللي بعد ضرما واهم الاحداثيات هناك للابار وغيرها

والله لا يحركم الاجر يا غالين
ابوعبدالله 2005
12/02/2012, 11:59 AM
وعليكم السلام ورحمة الله وبركاته
سم طال عمرك
N.24.50.449
E.45.40.337
و انا لي فتره عنه والله لكن اذكر انا وصلنا البيوت القديمه و القلبان عن طريق النزول مع طريق كسارات ايسر الخط قبل محطة ام سليم اللي بين ضرما و مرات
و الشعيب بإمكانك تحول له من عند مدخل ارامكو اسفلت يبي يجيك بيسراك و انت بإتجاه مرات اللى انتهيت من الاسفلت تجيك خطوط قويه اكثرها له
والله يعطيكم الجو الزين و الهواء الراكده لأني اذكر في طلعتنا لنا له عقب ما بدينا نحط اغراضنا ومر الله الهوا و قلبت كل شي و لا قوينا على الجلسه هناك و الا والله انه يشرح الخاطر و يسر النظر
النوبل
12/02/2012, 03:43 PM
وانت طالع من الرياض

بعد ضرما تتعدى محطة ام سليم بيجيك مفرق على اليسار لمصنع الأسمنت

تنزل معه حوالي 6 كلم يجيك الشعيب معترض وافضله يمين خطك (شمال الشعيب)

وابو عبدالله ماقصر بالأحداثيه

والقصر الطين هذا قصر بن سواري


بالتوفيق
الصواعق
13/02/2012, 06:05 AM
الله يبيض وجيهكم يابو عبدالله وياخوي النوبل ماقصرتوا جعكم تسلموون