معي جيب باترول موديل 99 جنني ساعدوني

[س.س.التميمي]

السلام عليكم ورحمة وبركاته
معي باترول م 99 الصباح صعب تشغيله واذا اشتغل
ضغط الماكينه مايتعدا 2 وبعدها يبدا يقطع علي طول
سواء طالت المساف
ه والا قصرت

[سهم نجد]

أخوي التميمي هذي المشكله ما مرت علي لكن اعتقد بنسبه كبيرة انها في الكهرب وخاصة اسلاك البواجي

كان معي سفاري 93 وكان عزمة تعبان ويقطع وطلع المشكله في واحد من اسلاك البواجي عطلان

افحصها كالتالي:

شغل السيارة ثمن رح للاسلاك وابدا افصلها واحد واحد وشف(( اي واحد مايتغير صوت السيارة بعد ما تفصله هذا هو اللي بيكون خربان )) والصالحات اذا فصلته بيضعف صوت السياره هذا بيكون صالح ما فيه شي...

تقبل مروري ولا تنسانا من الدعاء.....

[ابو سالم3000]

شيك على حساس الهوا الي عند القربه لان هذا عوايده

[فهم العدواني]

المشكله عندك في الديلكو في العمود الداخلي اوالقطعه اللكترونيه اذا كان اكتروني

[راعي الطلعات]

وعليكم السلام والرحمة

يالغالي انا معي باترول 99 بخاخ ومرت علي كل مشاكل الباترول وغثاه بشكل ما تتصور

اولاً:- اذا تقول في الصبح التشغيله تتطول هذي تتلخص في:
1- بطارية السياره.
2- دينمو الكهرباء.
3- السلف.

ثانياً:- اذا تقول ضغط المكينة ما يتعدى 2 و السياره تتفتف بقولك:
1- شيك على الفلتر اذا قديم غيره و جديد نظفه.
2- شيك على الحساس الي جنب فلتر الهواء اذا السياره شغاله افصل الفيش عنه اذا تفتف السياره يمكن يبيله تنظيف ببخاخ اسي ديلكو او بخاخ الكترونيك وتمسحه بعد التنظيف بس قبل ما تفصل الحساس من السياره افصل الموجب السلك الاحمر يعني من البطاريه بعد ما تنهي من التنظيف رجعه وشغل السياره على السلف 10 ثواني ثم شغل السياره لإعادة البرمجه واذا مره مره ما اشتغل فيه حساس جديد من شركة هيتاشي بدون علامة نيسان بألف ريال وفيه هيتاشي اصلي بعلامة نيسان بـ1200ريال التشليح نادراً تحصله واذا حصلته بيكون بقيمت الجديد 1000ريال مثل ما صار معي.
3- تأكد من خرطوش الهواء لا يكون متشقق ويدخل هواء مع غبار غير منتضم ويسبب تقطيع للموتر في الممشى و كذلك وهي واقفه حصل معي غيرته بتقليد كوري وضبط معي الموتر.
4- نظف الثروتل ببخاخ اسيديلكو تفك الخرطوش و تبخ في الثروتل وتدعس على البنزين، هذي الطريقه تنفع اذا السياره شغاله او طافيه ما عندك مشكله بس المشكله في إعادة الخرطوش في مكانه وانصح بميكانيك مختص اذا ما سبق لك ان سويت الطريقه هذي.
5- مثل ما قال الاخ سهم نجد شيك على البواجي و اسلاك البواجي و الديلكو بس بالمسدس غيره لا انصح ابد واذا هو كويس لا يتعبث فيه ابد.
6- غير فلتر البنزين بجديد اصلي.

هناك عددة طرق لكن هذي الاشياء الي انا شخصياً سويتها بالباترول وتحسن معي ولله الحمد بعد التفتفه.

بس انصح لوجه الله افحص السياره بالكمبيوتر علشان يعطيك المشكله وين بالظبط
وقيمت الفحص من 100 إلى 150 ريال اذا كنت بالرياض علمني اعطيك الورش المضبوطه في الفحص

واسئل الله ان تنحل مشكلتك.

[عشقتك يامكشات]

قد مرت علي هالمشكله وطلعت من حساس الهواء اللي عند الفلتر

[برايدوي عنيد]

هلابك اخوي

حدد هل هو بخاخ او كبليتر

تقبل مروري....

[س.س.التميمي]

كل الشكر اخواني
سهم نجد
ابوسالم3000
فهم العدواني
راعي الطلعات
عشقتك يامكشات
بريداوي عنيد
علي حسن استجابتكم لبدا المساعده
والخلل طلع من الديلكو طلع متكسر