فيه احد يستخدم صفرة الريشة بسبوق الطير

[قرناس خلا]

السلام عليكم ورحمة الله وبركاته
عندي طير اتعبني مع ريشة الجهاز لاصارت بذنابته لين قبل فترة قص العامودية من عند الصفره وصرت ماحط فيه ريشة مخليه بدون اريح له واريح لي بس الى متى .. على العموم انا اشوف فيه ناس تستخدم الريشه بالصفره اللي تجي بالسبوق لكن سؤالي هل الريشة تتضرر مع الطيران والمداوس مع الصيده يعني تضرب الارض وتخرب وهل تعيق الطير بالطيران وهل الارسال يضعف اذا كانت نازله بحكم انه صارت بكف الطير..
اللي مجرب نبيه يعطينا العلم واللي ماعنده خلفيه لايتفلسف الافضل انه يجلس يتابع معي وله حبة خشم
تقبلوا تحيتي

[قرناس شماالي]

يالغالي كل الطيور تنزعج من الصفره

لاكن شئ عادي واما بسبوق فيه ناس واجد تسويها

[ضو المنارة]

بالنسبة لي اربطها بالسبوق والحمد لله ماشتكيت منها ولا عاقت الطير

[الصحافة 15]

أخوي المنارة أوفقك الرأي وما شفت منها أي ضرر وهي أفضل حل للطير الي يقص العمودية

[قرناس خلا]

بالنسبة لي اربطها بالسبوق والحمد لله ماشتكيت منها ولا عاقت الطير

شاكر مرورك الكريم اخوي وياليت تفيدني اكثر ، مثل انت تستخدم الريشة بالمشكبيه او بدون يعني تركبها في الصفره او انك قاص المشكبيات حقات الريشه ومركب قمع ابو حلقة (الغطا ) للريشه وتثبتها بالطير باسلاك النايلون اللي يركب مره وحده ولا ينفك الا بالقطع .. ياليت تفصيل كامل ،، اتنمى ان تتسع لي رحابة صدرك

[قرناس خلا]

أخوي المنارة أوفقك الرأي وما شفت منها أي ضرر وهي أفضل حل للطير الي يقص العمودية

مادمك توافقه الراي عطنا وانا اخوك طريقتك ، وماتحس ان الريشه كانها تبي تضرب الارض لا نزل الطير تحت وهو يطرد وتحس انها تبي تشمع بلها حصيه :(

[BeLoveLy]

السلام عليكم و رحمة الله و بركاته

مساكم الله بالخير جميعا ... بالنسبة لموضوعك يا اخوي قرناس خلا, انا خربت علي ريشتين و السبب اني كنت احطها بسبوق الطير و السبب مثل ما قلت انها تصير عند كف الطير و تتعور مع المداوس مع الطير. الطيور كلها تتضايق من الصفره الي بالذنب بس حاول انك تنزلها شوي , لأن في ناس ترفعها و تصير تأذي الطير اذا جا يدق المدهنه.

جرب انك تنزلها شوي لا تخليها قريبه من المدهنه مره و ان شاء الله تضبط معك.

تقبل مروري

[مخاوي ذيابه 9]

عني انا حاطها بالسبوق ((الصفره اللي تجي بالذنيبه حطيتها بالسبوق واضغطها بالزراديه ))

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي /قرناس خلا
.
اشوف انك بعد ماتثبتها بالعموديه تحاول تطحن الحلتيت وتعجنه وتلصقه
فوق وتحت الصفره
اما في كراع الطير الأفضل استخدام الغطاء ابو فتحه
يوجد في الصيدليه الشرنقه العاديه يغطي الأبره بيت بلاستيكي
تخرقه وتمرر الأنتل فيه وتثبته في قاعة الريشه بغرا
يحماها بعد الله من النعطاف والكسر
*
والسلام
الفيتو
الحجاز
20-3-1433هـ

[(هزاع)]

نستخدم الصفره ام 10 ريال بالسبق وبعدها 2 انش عن ساق الطير وزرها بالزراديه وخرابه او ماتخرب هذي حضوض الله مدبرها وهي اهون بالتركيب والفك
والتكله على الله اول وتالي

[رعد المطر]

فادوك الاخوان

[y5393y]

من تجربتي ان كانت الصفرة في السبوق تعيق الطير وتشغله وقت الطيران
مره دعيته على الملواح ورتفع واصطدم بوايرات الاسلاك الكهرباء وسقط
اعتقد انه كان مشغول بالريشه
والحينك مالك الا الذنيبات حتى لو اطول بتركيبها.

[mr-r]

والله الريشه بالسبق ضيعت على احباره هديت الطير وعلقة الريشه بتابع الطير
ولا عاد يقدر ينزل على الملوح حته واجرحت تابعه
فا اذا تبي تحطها بالسبق لازم ترص الصفره على اخر شي وتضغطها بالزرديه وتربط السبق ورا الصفره عشان ماتطيح

[خيرها بغيرها]

اذا تبغا تركبها بسبق حط سبق ثاني نحيف فوق احد السبوق يكون مقصوص وركب فية الصفرة وقربة من الساق افضل تكون بشكل هذا ارفع واضمن بعد الله.

[قرناس خلا]

السلام عليكم و رحمة الله و بركاته

مساكم الله بالخير جميعا ... بالنسبة لموضوعك يا اخوي قرناس خلا, انا خربت علي ريشتين و السبب اني كنت احطها بسبوق الطير و السبب مثل ما قلت انها تصير عند كف الطير و تتعور مع المداوس مع الطير. الطيور كلها تتضايق من الصفره الي بالذنب بس حاول انك تنزلها شوي , لأن في ناس ترفعها و تصير تأذي الطير اذا جا يدق المدهنه.

جرب انك تنزلها شوي لا تخليها قريبه من المدهنه مره و ان شاء الله تضبط معك.

تقبل مروري
هذا بلانا اخوي خوفك من مثل هالامور اما تضرب الارض والاغيره لكن العمودية لاصارت مقصوصة وش تسوي ، شاكر مرورك

[قرناس خلا]

عني انا حاطها بالسبوق ((الصفره اللي تجي بالذنيبه حطيتها بالسبوق واضغطها بالزراديه ))

ماصار معك حوادث بنوب منها والا سالكه والريشه عمرك فحصتها كل فترة وفترة وشفت انها ماهي متأثرة

[قرناس خلا]

بسم الله الرحمن الرحيم
السلام عليكم ورحمة الله وبركاته
مساء الخير ياخوي /قرناس خلا
.
اشوف انك بعد ماتثبتها بالعموديه تحاول تطحن الحلتيت وتعجنه وتلصقه
فوق وتحت الصفره
اما في كراع الطير الأفضل استخدام الغطاء ابو فتحه
يوجد في الصيدليه الشرنقه العاديه يغطي الأبره بيت بلاستيكي
تخرقه وتمرر الأنتل فيه وتثبته في قاعة الريشه بغرا
يحماها بعد الله من النعطاف والكسر
*
والسلام
الفيتو
الحجاز
20-3-1433هـ
عمنا ابو صالح يكفيني بهالموضوع تشريفكم الكريم ،، امابخصوص الحلتيت ان شاء الله بجربه لكن هالحيهن مالي حيله العمودية قصها ابو الشباب ، بداية الموسم جربت معه الموميان لكن بس مانفع ياخوي تقل انه صار يتلذذ مضبوط بطعم الموميان مع الصفرة والريشة صارت بهارات:)
لا اخلى ولا اعدم من هالطله الحلوه

[الصحافة 15]

أخوي قرناس الخلا الصفره تكون قريبة من ساق الطير بحيث أنها تكون ما تضرب بالأرض وأنا مجربها وما في شك أنها في العمودية أفضل بكثير لكن أذا صار الطير كل نهاية مقناص يقص العمودية ما لك ألا هالحل

[قرناس خلا]

شاكر مروركم الكريم واثراء الموضوع ، تقبلوا تحيتي