اريد ورشة لتوظيب القير

[طلحة]

السلام عليكم
عندي اف جي كروزر 2008 بعد ما طلع به الولد للرمل رجع به والقير خربان، اذا بغى يغير من الاول للثاني يطق طقة ويطول ما يغير من الرابع للخامس
وديناه لعدة ورش وكلهم اتفقوا على توظيب القير (طبعا بعد فحص الكمبيوتر) وقفته عند ورشة نزل القير وطلع الطنجرة ولقى الزيت داخلها اسود فقرر انه لازم يغير القير بالكامل لانه (حسب كلامه) اذا كان الزيت في الطنجرة اسود فما راح ينفع التوظيب. انا صراحة غير مقتنع بكلامه وفكرت اني اقول له رجع كل شيء لمكانه وباخذها لورشة ثانية
فما رأيكم بالموضوع؟ وهل تنصحوني بورشة قيرات صاحبها أمين ومحترف وخبرة وسعره معقول؟
شكرا لكم

[YUKON_GMC]

عليكم السلام ورحمة الله وبركاته

ههههه هذا نصاااب وناي يشلح قيرك ويبيعه لواحد ثاني

القير لا احترقت كلتشاته طبيعي يحترق الزيت ويصير اسود ويكون له رائحه حرق قويه وطبيعي الزيت يكون في الطنجره لأن هي المضخه اللي تضخ الزيت للقير كامل زي الطرمبه .. واكيد الزيت اللي بالقير يرجع للطنجره والعكس ..

انا ماعرف شيء عن الاف جي ولكن اتكلم لك بصفه عامه بنظام القيور الاوتوماتيك .. فكرتها وحده ..

عموماً ترى احيانا يكون السبب حساس بسيط ومايكلف 100 ريال وينصبون عليك ويوضبون القير كامل او يستدبله لك ويغير الحساس ويبيعه القير مستعمل على واحد ثاني خلك حذر

وتأكد من الحساسات انها سليمه ولو انك ما استعجلت وطرحت المشكله قبل الفك كان قلنا غير الزيت والفلتر وشيك على الحساسات بالكمبيوتر

[طلحة]

اشكرك اخوي
القير نزله لكن ما بعد فكه وان شاء الله ما راح اخليه يفكه حتى اتأكد، بالنسبة للحساسات يقول اذا فيها اي مشكلة لازم تظهر في فحص الكمبيوتر، والفحص ما أظهر شيء

[فرخ العقاب]

أنت بأي منطقة حفظك الله .

[«نجم الخير»]

هذا رقم سليمان العثمان تخصص قيور بالقصيم بريده


ورشة العثمان

[طلحة]

انا في الرياض

[مطر وسم]

رائيي يا اخوي طلحه خليهم يرجعون كل شي لمحله

واسحب سيارك وديها للصناعيه القديمه فيه مجموعة ورش كثيرين بشرق الصناعيه مختصين بالقيور فيه ورشة السالم جربت توضيب قير والحمدالله ماشي كويس له سنتين


تحياتي لك

[طلحة]

شكرا لكم.على تفاعلكم
ان شاء الله اباخذ السيارة لورشة ثانية ونسمع من الاخوان اسماء الورش اللي جربوها وامينين وشغلهم زين في الرياض

[احمد بن تميم]

ورشة دار السلام
كهندس سليم
الرياض ش الجمعيه مقابل السبيعي لقطع الغيار
انا شخصياً مجربه في اكثر من 10 سيارات كلها قيور

[جمس_454_97]

فيه ورشه بصناعية الخليج يمدحونها كثير وانا موظب قير موتر عندهم
الورشه فيها هندي مطوع والكل يثني على شغله
وماقدر افتي بشغله لاني توني موظب ماكملت اسبوع
ورقم الورشه 217
ولو تبحث عن الورشه بتلاقي مواضيع كثيره عن شغلهم

[طلحة]

بيض الله وجه كا من افادنا وفي انتظار الباقي

[مضارب سيارات]

الله يعينك القير التماتيك اذا نزل للبر بدون تنسيم ورفق بالموتر راح يودع وينتهي

لكن عليك بورشة في صناعية الخليج اسم المهندس صابر رقم 217
وقله من طرف ابو عبدالله راعي المجمعة ولا راح يهمك

[dr.keef]

وانا بعد مثلك طلع عندي صوت بالقير :confused:

جيب حوض 2005 من تنصحوننا نشتغل عنده ..

[طلحة]

الله يعينك القير التماتيك اذا نزل للبر بدون تنسيم ورفق بالموتر راح يودع وينتهي

لكن عليك بورشة في صناعية الخليج اسم المهندس صابر رقم 217
وقله من طرف ابو عبدالله راعي المجمعة ولا راح يهمك

شكرا لك اخي الكريم
ان شاء الله امره والله يعين

[abo naser 1]

السلام عليكم

انا صار مشكلة معي بقير فورد يغير اول وثاني طبيعي اما الثالث اشد عليه افك الدعسة يغير ثالث ورابع طبيعي اعرف ان القير سليم حبيت اختبر ورش النصب و الأحتيال بالصناعية القديمة مريت عليهم كلهم حتى خبيييييييير القيرات (((((شالنجر))))) خطر مايقول يحتاج توظيب قبل ما يشوف الموتر كلهههههههم قالو توظيب
وفي الأخير صار من مخ القير او يسمونة منظم نظفناه وغيرنا زيت ولله الحمد الا الأن وهو يرن زي الحلاوة

[طلحة]

السلام عليكم

انا صار مشكلة معي بقير فورد يغير اول وثاني طبيعي اما الثالث اشد عليه افك الدعسة يغير ثالث ورابع طبيعي اعرف ان القير سليم حبيت اختبر ورش النصب و الأحتيال بالصناعية القديمة مريت عليهم كلهم حتى خبيييييييير القيرات (((((شالنجر))))) خطر مايقول يحتاج توظيب قبل ما يشوف الموتر كلهههههههم قالو توظيب
وفي الأخير صار من مخ القير او يسمونة منظم نظفناه وغيرنا زيت ولله الحمد الا الأن وهو يرن زي الحلاوة

هلا اخوي ابوناصر
ونفس القصة حصلت معي طلعته من الورشة ومريت به عدة ورش منهم العضيب وترايستار وتشالنجر واللي يقول توظيب واللي يقول تغيير القير بالكامل وبعضهم يقول ب 9000 ريال وبعضهم 5000 ريال وخذ من نهب الجيوب. اخيرا قررت اني ما اسوي فيها اي شيء اللهم تغيير زيت القير الفلتر وساستخدمه وهو على حالته لأن كل اللي فيه انه يتأخر شوي في التغيير من الاول للثاني

[أبوباسم455]

أخوي اذا أنت قريب من القصيم فيه ورشة العثمان بالتشليح أنا اشتغلت عندهم فيه سعودي والله شغله نظيف ومضمون وهو اللي بتلـقـى عنده الـخـبـر اليـقـيـن!!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)

[طلحة]

بيض الله وجهك ابوباسم