المساعد الشخصي الرقمي

مشاهدة النسخة كاملة : عندي دلتين أبي اربهن ... وين القاهم


تيتشر
12/02/2012, 02:41 PM
السلام عليكم ورحمة الله وبركاته

مثل ماهو بالعنوان

عندي دلتين أبي اربهن وانا من سكان شرق الرياض بالروضه وقالوا لي فيه بالنسيم لكن ماعرف وين مكانهم بالضبط

ياليت تدلوني على اماكنهم

مع شكري وتقديري
دغيم1
12/02/2012, 03:06 PM
حياك الله اخوي
يوجد محل بالقرب من سوق الصقور في الديرة
مقابل مواقف الديرة
في القيصرية القديمة
تحياتي
Red falcon
12/02/2012, 10:05 PM
هذي مهنه قديمة سمعت ان به محلات بالديرة بس مالقيت الا محل مسكر دايما
عندك خيمة رباب على شارع جابر تقاطع بندر
وخيمة رباب ثانية على شارع جابر قدام محطة البيارق
وفية خيمة رباب تجي بشارع سلمان الفارسي قدام سوق بغلف
وفيه خيمة رباب تجي بحي النظيم قدام بندة

أهم شيء أنشد والرجال تراهم طلابة رزق ومتحركين مايركدون
عموما بكره بمر شارع جابر وبشوف لك أذا لقيت أحد علمتك

نصيحة أبتعد عن رب الدلال واشتر ستيل واكسب صحتك
الرصاص أرخص معدن ومسرطن ويجيب أمراض هضمية
الا بتخليها منظر او على خفيف الله يوفقك
ابو زياد 90
12/02/2012, 10:20 PM
بالنسيم ماعرف بس اي خيمة تشوفها منصوبة جنب الخط

اعرف انهم يربون الدلال

وفي محل في وسط الرياض

دايم اتعامل معه في حي الشميسي وبعد عنده ورشة صيانة

وتقبل تحياتي ,,,
تيتشر
12/02/2012, 11:07 PM
جزاكم الله خير يا اخوان

الاخ coleman

مشكور وما قصرت والدلال لصديق بمقام الروح وودي اخدمه فيهن

ومنتظر خبريتك بكره
ابولولو
13/02/2012, 12:11 AM
اخوي فيه عندكم باالروضه قدام سوق الرياض من شمال وجنوب محل الفيصل للملابس الجاهزه اول اشاره وانت جاي من طريق خريص ووجهك شمال
ولد روووق
13/02/2012, 12:14 AM
عند سلمان الفارسي
بروح معاكم
13/02/2012, 01:16 AM
فيه محل في الشميسي هندي والشايب السعودي تحصله في الصباح الوصف اذا خليت مستشفى الشميسي على يسارك ووجهك شرق تجيك اشاره تعد الاشاره يجيك دوار خذه ورح على طول (سيده) يجيك مسجد على اليمين لونه ابيض بعده لف يمين يجيك تقاطع لف يسار تمشي شوي يجيك بيت قديم على اليسار فيه فتحت محل هذا هو اللي يرب الدلال
ان شاء الله يكون الوصف واضح
جاهز نجد
14/02/2012, 10:40 AM
يوجد محل اسمه سبك مقابل سوق المعيقلية من الشرق ممتاز ورخيص علماً اني اكرر نصيحه احد الاخوان لك بالستيل افضل باذن الله
تيتشر
14/02/2012, 11:32 AM
شكراً للجميع على مشاركتكم بالردود

الدلال مهيب ستيل ولكنها منقطعه وشكلها جميل

وكنت حريص انها تضبط وتزين

وديتهن للي في تقاطع جابر مع بندر

اكرر شكري للجميع