يوسف الخليفة1
12/02/2012, 08:59 PM
بسم الله الرحمن الرحيم
السلام عليكم ورحمة الله وبركاته
شريت طير وحسفوني ربوعي=قالوا لي الوكري ضعيف ارتفاعه
ما هوب ساطي بالهدد لو يجوعي=ما فيه مع خرب الحباري فداعه
عليك باللي ما لجا بالتبوعي=الحر الاشقر كالرصاص اندفاعه
قلت اصبروا يا ناس وارخوا سموعي=حنا الصقاره راضعينه رضاعه
بعض الوكارا كنهن الدروعي=اليا لمحها الخرب زاد انخراعه
نشوفها كالطايرات الشلوعي=اليا زمت بالجو معها الجماعه
هذي حقيقه ما حكاها اللكوعي=اللي توارا بالمكر واللكاعه
يشهد عليها متقنين الركوعي=معهم شهادات الصقاره براعه
يدرون وش فعل الوكارا السنوعي=كم عودن اسحم شالها في ذراعه
منول الوكري بنجدن يشوعي=كم واحدن جلاب بالسوق باعه
يوم الحباري تذكر بكل بوعي=من كثرها تلقا بحوض الزراعه
واليوم قلت مثل ملحن يموعي=راحت مع اوقاتن تقافا شراعه
مثل الثلوث اللي عقبه الربوعي=والا كما اللي ما ظهر من ضياعه
واليوم لو جره مداها السبوعي=تذاكروها واعلنوا بالاذاعه
ضالوا عليها بالمواتر جموعي=بغوها كاللي عايشن في مجاعه
فيهم شفوح الصيد وفيهم قنوعي=سعيد من يكسب رصيد القناعه
يوسف الخليفة ( أبو عبد الله )
السلام عليكم ورحمة الله وبركاته
شريت طير وحسفوني ربوعي=قالوا لي الوكري ضعيف ارتفاعه
ما هوب ساطي بالهدد لو يجوعي=ما فيه مع خرب الحباري فداعه
عليك باللي ما لجا بالتبوعي=الحر الاشقر كالرصاص اندفاعه
قلت اصبروا يا ناس وارخوا سموعي=حنا الصقاره راضعينه رضاعه
بعض الوكارا كنهن الدروعي=اليا لمحها الخرب زاد انخراعه
نشوفها كالطايرات الشلوعي=اليا زمت بالجو معها الجماعه
هذي حقيقه ما حكاها اللكوعي=اللي توارا بالمكر واللكاعه
يشهد عليها متقنين الركوعي=معهم شهادات الصقاره براعه
يدرون وش فعل الوكارا السنوعي=كم عودن اسحم شالها في ذراعه
منول الوكري بنجدن يشوعي=كم واحدن جلاب بالسوق باعه
يوم الحباري تذكر بكل بوعي=من كثرها تلقا بحوض الزراعه
واليوم قلت مثل ملحن يموعي=راحت مع اوقاتن تقافا شراعه
مثل الثلوث اللي عقبه الربوعي=والا كما اللي ما ظهر من ضياعه
واليوم لو جره مداها السبوعي=تذاكروها واعلنوا بالاذاعه
ضالوا عليها بالمواتر جموعي=بغوها كاللي عايشن في مجاعه
فيهم شفوح الصيد وفيهم قنوعي=سعيد من يكسب رصيد القناعه
يوسف الخليفة ( أبو عبد الله )