حيٍ ولا اظنه يتوّه دليله ................ حله ( مكرم الضيف ) ... الحل ( سنور - نورس )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

حيٍ ولا اظنه يتوّه دليله=اربع قوايم في مسيره تِقِلّه
بس العجب لو صار راسه يذيله=يمشي على ثنتين يامن تدله


مع تحيات ابو ماجد

منتديات مكشات 0 خيمة الالغاز

[ابوذيبان]

ياعود وش بلاك ما نمت؟؟ :p

لا يكون اللي فيني فيك :good2:

انا فيني خذ هالبيتن;)


اللغز مهما كان وافي حصيله=الليل يالغالي ترى الليل علة
يبدد المشتاق وفكره يزيله=وشلون لغزك ذا الشقاوي يحله
ياصاحبي قلبي خذت الجميلة=شعرٍ طبيعي ضافيٍ ماتفله
لا روج لا كحلة وشامة اصيلة=يعني الصناعي ماتدور محله
مربوعةٍ غضة ولاهي نحيلة=حبٍ غزا قلبي دخل واستحله

الله يستر ماتزود الابيات :p

[مقرنس الشيهان]

صح لسانك ابو ماجد وش قولك بالجربوع
او
اللي يودي حمولته ريوس تكرمون

[ابو ماجد 2]

ياعود وش بلاك ما نمت؟؟ :p

لا يكون اللي فيني فيك :good2:

انا فيني خذ هالبيتن;)


اللغز مهما كان وافي حصيله=الليل يالغالي ترى الليل علة
يبدد المشتاق وفكره يزيله=وشلون لغزك ذا الشقاوي يحله
ياصاحبي قلبي خذت الجميلة=شعرٍ طبيعي ضافيٍ ماتفله
لا روج لا كحلة وشامة اصيلة=يعني الصناعي ماتدور محله
مربوعةٍ غضة ولاهي نحيلة=حبٍ غزا قلبي دخل واستحله

الله يستر ماتزود الابيات :p



يامبدي شكوى لعودٍ تحيله=ماللهوى بالعود ياشيخ لله
ياصاحبي قلبي بيد الحليله=بيد التي قلبي تجله تجله
لكن قلبك ياصحيبي أخيله =في يد بنتٍ في عذابك تِدَلّه



تدله..تعبث فيه



ابو ذيبان العود ماتلقى عنده الاحباط

هههههههههههه
تراي عارف قصدك بالمرماع ولكن جيرناها لتصبح مزوح وعيارة شايب . تحملنا يالغالي

[ابو ماجد 2]

صح لسانك ابو ماجد وش قولك بالجربوع


او

اللي يودي حمولته ريوس تكرمون


هلا بك يابو محمد
صح بدنك يالغالي
ولياغدا راسه يذيله اقصد الحرف الاول يصبح اخير
والاثنين كائنين حيين
اقول هذا بسبب رمعه رهيبه ارسلها على الخاص ابو ذيبان ولكن الكائن الحي اتى اسمه على غير لهجتنا

[مكرم الضيف]

صح لسانك يابوماجد

والحل

سنور
ويصبح
نورس

[ابو ماجد 2]

صح لسانك يابوماجد



والحل


سنور
ويصبح

نورس


يامكرم الضيف كنت اتمنى ان تحل لي لغز والسبب ان لكل اسلوب ومتى مااندمجت مع اسلوب اي واحد تبدأ تسهل عندك معرفة مايريد
صح لسانك ملايين
وبيض الله وجهك
نعم
سنور 0 نورس
لله درك وبيض الله وجهك يالغالي
......
الزملاء الافاضل كانت رمعة ابو ذيبان وهي ماالمح لها بالابيات
جرو 0 روج
رمعه رهيبه فاقت لغزنا ماشاء الله عليه
ولكن عندنا مجرد ماتقول جرو يذهب الذهن الى الشمام

[ابوذيبان]

يامبدي شكوى لعودٍ تحيله=ماللهوى بالعود ياشيخ لله


ياصاحبي قلبي بيد الحليله=بيد التي قلبي تجله تجله
لكن قلبك ياصحيبي أخيله =في يد بنتٍ في عذابك تِدَلّه



تدله..تعبث فيه



ابو ذيبان العود ماتلقى عنده الاحباط


هههههههههههه
تراي عارف قصدك بالمرماع ولكن جيرناها لتصبح مزوح وعيارة شايب . تحملنا يالغالي



هههههههههههههههههه

كني اشوف قلبك كنه روضة التنهاة ههههههههههههه

التصريف وعدم لفت الانظار ما يفيد :p

هو صحيح الخوف مليح لكن التعبير عن مافي القلب املح :p

ياخوي نكتب في الملهمة ونجيرها للحليلة :p مايضر :p

سلامي للهيل اللي مقيدك في حياتك بفرق السن ومقيدك بالنت :D:good2:

حلو افتتاح الصباح على مداعبة مع كبار السن :p

عشت لنا يازعيم ;)

[ابوذيبان]

يامكرم الضيف كنت اتمنى ان تحل لي لغز والسبب ان لكل اسلوب ومتى مااندمجت مع اسلوب اي واحد تبدأ تسهل عندك معرفة مايريد

صح لسانك ملايين
وبيض الله وجهك
نعم
سنور 0 نورس
لله درك وبيض الله وجهك يالغالي
......
الزملاء الافاضل كانت رمعة ابو ذيبان وهي ماالمح لها بالابيات
جرو 0 روج
رمعه رهيبه فاقت لغزنا ماشاء الله عليه
ولكن عندنا مجرد ماتقول جرو يذهب الذهن الى الشمام



صح الله السانك يالزعيم

مايحتاج المليان مليان ولافيه كلام

سنور=نورس

والحمدلله اني رمعتي خطأ كان ابدا اخاف منك بجد :p

وصح الله السان المبدع ’ مكرم الضيف بليون*بليون

دمتم للابداع:good2:

[مكرم الضيف]

صح لسانك يابو ماجد مره أخرى وبارك الله بالجميع على مجهوداتهم وردودهم وجمعتهم وتعليقاتهم اللي تثلج الخاطر وتخلينا متعلقين بقسم الالغار والموروث الشعبي كله

ادام الله لكم السرور والفرحه بالدنيا والاخرة