احتاج شورة اهل الخبرة في سييرا 2012

[boeing747]

السلام عليكم ورحمة الله وبركاته
لوتكرمتم ياهل الخبرة عندي سييرا 2012 النوع 2500 اتش دي توني مشتريه
من يوم اخذته وهو قاسي على المطبات الصغيرة فمابالكم الكبيرة احس راسي بيضرب في السقف طبعا هذا والسيارة من غير حموله يعني غير مريح في السواقة
نصحني احد الزملاء بتنسيم المفرات الى 45 لاكن بدون جدوى خفت على الكفرات ونفختها للضغط الطبيعي 60 امامي و70 خلفي
بعدها قلي واحد في طريقة قطع جلدة جانب المساعد الامامي بالموس مع فازلين
والخلفي ينقلبوتنحط سبيسر لاكن ماعجبتني فكرة القطع شي يخوف مع انه متخصص ميكانيكا سيارات وعندة نفس السيارة
ابي شورتكم ياخوان هل يوجد طريقة امنه لحل تلك المشكله ام لا وجزاكم الله خيرا
اخوكم ابوالبراء

[الكلاسك]

الظغط هااائل وش اللي 60 و 70 !!!!!!! تريله هو ؟؟؟
وش اللي فازلين وعدل جلد والسياره وكاله؟؟؟ فيها مشق السياره؟؟؟

يا عمي الكتلوج مكتوب فيه الضغط المناسب واعتقد انه 40 مناسب .

[][][زلفاوي][][]

:D

حياك الله اخوي..

الموتر HD فاعتقد ان هذا شيء طبيعي فيه..
غير كذا وانا اخوك الكفرات هواء جداً عالي وما يسوي كذا الا راعين المقاومات لذلك انصحك تنزل هواء الكفرات الى 30 او 35..
اضف الى ذلك الكفرات يمكن هي تكون قاسية .. لو تستبدلها عن طريق المحلات بنوعيات اخرى الين شوي..
ونصيحة لك خل عنك تقطيع وفازلين وهالكلام اللي مهوب يم سنع.. والله يوفقنا واياك والله يطعمك خيره ويكفيك شره..

[boeing747]

الله يجزاكم بالخير بس احس ان القساوة من المساعدات اكثر من الكفرات

[boeing747]

حاولت انسمه مرة الى ال ٤٥ طلعتلي لبة ضغط الكفرات اذا بتقولو واجد كيف يطلع هذا التنبيه

[أصيل حجآ زي]

يأخي الكريم / أبو البراء


غريبة من وين جبت الضغط 60 / 70 ؟؟؟؟؟؟؟


تحصل على الكفر وعلى
لازآق بحلق البآب
وبكــُتيب الخدمة / دليل المآلك .
الضغط الصحيح للكفر .


وأكيد زي ما تفضل الاخ / كلاسك والأخوآن الكرآم .
الضغط في الغآلب
ما يتعدى 45 للسيآرآت العآدية مثل سيآرتي وسيآرتك .


الشيء الأخر :
في بعض الكفرآت { الأطآرآت} خآصة
بالطـُـرق التُرآبية تــُسمى { أو رود Off Road }
هذي تجي أضن على الطلبية أو أذا غشك بها أحد .
هذي للطُرق الترُآبية الوعرة فقط ما تصلح للطُرق المُعبدة بالزفت .

[sgl2002]

أعلى ضغط مايتعدى 45 بالكثييير

ذكرتني بواحد اشترى ددسن ثم جاء يسولف علي يقول ياخي مطبها شين وكسرت ظهري

ويوم سقتها الا وضغط الهواء 50 ن لانها كانت واقفة بمعرض ونفخوها 50 عشان ماتحبل الكفرات

نسمنا الكفرات والحين توب التوب

[ريان2002]

حاولت انسمه مرة الى ال ٤٥ طلعتلي لبة ضغط الكفرات اذا بتقولو واجد كيف يطلع هذا التنبيه

اللمبة اللي طلعت سلمك الله من برمجة حساسات الكفرات
بمعنى لو نفخت الكفرات إلى 100 مثلاً وأعدت البرمجة ثم بعد ذلك نسمت الكفرات إلى 60 أو 50 مثلاً أكيد حتولع اللمبه وتقولك ضغط الكفر منخفض
والأخوان ماقصروا بيض الله وجيههم جميعاً

[ابوو عبدالله]

اخوي ابو البراء الله يطعمك من خيره ويكفيك شره

والاخوان ما قصرو
لكن ابقولك ترى الهوى يهين الموتر
وال60 تحط للتريله الله يجزاك خير
جرب نسم الكفرات وحطها 30 وشف
والله يوفقنا واياك

[بدوي جنوبي]

اخى سيارتك أتش دي HD
أختصار لكلمة هافي ديوتي Have Duty‏
مخصصة للأستخدام الشاق

[boeing747]

مشكورين ياخوان للمعلوميه استلمت السيارة قبل ٣ اسابيع ويوم نسمت الكفرات لقيت الضغط الاول٨٠ والحين نسمتهم لين ال ٣٨ والحمد لله خف شوي بس لازال المساعدات قاسيه جدا وشكرا للجميع

[العنقري]

ضع الهواء 25

[أبو هشام راشد]

لا زالت السيارة تحت التمرين ويمكن متعود على سيارة صغيرة

جعلها الله مباركة لك ويحفظك

[NOYEB]

الوانيتات بصورة عامة قاسية ومطبها قوي لانها سيارات تحميل وشحن للبضائع.
موفق

[boeing747]

في ناس قالولي غير المساعدات لمنرول والسيارة حتلين ويش رايكم؟

[أصيل حجآ زي]

يأخي الكريم / أبو البراء



سيآرتك جديدة ما تحتآج مــُسآعدآت ولا أي شيء .


وزي ما تفضل وقآل لك المـُهندس / بدوي جنوبي


مثل عرآويك هذا الامريكي مـُخصص للطــُرق الوعرة .


وفقط بتخسر نفسك من غير فآيدة .


أذا تبي تمرّح في سفينة هوآئية خــُذ لك سيآرة
رُكآب صغيرة مثل الأزارا Azera هوندآي وريح نفسك .

[بدوي جنوبي]

والله يبو عبدالرحمن أنا أستغرب من اللي يقول غير مساعدات
المساعدات اللى في السيارة جديده ومخصصة للسياره بمقاييس ووزن معين .

[boeing747]

ابشركم شلت اخر ريشة من اليايات الاكبر حجما ولانت السيارة لنسبه ٥٠% وان شاء الله الباقي بنلاقيله حل من شوراتكم الحلوة ومشكورين على المشاركه

[شل سوبر]

شاري جمس 2500 ... وتبيه مثل الصغيره .... عجيب امرك .

[مافيه]

ابوي من وين جايب الضغط 60 و 70

الله يرحم والديك ارحم الكفر و الموتر وراكب الموتر

وانا اخوك الضغط الطبيعي و المنصوح به 45 تقريبا لاكن عندك الاماكن الحاره مثل نجد المتفرض ماتحط اكثر من 35 خصوصا في الخطوط ووقت التحميل 45 ممتازه واذا كانت الحموله زايده 50 ولاتزود عليها

عن نفسي حاط في موتري 25 واسافر عليه بدون اي مشاكل مع العلم انه معي شاص وهو مطبه اقشر من موترك بواجد

[sami272]

عزيزي ضغط هواء الكفرات المنصوح به غالبا تجده مكتوب على حافة باب السواق اطلع عليه لترى التوصيات و شكرا

[abo-mamdoh]

انا معي سييرا 2012 HD غمارتين ونفس مشكلتك ، اول ما طلعته من الجميح لقيت ضغط الهواء 70
ومكتوب على الباب الخلفي 70 والامامي 60 ، انا نزلت الضغط الى 40 وولعت لمبة افحص الاطارات
وان شاء الله ناوي اروح الوكالة واستشيرهم بهالموضوع .

[boeing747]

مشكورين على المشاركات المفيدة ابشركم نزلت الضغط لين 35 والموتر لان شوي وايضا. وشلت اخر ريش واكبرها من الييايات بعد شوره رجال شرواكم

[abo shagran]

معليش ي اخوان ياللي تقولون ضغط الهواء 70 خلفي 60 امامي من وين جابها ,,
جابها من الكتلوج ومن اللي مكتوب على الباب ..]

بالنسبة لي انا للحين اشتكي من المطب لكن مو مثل اول .. ركب له كفرات بالون وخليت الهواء 27

[عبقري91]

يراسي اذا جديد خله 30 بعد لين يلين الكفر وتصير فيه مرونه وبعدها خله 40 او 35

[THE KILLER]

ياخوي مفروض ما تلعب بالموتر ولا تنزل ريش لن هاذا حجم 2500 كذا هذا حق هيفي ديووتي

مساعداات قووية تتحمل مطباااتت وحفرر وكل شيء مو مثل بعض السياراات
هذا يعني ماشاء الله واحسن شيء انه قاااسي عادي ياخي مافيها شيء هذا الامريكي الهيف ديوتي كذااا
والوانيتات بشكل عام
ونسم ضغط الكفرااات 35 افضل شيء او 40
ولا تشيل لا ريش ولا يايات ولا مساعدات خليه شد بلد افضل لك

2500 احسن من 1500 بمليون مرة
من ناحية الدفرنس والقير والمكينة التورك عالي هيفي ديوتي بشكل عام

مفروض ما تنزل ريش ياخي خليه شد بلللد ياعمي سيبك من الي يقولك والي يقولك هذا الشركة حطت ريشة زايدة او شي زي كذا ,, تجي انت وتشيلها هههههه اسمحلي ,,

حيااك الله ياخوووي ^^

[تساهيل1]

هههههههه

هههههه
ههههه

انا ضحكني الهواء ههههه 70 و 60
هذا اخبره يحطونه الناس اذا بغو يحملون اسمنت او شعير او بلك ومايتعدون 60 بعد

وين رايح ياطيبب انت ؟

كان معي كابرس صابونه ثم ابيكا لو يتإدي الهواء 25 صارت السياره تقل شاصي مهب سيدان مناقز وتكسير بالاذرعه

الهواء من 25 الى 30 كحد اقصى

انت ذكرتني راعي الفكسار اللي منشبه لحد بطنه يوم جوه يساعدونه لقو الكفرات 50 قالو بنسم الهوا فل الفل
بغي يذبحهم يقول هذا هوا الوكاله بالموت اقنعوه
ههههههههه