استفسار : أي نوع من الدبات أفضل ؟

[لاند 2003]

السلام عليكم ورحمة الله وبركاته
مساكم الله بالخير جميعاً

أنا ناوي ان شاء الله اشتري دبة غاز فحبيت استفسر من أهل الخبرة عن أفضل الدبات الموجودة في السوق وأفضل راس للدافور ؟ واي المحلات تبيعها في الرياض ؟ :D

الصيني
الهندي
الباكستاني
واذا فيه نوع ثاني ليت احد يفيدنا ، لأن الايطالي حسب علمي انه قليل في السوق :D

الله لا يحرمه الأجر من يرد على موضوعي ...:good2:

[ريان2002]

وعليكم السلام ورحمة الله وبركاته
أولاً أنا عتبان عليك مسجل قديم ومقاطعنا ؟؟
ثانياً بناء على تحديدك فالأفضل من وجهة نظري بريموس الهندي ولكن بتلقى البريموس السويدي الأصلي بالنسبة للدبات في محلات الرحلات عندكم في الرياض أما الروؤس فالهندي ممتاز ومتوفر في محلات الرحلات ومحلات الأواني المنزلية مثل بادحمان وهو وكيل بريموس ولكن لا أعلم هل ستجد الرأس السويدي أم لا
هذا مالدي وبإذن الله بقية الأخوان ماهم مقصرين فالخبراء هنا كثير ولله الحمد
ولا تنسانا من دعواتك بارك الله فيك

[لاند 2003]

الله يجزاك خير اخوي ريان 2002وابشر بسعدك يابعدي :good2:
انا والله من المتابعين لمكشات يومياً بس الغالب اني زائر فقط :j
بس البريموس الأصلي في أي المحلات موجود ممكن برق الحيا مثلاً...
وما أدري عن بقية الصناعات ؟
دمت بود...

[المستعين بالله]

السلام عليكم
ان كان استعمالك للدوافير بكثرة خذ سبعة او عشرة رطل ثنتين والراس البريموس الهندي ممتاز بخمس وخمسين عند الفراسة
ومن ناحية الدبات الهندية والايطالية متوفرة وسعرها مناسب

[أبو عقيل النجدي]

أفضل نوع سواء كان من القديم أو الجديد هو الإيطالي والكثير يفضله على البريموس السويدي

[فيصل الغازي]

السلام عليكم أفضل دبة غاز عندك :
الأول : السويدي تقدر تحصلة عند محل البرية
الثاني : الإيطالي Eurocamping عند اغلب المحلات مثل برق الحيا الكشاتة البرية وغيرها من المحلات او تحصلها عند الوكيل شركة عبدالله اليابس في شارع السبلة
الثالث : الهندي
الرابع : الباكستاني
الخامس: الصيني ماانصحك تأخذ الصيني ولا تفكر فيه ابعد عنه مشاكلة كثيره وخطير مع الوقت يهرب غاز من الدبة يعني شغل مشي حالك

أما بالنسبة لأفضل راس دافور خذلك الإيطالي أو البريموس اللي موجود حاليا في السوق البريموس الهندي مافيه سويدي .

[أبوسعد111]

أخوي سلمك الله
خذلك دبة إيطاليه لان سعرها جداً مناسب وصناعتها ممتازة
والحجم حدده على حسب إستخدامك
والرأس إما بريموس أو هندي
وأنصحك ابعد عن الدبات الصينية لانها تهرب غاز
:f
هذا مالدي
دمت بحفظ الرحمن

[adnanmgh]

الايطالي ثم الهندي

موفق

[السلسبيل 722]

هلا وغلا اخوي الكريم

من وجه نظري
عليك بالايطالي
اسعار مناسبه جدا
وعملي جداااا

وموجود في أغلب محلات الكشاته

هذا ما لدي
الله يوفقك .. وتحصل مبتغاك

تحياتي لك

.

[الدهريز]

وعليكم السلام حياك الله اخي العزيز
نصيحتي لك اذا كنت لاترغب بالمواقد الشنطة .. بالنسبة للدبة خذلك دبتين بريموس الهندية او ( PKL الهندية ) جودة وسعر مناسب تكون واحدة للطبخ والاخرى للقهوة والشاهي وافضل مقاس 5 رطل مناسبة جداً
بالنسبة للرأس خذلك رأس ايطالي مرهم من محل البرية جداً عملي وهذه بعض الصور

http://img197.imageshack.us/img197/9828/imageiyw.jpg
http://img46.imageshack.us/img46/7371/imageynj.jpg
http://img40.imageshack.us/img40/6770/imagemwq.jpg


واي استفسار او خدمة فأنا حاضر ...

[ابو زياد 90]

وعليكم السلام

الايطالي جودة وسعر مناسب وفيه جميع الاحجام

والراس خذلك ايطالي لك ولزمن

هذا من وجهة نظري

مودتي لك ,,,

[لاند 2003]

الشكر الجزيل لكل من رد على موضوعي :good2:

طيب يا اخوان الدبة الايطالية هي نفس الصورة هذه
http://www.mekshat.com/pix/upload05/images234/mk220052_dsc00503.jpg

ياليت احد يزودني بصورة للدبة الصينية :D:D

بعدين يا اخوان سبب شراء دبة جديدة هو ان عندي دبة سنة خارجية تورطت في تعبئتها ما ادري هل لها وصلة تغيرها الى سنة داخلية ؟ وين تباع بالظبط ؟ ارجو تحديد محل يبيع هالسنة او لي تعبئة خاص فيها ...
معليش كثرت عليكم الكلام بس تحملوني :heart::heart:

[الرحال2222]

بريموس سويدي او يوروكامبنق الايطالي

وغيرها انحش انت وحظك ممكن تطيح بطيب او شين يعني انت وحظك

[ابوعبدالله البدراني]

عليك بالدبه يوروكامبنج الايطالي من واقع تجربه لسنوات طويله

[ابو طلال .]

عليك بالايطالي


ولي التعبئه للسنه الخارجيه تلاقيه في محلات الرحلات والا بالديره سوق الزل

[ابو زياد 90]

الشكر الجزيل لكل من رد على موضوعي :good2:

طيب يا اخوان الدبة الايطالية هي نفس الصورة هذه
http://www.mekshat.com/pix/upload05/images234/mk220052_dsc00503.jpg

ياليت احد يزودني بصورة للدبة الصينية :D:D

بعدين يا اخوان سبب شراء دبة جديدة هو ان عندي دبة سنة خارجية تورطت في تعبئتها ما ادري هل لها وصلة تغيرها الى سنة داخلية ؟ وين تباع بالظبط ؟ ارجو تحديد محل يبيع هالسنة او لي تعبئة خاص فيها ...
معليش كثرت عليكم الكلام بس تحملوني :heart::heart:

نعم هذي دبة ايطاليه ومن افضل الدبات :)

وبخصوص السنة الخارجية تحصل عند اكثر محلات الرحلات محول سنه داخليه
او وصلة داخليه

شوف عندك بالرياض الكشاته وبرق حيا والبرية

وتحياتي لك ,,,

[ابوفهيدان]

بريموس سويدي او يوروكامبنق الايطالي

وغيرها انحش انت وحظك ممكن تطيح بطيب او شين يعني انت وحظك

:good2::good2::good2: كلام مضبوووط
وركز علي السويدي تدري ليش ؟؟؟ لانه متوفر وبكرا بينقرض ويبقا الايطالي والهندي والصيني
وسعر السويدي حاليا منااااااسب 100 ريال

[ابو سيـف]

أخوي سلمك الله

خذلك دبة إيطاليه لان سعرها جداً مناسب وصناعتها ممتازة
والحجم حدده على حسب إستخدامك
والرأس إما بريموس أو هندي
وأنصحك ابعد عن الدبات الصينية لانها تهرب غاز
:f
هذا مالدي

دمت بحفظ الرحمن





هلا وغلا اخوي الكريم


من وجه نظري
عليك بالايطالي
اسعار مناسبه جدا
وعملي جداااا

وموجود في أغلب محلات الكشاته

هذا ما لدي
الله يوفقك .. وتحصل مبتغاك

تحياتي لك


.




وعليكم السلام

الايطالي جودة وسعر مناسب وفيه جميع الاحجام

والراس خذلك ايطالي لك ولزمن

هذا من وجهة نظري

مودتي لك ,,,


بريموس سويدي او يوروكامبنق الايطالي

وغيرها انحش انت وحظك ممكن تطيح بطيب او شين يعني انت وحظك




عليك بالدبه يوروكامبنج الايطالي من واقع تجربه لسنوات طويله



اهلين اخي الكريم
الاخوان افادوك وماقصرو
من وجهة نظري
عليك بالبريموس
وإذا ما حصل عليك بالايطالي
تراه ممتاز وسعر مناسب
تقبل تحياتي