توزيع الهواء في اليوكن

[حسين ابوسليم]

الاخوة / اعضاء منتديات مكشات ....
عندي مشكلة في سيارتي يوكن 2001 ولا عرفت حلها ... وللمعلومية انا من زوار الموقع من اكثر من سنتين ، بس للأسف ما قدرت اكتشف حل مشكلتي ..
الأولى : مشكلة امبير البنزين مرات تحصله على النص ، ومرات فاضي ، ولا يعطي قراءات صحيحة سواء كانت السيارة فاضية او مفللة ..

المشكلة الثانية : هواء المكيف يطلع من فوق الطبلون ، تحت القزاز الأمامي ، حاولت اغير مفاتيح تغيير توزيع الهواء ولا نفع ؟؟؟:r
اتمنى من الاخوة أهل الخبرة افادتنا ... وياليت لو في صور ...

[عبقري91]

بنسبه للبانزين هذي عندك العوامه خربانه اذا كنت تمشي وجيت مطاب تقعد تنزل وتطلع اكيد هي ومرات يخرب الامبير نفسه بس نادر الا من ٢٠٠٣وفوق هذا عيبه الامبيرات دايم تخرب وفيه موضوع لاحد الاخوان عن العوامه شرح جميل ومفصل عنها بصور
ا

[عبقري91]

بنسبه للموزع المكيف افصل اصبع البطاريه والصباح اشبكه ان شا الله تظبط وحتا العوامه يمكن بعد الفصل تزبط
واذا الموزع مازان تجي فوق دعست البانزين مجرا بس فوق بشوي بلستيكه شبه دائريه مسننه لها مجرا هذا هو موزع الهوا بس ورا المجرا فيه سلك اسود وبراسه فيش اسود حاول تفصله اذا ترجع معك المشكله كل شوي
بس قبل تزان الهوا شغل المروحه علا الاخر وانت قاعد توزن لين يجي الهوا علا الوجه ووقف وبس سلمك الله
وحبيت اظيف هل الهوايه تسكر او لا لان لو كانت دايم فاتحه وانت واقف رايح يطلع الهوا علا برا ويضعف نصف التبريد
اتمنا افتك

[حسين ابوسليم]

الاخ / عبقري 91 ،،، أولاً لك مني كامل التحية والشكر ، اليوم ان شاء الله ابشوف فصل البطارية لأنها فعلاً يوم تغير موزع الهواء كنت فاصل البطارية لتغييرها ويوم ركبت البطارية الجديدة صار الهواء يجي من فوق الطبلون ، أو امبير البنزين فهو شبه ثابت ما يتغير الا من ساعة او اكثر مرات ينزل ومرات يطلع طول الخط ، وحاولت اني اتابع حركة الامبير على خط القصيم فللت من أول الرياض ، والامبير ثابت على الربع وبعد حول الساعة ارتفع على النص الين وصلت بريدة ...
على العموم مشكور اخوي ، ماقصرت ، الله يجزاك الخير على هالمعلومات الطيبة
;)

[يالبى الهلا]

الموضوع باختصار عندك البوابه الخاصه بتوزيع الهواء عطلانه او تحتاج الى اصلاح ولن تجد من يصلحها لان ماعندك احد ؟
عندنا الفني ليس محترف واذا وجدت المحترف ماهو فاضي يصلح لك ؟
الشغله عندك حساس عند الدرج افتح الدرج وتحصله حاول تقفله قفل يدوي او تشده بسيم صغير وتربطه حتي لايفتح اتمنى اني افتدتك ولاخوان ماقصروا كل يدلي برايه?
×

[حسين ابوسليم]

مشكور اخوي : يالبى الهلا ... واتمنى للجميع التوفيق ، كما اتمنى ان طرح هالموضوع يفيد باقي ملاك اليوكن مثل ما استفدت انا .... ومو غلط ان كل يدلي برأيه لأن الموديلات تختلف ، واللي ما نحصله في مشاركة نحصله في غيرها ... وهذي فايدة المنتدى ...
:l:l:l

[حسين ابوسليم]

الاخوة اعضاء المنتدى ... المحترمين
بعد قراءة الإفادات الواردة من الاخوة اعلاه ، تبين لي أن قفل موزع الهواء موجود فعلاً تحت الدركسون في مكان صعب جداً على الهاوي ،، يعني في الغالب يحتاجلك متخصص علشان يفك هالقطعة ولكن حبيت اشكر كل من شارك وأفادنا بمعلوماته ، كما حبيت أن اذكر هذا الموضوع لعل احد يحتاج هذي المعلومة او يستفيد منها وللعلم موتري يوكن 2001 SLT 4×4 أمريكي ..

[يالبى الهلا]

ممكن اختلاف الموديل والمنشا عكس قفل موزع الهواء ولللللللللللللللللكن ان متاكد من موقع الموزع بالسعودي وصار هالشى لي وتم اصلاحه عن طريق تعطيله بواسطة سيم صغير ؟

[حسين ابوسليم]

مشكور اخوي / يالبى الهلا .... انا فعلا اقدر معلوماتك وانا متأكد ان كلامك صحيح ، لأنه حصل مع زميل معه يوكن 2001 يقول انه امريكي وكان شكل دينمو الدبل مختلف عنده عن شكل الدينمو في موتري .. تصديق لكلامك .. واتمنى من جميع الاخوة اعضاء المنتدى المساهمة بمعلوماتهم وخبراته حتى يستفيد الجميع ..
:l:l:l

[عبقري91]

ارسلي رقمك اذا انت برياض وراح اواجهك واحل المشكله حقة موزع الهو متاخذ دقيقه وما ابي غير الدعا
وحنا بخدمت الناس والطيب بطيبين ما يغدي

[عبقري91]

لك رساله على الخاص فيها الرقم

[حسين ابوسليم]

عجزت في امبير البنزين ... بس معلومة ممكن تساعد في تحديد المشكلة ... الأمبير ما يتحرك مع المطبات او مع تشغيل السيارة .. تحسه مزاجي ، مرات يطلع النص ، ومرات يجي الربع ولا له وقت أو مرحلة ...
يعني سواء السيارة مفللة أو فاضية مرات يكون واقف على النص ، ومرات ياقف على الربع ..حاولت اني افصل البطارية لمدة يوم كامل ... مع العلم ان الأمبير يقلب على الفل يوم نفصل البطارية ، ولكن بدون فايدة ،،، اذا شبكت البطارية يرجع للنص أو للربع ولا عاد يتغير الا كل ساعة او كل يوم ما أدري على أي اساس يقيس..

[الجزوم]

الاخ عبقري 91
عندي يوكن موديل 2002 امريكي
وفتحت الدرج ولم اجد اي شي ممكن ربطه
ويبدو ان الموزع مكانه ورى الثلاجه مما يحتاج فك الطبلون
ويا ليت اذا ممكن تحط صورة واضحه لما تقصد لاستدل على المكان ويستفيد من لدية نفس المشكله
وهي عدم التجكم في دخول الهواء من الخارج
ولك وافر التحية

[ابوعمر1434]

السلام عليكم
انا عندي نفس المشكله معي سيارة تاهو 2009 موزع الهواء لايعمل بالاضافة الا الهواء الخارجي لايمكن اغلاقه لان الزر اضغط عليه ويعمل ولاكن الهواء لايتوقف

[ابوعمرomar]

السلام عليكمورحمة الله وبركاته نفس المشكلة عندي سوبربان شفر الهواية اول كانت تفتح وتسكرمع صوت وزيزلها فصلنا البطارية نبيها تتبرمج ماتغير شي في الاخير بقيت فاتحة على طول ماتسكر نبي حل سريع لها اواحد ينزل صور يفيدنا بحل المشكلة ولكم خالص التقدير