تسجيل الدخول

مشاهدة النسخة كاملة : الدلفين (الدقس) ....هل هو خطر؟


كبير النواخذه
11/04/2006, 11:44 AM
كثيرا ما نغاوص (غوص حر) في اماكن متفرقه..فيظهر لنا الدلفين او (الدقس) كما يسمى عندنا في قطر

فيبدا المسلسل في اختلاف الراي بين الشباب في ان هذه السمكه خطره او لا .. وفي النهايه ننسحب من المكان احتياطا..

وكلنا نعلم ان حجم هذه السمكه بحجم الانسان تقريبا +/- ..


سؤالي
فهل هذه السمكه خطره فعلا وهل تهاجم الانسان او هناك امكانيه ان تؤذيه ...؟؟؟
my shark
11/04/2006, 11:49 AM
السلام عليكم ورحمة الله

اللي أعرفه أنا أن الدلفين مسالم مايسوي شي بس يمكن لو قرب منكم يكون يمزح معاكم لأن طبعه مرح
أنا بالنسب لي قرب مني دلفين وكنت خايف حدي....
لكن قالي عمي لا تتحرك وماراح يسوي شي .....وهذا اللي صار ماتحركت وماصار شي....


ذهدا اللي أعرف أنا وإنشاءالله باقي الشباب الخبرة يفيدوك في هذا الشي....
امير البحر
11/04/2006, 12:26 PM
ايوة كذا مرة نقابل سرب من الدلافين في البحر ومايسوون شي
بالعكس الدلفين كائن ذكي جدا ويعرف يميز مختلف الكائنات الحية ,,,, انا اعتقد انه يعرف حتى ان الانسان اثناء الغوص هو كائن دخيل على البحر
بو راشـد
11/04/2006, 01:05 PM
السلام عليكم ورحمة الله وبركاته
لا والله ياخوي مثل ماقلوا الأخوان أهو كائن مسالم ومرح بس فيه سلبيه وحدة أنه إذا كان عندك قراقير (أحيز) يقوم بتقليبه لكي يخرج السمك منهم ويأكلهم وبتالي يروح عليك السمج ويروح عليك القرقور لأنه تغير مكانه وبضيعه.
كبير النواخذه
12/04/2006, 10:03 AM
my shark شاكر لك المرور والتعليق
امير البحر اشكرك
بو راشـد..بحر انت يابوراشد.. بحر من المعرفه والخبره البحريه ..اقول انك نوخذه

انا الصراحه اطلعوا لي دلافين اكثر من مره ..بس من كبر حجمه ايخليك غصب تنسحب ..اتخاف ايفكر الاخ يلعب معاك لعبه انت منت ابقدها
النوخذة
13/04/2006, 09:27 PM
السلام عليكم ورحمة الله وبركاته
ودي اضيف معلومة للشباب
الدلفين يختلف اختلاف كلي عن الدقس
والدغس ينتمي للحيتان صغيرة الحجم
وفيه موضوع قام بطرحة احد الشباب لكن مااتذكر عنوان الموضوع
بااحاول قد مااقدر اني اجيب صورته واللينك للموضوع
عموما الكائنين مسالمين
majdimata
21/04/2006, 12:58 AM
الدلفين سمكة مسالمة ومفيدة جدا خصوصا للي تصادفة وهو قاعد يصيد في الاماكن الساحلية . الدلفين لما يعرف ان في انسان على الشاطئ يقوم بدفع جميع الاسماك بإتجاه الشاطئ لمصلحة الانسان لصيدها ومن ثم يستمتع بطبيعته المرحة باخذ القليل منها .
كبير النواخذه
23/04/2006, 10:12 AM
اخوي النوخذة..شاكر لك المرور والتعليق ..وننتظر الرابط الي ذكرته
اخوي majdimata شاكرلك المرور الكريم
بن عيدان
27/04/2006, 02:06 PM
نعم اخوي كبير النواخذه اشكرك على سؤالك وانا اشجعك واشجع الاخوان على الاسئله لانها مش عيب العيب اللي مايعرف ويسكت ، طبعا كلنا نعرف الدلافين هي دلافين بالاصح وليست دقوس لانها من فصيله الدلافين ولايوجد شي اسمه دقس ، اما بلنسبه الاانها خطره ول لا من وجهة نظري انها خطره ولاانصح بالسباحه حولها لانها غير مدربه مثل مانراه في التلفاز فهي حيوان متوحش وممكن اذا ضايقته ان يضربك بذيله وقد تكون الضربه خطره لذلك لاانصح بالغوص في الاماكن المشهوره بالدلافين وانا اخوك . واشكرك مره ثانيه على السؤال وانا في الخدمه
أبو منذر
28/04/2006, 10:35 AM
نعم اخوي كبير النواخذه اشكرك على سؤالك وانا اشجعك واشجع الاخوان على الاسئله لانها مش عيب العيب اللي مايعرف ويسكت ، طبعا كلنا نعرف الدلافين هي دلافين بالاصح وليست دقوس لانها من فصيله الدلافين ولايوجد شي اسمه دقس ، اما بلنسبه الاانها خطره ول لا من وجهة نظري انها خطره ولاانصح بالسباحه حولها لانها غير مدربه مثل مانراه في التلفاز فهي حيوان متوحش وممكن اذا ضايقته ان يضربك بذيله وقد تكون الضربه خطره لذلك لاانصح بالغوص في الاماكن المشهوره بالدلافين وانا اخوك . واشكرك مره ثانيه على السؤال وانا في الخدمه السلام عليكم أنا أيد أخوي بن عيدان وكل واحد ينتبة على نفسة :j
كبير النواخذه
29/04/2006, 02:45 PM
بن عيدان
أبو منذر

شاكر لكم المرور والتعليق
النوخذة
12/05/2006, 03:40 AM
اخوي كبير النواخذة



للأسف حاولت ايجاد الرابط لكن ماطحت عليه



بس اني جبت لك صور من منتدى ثاني ممكن تبين شكل الدقس





http://www.mekshat.com/pix/upload/images17/mk5291_fiish7.jpg





http://www.mekshat.com/pix/upload/images17/mk5291_fiish8.jpg



للأسف الصور كانت قليلة وبعيدة شوي لكنها تبين الفرق بين الدلفين والدقس
بو راشـد
12/05/2006, 07:41 PM
السلام عليكم ورحمة الله وبركاته
هذي يا خوي نسميه (بقره الصيد) والدقس هو من الدلافين والله أعلم.
ولقد رأيت أنا شخصيا شكل (الدقس) ولاكن ربما المسميات تختلف.
وشكرا لبحثك وجزاك الله خير..............................
الحجاج117
18/06/2006, 01:50 PM
هذي أول مشاركه لي لكن حبيت اوضح حق اخوي النوخذه بس شي واحد عن عرض صورة الدغس عفوا هذي السمكه تسمى بقرة البحر او الصيد
وأبي اضيف معلومه عن جميع الأسماك وبالذات اليريورإذا الإنسان إعتدى على اليريور فإنه قد يهاجمه وحتى الدلفين وتصورحتى الهامور يهاجم إذا ضايقه الإنسان ولكن
إضافه الى ان الدلفين لايهاجم وهذا الشي يوميا نشاهده ويمر بالقرب منا ولكن لاتعتدي عليه

مع تحيات أخوكم الحجاج117 هاوي المغاوص لصيد السبيطي والهوامير بشمال دولة قطر