النادر اللي راح من شوف عيني,,,,,,,,,,,,,ذراع الذيب

[ذراع الذيب]

السلام عليكم ورحمة الله وبركاته,,

اسعد الله صباحكم\ ومسائكم جميعا مشرفين واعضاء وزوار منتدى مكشات..
كيف حالكم عساكم طيبين كلنـ بأسمه هذي سالفه سبق وان طرحتها بخيمة مكشات واستراحة صقار العام الماضي

واليوم حبيت اذكرها للجميع واتمنا ان تصل لمستوى سواليفكم الطيبه والجزله..


من كم سنه مضت لفى بديارنا قرناس ابيض بمنطقه عندنا قليل تلقى فيها طواريح..
ونادراً يقنصونها..
المهم لفى هالنادر بهالمنطقه وماحد درى عنه غير(الفلانيه) وحاولوه لمدة 12 يوم..
ومالله كتبه لهم الله يعوضهم بأطيب منه
وتظاريس هالمنطقه صعبه وتكثر فيها الجبال..


لاكن فيها اراضي سهله يقدر الطاروح يحاول فيها لاجذب الطير يمها..


وانتشر خبر هالقرناس وصارت المنطقه تقول بمجيرمه:) ولمدة اسبوع وهي تعج بالقنوص..


ولاحس ولاخبر وماعاد شيف هالقرناس وملّو الطواريح من هالمنطقه..
واتركوها وانا مافارقت هالديره كلي امل اني راح احصله..


وكل صبح ومسا وانا قانصها وخوياني بالساحل افقدوني والارسال بهالديره..
مايصل ولاينسمع وقابلتهم بالساحل مره وقالو وينك مختفى..
اكيد عندك بلى(يعني عندك طير تحاوله:)) وعلمتهم بهاك الديره وقنصناها..
سوى كم مره في الايام اللي مضت لاكن هم من الناس اللي اقنعو منها :) قلت لهم القرناس خابرينه ان شالله ابي احصله..
قالو وينك ياذراع الذيب الطير راح عن الديره من وقت المهم حنا بأقفاية اكتوبر واخر اسبوع..
من اجازتي واخذت الوالد الله يحفظه قنصنا سوى وهي اخر الايام اللي قنصتها..


وجيت لذيك الديار بعد الظهر ووصلت حراويها اللي تشرح النفس..


وحطيت الردار على الطبلون(القطاه) وانصح كل طاروح بهالطريقه تكشف لك السما..
وتكشف لك الحوم اللي مانت بشايفه لولا الله وثم هالقطاه..
وجيت مدرهم وكل شوي وانظر للقطاه والاهذيك النظره اللي من القطاه اللي شعفتني..
ولبدت بعدها على الطبلون تقول كروان وقامت تنظر يم ضلع اتجاهه..
غرب عني تنظر فيه بأتجاه قزاز المعاوني بالسياره وابترم بالجيب ..
والضلع ظله عصر(الفيه) فيته عصريه وقلت في بالي اكيد فيه وقع بالضلع(طير موقع) اربش هالقطاه..
استغربت من خوف هالقطاه من هالوقع والضلع ماهوب قريب وادرجها يم الضلع..
وادربل وعين الشمس بالدربيل وماعاد اشوفه زين..
واطالع بالقطاه وتتحرمس بالطبلون وكنها تبي تدفن نفسها بالتراب وتصيبني ربشه..
وكن الطير متجه يمنا وكنه طار من الضلع وانزل من السياره من الربشه..


ماعاد ادري وش السواه ولاحضات وتقلب القطاه براسها فوق الموتر..
وانظر يم شوفها والاهاك القرنااااااااااااااااااااااااالابيض ااااااااااااااااااااااااااااااس..



ياجماعة الخير انا سرحت ورحت في عالم ثاني واعد دقوق نحره ارتفاعه مرمى شوزن..
ويسبح بجنحانه وينظر يمنا خلاص ماعاد ادري انا في حلم ولا في علم...


لاحظات وكني فقت من الحلم وانا اقول في نفسي وش فيك ياذراع الذيب..
الحق الطير واحذف له تناولت السمانه مشبكه وجاهزه..


وانظر لاتجاه الطير دور دور ياولد وين راح كنه اختفى من الوجود سبحان الله العظيم..
ماكن فيه طير مر من عندنا وادور في حراويه لاكن خلاص اذا فات الفوت ماعاد ينفع الصوت..


اعطاني فرصه لاحذف له لاكنها فاتت تبون وصفه يارياجيل نحره مع راسه تقول غمامه,,
يعلم علي الله دقوقه اعدها عد لون ظهره مع شمس العصر يلمع تقول ذهب يعلم علي الله ,,
(النادر اللي راح من شوف عيني)
قالي ابوي لوكان من نصيبنا وكاتبه الله كان مهدناه واّمنت بالله..
والله يجيب النادر بالسنين الجايه وعزالله ياضفته عندي تسوى دراهمه وان شالله يكون حلاياه مثل هالزين
http://www6.0zz0.com/2011/05/27/18/174793003.png
وحبيت اشاركم بقصيد العضو مغاليس مطلق الفزران الذي طال عنا غيابه..
واتمنا ان يشاركنا..
يامالك الملك فرج حالة الضيقه=باللى يسوق الموامى والشبك غشه

عايز مثايل ووصفه صعب تصديقه=مالوم منهو ليامن زهمله خشــــــــــــــــه
قرناس نادر يسر القلب تسبيقه=له حول عامين واكثر تارك ٍ عشـــــــــــه
عامين فيها تعلم من توافيقه=وفيها عرف فرق خم الراس والنشــــــه
نوبات يمرح خلاوى فى شواهيقه=ونوب يتعشى ويمرح فى طرف دشــــه
له هقوة ٍ باللحوق وفن تعليقه =وبالطلع شوفه يسابر كل منخـــــــشه
ريشه من الشمس زان وبان تعتيقه=ودايم على صنعته ماهو على المشــــــه
صافى حمر والعمد تشهد بتوثيقه =صافى ولا فيه لا دقه ولا رشــــــــــه
هوفرحة اللى من ضروفه نشف ريقه=اللى تهقوى ولكن الزمن غــــــــشهتكفون لاتنسونا من دعواتكم الصادقه..


وتحياتي لكم,,

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / ذراع الذيب
.
الله يجعلهم مايلحقونك بالمهاد الا قد أدركت رهاته ولونه بين كفوفك
ويصير الطير اللي تمناه وهو على حظك .. استمتعنا بالسالفه . وبيوت مطلق
الجزله صح السانك والسانه والله يطمنا عليه
ورزقك يجي لو كل حي يحايله
*
والسلام
الفيتو
الحجاز
23-3-1433هـ

[المسرع]

صراحه اعجز عن التعبير
لاكن يعوض الله

[501]

الله يبلغك بالنادر يا ابو ناصر وما قدره ربي واقع الله يوفقك
501

[حسن ابو طالب]

عليكم السلام ورحمة الله وبركاته

يالله حي ذراع الذيب .. عزالله انا في شوق لمواضيعك

اتمنى تكبر الخط شوي وانا اخوك لأن الشوف لك عليه ..

وفقك الله

[القرناس المهاجر]

ذكريات جميلة لايام خلت لاتنسى
وقصيده معبره .. صح لسان قايلها
تسلم ولآهنت

[مكرم الضيف]

هيضتنا للمقناص يابو ناصر واذا طيرك روح ان شاء الله انه يعود هو ولا احسن منه ويرزقك الله فيه

وانت رجال طيب وتستاهل كل خير

[صقار محترف]

يعوضك الله ياذراع الذيب

[جزاء الشمري]

يسلم راسك ياخوي ولاهنت

[جير دبي]

السلام عليكم ورحمه الله
تسلم اخوي بو ناصر على الموضوع الطيب
وسواليفك الي ماتنمل وفكره القطاه اعجبتني الصراحه بالنسبه لي جديده :good:
والله يرزقك بالقتر النادر
صح السان الشاعرمغاليس مطلق
على القصيده الجزله ,
صافي حمر والعمد تشهد بتوثيقه
صافي ولا فيه لا دقه ولا رشه
تحياتي لك
جير دبي

[سنجااار]

الي ماكتب عسر وعسى الله يعوضك بأخير منه
امتعتنا بسوالفك الي مانملها
وصح لسانك يالنشمي

[ابوعزيز2007]

ماشاء الله وخيره بغيره ياذراع الذيب ولا سلم العود الحال تعود ويبي يعوضك الله باخير منه وانت يابوصالح رجال تستاهل ولاكن سردك للقصه غير شكل قاعد اتصورك ومعك الباترل الربع كاني معك

[الوايلي 2011]

الله يعوضك قصيده مسمعت مثله

[وزاري]

الله يرزقك بالأشــــــعــــل الفرخ التام واللى معانا في المنتدي

مواضيعك تنومس مثل راعيه لاشك انه راح عليك وعلينا وعلى غيرنا ولله يعوض

وإن شاء لله سأضع موضوع لوحوش المملكة مصور فيديو وصور

[(هزاع)]

رزق غيري ياملى ماينولني × ورزقي يجي لو كل حي يحايله
هذا ونا اخوك ونت اعرف رزق غيرك الله مدبره وراح لنصيبه والعوض من الباري الرازق
اخوك ابومشعل

[00مدريد00]

وعليكم السلام ورحمة الله وبركاته
حيا الله ابو ناصر وحي ماجيت فيه لو كتب الله انك طرحته لاجيك المجيرمه واحب خشمك وراسك
لكن اسال الله العظيم رب العرش العظيم انه يرزقك بالنادر اخوه اللي قنوص العالم عامه والسعوديه خاصه تتكلم فيه مدى الدهر وتملا صوره الجرايد والمجلات والجوالات والمنتديات ااااااااااامين ويسالون الاحفاد القنوص لاجدودهم يقولون من اللي طرحه يقولون واحد يقاله ذراع الذيب (ابوناصر)
وتقبل مروري اخوك 0000000000000000000000000000000000000 مدريد

[صقرالحروب]

الله يعوضك بالنادر اللي ماشيف مثله الله يالمقناص وايامه
على فكرة ايام المقناص كنت اسمع بعض مراسلاتكم وحاولت اراسلك كذا مره لكن المسافه بعيده انا جهة الرايس في السلجة
ويوم الله وفقني وطرحت القرناسه في مصيبخه حاولت اراسلك كذلك لكن بدون فائدة

تقبل مروري

[شريف مكة]

السلام عليكم ورحمة الله وبركاته
مساك الله با الخير ياذراع الذيب
بصراحه قصه جميله وارجو من الله عزوجل للك التوفيق
وانشاالله نسمع انك طرحة النادر وانت راعي نموس تستاهل الخير
تقبل مرورى واحترامي للجميع :good2:

[احمد الحاسي]

السلام عليكم ذراع الذيب بارك الله فيك والله يعوضك خير

[صاحب نوماس]

اللي مايكتب عسر

الله يرزقنا وياك ومن يقرا

[عبدالرحمن بن ذياب]

الله يعوضك و يكرمك بالنادر و تستاهل كل خير و الله يا بو ناصر

[عسااااف]

الله يعطيك العافيه والله يعوضك بأطيب منه

[رعد المطر]

حياك الله ياابوناصر كيف حالك ياخوي
سواليفك وقصصك لا تنمل ذكريات لاتمحى وربشه وريكه الطير ياخوى اختبار قدرات وقياس ههههههه تراها حصلت معنا وضليت ادوس للسياره واعشق وهي طافيه تجبر ياخوي
لكن ساأبارك اول واحد لك الموسم الجاي باذن الله وثق تمام الثقه بانى سادعوا لك بالنادر
والموعد الموسم القادم باذن الله ونحن وانتم بخييير

[الماهر2000]

بسم الله الرحمن الرحيم اسال الله العلى القدير لك اخي الغالى ابو ناضر لك الصحه والعافيه والرزق الطيب وان شاء الله يرزقك باابو الحكايا امل من الله ان تكون بصحه وعافيه

[بن محجن]

بسم الله الرحمن الرحيم
عليكم السلام ورحمة الله وبركاته


صباح الخير أخوي الغالي
أبو ناصر


علومك غانمه دايم يالسنافي
ويحفظ والدك ويطول بعمره وكل مطرووود ملحوووق
ويرزقك ربي بالنادر اللي ينسيك هالطير...
فإن مقادِر الرحمن تجري ** بإرزاق العباد من السمـاءِ


وسلم واسلم
وتقبل مروري وتحياتي العطره


بن محجن
24/3/1433هـ

[النمساوي]

حي الله ابو ناصر ...
اخبارك بشرنا عنك .. ومبطي عنك والعذر والسموحه منك ولا يهنون باقي الاعضاء ..

يا رب يا كريم ان يعوضك بالنادر ابو الحكايا من حيث لا تحتسب ومن يقرا .. وبيض الله وجهك على السالفه وصح لسان قايله ... اسلم وسلم ... ×

[falcon 1]

العوض عند الله سبحانه يا بو ناصر
كل مخلوق مرزوق

تقبل مروري
اخوك
فالكن 1

[الصقر البعيد]

ياهلابذراع الذيب الذيب وعسى الله يرزقك بالنادرالي ماشيف مثله وهاذي الاحرارغالباًماتعطيك النظره الاولى.

[قنيب الذئب]

فالك النادر اللي اطيب منه أن شاءالله

[@السيف@]

يالله حيه ابو ناصر

تجار الممنوع في كلومبيا مادرو عن سواليفك ولا يبطلون المخدرات ويتاجرون بسوليفك

يابو ناصر اتمني لك كل ماتريد لكن ودي انك ماتضفه الا وحنا علي عكاكيز من الكبر تدري ليه

لو ضفيته خلاص ماعاد تكتب ولا تسولف لنا عن الطواريح والمحاولات كان الكل يقولون عطونا علوم يالطواريح
ويقولون ذراع الذيب ضف النادر ماعاد به سواليف
يابو ناصر لو لمكشات قهوه
انت بنه وبهاره
الله لا يحرمنا
وجودك

[ذيب الصدارة]

السلام عليكم ورحمة الله وبركاته
اولا مساك الله بالخير يا ذراع الذيب
ثانيا تسلم يمينك على المواضع الممتع والرايع
ثالثا الله يعوضك السنه الجاية بااخوووووه
ان شاء الله
تحياتي لك ..

[قناص الخبت]

السلام عليكم ورحمة الله وبركاته,,, وبعد
تحية طيبة لكل مكشاتي ولذراع الذيب تحية خاصة
أبحرت بكل من قرأ كلماتك ممن يهوى الطيور في عالم يحدوه التفآءل والأمل والصبر على المتاعب والإيمان بالقضاء والقدر.
الله يرزقك ويعوظك بأحسن منه.

[قرناس شماالي]

الله يعوضك بنادر ان شاءالله

وصراحه تعجبني سردك لسالفه والله يطول بعمر الوالد

وننتضرك بلموسم الجاي

[عشقي اكتوبر]

معوض خير ان شاء الله واللي مايكتب عسير

وان شاء الله نسمع عندك النادر السنه هذي






تحياتي

[ذراع الذيب]

بسم الله الرحمن الرحيم

السلام عليكم ورحمة الله وبركاته
صباح الخير ياخوي / ذراع الذيب
.
الله يجعلهم مايلحقونك بالمهاد الا قد أدركت رهاته ولونه بين كفوفك
ويصير الطير اللي تمناه وهو على حظك .. استمتعنا بالسالفه . وبيوت مطلق
الجزله صح السانك والسانه والله يطمنا عليه
ورزقك يجي لو كل حي يحايله
*
والسلام
الفيتو
الحجاز

23-3-1433هـ


هلابك يابوصالح,,

ومرحبابك يالغالي يالله حيه..... وامين يارب العالمين ويسمع منك ربي..
ردك بالنسبه لي جرعة حماس للموسم القادم وعرفت كيف تجي لطاروح ولاهنت يالفيتو حضورك اسعدني..
تحياتي لك,,

[ذراع الذيب]

صراحه اعجز عن التعبير
لاكن يعوض الله

هلابك يالمسرع,,

ومرحبابك يالغالي يالله حيه.... يرزقنا ويرزقك بقرناس نادر يسر القلب تسبيقه,,
لاهنت على حضورك وتحياتي لك,,

[ذراع الذيب]

الله يبلغك بالنادر يا ابو ناصر وما قدره ربي واقع الله يوفقك


501


هلابك يابوسعد,,

ومرحبابك يالغالي يالله حيه.... امين ويسمع منك ربي,,
لاهنت يالغلا على حضورك الطيب والله يعطيك العافيه ويبارك فيك وسلامي لك ولمن تعزه,,
وتحياتي لك,,

[ذراع الذيب]

عليكم السلام ورحمة الله وبركاته



يالله حي ذراع الذيب .. عزالله انا في شوق لمواضيعك


اتمنى تكبر الخط شوي وانا اخوك لأن الشوف لك عليه ..


وفقك الله


هلابك يابوطالب,,

ومرحبابك يالغالي يالله حيه.... واسعدني شوف هالمعرف,,
وحنا كذلك في شوق لردودكم الطيبه جعل ربي مايحرمنا منها ولاهنت على حضورك يالنشمي..
وتحياتي لك,,

[ذراع الذيب]

ذكريات جميلة لايام خلت لاتنسى

وقصيده معبره .. صح لسان قايلها

تسلم ولآهنت


هلابك يابوعبدالله,,

ومرحبابك يالغالي يالله حيه.... وهلا بشاعرنا ومشرفنا القدير القرناس المهاجر,,
وانت سالم وغانم واسعدني حضورك فأنت وبلا شك احد الطواريح المخضرمين والذين لهم خبره وباع طويل في شبك الصقور,,
فتواجدك اكبر شرف والله يعطيك العافيه ويبارك فيك يالنشمي وتحياتي لك,,

[ذراع الذيب]

هيضتنا للمقناص يابو ناصر واذا طيرك روح ان شاء الله انه يعود هو ولا احسن منه ويرزقك الله فيه




وانت رجال طيب وتستاهل كل خير


هلابك يابونادر,,

ومرحبابك يالغالي ويالله حيه.... عسا ربي يذخره لسنين الجايه:) ويرزقنا وياك..
بالزين ولايضيع لنا تعب جميع ويرزق من يقرى والله يطيب ايامك يالغالي ولاهنت على حضورك..
وتحياتي لك,,

[ذراع الذيب]

يعوضك الله ياذراع الذيب

هلابك ياصقار محترف,,

ومرحبابك يالغالي يالله حيه.... يعوضنا وياك ويرزقنا ولايضيع لنا تعب,,
ولاهنت على حضورك والله يعطيك العافيه ويبارك فيك يالنشمي..
وتحياتي لك,,

[ذراع الذيب]

يسلم راسك ياخوي ولاهنت

هلابك ياجزاء الشمري,,

ومرحبابك يالغالي يالله حيه... جعلك سالم يالنشمي ولاهنت على حضورك,,
وتحياتي لك,,

[ذراع الذيب]

السلام عليكم ورحمه الله

تسلم اخوي بو ناصر على الموضوع الطيب
وسواليفك الي ماتنمل وفكره القطاه اعجبتني الصراحه بالنسبه لي جديده :good:
والله يرزقك بالقتر النادر
صح السان الشاعرمغاليس مطلق
على القصيده الجزله ,
صافي حمر والعمد تشهد بتوثيقه
صافي ولا فيه لا دقه ولا رشه
تحياتي لك
جير دبي


هلابك يابوراشد,,

ومرحبابك يالغالي ويالله حيه.... وانت سالم وغانم يابعدي,,
يرزقنا وياك بقرناس نادر يسر القلب تسبيقه ولاهنت على حضورك وسلامي لك ولمن تعزه,,
وتحياتي لك,,

[ذراع الذيب]

الي ماكتب عسر وعسى الله يعوضك بأخير منه
امتعتنا بسوالفك الي مانملها
وصح لسانك يالنشمي

هلابك يابوعبدالله,,

ومرحبابك يالغالي يالله حيه.... وامنت بالله ويسمع منك ربي,,
وامتعتنا بتواجدك جعل ربي يمتعك بالدنيا والاخره وصح بدنك ولاهنت على حضورك يالنشمي,,
وتحياتي لك,,

[الشريف سعود]

مرحباً بالكريم ابن الكرام مشرفنا الفاضل أبا ناصر

بيّض الله وجهك وعلومك غانمه وأسأل الله الكريم أن يكتب لك الخير

ويرزقك بالنادر اللي تمنّاه

تحيه وتقدير للوالد الكريم وماتفضّل به حكمة من رجل حكيم

لك من محبك

بالغ الشكر والتقدير

*****

[////عصويد////]

تستاهل كل خير يابو ناصر وانشالله تمهده في يوماً ما دام نيتك طيبه بيرزقك الله ولاتندم على شي انت اكثر واحد عارف لوفيه نصيب ماراح تحياتي ياذراع الذيب وياذيب الساحال الغربي كله ولاهنو الرجال

[راعي الحرارر]

يعوضك الله ياذراع الذيب

[ذراع الذيب]

ماشاء الله وخيره بغيره ياذراع الذيب ولا سلم العود الحال تعود ويبي يعوضك الله باخير منه وانت يابوصالح رجال تستاهل ولاكن سردك للقصه غير شكل قاعد اتصورك ومعك الباترل الربع كاني معك



هلابك يابوعزيز,,

ومرحبابك يالغالي يالله حيه..... والله يجزاك خير ويبارك فيك يالنشمي,,
لاهنت وهذا شهاده منك اعتزبها يالغالي واتشرف بخوتك وخوة اللي مثلك وشرواك,,
وتحياتي لك,,

[ذراع الذيب]

الله يعوضك قصيده مسمعت مثله

هلابك يالوايلي,,

ومرحبابك يالغالي يالله حيه.... والله يجزاك خير ويبارك فيك يالنشمي,,
ولاهنت على مرورك شرفتنا يالغالي وتحياتي لك,,

[ذراع الذيب]

الله يرزقك بالأشــــــعــــل الفرخ التام واللى معانا في المنتدي

مواضيعك تنومس مثل راعيه لاشك انه راح عليك وعلينا وعلى غيرنا ولله يعوض

وإن شاء لله سأضع موضوع لوحوش المملكة مصور فيديو وصور

هلابك ياوزاري,,

ومرحبابك يالغالي يالله حيه.... امين ويجزاك خيرويكرمنا ويكرمك ان شالله,,
وحضورك يسعدنا وينومسنا كذلك وحنا بأنتظار مواضيعك الطيبه,,
وتحياتي لك,,

[بن لوبه]

الله يرزقك

[ذراع الذيب]

رزق غيري ياملى ماينولني × ورزقي يجي لو كل حي يحايله

هذا ونا اخوك ونت اعرف رزق غيرك الله مدبره وراح لنصيبه والعوض من الباري الرازق

اخوك ابومشعل


هلابك ياهزاع,,

ومرحبابك يالغالي يالله حيه.... والله يجزاك خير ومافيه شك ولو فيه نصيب ماياكله الذيب,,
ولاهنت على مرورك الطيب والله يعطيك العافيه ويبارك فيك يالنشمي,,
وتحياتي لك,,

[ذراع الذيب]

وعليكم السلام ورحمة الله وبركاته

حيا الله ابو ناصر وحي ماجيت فيه لو كتب الله انك طرحته لاجيك المجيرمه واحب خشمك وراسك
لكن اسال الله العظيم رب العرش العظيم انه يرزقك بالنادر اخوه اللي قنوص العالم عامه والسعوديه خاصه تتكلم فيه مدى الدهر وتملا صوره الجرايد والمجلات والجوالات والمنتديات ااااااااااامين ويسالون الاحفاد القنوص لاجدودهم يقولون من اللي طرحه يقولون واحد يقاله ذراع الذيب (ابوناصر)

وتقبل مروري اخوك 0000000000000000000000000000000000000 مدريد


هلابك يابواحمد,,

ومرحبابك يالغالي يالله حيه.... والله يرضى عليك ويجعل عمرك طويل يالنشمي,,
وراعي وفا والله والله يجزاك خير على دعواتك الصادقه ويكرمنا ويكرمك بالطيب ان شالله وتسير علينا بأذن الله سوا طرحناه ولا ماطرحناه,,
وسلامي لك ولمن تعزه يالغالي وتحياتي لك,,

[ذراع الذيب]

الله يعوضك بالنادر اللي ماشيف مثله الله يالمقناص وايامه
على فكرة ايام المقناص كنت اسمع بعض مراسلاتكم وحاولت اراسلك كذا مره لكن المسافه بعيده انا جهة الرايس في السلجة
ويوم الله وفقني وطرحت القرناسه في مصيبخه حاولت اراسلك كذلك لكن بدون فائدة

تقبل مروري

هلابك ياصقر الحروب,,

ومربابك يالغالي يالله حيه.... امين ويجزاك خير يالنشمي,,
ويكرمنا ويكرمك بالطيب ان شالله وراعي وفا يالغالي ومبروك ماطرحت وترانا بأنتظار تقرير طرحها,,
ومتبوعه كل سنه بالاطيب ماهيب مجبوعه ولاهنت على مرورك وتحياتي لك,,

[ذراع الذيب]

السلام عليكم ورحمة الله وبركاته

مساك الله با الخير ياذراع الذيب
بصراحه قصه جميله وارجو من الله عزوجل للك التوفيق
وانشاالله نسمع انك طرحة النادر وانت راعي نموس تستاهل الخير
تقبل مرورى واحترامي للجميع :good2:


هلابك يابن لاحق,,

ومرحبابك يالغالي يالله حيه.... ومساك ربي بالرضا والعافيه,,
يجيبه الله عندنا وعندك بأذن الله يالنشمي والله يرضى عليك ويطول بعمرك يالغالي,,
لاهنت على مرورك وسلام لك ولمن تعزه وتحياتي لك,,

[ذراع الذيب]

السلام عليكم ذراع الذيب بارك الله فيك والله يعوضك خير

هلابك يااحمد الحاسي,,

ومرحبابك يالغالي يالله حيه.... والله يبارك فيك ويعافيك يالنشمي,,
ويعوضنا ويعوضك ان شالله ولاهنت على مرورك شرفتنا وانستنا,,
تحياتي لك,,

[ذراع الذيب]

اللي مايكتب عسر

الله يرزقنا وياك ومن يقرا

هلابك ياصاحب نوماس,,

ومرحبابك يالغالي يالله حيه.... وامنت بالله والله يجزاك خير,,
ويكرمنا ويكرمك ان شالله لاهنت على مرورك الطيب,,
وتحياتي لك,,

[SAS2]

ههههه انقهرت وانا ما اعرف بالطيور شي بس اهنيك على هالوصف كني معك بالغماره

والله يرزقك الجنه الي احسن من الف طير قل امين

والف شكر على هالسرد الممتع يالغالي

[صقرالحروب]

هلابك ياصقر الحروب,,

ومربابك يالغالي يالله حيه.... امين ويجزاك خير يالنشمي,,
ويكرمنا ويكرمك بالطيب ان شالله وراعي وفا يالغالي ومبروك ماطرحت وترانا بأنتظار تقرير طرحها,,
ومتبوعه كل سنه بالاطيب ماهيب مجبوعه ولاهنت على مرورك وتحياتي لك,,

التقرير موجود وانت معطيه خمس نجوم في التقارير المميزة عن الطير المشبوك
اغلى قرناسه في المملكة لهذا الموسم 2011
كفيت ووفيت يابوناصر

[صقار مجيرمه]

الله يعطيك العافية ابو ناصر ,,,,,,,, دايم متميز

[ذراع الذيب]

الله يعوضك و يكرمك بالنادر و تستاهل كل خير و الله يا بو ناصر


هلابك ياصقار الجنوب,,

ومرحبابك يالغالي يالله حيه.... والله يجزاك خير ويبارك فيك يالنشمي,,
وتستاهل الطيب ويكرمنا ويكرمك ان شالله لاهنت على مرورك الطيب,,
وتحياتي لك,,

[ذراع الذيب]

الله يعطيك العافيه والله يعوضك بأطيب منه

هلابك ياعساف,,

ومرحبابك يالغالي يالله حيه.... والله يعافيك ويبارك فيك يالنشمي,,
ويجزاك خير ويعوضنا ويعوضك يالغالي وتحياتي لك,,

[ذراع الذيب]

حياك الله ياابوناصر كيف حالك ياخوي
سواليفك وقصصك لا تنمل ذكريات لاتمحى وربشه وريكه الطير ياخوى اختبار قدرات وقياس ههههههه تراها حصلت معنا وضليت ادوس للسياره واعشق وهي طافيه تجبر ياخوي
لكن ساأبارك اول واحد لك الموسم الجاي باذن الله وثق تمام الثقه بانى سادعوا لك بالنادر
والموعد الموسم القادم باذن الله ونحن وانتم بخييير

هلابك يارعد المطر,,

ومرحبابك يالغالي يالله حيه..... وبخير يامال الخير وعلى ماتحب بشرنا عنك عساك بخير,,
وماعليك زود يالغالي وشهاده منك اعتزبها وعزالله صدقت والله يثتنا لاشفناه مره ثانيه ههههه ويكرمنا ويكرمك يالغالي,,
ان شالله نفرح لك الموسم وبأذن الله ولاتنسانا تعزمنا لى عيده وتحياتي لك,,

[ذراع الذيب]

بسم الله الرحمن الرحيم اسال الله العلى القدير لك اخي الغالى ابو ناضر لك الصحه والعافيه والرزق الطيب وان شاء الله يرزقك باابو الحكايا امل من الله ان تكون بصحه وعافيه

هلابك يابوفيصل,,

ومرحبابك يالغالي يالله حيه.... والله يجزاك خير ويبارك فيك يالنشمي,,
ويرزقنا ويرزقك يالغالي ولاهنت على مرورك وسلامي لك ولمن تعزه,,
وتحيات لك,,

[ذراع الذيب]

بسم الله الرحمن الرحيم

عليكم السلام ورحمة الله وبركاته


صباح الخير أخوي الغالي
أبو ناصر


علومك غانمه دايم يالسنافي
ويحفظ والدك ويطول بعمره وكل مطرووود ملحوووق
ويرزقك ربي بالنادر اللي ينسيك هالطير...
فإن مقادِر الرحمن تجري ** بإرزاق العباد من السمـاءِ


وسلم واسلم
وتقبل مروري وتحياتي العطره


بن محجن

24/3/1433هـ


هلاااا والله وغلااا,,

ومرحبابك يالغالي يالله حيه.... عاش من شاف هالمعرف,,
والله يصبحك بالرضا والعافيه وين الغيبات يالغالي والله يجزاك خير على ماقلت ويكرمنا ويكرمك يالغالي,,
وسلامي لك لتركي وللربع كلهم وتحياتي لك,,

[ذراع الذيب]

حي الله ابو ناصر ...
اخبارك بشرنا عنك .. ومبطي عنك والعذر والسموحه منك ولا يهنون باقي الاعضاء ..

يا رب يا كريم ان يعوضك بالنادر ابو الحكايا من حيث لا تحتسب ومن يقرا .. وبيض الله وجهك على السالفه وصح لسان قايله ... اسلم وسلم ... ×

هلاااا والله وغلاااا,,

ومرحبابك يالنمساوي ويالله حيه.... ابطيت بالحيل يالنشمي,,
وين الغيبات كيف المقانيص معك والروحات والجيات ومامنك قصور وافي ياراع الوفا,,
والله يجزاك خير على ماقلت ويوفقنا وياك بالدنيا والاخره ووجهك ابيض وسلامي لك ولمن تعزه,,
وتحياتي لك,,

[ذراع الذيب]

العوض عند الله سبحانه يا بو ناصر

كل مخلوق مرزوق


تقبل مروري
اخوك

فالكن 1


هلابك ياخوي,,

ومرحبابك يالغالي يالله حيه.... لاهنت على تواجدك الطيب,,
ويرزقنا وياك ان شالله شرفتنا بمرورك الكريم,,
وتحياتي لك,,

[ذراع الذيب]

ياهلابذراع الذيب الذيب وعسى الله يرزقك بالنادرالي ماشيف مثله وهاذي الاحرارغالباًماتعطيك النظره الاولى.

هلابك يالصقر البعيد,,

ومرحبابك يالغالي يالله حيه..... امين ويرزقنا وياك ويرزق كل متعني,,
وعزالله صدقت والحرار لها اساليب تقشعر منها الابدان والعلوم قدام وشرفتنا بمرورك الطيب,,
وتحياتي لك,,

[ذراع الذيب]

فالك النادر اللي اطيب منه أن شاءالله


هلابك ياقنيب الذيب,,

ومرحبابك يالغالي يالله حيه.... امين ويجعله من فالنا جميع,,
ولاهنت على مرورك والله يجزاك خير وتحياتي لك,,

[ذراع الذيب]

يالله حيه ابو ناصر



تجار الممنوع في كلومبيا مادرو عن سواليفك ولا يبطلون المخدرات ويتاجرون بسوليفك

يابو ناصر اتمني لك كل ماتريد لكن ودي انك ماتضفه الا وحنا علي عكاكيز من الكبر تدري ليه

لو ضفيته خلاص ماعاد تكتب ولا تسولف لنا عن الطواريح والمحاولات كان الكل يقولون عطونا علوم يالطواريح
ويقولون ذراع الذيب ضف النادر ماعاد به سواليف
يابو ناصر لو لمكشات قهوه
انت بنه وبهاره
الله لا يحرمنا
وجودك



هههههه,,
هلابك يابوسيف,,

ومرحبابك يالغالي يالله حيه... واضحك الله سنك وان شالله نضفه انا وياك بالديار اللي انت خابرها,,
لا لا لا اذا ضفيته بعز الشباب يبي يعطيني معناويه بكتابة السواليف بمكشات للأبد ههههه,,
يرزقك ربي يالسيف ولايضيع لك تعب ويعوضك بحيزوم بطير ابرك منه,,
وتحياتي لك,,

[ذراع الذيب]

السلام عليكم ورحمة الله وبركاته

اولا مساك الله بالخير يا ذراع الذيب
ثانيا تسلم يمينك على المواضع الممتع والرايع
ثالثا الله يعوضك السنه الجاية بااخوووووه
ان شاء الله

تحياتي لك ..


هلابك يالنشمي,,

ومرحبابك يالغالي يالله حيه.... والله يمسيك بمثله,,
وانت سالم وغانم امين يعوضنا جميع ويرزقك ربي بالفرخ الاسود ان شالله انت وراكان,,
ولاهنت على مرورك وتحياتي لك,,

[ذراع الذيب]

السلام عليكم ورحمة الله وبركاته,,, وبعد
تحية طيبة لكل مكشاتي ولذراع الذيب تحية خاصة
أبحرت بكل من قرأ كلماتك ممن يهوى الطيور في عالم يحدوه التفآءل والأمل والصبر على المتاعب والإيمان بالقضاء والقدر.
الله يرزقك ويعوظك بأحسن منه.

هلابك ياقناص الخبت,,

ومرحبابك يالغالي يالله حيه.... لاهنت على هالرد اللي نزل على صدري مثل الثلج,,
واعطيتني معنويه مايعلم بها الاالله جعل ربي يرضى عليك ويوفقك بالدارين,,
تحياتي لك يالغالي,,

[ذراع الذيب]

الله يعوضك بنادر ان شاءالله



وصراحه تعجبني سردك لسالفه والله يطول بعمر الوالد



وننتضرك بلموسم الجاي


هلابك يابوجهاد,,

ومرحبابك يالغالي يالله حيه.... امين ويعوضنا وياك ويرزقنا,,
واعجابك بالموضوع شهاده اعتزبها طال عمرك ووسام على صدري لاهنت على مرورك,,
وتحياتي لك,,

[ذراع الذيب]

معوض خير ان شاء الله واللي مايكتب عسير



وان شاء الله نسمع عندك النادر السنه هذي








تحياتي


هلابك ياعشقي اكتوبر,,

ومرحبابك يالغالي يالله حيه..... علومك يالنشمي عساك بخير,,
ويرزقنا وياك بالطيب ان شالله وان راده ربي ابارك لك من الشعيبه وانت طارحه بأذن الله,,
ولاهنت على مرورك الطيب وتحياتي لك,,

[تركي بداح]

الله يعوضك بااطيب منه

[رامى السيد]

اخى هذة ارزاق انشاء الله ربنا يرزقك بالى افضل منه

[ذراع الذيب]

الله يعوضك بااطيب منه

هلابك يابوبداح,,

ومرحبابك يالغالي يالله حيه.... والله يجزاك خير ويبارك فيك,,
ولاهنت على مرورك وتحياتي لك,,

[ذراع الذيب]

اخى هذة ارزاق انشاء الله ربنا يرزقك بالى افضل منه

هلابك يارامي السيد,,

ومرحبابك يالغالي يالله حيه..... وامنت بالله ويرزقنا ويرزقك يالغالي,,
اسعدني شوف معرفك لاعدمناك وتحياتي لك,,

[تكاشف ابروقها]

يعوضك الله ياذراع الذيب