لغزٍ ولا هو بالكويد ( مجدد ) ................... حله ( كاف نواف ) ... الحل ( النعاس )

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغزٍ ولا هو بالكويد=لغزٍ ولا سقته دفين
له رميةٍ ماهي بعيد=على اللي للمعنى فطين
ويش اللي باليوم الشديد= عوين ولا هو أي عوين
ناسٍ تراه عينه فريد=ناسٍ تراه من دون عين


مع تحيات ابو ماجد

منتديات مكشات 0 خيمة الالغاز

[النمرالتميمي]

صح لسانك يالذيب

وش تقول بالقارمن

[ابو ماجد 2]

صح لسانك يالذيب

وش تقول بالقارمن

هلا بمن اصبحنا نحسب لمراميعه القاتله
صح بدنك
ومالك لوى يالغالي

[صقر السديرات]

سلام عليكم
وشلونك ابو ماجد عساك بخير
ابو ماجد الله لا يهينك عندك خبر عن
اخونا ناصر العلي مبطي ما شفنا معرفه
ياليت تطمنا عنه كان تعرف عنه شيء
وصح لسانك على الجزل
اررررررررمع
المزغار اللي في المباني اول
او العين السحرية اللي في الابواب الحديثة
دمت بخير

[ابو ماجد 2]

سلام عليكم

وشلونك ابو ماجد عساك بخير
ابو ماجد الله لا يهينك عندك خبر عن
اخونا ناصر العلي مبطي ما شفنا معرفه
ياليت تطمنا عنه كان تعرف عنه شيء
وصح لسانك على الجزل
اررررررررمع
المزغار اللي في المباني اول
او العين السحرية اللي في الابواب الحديثة

دمت بخير


وعليكم السلام ورحمة الله وبركاته
هلا بك يابو فيصل
انا بخير يامال الخير
وابو علي يصعب عليه الاتصال هاليومين وسيعود قريبا ان شاء الله
والف شكر للسؤال
والرمعتين ماصابن يالغالي

[تميمي.1]

صح لسانك
ايه للمبدع
وش راييك في قميص يوسف عليه السلام

[ابو ماجد 2]

صح لسانك
ايه للمبدع
وش راييك في قميص يوسف عليه السلام
صح بدنك يالغالي


مالك لوى يالغالي
انتظر محاولتك القادمه

[برق القصيم]

صح لسانك زعيمنا


الزعامه عنها ماتحيد***والغازك مبناها متين
لغزك علي مهو جديد***وطفيت النور هالحين
من يرمعه رجلن عنيد***رجلن للكايده مايلين

[ابوماريا]

صح لسانك وسلم بنانك

المكيف ـــ والمكيف المركزي

[الدمرجي]

صح لسانك على اللغز الجزال

بنقول الذو

تحياتي

[الوادي 999]

المكيف ـــ والمكيف المركزي

بعد رمعة ابو ماريا
لنا عوده 0 الله يعطيك العافيه

[ابو ماجد 2]

صح لسانك زعيمنا




الزعامه عنها ماتحيد***والغازك مبناها متين
لغزك علي مهو جديد***وطفيت النور هالحين

من يرمعه رجلن عنيد***رجلن للكايده مايلين


امجددٍ ماهو جديد=خابرك رجال ذهين
ابيك عن رمعه تحيد=ياعل رمعاته تزين
ومن لانتبه يمكن ازيد=من شان عسراته تلين


ماشاء الله عليك يابو عبدالرحمن لماح لاعدمناك
زادك الله من فضله

[ابو ماجد 2]

صح لسانك وسلم بنانك




المكيف ـــ والمكيف المركزي


صح بدنك يالغالي
وتسلم
والرمعه مالك لوى
تحيتي لك وتقديري

[ابو ماجد 2]

صح لسانك على اللغز الجزال

بنقول الذو

تحياتي

صح بدنك يالغالي
والجزاله انتم اهلها
مالك لوى يالغالي
انتظر مرماعك القادم

[ابو ماجد 2]

المكيف ـــ والمكيف المركزي

بعد رمعة ابو ماريا
لنا عوده 0 الله يعطيك العافيه

هلا بك انت وابو ماريا
والرمعه ماصادت الهدف يالغالي
انتظر تجديد المحاوله

[الزعول]

صح لسانك يابو ماجد
يمكن الصبر

[ابو ماجد 2]

صح لسانك يابو ماجد
يمكن الصبر

صح بدنك يالغالي
والرمعه مالك لوى
انتظر القادم

[ال-رايق]

أبوماجد ,,,,,,,,,,,يامال والله العافية................والصحة والسعادة:
------------
وش رايك يوبه في رمعة والاخرى مجانا:
القمر-----------
أو
الماء-----------

وصح لسانك.

[ابو ماجد 2]

أبوماجد ,,,,,,,,,,,يامال والله العافية................والصحة والسعادة:

------------
وش رايك يوبه في رمعة والاخرى مجانا:
القمر-----------
أو
الماء-----------

وصح لسانك.

صح بدنك وهلا بك يابو مهند
والرمعتين يالغالي ماصابن المرماع
انتظر القادم

[ابوذيبان]

لاهنت يالرجل الرشيد=يامبدعٍ عبر السنين
اللغز قلبته اريد=الضرب ياتي بالسمين
عضيد له عينٍ وحيد=وشقيق بلاعينٍ تبين
رمعة تخيب ولاتصيد=حبيت اجاري هالحسيّن

[ابو ماجد 2]

لاهنت يالرجل الرشيد=يامبدعٍ عبر السنين
اللغز قلبته اريد=الضرب ياتي بالسمين
عضيد له عينٍ وحيد=وشقيق بلاعينٍ تبين
رمعة تخيب ولاتصيد=حبيت اجاري هالحسيّن

وجهتك حلوه ياسديد=بس الهدف يبقى دفين
هات اللي باليوم الشديد=عونه ولا هو اي معين
رحمه وذا قول اكيد=في يوم ماطر يافطين

[تميمي.1]

صح لسانك يابو ماجد
وش رايك في :
بقوس الرحمه
مانع الانزلاق

[تميمي.1]

ورمعة ثالثه
بشت
عباة

[ابو ماجد 2]

ورمعة ثالثه
بشت
عباة


صح لسانك يابو ماجد
وش رايك في :
بقوس الرحمه
مانع الانزلاق

هلا بك يالغالي
مالك لوى
ومايحدد الرمعه
هالبيت
ناسٍ تراه عينه فريد.....ناسٍ تراه من دون عين
بالاضافة لردي لابو ذيبان

[هواوي الشمال]

صح لسانك..
نقول المظله الي تصد من المطر او حولها

[ابو ماجد 2]

صح لسانك..
نقول المظله الي تصد من المطر او حولها

صح بدنك يالغالي
والرمعه مالك لوى
انتظر مرماعك القادم

[ابو ماجد 2]

يالربع اعطونا مرماعه
هاللغز على قولتهم مفتاحه عليه
ناسٍ تراه عينه فريد.....ناسٍ تراه من دون عين

[تميمي.1]

وش رايك بالشراع والطربال

[ابو ماجد 2]

وش رايك بالشراع والطربال

هلا بك اخوي تميمي وصبحك الله بالخير
وهالبيت تفحصه ودقق فيه
وستصل ان شاء الله للحل
ناسٍ تراه عينه فريد.....ناسٍ تراه من دون عين

[ابوماريا]

ميزاب الماء

مثل ميزاب الرحمة بالكعبة المشرفة

[ابو ماجد 2]

ميزاب الماء




مثل ميزاب الرحمة بالكعبة المشرفة



مالك لوى يالغالي
وهذا اتى في يوم شهير عصيب وكان فيه رحمه وكان هذا اليوم مطير

[احمدالدمام]

وش رايك بحلاً جديد
والله خير العالمين
اظنه و العلم الاكيد
ما اعرفه خث اوسمين

[ابو ماجد 2]

وش رايك بحلاً جديد
والله خير العالمين
اظنه و العلم الاكيد
ما اعرفه خث اوسمين

هلا بك
انتظر مرماعك القادم

[ال-رايق]

صح لسانك يابوماجد
على العموم وهذا من جودة الصناعة طبعا’’انه لو توضح لغزك يبقى عليه صدرية ضد.....:D:good2:
------
وش رايك في الدفاع المدني
وتسلم -ومن يقراا

[هوى الشماليه]

صح لسانك ولاهنت


النار أو الكهرباء أو نجم الثريا




ويعطيك العافيه
أرق تحيه أختك هوى الشماليه

[ابوذيبان]

:j
=========

[ابو ماجد 2]

صح لسانك ولاهنت



النار أو الكهرباء أو نجم الثريا




ويعطيك العافيه

أرق تحيه أختك هوى الشماليه


صح بدنك
وهلا بك اختنا العزيزه
والرمعه لم تصب الهدف
انتظرك في مرماع قادم
تحيتي لك وتقديري

[ابو ماجد 2]

:j




=========



:no2:
00000000

[الشيخ سوسو]

مساء الخير
يمكن يكون الدربيل

[ابو ماجد 2]

مساء الخير
يمكن يكون الدربيل

يامساء النور
مالك لوى يالغالي

[الشيخ سوسو]

صلاة الاستسقاء
فرض عين او فرض كفاية
او جمع الصلاة
وش رايك

[ابو ماجد 2]

صلاة الاستسقاء
فرض عين او فرض كفاية
او جمع الصلاة
وش رايك

هلا بك يالغالي
مالك لوى
واللغز اعطيته وصف ولكن تحديد المرماع بالبيت التالي واللغز لايخلو من اللعب بالالفاظ
ناسٍ تراه عينه فريد.....ناسٍ تراه من دون عين

[ابو ابرااهيم]

الحل ان ماخاب طني انه الموت

[الشيخ سوسو]

السلام عليكم
البير

[ال-رايق]

أبو ماجد/
الله يسلمك رد على رمعتي-المشاركة رقم 34
وشكرا

[ابو ماجد 2]

أبو ماجد/

الله يسلمك رد على رمعتي-المشاركة رقم 34

وشكرا





صح لسانك يابوماجد
على العموم وهذا من جودة الصناعة طبعا’’انه لو توضح لغزك يبقى عليه صدرية ضد.....:D:good2:
------
وش رايك في الدفاع المدني

وتسلم -ومن يقراا



ياحبي لك يابو مهند لاتواخذ اخيك وقرب اذنك لايسمعوننا الشماته
( هذا طال عمرك تفردوا بي الهيل وابو ذيبان واشغلوني عن الالغاز وطحت بشي ماهو لي وهو الشعر لكن الحمدلله جاء ابو محمد وخلهم يتشابكون بالشوش لاتفرغ لحبي الاول الالغاز )

[ابو ماجد 2]

الحل ان ماخاب طني انه الموت

مالك لوى يالغالي

[ابو ماجد 2]

السلام عليكم
البير

وعليكم السلام ورحمة الله وبركاته
مالك لوى يالغالي

[ال-رايق]

فهمت ياخوي الصغير:D
هالكلمة تخلي ناس واجد يتمنونها يازعيم:good2:

[ابوناصر020]

صح لسانك

الحل هو الحظ

[ابو ماجد 2]

فهمت ياخوي الصغير:D


هالكلمة تخلي ناس واجد يتمنونها يازعيم:good2:


هلا بك يابو مهند
حلووووووه الصغير تبي تقهر بعض ناس
بس ولو خلنا بالتفرج ازين 0 ذولا مايرحمون وانا مامن جهد والالغاز ياحبنا لها
هههههههههههههههههههههههه
حيلة عاجز

[ابو ماجد 2]

صح لسانك

الحل هو الحظ

صح بدنك يابو ناصر
مالك لوى يالغالي

[اوكسجين]

صح اللسانك ونرمع الفقع

[كاف نواف]

صح لسانك أبو ماجد


قال تعالى


(إِذْ يُغَشِّيكُمُ النُّعَاسَ أَمَنَةً مِّنْهُ وَيُنَزِّلُ عَلَيْكُم مِّن السَّمَآءِ مَآءً لِّيُطَهِّرَكُمْ بِهِ وَيُذْهِبَ عَنكُمْ رِجْزَ الشَّيْطَانِ وَلِيَرْبِطَ عَلَى قُلُوبِكُمْ وَيُثَبِّتَ بِهِ الاْقْدَامَ)


النعاس

[غزال الصمد]

عندي رمعة/ يمكن الحل هو النعاس .
النعاس/ كان عضيد وله دور في أنتصار المسلمين في غزوة بدر
( ناس تراه بعيد ) أكيد المقصود هنا حرف العين.
( ومن دون عين ناس تراه) المقصود هنا لوحذفت حرف العين تبقى كلمة ناس ...... وأن شاء الله يكون حلي صحيح ...

[ابو ماجد 2]

صح اللسانك ونرمع الفقع

صح بدنك
وصبحك الله بالخير
والرمعه ماصابت

[ابو ماجد 2]

صح لسانك أبو ماجد



قال تعالى


(إِذْ يُغَشِّيكُمُ النُّعَاسَ أَمَنَةً مِّنْهُ وَيُنَزِّلُ عَلَيْكُم مِّن السَّمَآءِ مَآءً لِّيُطَهِّرَكُمْ بِهِ وَيُذْهِبَ عَنكُمْ رِجْزَ الشَّيْطَانِ وَلِيَرْبِطَ عَلَى قُلُوبِكُمْ وَيُثَبِّتَ بِهِ الاْقْدَامَ)



النعاس


كفووووووووووووووووو كفوووووووووووووو
صح لسانك ملايين
ريحتنا الله يريحك
نعم
النعاس
كان عضيد في غزوة بدر
قال تعالى

(إِذْ يُغَشِّيكُمُ النُّعَاسَ أَمَنَةً مِّنْهُ وَيُنَزِّلُ عَلَيْكُم مِّن السَّمَآءِ مَآءً لِّيُطَهِّرَكُمْ بِهِ وَيُذْهِبَ عَنكُمْ رِجْزَ الشَّيْطَانِ وَلِيَرْبِطَ عَلَى قُلُوبِكُمْ وَيُثَبِّتَ بِهِ الاْقْدَامَ)
ناس تراه عين وحيد حرف عين واحد
ناس تراه من دون
معنى هالشطر اذا راحت عينه رايت باقيه كلمة ناس


لله درك

[ابو ماجد 2]

عندي رمعة/ يمكن الحل هو النعاس .
النعاس/ كان عضيد وله دور في أنتصار المسلمين في غزوة بدر
( ناس تراه بعيد ) أكيد المقصود هنا حرف العين.
( ومن دون عين ناس تراه) المقصود هنا لوحذفت حرف العين تبقى كلمة ناس ...... وأن شاء الله يكون حلي صحيح ...

كلامك صحيح وشرحك وافي وصح لسانك ولكن يظهر انك لم تر مرماع كاف نواف
صحت السنتكم جميعا