المساعد الشخصي الرقمي

مشاهدة النسخة كاملة : هل يعقل سعر الفورتشنر هذا


الشيخ900
16/02/2012, 05:14 AM
الله لايوفق عبداللطيف جميل ياجماعه هذا محد يردعه تصدقون سعر الفور تشنرالفل كامل ايجار منتهي بالتمليك والله العظيم كلام الموظف ب 190الف حسبنا الله ونعم الوكيل
الجندليه
16/02/2012, 11:21 AM
والله لو ان حماية جمعية المستهلك تردعه كان مارفع الاسعار لكن مانقول إلا حسبنا الله ونعم الوكيل
ص ح ل2009
16/02/2012, 11:44 AM
والله لو ان حماية جمعية المستهلك تردعه كان مارفع الاسعار لكن مانقول إلا حسبنا الله ونعم الوكيل

صادق اخويه لكن ماعندك احد لكن مانقول غيرحسبنا الله ونعم الوكيل
يكفيني نظرة
16/02/2012, 11:50 AM
نقول حسبي الله ونعم الوكيل ونسحب عليه هو ومواتره موب بس ندعي ونروح نشتري منه انا من عشاق اللاندكروزر ويوم شفت الهبال من الوكالات والمعارض حولت على فورد اكسبدشن ولقيت به حسنات مالقيتها بالتويوتا ولا النيسان ومنها (نظام استقرار)(رخص قطع الغيار )(راحه اعلى من الياباني والاندونيسي)!!!
أبو نـآيف
16/02/2012, 11:59 AM
تتحسبون وحالتكم حاله وتشترونه المشكله ... والله لو فيه مقاطعه جامده ان تنزل غصبن عليه مهب برضاه
الفريح1
16/02/2012, 12:02 PM
انا ما الوم عبداللطيف جميل الوم المهبل الي يشترون منه خلاها تصدي فيه بديل لازم تويوتا اخذ تاهو اقل من ذا السعر وسيارة جميله لكل شئ
شلش 1896
16/02/2012, 12:03 PM
الواحد ماهو لازم يركب. جديد ولا والادهى إيجار السياره وسيله ليش مايقاطع فتره من الزمن علشان تصدي عند الوكلا
محطم عنيد
16/02/2012, 12:07 PM
انا ما الوم عبداللطيف جميل الوم المهبل الي يشترون منه خلاها تصدي فيه بديل لازم تويوتا اخذ تاهو اقل من ذا السعر وسيارة جميله لكل شئ

مابعده كلام :good2::good2::good2::good2::good2:
259
16/02/2012, 05:00 PM
ياشباب الهونداي احسن من التايوتا السبب لان الوكاله صناعه كوريه والتيوتا الجديد تايلندي واندنوسي

مثل الفورشنر وغيرها من السيارات الصغيره
قناص خلاوي
16/02/2012, 05:37 PM
لو اني مكان ابوجميل حطيت الهايلوكس بـ 250 الف

والجيب الجي اكس بـ 500 الف

والفكسار بـ 850 ألف + 2200 حق التظليلة

وترهن بيتك إذا جيت تشتريه اقساط :)

دامه محصل ناس تشتري لا تلومونه إذا زاد الاسعار

قال من أمرك قال من نهاني !!!
راعي المقانيص
16/02/2012, 07:12 PM
بكل صدق وامانه اخي الفضل نحن من جعل وكلاء السيارات يلعبون فينا

كل مازاد السعر مانقول لا نروح ونشتري عادي لكن لو نحط يدينا بيدين بعض ونخليه يصور مع سياراته سنه وحده بس يعني موديل واحد فقط

شف كيف النتيجه

انا صممت شعار ياغالي وحطيته ملصق ولصقته على سيارتي لمقاطعة تويوتا وسيارتي تاهو

http://im21.gulfup.com/2012-02-16/1329408709181.jpg
khhh
16/02/2012, 08:58 PM
لاحول ولاقوة الى باللة ياخي تويوتا يطربك صراحة بس مشكلتة بسعرة
الشيخ900
17/02/2012, 02:15 AM
المشكله وتبي الحقيقه وش الي حادنا على تويوتا اكثر الورش والميكانيكا متعلمين على سياراتنا تايوتا يعني نجيب سياره غير يلعب فيها ولو يكون فيه معهد خاص بتدريب عمال الورش والميكانيكا ويخرجهم بشهادت ميكانيكي او سمكري كل واحد وتخصصه ماهو من هب ودب يشتغل في الورش ويتعلم في سياراتنا مثل اخواننا اليمنه امس شغال بفوال واليوم في بنشري وبكره ميكانيكي وخلها على الله ذبحونا ذولا العمال الي كل شي يقولون لك نعرفله وهم كذابين يتعلمون على السيارات فقط واحنا ناس محدودين على التايوتا
ساهر حايل
17/02/2012, 02:20 AM
الله لايوفق كل مستغل لبى البشر , خلوها تصدي وين راحت ؟؟؟؟؟؟؟؟؟؟؟؟؟؟؟؟؟

عفوا حنا بس نتكلم ونتسابق على السيارات من هندهم
شعيب مشار
17/02/2012, 02:33 AM
معليش شباب حنـــا قوتنـا بالمنتديات مقاطعه وليه ووش فيهم كذا

ومن هالخرابيط الفاضيه وبالاخير اروح اشتري تايوتا او نيسان

لكن ماينـفع معنـا اي شششي

الله يسهل الامور
عاشق المقناص6
17/02/2012, 02:30 PM
يا شباب نبي نسوي مقااطعه للسيارات الجديده

الوكالة اكلاتنا الاسعار في الخياال

لو الشعب يحول الى هونداي او GMCاو فورد