للبيع باترول أربع أبواب 2011 أبو رفرف أسود

[ALBDRANE]

السلام عليكم

للبيع باترول 2011
اللون أبيض مكيفين ونوافذ كهرب ومرايات كهرب كشافات صدام
الممشى 8000 ك قابل للزيادة شبيه للصورة البيع على العامhttp://www.mekshat.com/pix/upload05/images241/mk34504_images.jpeg

[0أبومحمد0]

المكينة فتك ولا 4500؟؟
كم وصل السوم ؟

[اب اب اب]

كم وصل السوم


مابي اسوم سومه ماتعجبك

[ALBDRANE]

المكينة 4800 والسوم ما بعد أنسام

[المنيعي1]

كم حدك ووين موقعك وهل به ثلاجة ولالا

[ALBDRANE]

مافيه ثلاجة والموقع العاصمه والحد بعد السوم الصامل الله يسلمك

[ابوسدس]

الله يرزقك من واسع فضله

تقبل تحياتي،،،،،،،،،،

[أ ب و ع ل ي]

كم وصل السوم وهل هو قير عايدي ولا تماتيك

[SRAAAB]

ماشاء الله تبارك الله
الله يرزقنا ويرزقك يارب

[ALBDRANE]

حياكم الله يالطيبين القير عادي والسيارة ما عليها سوم

[صيد الرس]

ماشاء.الله.تبارك.الرحمن.الله.يوفقك.قل.امين

[ALBDRANE]

ماشاء.الله.تبارك.الرحمن.الله.يوفقك.قل.امين

أمين وياك وكل الطيبين

[abo_abdalah]

اسوم بـ 105,000 و ان ما جازت لك اعتبرها فتحة باب


و الله يرزق الجميع

[ابوسعود F15]

ماشاءالله تبارك الله
الله يرزقك بواسع فضله

[عين حصنان]

مافيه قير تماتيك وهل تقبل بدل وزود قروش عندي سفاري 2006 على يدي وكاله

الله يوفقنا وياك لكل خير

[ALBDRANE]

سومه طيبه ونبي من الله الزود
عين حصان القير عادي تصنف من سيارات التحمل والمهمات الصعبه ما ينفع لها الا العادي مثل النفود والسحب وغيره على سبيل المثال القير التماتيك تطلع ريحته ويستهلك في منطقة مثل الجنوب أي كان نوع السيارة يعني ما ينفع أبد في المرتفعات وأنا مجرب واقلق من هذي الحاله فقط للفائدة
ميزة التماتيك غير الراحة أقل صرفية وأقل صوت


بالنسبة للبدل غير مطلوب مع أن الفتك يستاهل ×

[abo_abdalah]

انا صراحة مجرب الفتك و توني بايع موتري

الموتر يا جماعة ما شكى من شي و استخدامي له ثلاث سنين و لا نيب محافظ عليه


و انا من باب خبرة , اشوف الفتك من اقوى المواتر في بر و ديرة و فيه دبل جبااااااااااااااااااااااااااااار و لا يرده عررق

الله يوفق راعي الموتر في بيعته و ودي اعرف انت حولي ولا لا ضرووووري

[ALBDRANE]

نعم طال عمرك بالنسبه لسيارات الصالون أنا أشوف مثلك أن الفتك لا يعلى عليه في الراحة وفي الصحراء مهما حاولو يزايدون عليه خصوصا أن الباترول الموديلات التاليه أقصد الفتك صار شي ثاني بالنسبه للموديلات الاوله وهذا من واقع تجربه
وتخبر أرتفاع الاسعار وضعف الجودة والسيفتي في السيارات البديله جعلت من الباترول الخيار الافضل ولا تنسى أن الباترول ما دخل فيه تجميع القطع ....... ياباني صح .

طبعا هذي الكلمات ليست دعايه لان الفتك لا يحتاج دعايه ولكن بما أنك تكلمت عن التجربه .

وبالنسبه للسعر والله وانا أخوك شف سعر الجديد كم واطرح حق أستعمال 8000ك وتعرف كم يسوى .وبالنسبه للسيارة أعتبر نفسك شاريها من الوكالة
أقصد السيارة فقط تمرين وضمان الحمراني
وش تبي بعد ما باقي الا بس تعد القريشات والله يبارك لك .

[H 2]

اخوي الماكينة
4800 او 4500
هل الموتر فتك ؟
انسئلت هل هو فتك والا غير فتك ولا رديت
الموتر فتك ؟؟ او 4500

[ALBDRANE]

اخوي الماكينة




4800 او 4500
هل الموتر فتك ؟
انسئلت هل هو فتك والا غير فتك ولا رديت
الموتر فتك ؟؟ او 4500




بالراحة ونا اخوك ما يحتاج الحماس واللون الاحمر ........الدعوه تساهيل

غريبة وشلون عرفت اني ما رديت ....! أجل أنت قريت الردود
الله يوسع صدرك بالعافيه الجيب فتك والرد في الصفحة الاولى الله يحفظك واي خدمه حاضرين

[أ ب و ع ل ي]

الله يرزقك البيعة الطيبة

[abo_abdalah]

اذا بتبيعني بـ 110 ارسل لي رقمك عالخاص

و الله يكتب اللي فيه الخير للشاري و البايع

[ALBDRANE]

سومه طيبه لكن مهيب قيمته يالطيب الله يجزاك خير

[سييرا2500]

الله يوفق ويرزق الجميع .....

[التميمي 333]

انا اسوم 115 ص
بعد الفحص وتراي صاااااااامل

[دحيم الخلاوي]

اخوي الموتر بديه سليم وكم حدك

[5954]

الموتر وكالته بحدود 151 ألف

ولا يجي الا لؤلؤي ورفارف سود وانت ذاكر انه ابيض

[ذيب عالية نجد]

وينك ياراعيه كم وصل السوم وانت قريب والا بعيد بعدين الاخ اللي يقول ان قيمته بحدود 151 الف الكلام هذا غير صحيح وتاكد من الوكاله

[ALBDRANE]

انا اسوم 115 ص
بعد الفحص وتراي صاااااااامل

سومة طيبة لاكن ما تكفي الله يوفقك

الي يسئل عن البدي الموتر وكاله تعرف وش معنى وكالة بس ما الومك لان السومات توحي بان الموتر فيه شي وانا أقول الي يبي يشتري يوديه للوكالة يشيكون على البدي والمحركات أذا ما يكفيه كلامي.


بالنسبه للون أبيض

[ذيب عالية نجد]

سومة طيبة لاكن ما تكفي الله يوفقك

الي يسئل عن البدي الموتر وكاله تعرف وش معنى وكالة بس ما الومك لان السومات توحي بان الموتر فيه شي وانا أقول الي يبي يشتري يوديه للوكالة يشيكون على البدي والمحركات أذا ما يكفيه كلامي.


بالنسبه للون أبيض
اخوي علي ب120 الف وكم حدك للصامل واللون هل هو ابيض او لؤلؤي

[ALBDRANE]

بيض الله وجهك ولا سمت الا أنك صامل لاكن باقي عليه شوي ونقولك تم
بالنسبه للون وضحت في رد سابق أنه أبيض .

[ذيب عالية نجد]

بيض الله وجهك ولا سمت الا أنك صامل لاكن باقي عليه شوي ونقولك تم
بالنسبه للون وضحت في رد سابق أنه أبيض .
أزود على سومتي وأقول125 ألف وهذا حدي
وليتك تعلمني كم حدك ومن ناحية صامل إي والله صامل ولاني راعي تجاره بستعمل ياخوك

[التميمي 333]

اخوي يالبدراني حد الموتر لاهنت
واذا انك منتب حاد
انت قريب من السومه والا بعيد

[ذيب عالية نجد]

وينك ياراعيه عجل علينا بالرد

[ALBDRANE]

المعذرة كنت في رحلة برية لمدة ثلاثة أيام

بالنسبة لسومتك يا عالية نجد فهي سومة طيبة وبما أنك وصلته لهذي الحدود فسوف أخبرك والاخوان بأن قيمة الجيب وصلت 133 خارج المنتدى والبيع قرررب .

[ذيب عالية نجد]

السلام عليكم وين موقعك اخوي البدراني قصدي بأي حي الله يسلمك

[ALBDRANE]

شمال الرياض

[ذيب عالية نجد]

المعذرة كنت في رحلة برية لمدة ثلاثة أيام




بالنسبة لسومتك يا عالية نجد فهي سومة طيبة وبما أنك وصلته لهذي الحدود فسوف أخبرك والاخوان بأن قيمة الجيب وصلت 133 خارج المنتدى والبيع قرررب .

السلام عليكم افرق السوم واقول 133500 والله يكتب الخيره

[ALBDRANE]

ممكن ترسلي رقمك على الخاص الله لا يهينك

[ALBDRANE]

يرفع وين الشرايين

[ALBDRANE]

تم البيع والله يبارك للشاري والبائع ارجو أغلاق الموضوع

[طحنون]

سومه طيبه ونبي من الله الزود
عين حصان القير عادي تصنف من سيارات التحمل والمهمات الصعبه ما ينفع لها الا العادي مثل النفود والسحب وغيره على سبيل المثال القير التماتيك تطلع ريحته ويستهلك في منطقة مثل الجنوب أي كان نوع السيارة يعني ما ينفع أبد في المرتفعات وأنا مجرب واقلق من هذي الحاله فقط للفائدة
ميزة التماتيك غير الراحة أقل صرفية وأقل صوت


بالنسبة للبدل غير مطلوب مع أن الفتك يستاهل ×

تصحيح لمعلوماتك القير التماتيك اقوى من العادي وبالذات قير الباترول الموديلات الجديده يعتبر قمه القيور تبترونك وقوه تحمله
اقوى من العادي ونفسه اطول
والعادي هو اللي تطلع ريحه كلتشاته والسبب الدسك والكلش يحمى اثناء التطعيس الجامد وحشر النمره وسحب المغرزين
وفيه مقارنه موجوده بالنت مين يتحمل ومين اقوى طبعا التبترونيك اقوى لدرجه ان زيته من نوع خاص ولا يوجد فيه فلتر فقط مغناطيس
مثل قير البي ام دبليو
حتى في صرفيه البنزين العادي يصرف اكثر من التبترونك
حتى طريقه قيادته لا يعرفها الكثيرين لانه لم يقراء دليل الاستخدام للقير التبترونك لانه فيه اسرار كثيره
وربعنا يحطه بالدي ( D ) اهم شي يمشي ولا يدري وش السالفه وبالاخير يقول العادي اقوى

ودي ارفق ادله لكالمي اللي اكتبه بشكل مفصل وعلمي على قولتهم بس مافيه وقت
كثير من المفاهيم اختلفت للسيارات الجديده وحنا الى الان نتكلم عن ايام الثمانينات والتسعينات

وكلمه انه ماينفع في المرتفعات
غير صحيح
عند نزولك من طريق التماتيك فضل لانك راح تحط القير على النمره رقم 1 او 2 على حسب احتياجك في السرعه ويعمل عمل البيرك في نفس الوقت بينما لوقير عادي راح تطلع ريحه
الكلتش والسبب رجل على الكلتش ورجل على البريك حتى ان البريك راح يعبي هواء ويقل اداء البريك وتحتر الهوبات
بينما التماتيك راح يريحك في البريك مجرد ماترفع رجلك عن دواسه البنزين راح يمسك الموتر نفسه ويعمل بريك بدون ماتدوس بريك بنفسك

وبالاخير
اتمنى بيعه موفقه والله يرزقك الحلال