المساعد الشخصي الرقمي

مشاهدة النسخة كاملة : ارتفاع ضغط الزيت وصوت طقطقه في المكينه افلانش 2007


الضلفعه
17/02/2012, 02:56 AM
بسم الله الرحمن الرحيم


السلام عليكم ورحمة الله وبركاته


يا أخوان عندي افلانش موديل 2007 دبل

ظغط الزيت عندي وانا واقف فوق النصف

واذا مشيت يوصل الى الثلاثه ارباع ولايتعدى

حتا في اقصى سرعه

مع اني اسمع صوت والسياره واقفه

تك تك تك كنها صوت مكينه بلاكستون

والصوت يروح ويجي

سويت اعاده برمجه للعدادات ونفس المشكله

مع العلم ان عداد الكهرب فوق ال 14 بشرطه

افيدوني وش اسوي وجزاكم الله خيراً

والشكر مقدماُ

والدعاء لكل من يفيدني
الضلفعه
17/02/2012, 01:20 PM
ياجماعة الخير اليوم الصباح شغلت السياره ارتفع امبير الزيت الى الثلاثة ارباع


وبعد ما سخنت رجع متعدي النص واسمع صوت تك تك تك


واذا شغلت المكيف رجع امبير البطاريه وايضاً امبير الزيت الى النصف


انلحس مخي مدري وش السالفه


ريحوني الله يجزاكم خير
دبا الحصن
17/02/2012, 01:44 PM
اخوي شيك علي طرمبه الزيت يمكن فيها ظعف لان صوت التك التك في الامريكي ها يعني تكايات المكينه ما يوصلها زيت او حط زيت موبيل ون ...
اتمني اكون افدتك
الضلفعه
17/02/2012, 04:11 PM
أخوي دبا الحصن ماقصرت وبجرب موبيل ون ولعله يروح الصوت ان شاء الله
التمسساح
17/02/2012, 11:50 PM
تبي تصير مكانيكي أشتر امريكي
وانت الصادق اشتري سكراب تصير ميكانيكي
لو تشتري تظيف لو انه هندي ماتفتح كبونه غير لغيار الزيت
بن مانع التميمي
18/02/2012, 08:01 AM
اذا على النص طبيعي وماعليه اخلاف


لاتخاف

والزيت حط نوع خفيف 10\30 دبليو
tevo
18/02/2012, 01:53 PM
الزيت اهم شي يكون 30/10 اذا كنت تحط ثقيل بدل الزيت وشوف الصوت يروح او لا.
اذا ماراح فتكون طرمبة الزيت فيها جلدة تخرب يبيلك تغيرها وتسوي تنظيف لها وبتعيش معاك مدي العمر ان شاء الله .
رحال7
18/02/2012, 01:59 PM
ياجماعة الخير اليوم الصباح شغلت السياره ارتفع امبير الزيت الى الثلاثة ارباع


وبعد ما سخنت رجع متعدي النص واسمع صوت تك تك تك


واذا شغلت المكيف رجع امبير البطاريه وايضاً امبير الزيت الى النصف


انلحس مخي مدري وش السالفه


ريحوني الله يجزاكم خير



يبدو لي طبيعي بس الكلام اللي فوق مو طبيعي
الضلفعه
18/02/2012, 10:10 PM
السلام عليكم اشكركم جميعاً


ولكن ياخون الأمبير فوق النصف


واذا مشيت وصل ثلاثة ارباع


والزيت 30 /10


وعلموني وش الطبيعي ووش اللي غير طبيعي
عزوبي بريدة
18/02/2012, 10:22 PM
الضلفعه كم ماشي موترك
بعدين وأنت واقف ادعس للسيارة وهي فاضي إذا ارتفع الامبير معناة طرمبة الزيت تمام لكن الصوت إذا إستمر أعرف لك هندي شغله تمام يضبط لك سيارتك في بريدة
ramy asiry
19/02/2012, 12:13 AM
حصلي نفس الصوت هذا تقريبا مرتين
أول مرة إذا السيارة باردة مثل تك تك تك وطلع من شداد السير وسير المكيف
المرة الثانية تك تك تك على طول وطلع من السير
وصوته يشبه صوت المكينة عندما يكون مافيش زيت واصل للمكينة
رحال7
19/02/2012, 09:47 AM
الضلفعه كم ماشي موترك
بعدين وأنت واقف ادعس للسيارة وهي فاضي إذا ارتفع الامبير معناة طرمبة الزيت تمام لكن الصوت إذا إستمر أعرف لك هندي شغله تمام يضبط لك سيارتك في بريدة


ارسل لنا رقم الهندي جزاكم الله خيرا
عزوبي بريدة
20/02/2012, 09:25 AM
أتوقع المنتدى مايسمح بوضع أرقام الجوالات لكن بوصف لك مكان الورشة


الموقع :القصيم -بريدة


شارع المحاكم ((طريق الشاحنات))سابقاً تخلي المحاكم على يمينك وتمشي بيجيك مغاسل الرهدن وبنك الراجحي والسنيدي على يسارك تمشي يجيك إشارة ديورمعها فوق تحت يجيك مسجد لف بعده يمين تشوف الورشة قدامك ومغسلة سيارات على يمينك اسم المكانيكي إبراهيم شايب يلبس نظارات وسكسوكة هذا اللوك ههههههه المهم قله مرسلني لك أبوفارس طبعاً أنا ما أعرف صاحب الورشة لكن أنا وقفت على شغل الرجل وشفت شغله صراحه ممتاز ولقيت عنده تاهو2007 نفس المشكلة طقطقه بالمكينة وضبطه


يكفيني الدعاء وشكراً
الضلفعه
20/02/2012, 09:47 PM
الله يجزاكم خير

ياجماعه الى الآن ابي اعرف سبب ارتفعاع ضغط الزيت
bneeder
22/11/2012, 08:59 PM
السلام عليكم حصل عندي في تاهو 2007 وكانت المشكلة طرمبة الزيت وغيرته
ls1.5700
23/11/2012, 05:34 AM
شيك على حساس الزيت 000 وضغط الطرنه
شغلة المكيف هذي حطت عندي شك بأن موترك فيه ضعف بالكهرب او اللتماس
وهو اللي لااعب بالعدادات او قرئة الحساسات
شيك عليها كامل 00 من ناحية التكتكه بكل السيارات موجوده