ارتفاع درجه الحرارة في البافندر

[خالد الكايد1]

وظبت السيارة توظيب كامل وغيرت قطع اصليه من الوكاله ولمن امشي بالسيارة ترتفع الحرار الى النصف ..
هل هذا طبيعي ام لا ؟؟
مــــلاحظة : قام المهندس بتثبيت تماتيك المروحه ونزلت الحرارة الى الربع وارتفع الصوت في المروحه وبداء يعلااا صوت السيارة من تثبيت تماتيك المروحه
نوع السيارة :2005 بافيندر قير تماتيك مكينه 3500


يا ججججججماعة الخير ابي ححححل عاجل وجزيتم خخيرا:mad:

[يالبى الهلا]

ليش يثبت المروحه؟
علشان يخبي فعلته والحراره تنزل وان ماعنده الا الدجه وتمشى من عنده وتنتهي فترة الضمان وبعدها خلص روحك؟
ارجع له وخله يفك التثبيت المروحه ويتاكد من الراس لايكون منسم او توضيبه مش ولابد لاتاخذ السياره من الورشهالابعد نزول الحراراه طبيعيه؟

[Topstars]

تأكد ان الرجال خلص شغله وعلا ضمان ما ترتفع الحرارة...
شوف يمكن دخل هوا مع دورة الموية لم جئت تعبي الرديتر..
بس اهم شي لا تشيل السيارة ولا تعطيه ريال واحد اذا ماضبط لك السيارة ..

[خالد الكايد1]

لوسمحتم من عنده باثفندر 2005 تمتيك مكينه 3500 الحراره العايديه والمكيف شغال اعلى حد فين تصل لأن الحراره عندي في السياره تصل الى قبل النصف بقليل هل هذا عيدي ام هناك خلل في الحراره يا ججججججماعة الخير ابي ححححل عاجل وجزيتم خخيرا:mad:

[abo naser 1]

السلام عليكم

ارفع كلمة مهندس عن السباكين الي عندنا جميعهم نصابببببببين ما ثبت المروحة الا توضيبة ماظبط والاحتمال الأكبر انه من الروس مخروطه وشيك ليه مدبل الوجة بعد الحرارة الطبيعية مع المكيف بعز الصيف توصل الربع الى الثلث عندنا 2004 نفس محرك 2005 ومازاد هذا غير طبيعي وتكفا ارجعله وخذ حقك منه ترا البلد سايب والعمالة اكلونا أكل بغش وخداع ونصب وأحتيال لاياخذك بكلامة المعسول ولاتصدقه لو يحلف ويده على المصحف أهم شي معك فواتير ولا تراى حقك أعتبره ضاع اذا موجوده ارجعله وخذ حقك منه سواء بالمادة او بيدك لاتقول هذا تخلف النظام عندنا حدنا على ها الأمور

ونصيحة الباث بندر توضيب كايد ولا يضبط شفت حالات واجد يوضب وكم يوم ويرجع للورشة واذا جاه حرارة يبتل مشاكل زين وهو جديد واذا فرطت مكينته يخلف الله............

[ابراهيم 2003]

الله يعنيك ياخوي والعمال نصابين كل يقول وهو مايدري

[هملول السحاب]

السلام عليكم

اخوي تأكد من البلف اذا مشيول البلف الحرارة لازم تكون ماتتعدا الربع اما اذا البلف موجود فالحرارة طبيعية جدا.

لان البلف يثبتها على النص او اقل بحاجة بسيطه..

[دحيم الفزعة]

يا شباب لا تسيئون الظن المهندس زي ما قال صاحب الموضوع انه ثبت تماتيك المروحه وصارت على الربع
فاللي استنتجته انا ان التماتيك خربان وانتم تعرفون اذا خرب التماتيك ما عاد تبرد المروحه
المطلوب = انك تتأكد من صلاحية التماتيك وأن السير مشدود التماتيك حاول انك تفك تثبيته اذا امكن أو تصلحه أذا تالف وقابل للأصلاح أو الله يعينك على تماتيك جديد
بعد ارجاع المروحه لوضعها الطبيعي ولا زالت الحراره موجوده فوق المعدل الطبيعي شيك على :
تفريغ الهواء من دورة التبريد وعلى فكره قبل فتره قريت موضوع هنا بمكشات عن طريقة تفريغ الهواء من دورة التبريد بالباثفندر أبحث عنه هنا في باحث قوقل بمكشات
أيضا تأكد من صلاحية بلوف الماء الداخلي والخارجي
صلاحية غطاء الأديتر
صلاحية طرمبة الماء
سير طرمبة الماء مرتخي أو مشدود أذا كانت تعمل بسير لان الباثفندر مدري عن طريقة عمل طرمبة الماء فيه
وأن شاء الله تتيسر أمورك


ودمت بود ===

[المنيعي1]

وظبت السيارة توظيب كامل وغيرت قطع اصليه من الوكاله ولمن امشي بالسيارة ترتفع الحرار الى النصف ..
هل هذا طبيعي ام لا ؟؟
مــــلاحظة : قام المهندس بتثبيت تماتيك المروحه ونزلت الحرارة الى الربع وارتفع الصوت في المروحه وبداء يعلااا صوت السيارة من تثبيت تماتيك المروحه
نوع السيارة :2005 بافيندر قير تماتيك مكينه 3500


يا ججججججماعة الخير ابي ححححل عاجل وجزيتم خخيرا:mad:
طيب غير تماتيك المروحة أذا خربان وليش تثبته.
بنسبه للحرارة الطبيعية أذا الرديتر رصتين والتماتيك سليم على الربع

[عفشك مكمل]

لابد من هالخطوات:

1- تغير تماتيك المروحة
2- تتاكد من بلف الموية الي بصدر المكينة انه مو خربان.
3- الاديتر مايكون متسدد

بعدها لكل حادث حديث

[خالد الكايد1]

كل ماقلته ياعفشك مكمل سويته:good2: الحين الحراره تصل النصف هل هيه طبيعيه ام الحراره مرتفعه.
شكرا لهتمامك بالموضوع وجزاك الله خير يا عفشك مكمل:good:

[هويدي]

اخبر الميكانيكيين"عصر الثمانينات" يطلب تمرين المكينه لمسافه الف كيلو بعد التوضيب

ولا تشغل المكيف ولا تتعدى الميه او الثمانين خلال فتره التمرين

وبعد ما تخلص المسافه ترجعله يازن البلوف والديلكو ويراجع شغله ويتأكد ان كل شي سليم

الله يكون بعونك وييسر امورك والمسلمين

حاول تروح لميكانيكي غيره وثقه او واحد يفحص كمبيوتر

والاخوان هنا فيهم الخير والبركه إن شاء الله واتمنى ان يحلو مشكلتك

[عفشك مكمل]

اخبر الميكانيكيين"عصر الثمانينات" يطلب تمرين المكينه لمسافه الف كيلو بعد التوضيب



ولا تشغل المكيف ولا تتعدى الميه او الثمانين خلال فتره التمرين


وبعد ما تخلص المسافه ترجعله يازن البلوف والديلكو ويراجع شغله ويتأكد ان كل شي سليم


الله يكون بعونك وييسر امورك والمسلمين


حاول تروح لميكانيكي غيره وثقه او واحد يفحص كمبيوتر



والاخوان هنا فيهم الخير والبركه إن شاء الله واتمنى ان يحلو مشكلتك


السقس الي بيتوقيعك كلام ثاني ياعم هويدي

طلعت علوم الثمانينات وهقوتي انك لاحق على الي قبلها وقبلها.
انا اسمع الوالد يطري رفيق له بعصر مضى اسمه هويدي :D
----------

اخوي خالد

بالشتاء مو طبيعي ابداً

اذا انت على كلامك ومما فهمت منك انك راعيت النقاط الي ذكرتها لك و وجدت كل شي سليم:

فالمفترض ان الحرارة تاصل الثلث وتستقر عندها (بالمكيف او بدون مكيف).طبعا بدون مكيف اقل بقليل ولكن المهم انها حول الثلث.

النص توصل له وطبيعي جدا لكن بالصيف مو الان. بالصيف لا تعدت سرعتك 140 توصل النص طبيعي جداً او طبيت نفود.

1- ترى رديتر البلد ماينفع بريال. انا اعتبره مرض خبيث . ممكن تفحص كل شي وتلاقيه ظاهريا سليم وبالاخير مجرد ما تغير الرديتر وهو لاشفته تقول وش زينه وياحلاته وتتفاجاء ان العلة كانت منه. طق لك رديتر صيني رصتين من ابوصالح بالصناعية القديمة. رخيص ولاهوب حسوفه.
2- احتمال موترك بحاجة لتنسيم. يمكن عقب التوضيب باقي هواء بدائرة الماء.
3- موترك صافي؟ اذا الاجابة بنعم فاستبعد ان الراس له شغل بحرارة الموتر.

[Topstars]

السلام انا مرت علي نفس تجربتك وسأحاول أعطيك المشكله وحلها.

الحرارة ترتفع مع السرعة الا النص تقريبا هذا مع السرعة فوق ١٤٠. حلها تسوي تنسيم للهوا وانحلت.

الحرارة ترتفه اذا وقفت وانا جاي من مشوار عند محطة او إشارة . لها ثلاثة احتمالات
١-تماتيك المروحة وحلها تثب المروحة وتشوف. ما انحلت.
٢- المروحة الكهربائية ما تدفع هوا او معكوسة او واقفة ما تشتغل. حلها كهربائي يشيكها.
٣- بلف الحرارة يصك مايفك يعني معلق حلها لازم تفك البلوف وتشوف حالتهم اذا الجلد مهترية ومقطعة غيرهم سعر الخارجي ١٠٠ والداخلي ٥٠ ريال.
بس ابدأ بتشييك الخارجي اللي في صدر المكينة تركبه سهل واسرع من الداخلي.

انا كان عندي الأحتمال الثالث والحمد لله الحين الحرارة الثلث مع المشاوير والمكيف شغال.

وقبلها كانت دوما اذا وقفت توصل النص.

للمعلومية كل الحالات مرت علي وكل وحدة أخذت مني وقت وفلوس وتعب لين انحلت.

دعواتك

[خالد الكايد1]

الله يجزاكم خير ويجعلها في موازين حسناتكم..اما أنت يا عفشك مكمل وياTOPSTARS فلكما شكر خاص ودعوه من جوار البيت العتيق.
ملاحظه:ابوصالح صاحب الرديترات باي مدينه.لم افهم ماذاتقصد الموتر يحتاج تنسيم ...والموتر صافي وضحها لي الله يجزاك خير.