المساعد الشخصي الرقمي

مشاهدة النسخة كاملة : عصا الدبل في الاندكروزر وفيوز الكربيرتر بالددسن


عاشق مكشات
18/02/2012, 12:51 PM
السلام عليكم

يجماعة المشكلة ان عندي لاند 96 عصا الدببل خفيفة جدا للدرجة بعض الاحيان اذا عشقته الدبل الخفيف ينفلت والمشكلة جت فجاه علم اني قد غيرت صليب عمود الدبل قبل سنتين , وماهي طريقت تنظيف الكربريتر بالبخاخ يقولون انه يزين الفتة ويزين العزم وفيه احد جربه

ويا جماعة عندي مشكلة ثانية ددسن 85 فيوز الكربيرتررقم 10 دايم ينقطع كل يوم اويومين ينقطع
واذا انقطع تولع لمبة البطارية ويتطفي الموتر ولازم تتدعس عشان مايطفي

ورحت لناس قالوا لازم يفك الطبلون عشان يشوفون الالتماس

وانا صراحة ماعجبني فكت الطبلون
دحيم الفزعة
18/02/2012, 01:20 PM
السلام عليكم
أرخص حل لاصلاح مشكلة سلك الكبليتر أنك تلغي السلك الأصلي الواصل للكبليتر وتسحب له سلك جديد سواء من دقمة التشغيل أو من الكويل

ودمت بود ===
عاشق مكشات
18/02/2012, 01:23 PM
السلام عليكم
أرخص حل لاصلاح مشكلة سلك الكبليتر أنك تلغي السلك الأصلي الواصل للكبليتر وتسحب له سلك جديد سواء من دقمة التشغيل أو من الكويل

ودمت بود ===


ماقصرت والله انها فكرة جيدة ان شاء الله ابسويها
sgl2002
18/02/2012, 02:14 PM
تنظيف الكلبريتر

خذ لك بخاخ اسيديلكو وبخ وفك الغطاء اللي يجي فوق الكلبريتر وابدا بخ والسيارة شغالة واذا قربت تطفي ادعس بنزين
خل رغوة البخاخ يسحبها الكلبريتر وراح تلاحظ دخنه تطلع مع الشكمان

واستمر كذا وبخ كل مكان في الكلبريتر لين ماينتهي البخاخ
DNA
18/02/2012, 03:04 PM
اخوي مشكلت عصى الدبل يكمن الاهله الي داخل الدبل متكسره افضل شي انك تدور معلم ممتاز حق جربكسات وتخليه يكشف عليه
واذا انك في المدينه المنورة دليتك على واحد
ومشكلت الكبريتر ماازيد على الاخوان شي يعطيهم العافيه كفو وفو
عاشق مكشات
18/02/2012, 04:08 PM
ماقصرتوا على المعلومات الطيبة
بدوي جنوبي
20/02/2012, 09:51 PM
بصراحه ما أحب طريقة بخ البخاخ في الكربيرتر او الثروثل
لانها أعتبرها طريقة ابو مشي حالك
البخاخ هذا مادة قوية وأتوقع انه يأثر على جلد البلوف