تسجيل الدخول

مشاهدة النسخة كاملة : لكل من يفهم بالديزل باترول ديزل


ابو جارد
19/02/2012, 12:58 AM
السلام عليكم

عندي مشكله اتمنى تساعدوني

عندي باترول ديزل موديل 2000

السياره فيها مشكله عند التشغيل

خاصه بالصباح

السلف ياخذ وقت يدور لحد ماتشتغل السياره

رحت لميكانيكي غيرت سخانات الديزل

وفلتر الديزل نظيف

اللي عنده حل يبلغني تكفون

تحياتي
ابو جارد
19/02/2012, 08:39 PM
ماحد عنده جواب
الوقيدي
19/02/2012, 09:14 PM
السلام عليكم : سيارات الديزل المفروض ان تشتغل من اول نقره للسويتش . ولكن عندما يكون فيه عطل تتأخر في التشغيل والاسباب نوعين عطل كبيير خلل فى الطرمبه او البخاخات وتكون السياره لاتشتغل الابتعب ومشقه مع دخان زياده وقله في العزم واستهلاك للديزل . واعطال بسيطه منها بلف الراجع يرجع الديزل الزياده للتانكي خربان وقديكون السبب.او خلل في ليات الديزل خرم اوقطع اوقفيز محلول .اوجلده الفلتر فيه خلل تأكل اوقطع للجلده اوطرمبه التحضير عطلانه وتكسب هواء . اومسامير روؤس ليات الديزل محلوله اوورداتها النحاسيه متأكله بسبب كثره الفك والتركيب. السخانات تأخر التشغيل اذا كانت عطلانه . راجع دوره الديزل وتجد السبب بعون الله . الى اللقاء
ابو جارد
20/02/2012, 01:45 AM
الوقيدي شكرا لك

السياره عند التشغيل يطلع منها دخان

قالولي يمكن البلف

الطرمبه فيها تحضير يدوي

قالولي سوي تحضير والسياره بارده اذا اشتغلت فمعناه فيه مشكله بالبلف

سويت ونفس الطريققه ماصار شي

مااشوف في السياره تهريب للديزل

تنصح اغير الليات والقفيزات
يالبى الهلا
20/02/2012, 09:01 AM
السياره معك من زمان والا مشششششتريه قريب؟
اذا معك من زمان تحتاج الى تنظيف بخاخات ؟
اما اذا قريب فصاحبها الاول ينشقها بنزين علشان كذا اصبحت مدمنه تنشيق :D
لابد من التنشيق لفتره واخرى
دبا الحصن
20/02/2012, 10:48 AM
اخوي شيك علي كتاوت السخانات انشالله منها . وياليت تقولنا وشوصار
موفق انشالله
ابو جارد
22/02/2012, 02:27 AM
يالبى الهلا

السيارة شاريها قريب
ابو جارد
22/02/2012, 02:30 AM
دبا الحصن

السخانات سليمه

اليوم مريت على ميكانيكي ديزل

شاف السياره واعطاني الخبر الاكيد
اللي هو فيه تهريب ديزل عند الطرمبه
يحتاج له تصليح

وان شاء الله ابسويها بكره

الوقيدي افدتني كثير بردك اشكرك
مركز حراره
22/02/2012, 08:48 AM
ركب طرمبه 200Lرخيصه وممتازه انا كان معي باترول ديزل ومركبه قبل الفلتر سعره ممكن 60ريال