غياب عن ساحة المواضيع الرئيسيه وجينا -- وهذا سؤال على الطاير

[طير الهقاوي]

السلام عليكم ورحمة الله وبركاته


اسعد الله صباحكم بالخير والمسرات


كلن يجهز للكروان
لحد يتعذر الهقوه انه قوي هالسنه
انا استخدم جهاز الاصوات ماخذ قاعدة ماعين الرياجيل له عينكله
ولو اني اتمنى من داخل قلبي انها لم تصنع ولا جت
ولا نقول الى مقدر ومكتوب
قلة الاجوال والسبه هذه الاجهزه
ليس موضوعي هذا الموضوع
لاكن
تسخين بس
المهم السؤال الي بسئله وبنشوف منهو الفطين


الطير عمره تاسع كم سنه له يعني



تحياتي لكم
طير الهقاوي

[(هزاع)]

الطفل لامر على جيته للدنيه حول قلنا عمره سنه ولامر تسع قلنا عمره تسع اسنين
والطيور ينهضم السنه الثانيه ونقول عنها بكر
مع ان الاصح غير 1: فرخ 2: ثنو 3: ثالث
لاكن مشينا وتعلمنا على ماتعلمو الاولين ولو احد غير شي نقدو عليه ونقول الان مثلهم فرخ والفرخ اللي بالعش
اجل بنحسب عمر الطفل من يوم ينفخ به الروح
والفرخ سنه والبكر سنه والثنو سنه والثالث سنه
احسب الثالث يطلع رابع
راسي بدى يشوش بتشوش دراستنا ياطير الهقاوي

[اسلي نفسي]

10 سنوات .

[الامبراطوري]

من وجهة نظري والذي انا فاهمة ان البكر عمرة ثنو اي ابو سنتين مثل لاقلنا للأبل .. حوار .. مفرود .. حق .. لقي ... يعني لاقال ابو تاسع ان عمرة منذ نشأته تسع سنوات .. والزبدة ان عمر الطير فرخ سنه حتى يقرنس واذا قرنس ثنو اي ابو سنتين ( بكر) واذا قرنس اصبح ( قرناس) ثالث ورابع وخامس ...
ملاحظة : بكر صفة لعمر الطير ولا تحسب سنة .
والله اعلم .

[الوالي 999]

10 يابعدي

[صقار مبتدئ]

سؤال جديد و حلو ينشط الخيمه و الاعضاء
عمره 10 سنوات
الفرخ (التمهيدي ) ما تنحسب من سنوات الدراسه
العمر يحسب بعد القرنسه

[ALNDOIE]

فرخ 1- بكر 2-ثنو 3-ثالث 4-رابع


5-خامس 6-سادس 7-سابع 8- ثامن 9 تاسع



سن الطير تسع سنين

[ابوعزيز2007]

يعني 10 سنين لو تحسبه بس بعرفنا 9سنين لان الفرخ مانعده

[الصحافة 15]

عمره يكون 10 سنوات

[سيف الهواء]

10 ياغناتي

[رجم الداب]

بسم الله الرحمن الرحيم
السنه / التسميه
1 / فرخ
2 / بكر
3 / ثنو
4 / ثالث
5 / رابع
6 / خامس
7 / سادس
8 / سابع
9 / ثامن
10 / تاسع

يعني يكون عمره 10 سنوات

[قرناس الجنوب 2011]

فعلا لو نحسب لعمر الطير من بدايته بيكون 10 بس كلمه فرخ هي التي قد تحذف

من بعد ماينقل الطير بكر فا يحسب له منها وفوق

[00مدريد00]

افادوك الاخوان وكما هو معروف فرخ سنه بكر سنتين ثنو ثلاث سناوات وهكذا وتقبل مروري 000000000000000000000000000000000000000000000 مدريد

[الشمالي 363]

مساكم الله بالخير اخوي طير الهقاوي اختلفوا الصقاقير بعمر الطير فيهم من يحسب الثالث وبعضهم ميحسبه يعني فرخ بكر ثنو رابع خامس وهكذاالثالث ميحسب انا مع الحسبه هاذي لني اشوفها اقرب للحقيقه وعمر طيرك يعني على الحسبه هاذي تسع سنين تقبل مروري بود

[مخاوي الذيب 305]

من 9 الى 10

والله اعلم
الوكاد انه من حدر 10 سنين
يعني 9 ونص هههه

[عابر الموج]

اذا قرنس السنه القادمه يكون مضى من عمره عشر سنين تقبل تحياتي

[زنااااح]

السلام عليكم
ندلي بدلونا مع الحاضرين والله اعلم

قبل لا ابدا
الانسان يعرف عمره بتوثيق اي بالتاريخ
واهل الغنم من اضروسها
والشجر من جذعه
والطير من ريشه واشياء مكمله غير الريش في حال ان الطير تعدا الخامس
الكلام ان الطير من يضهر من بيضته حتا ياتي وقت معين يبدل ريشه فا يعرف انه قد تجاوز مرحله او عمر لعمر
الخلاصه من القصه الي فوق ليي بيفهمها لني انا دخت ؛)
عمر الطير تسع سنوات لا عشر

والسلام عليكم ورحمة الله

[صاحب نوماس]

[QUOTE=رجم الداب;7988418]بسم الله الرحمن الرحيم
السنه / التسميه
1 / فرخ
2 / بكر
3 / ثنو
4 / ثالث
5 / رابع
6 / خامس
7 / سادس
8 / سابع
9 / ثامن
10 / تاسع

يعني يكون عمره 10 سنوات

على الحسبة التقليدية والمعرووووفة :good2::good2::good2:

[قرناس شماالي]

من وجهة نظري والذي انا فاهمة ان البكر عمرة ثنو اي ابو سنتين مثل لاقلنا للأبل .. حوار .. مفرود .. حق .. لقي ... يعني لاقال ابو تاسع ان عمرة منذ نشأته تسع سنوات .. والزبدة ان عمر الطير فرخ سنه حتى يقرنس واذا قرنس ثنو اي ابو سنتين ( بكر) واذا قرنس اصبح ( قرناس) ثالث ورابع وخامس ...
ملاحظة : بكر صفة لعمر الطير ولا تحسب سنة .
والله اعلم .

:good2::(:(

[عبدالرحمن بن ذياب]

بسم الله الرحمن الرحيم
السنه / التسميه
1 / فرخ
2 / بكر
3 / ثنو
4 / ثالث
5 / رابع
6 / خامس
7 / سادس
8 / سابع
9 / ثامن
10 / تاسع

يعني يكون عمره 10 سنوات


انا مع رأي اخوي رجم الداب

[طير الهقاوي]

السلام عليكم ورحمة الله وبركاته
يامرحبا من الطود لطود
حياكم
هزاع
اسلي نفسي
الامبراطوري
الوالي999
صقار مبتدئ
ابو عزيز 2007
الصحافه 15
سيف الهواء
رجم الداب
قرناس الجنوب 2011
مدريد
الشمالي 363
مخاوي الذيب305
عابر الموج
زنااااح
صاحب نوماس
قرناس شمالي
صقار الجنوب 11
ALNDOIE
كلام مثل العسل على حد معرفت كل شخص فينا
فيه سرد الى الان ماجاني او انه جاني وصار فيه لخبطه شوي بالوصف
والكلام سليم بان الطير عمره يصير عشر سنوات او انه يكون على ماقالو يمشي فيها
اسعدني مروركم الكريم وتحياتي لكم جميعااا
طير الهقاوي

[راعي الفيوجن]

تسع سنين هذا والله اعلم
لانه
1- فرخ
2- بكر
3-ثنو
4-رابع

[الصحافة 15]

وين راح الثالث يا راعي الفيوجن

[طير الهقاوي]

السلام عليكم ورحمة الله وبركاته


حياك الله ياراعي الفيوجن
مهوب صحيح عمره تاسع
بس فيه عدد بقوله لك لاني ما ابي الموضوع ياخذ اكبر من حجمه
الحسبه كالاتي
فرخ الى ان يقرنس وقبل لايتم ريش البكر يبلغ من العمر سنه
يعني بمرور طيرانه من العش وهو ماقبل موسم الشبك عندنا في الخليج العربي بقرابت شهرين يكون طاير من عشه
بكر يكتمل عمره البالسنه الثانيه بنفس وقت طيرانه من العش او تفقيسه من بيضته
جينا للحساب الجد
السنه الي بعد البكر
في مسمى الصقارين القداما لايوجد ثنو
على طول ثالث
وعندك العدد بعدهذا العمر بالتساوي
رابع --خامس --سادس-- سابع --ثامن-- تاسع --عاشر
بس احنا نحب نجدد ونجيب ونقول ونبتدع فمشينا على قولت ثنو هالسنه وراحت ودرجة بين هالناس كبير وصغير فاهم ومتعلم
ان كنت مصيب فمن الله وان اخطيت فمن نفسي
الله لايتكلنا على انفسنا
اخوكم
طير الهقاوي

[(هزاع)]

الله العالم ان اللي اخترع مسمى بكر شريطية ماقبل التاريخ
يسوقون لطيورهم
اشوا مانعدو منهم شريطية الغنم

[طير الهقاوي]

هزاع مسمى البكر موجود
من القديم الظاهر انك تبي مسمى الثنو
لان التسميه الصحيحه
فرخ بكر ثالث رابع خامس الخ000