أفيدوني عن الخيل بارك الله فيكم

[YOUSIF_2010]

السلام عليكم ورحمة الله وبركاته

اخواني انا من المحبين ومن المعجبين للخيل وودي اني اشتري خيل لان تأجير الخيل حرقني وكان مداني شريت خيل ..

وانا بصراحه ماعندي ذيك الخبره في الخيول من حيث اني اعرف هو مصاب في ظهره او احد رجياله إلا اللي مع الركب يبين خفيف احس فيه لكن ماابي انغش من احد وابي احد فاهم

وما ادري ايش الافضل خيل ولافرس ؟؟

انا اللي ابيه يكون مو طويل مره ولا قصير مره يكون طوله حلو وشكله يكون فيه من الملامح على الاقل من العربي ويكون هادي في الركوب ومطيع وحار بالركض

:good2:

واسمحولي بأن اكون واحد من الاعضاء بهذا القسم
مع العلم اني عضو في رابطة البليزر القديم ومتواصل دائما

:good2:

ومشكورين وماقصرتو

[نشمي1]

اذا نويت تشتري خذه على الفحص يعني يجي معك بيطري ويفحصه
طبعا الفرس افضل بس سعرها غالي من 12 الف وفوق

[الصــرح]

بالبركة مقدماً

ولكن إحرص على أن يكشف عليه الطبيب

البيطري بالإضافة إلى الإستعانة ببيطار للكشف

على الحوافر وكما قيل ( البهائم قوائم )

والخيل كلها مبروكة ولكن يستحسن في حالة

القدرة المادية شراء فرس عربية أصيلة

لأن إنتاجها السنوي سيغطي جميع المصاريف

بإذن الله

[صقرمغيض]

اخوي الغالي طلبك عندي حصان عربي جميل وهادي وعمره ما يتجاوز 6 سنوات وسليم والحمد لله اذاناوي اتصل 0562111989 ابو محمد

[السهم الأول]

الشباب ما قصروا خذ لك فرس وان ما قدرت انصح بالمخصي و يكون كبير فوق العشر سنين و يكون سليم من ناحية القوائم و الحوافر.

[YOUSIF_2010]

الله يجزاكم الجنه والحور العيين يارب


وننتظر ردور الاخوان

[YOUSIF_2010]

واتمنى يكون بالمنطقه الشرقيه الدمام او الخبر

[راكان745]

السلام عليكم اخي الكريم

بالنسبه لسؤالك بجاوبك عليه وبفيدك ان شاء الله .

اخي الخيل تريد عنايه اكبر مما يتوقعها الاخرين فيجب ان يكون لديك مكان مخصص لها وغرفه والماء متوفر والعلف متوفر . .

فان اشتريت خيل الله يعينك ع التكاليف والعنايه والتعب وتركيب السرج وتنزيل السرج والغسيل كل يوم .

اسعار الخيل عاديه الفرس لها سعر والحصان له سعر .

بالنسبه للامرض . امراض الخيل واضحه في الركض يتضح لك كل شي هل ركضها متناسق مع الارجل وايديها

وفي حالة الركض ونزلت راسها الخيل اعرف ان فيها مشكله

بالنسبه للمواصفات تختلف الانجليزي والعربي يختلف المصري والبلدي والسوري واللبناني

واذا تبغي نصيحتي خذ لك فلو او مهره وعسفها ع راحتك

وشكرا

[YOUSIF_2010]

من ناحية المكان اعررف ناس قبل الجبيل عندهم خيول ويعتنون فيها
وقلت بخلي الخيل او الفرس اللي بشتريها ان شاء الله عندهم وادفع كل شهر مبلغ رمزي مصروف الاكل وغيره

طيب اخوي كم تجي اسعار الفلو او مهره وكم تاخذ وقت علشان تنعسف ؟؟
وشكراً لمعلوماتك القيمه

[khayyal]

يا خوي كلام اخوي راكان ممتاز بس في شئ واحد ما وفقت فيه .. الاخ يوسف مبتدأ في الخيل ويبي يركب وما يصلح ياخذ مهر او مهره .. الافضل ياخذ فرس وتكون العمر الكبير بعد احسن.

بالنسبه للسعر اخوي انتبه من شغله .. كثير من المبتدئين يدور الرخيص ولكن اذا صار خيل مو مناسب يكره الخيل. انا انصحك خذ الزين عشان انتاج الفرس يجيب لك مبلغ زين واذا فكرت تبيع جاتك العالم تطلبها ما تنشب في حلقك.

نصيحتي لك التالي:
- خذ فرس عربيه ومو شرط مسجله بس تكون حلوه الطبع وهاديه وتكون اقل شئ عمر 6 سنوات
- اهم شئ المكان .. فتأكد واتفق مع الاسطبل اللي بتحطه فيه على كل شئ قبل تشتري الخيل .. تكاليف العامل والعلف والأسطبل ونظام التنظيف
- مكان الاسطبل مهم يكون قريب لأماكن حلوه للركوب اذا تبي الوناسه
- حاول تشتري فرس تكون حامل من البدايه وخذ معك بيطري يكشف ويأكد كل شئ
- خذ معك خبير في الخيل يكشف على الاصابات ويتأكد من مشية الخيل انه سليم

وهذا باختصار نصيحتي وان حبيت تشتري من الاحساء خيل نساعدك لله وبالتوفيق انشالله

[moh.madابورعد]

الله حيهم ياخواني انا عندي حصان انتاج وهادي وباوراق اسمه شذوان بن عز الخيل وعمره عشر سنين ومخصي كان لك نضر

[ابونجم 1]

ياأخوان وش سالفة المسميات الجديده اللي ماندري من وين جايتنا وكأن حنا هنود شغالين في محطة بنزين كل زبون ماخذين منه كلمه لو مايعرفون معناها !!!!!!!!!!!!!!!!!!!!
ياأخواني الغالين حنا عرب ونتكلم العربيع بالسليقه وبالفطره :
1- كلمة خيل أو الخيل تطلق على جمع من الخيول سواء ذطور والا اناث.
2- كلمة حصان تطلق على الذكر فقط .
3- كلمة فرس تطلق على الأنثى فقط .
أنا لاني سيبويه ولا ابن مالك , لكن هذا هو الصحيح

وتقبلوا تحياتي