المساعد الشخصي الرقمي

مشاهدة النسخة كاملة : أول مره أسمع بوزن الركب O.o !!!


عاشق التوام
19/02/2012, 10:50 AM
السلام عليكم ورحمة الله وبركاته


صبحكم - مساكم الله بالخير يالنشاما


موتري باترول ربع سلق 97


سبق ونزلت موضوع بخصوص (مسحيّة) بالكفرات الأمامية من داخل الكفر ومن الخارج وبعد كل التشيكات والإفادات
ما وجدت حل والمسحية مستمره رحت لكذا ميكانيكي وتخبرون أفلامهم هاليومين
تغيير قطع وصلخ من ظهرك ماعندهم إصلاح هذا يبيله تغيير وذا بعد و بنغير لك ذا المهم غيّر غيّر غيّر ومابقى إلا !!!
يغيروني أنا :( لين ياصلون للمشكله اللي يبحثون عنها وهم يغيرون



مالكم بالطويله


رحت لأحد الميكانيكيه المعروفين في مدينة جده ويمدحونه إخواننا القنوص والكشّاته أهل الباترول من موديل 88 حتى 97
إسمه أرشد في صناعية المعارض بجده
رحت حسب توصيات بعض الإخوان وحكيت له سبب عشقي للميكانيكية والصناعية
:heart::heart:


المهم شيك على الموتر وقالي من دون فتاوي اللي قبله عندك (الركب) يبيلها وزن
ولكن بعد ما أزنها لك لازم توزن الأذرعه على طول لأن ما عنده ميزان أذرعة وبعدها تروح المشكله بإذن الله


وش رايكم بكلامه لأني وبصراحه على كثر ما خاويت هالباترولات وتنوعت بموديلاتها ماقد سمعت بهالمشكله ألا من أرشد لبى قليبه :D



آسف على الإطالة ولكن للتوضيح


وطبعاً لاغنى عن توجيهاتكم يالنشاما


.
عاشق الشعبيات
19/02/2012, 03:16 PM
وعليكم السلام ورحمة الله وبركاته

كلامه صحيح المشكله عندك في ركب الدفرنس الأمامي اللي تجيك على نهاية أطراف الدفرنس ويكون الدفرنس فاتح على برا وهو بيرجعه لك على طبيعته بالكبس للركب وبعدها توزن الأذرعة وترجع الأمور تمام
الوقيدي
19/02/2012, 09:00 PM
السلام عليكم : نعم الركب توزن وذلك بفك الدفرنس وفك العكوس والرمانات ودسكات وكليبرات الفرامل والكرونه ويبقى الدفرنس فاضي جرم فقط (حافظ على زيت الدفرنس القديم حتى لايحصل ونه ولاتغسل الكرونه ايضا حافظ عليها من الغبار ) ثم يرسل للمخرطه وتكون متخصصه حيث يكبس بالكباس الهيدرولوكي فقط ولايستخدم تسخين الاكسجين فيه ابدا . يتأكد من الوزن الصحيح ثم يرجع للورشه ويرجع كل شيئ فيه . الافضل أخذ جرم اودفرنس كامل قديكون الافضل . الى اللقاء