اين افضل إمكان لصيد السمك ؟

[عبدالله نت]

بعد تم دفن البحر في عدد اماكن في الدمام




اين افضل إمكان لصيد السمك ؟

[بوناجم]

انا عندي نفس السؤال...لان وين ما نروح محل يجيه الدفن
لدرجة اننا صرنا نطلع الجبيل وغيره
انا اعرف اماكن كثيرة يمدحونها بس كل ما اروحها ما الاقي الا صغار "" ابو نقطة "" وقرقفان""
حسيت ان البحر خلال هالشهرين صاير فاضي بالنسبة للصيد من على الشاطئ

[صايد الحوت]

جبتها على الجرح بحر الدمام اخترب مو زي اول الصيد فيه او كل مكان تصيد فيه الحين نادر ماتحصل مكان جيد ولا تنسا الهويات الايام هذي لاكن حاول تطلع مع قروب اماكن بعيده مثل راس بوقميص او السفانية او الجبيل وغيرها يعني ابعد او اماكن نادر محد يروح لها وبتوفيق يارب

[بحار جده]

كما ذكر اخوي صياد الحوت أعلاه,, البحر اخترب
كان زمان الصيد طيب,,,قبل دفن البحر..والصح هو دفن مراعي السمك؟! حسبنا الله
دمروا البيئه البحريه,,,
يضطر الهواه لقطع مسافات بعيده لممارسة هواياتهم قبل الردم والدفن
بصراحه مايحدث للبحر..وخاصة بالمدن لايدل على أمانة مسؤول
ولاحضاره كما يدعون*

كان الله بعونكم أحبائي هواة الصيد من الشاطيء
ولاحول ولا قوة الا بالله

[accentkool]

الاماكن اكثرها اختربت بالدمااام
والناس صارت تروح الخبر وراس تنورة والجبيل

[عبدالله نت]

الي يقول مافي ارضي فاضية لا لمن دفن البحر

كله من التاجر الي ماشبعون فلوس

عندهم فلوس مئة سنة قدام بعد يبي ويقول هل من مزيد

الله يرزقك بس تاجر بعيد عن خراب البيئة ×

يروحون عند الاماكن الي ينبسط فيه الموطن .

[بوناجم]

الواضح ان السالفة ما في الا الخبر او الجبيل او ابعد... الله كريم

[محب الخيال]

شكراً على هذا التقرير الرائع

[Tareq.Salah]

ياشباب هذي الأيام يقل الصيد من الشاطيئ و قد يكون مقطوع بسسب كثره الطحالب البحريه الي تظهر على القرب من الشاطئ والله اعلم

[بوناجم]

بالنسبة لكلام اخوي طارق ... انا سمعت عن هذا الشي بما اني مبتدأ وما مرت علي التجربة ..ولاحظت منذ خروج الطحالب من قبل تقريبا شهر الى شهرين انقطاع الصيد
بس انا اشوف في ناس تصتطاد اسماك بعض الاحيان واحجام حلوة ..وانا رحت الجبيل واصدت لي شعمين من الاحجام الكبيرة من على الشاطئ..عشان كذا انا مستغرب من الشاطئ الي عندنا بالدمام

[بوعادل الرشيد]

اخواني الاماكن كثير بس صيد السمك يبيلة الصبر والاماكن الهادئة يعني اللي مايزورها احد كثير

[محب الخبر]

إخواني الحداقة
السلام عليكم ورحمة الله
الخبر الدمام الجبيل راس تنورة .......... الخ
السمك والحمد لله موجود وبكثرة وبنفس محادق السيف المعروفة للجميع بس لازم كل واحد يطور طريقة الحداق ترى السمك هم صار عنده خبره في طرق حداقكم وخصوصا سمك الأسياف تعرفون طرق الحداق ومعداته تغيًرت وتطورت مثلها مثل غيرها
نوعيات الخيوط والثقل والميادير والسنارات وطرق الترديع
وحتى حالة الاجواء والطقس تغير لازم تكون حساباتكم مختلفه عن السابق
الطعم او الطعوم ضروري يكون فرش طازج ونوعية جيده وتتعب عليه مثال الشعم هذه الايام يفضل الشرايب الاسود والأبيض بعد شهر يدور الربيان الكبير والميد الصغير في البرد تصغر الميدار والطعم علشان الشعم والسبيطي ما يحب يفتحه خشته اقصد حلجه اقصد فمه
الخيوط انواع الحين ال30 بقوة ال 50 ويمكن أقوى ولا أراك ولا تراني ومايسحر ابد
القصد الحداق لازم يستفيد من خبراته ويطور نفسه ويستفيد من الموجود في الدول المتقدمة مثل اليابان وأمريكا والدول الاخرى تأخذ الي يناسبك ويناسب الحداق عندنا ويمكن تضيف عليه
المهم التشكي والتبجبج ما يفيد