صوت طقطقه في اليوكن

[aboseif911]

بسم الله الرحمن الرحيم

السلام عليكم ورحمه الله وبركاته

معي يوكن 2000دبل غيرت طرمبه الزيت وبعدها جاني صوت طقطقه تحت السياره خفييف وسئلت المعلم قال هذا الحذاف لو تغير سلف يروح لاكن كذا عادي ما منه ضرر لاكن اليوم بعد ما جيت من مشوار طويل زاد الصوت بقوه وصار تقول حديد يصقع في بعض ومدري العامل عنده سالفه ولا لا هل هو صدق الحذاف ولو اغير سلف يروح

[الدوسري2010]

اخوي السلام عليكم من اولها فك نفسك وده للبريدي يفحصه اللي في شارع المعارض هذا اذا كانك بالرياض اما اذا كانك برا الرياض افحص احسلك والله كل مهندس يتفلسف شوي لاوالله انك مغير كل شي

[بدوي جنوبي]

أتجه لكهربائي ويفحص السلف
اذا طلع سليم أرجع للورشة اللى ركب طرمبة الزيت .

والمفروض أذا فيه مشكلة في الحذاف يعطيك خبر قبل

[بشير حسن]

اد كان الصوت تحس بانه صادر من اسفل السيارة وليس صادرا من المكينة فاتوقع بشكل كبير بانه من الحداف وهدا يلزمك تغيير الحداف ومن ثم التشييك في الكهربائي على السلف لكي مايعمل لك مشكله في كسر وشرخ في الحداف مره ثانيه بس ادا كان الصوت صادر من المكينة فلا السبب مو من الحداف يعني له علاقة بتغييرك لطرمبة الزيت

[بدوي جنوبي]

اخى بشير أتوقع انه الميكانيكي هذا من جنمب القده
لانه يقول الصوت من الحذاف روح غير سلف كيف تجى ؟

[aboseif911]

اخى بشير الصوت من تحت اذا مشيت يجي ويزيد ويكون واضح في الجلد مع المطبات

اخي بدوي ما ادري هو مكنيكي ولا سباك ههه لاكن السلف في التشغيل عادي

واذا من الحذاف كيف اتاكد

[بدوي جنوبي]

مثل ما ذكرت لك اول
الله يعينك شف كهربائي يكشف على السلف
والحذاف فيه غطاء ،، يغطى الطنجره بعد الفك يتم فحصه بالنظر