الى الاخ محمد الشراري

[عزااااام-1]

السلام عليكم ورحمة الله وبركاتة

اقدم اعتذاري الى الاخ محمد الشراري على الكلام الي انكتب في قبيلة الشراراة واقول الي كتب الكلام ولد طايش مثل ما وضح لة على الهاتف واقول ان الي صار مايرضينا وقبل الاعتذار والخطاء خطئ انا وانا صاحب العضوية عزااااام-1 تركي ماقفلت بعد التصفح وهاذي صارت كثير مع ناس واجد واقول الشرارة على روسنا واكرر اعتذاري

[محمد المساعد]

عذرك مقبول يابو فهد


وبعد الاتصال والى دار بينا أنت مسامح ومثل ماقلتلي وحلفت انك ماتعرف عن الظربه الى فى الطير انها تثر فى أرتفاعه


والحمدلله على كل حال وماقصرت يابو فهد عزالله كفيت ووفيت وجزاك الله خير واشكر أخواني أعظاء مكشات الى أتصلو وتدخلو فى حل الموظوع وهذي ماهي غريبه عليهم ونت يابو فهد (سامحني )اني ضنيت بك ظن أقسم بالله انه عيب بطير لاكن انت بينتلي انك ماتعرف عنه شي والحمدلله حنا أخوان مادام الحوار والخوف من الله موجود ولولا حرصك على الحلال ماتصلت وتعذرت ولله يكتبلك مكتوب خير وسامحني على مابدر مني بدون قصد مني اني أشوه سمعتك لاكن قدر الله وخاتمتها خير ابشرك أنشاءالله


وعذرك مقبول وعلى الراس يا بوفهد

[سمرت سوالف]

هذا الكلام اللي يثلج الصدر
بيض الله وجيهكم
عزام ومحمد الله يوفقكم ويستر عليكم
هاذي بادرة اخوه تحسب لكم
تقبلو مروري

[اسلي نفسي]

بارك الله فيكم
هذا شي طيب
والاسلام حثنا على التسامح
قال تعالى {فَاصْفَحِ الصَّفْحَ الْجَمِيلَ}(85) سورة الحجر

[ذراع الذيب]

السلام عليكم ورحمة الله وبركاته,,
صبحتم بالخير جميع..

وهذا هو عشمنا بالرجال الاجاويد وبيض الله وجيهكم جميع..
وهذا هو حال الدنيا ولابد تكون هناك خلافات والطيبين شرواكم هم اللي يضفرون بالعلم الغانم..
والدنيا مروحه وعسانا نظهر منها ومافي قلوبنا غل,,
وتحياتي لكم,,

[رفحاوي 999]

بيض الله وجوهكم

[عزااااام-1]

الله لايهينكم ياخوان ووجيهكم بيض ومسامحك دنيا واخرة يابو نايف واخص بشكر الاخ صقار الجنوب والاخ العزيز هزاع ابو مشعل ولا انسى شكري للادارة الله يعطيهم العافية

[الصحافة 15]

أحسنتم يا أخواني وأصبتم بأبعاد الشيطان عنكم بفعلكم وبارك الله فيكم وجمعان بكم جنته

[رعد المطر]

بيض الله وجيهكم والله يستر عليكم وما دمنا ودمتم بديار اخو نوره ماعلينا خلاف جميعا وهذه سنه الحياة 0

[أبو فااارس]

بيض الله وجيهكم ماكان ودنا انها تطول السالفه لكن الحمد لله جت سليمه وهاذي الرجال

[قرناس شماالي]

بارك الله فيكم
هذا شي طيب
والاسلام حثنا على التسامح
قال تعالى {فَاصْفَحِ الصَّفْحَ الْجَمِيلَ}(85) سورة الحجر

كلامك من ذهب يلي تسلي نفسك

[(هزاع)]

وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ
هذا خلق المسلم
ماشاء الله تبارك الرحمن عليكم
رجال مسلمين نفخر بكم
الاخ اليامي والاخ الشراري
الشيطان حريص جدا على زرع الفتنه ودائما تحصل اختلاف بين الناس والشيطان حريص على ذلك
اقدم شكري وفخري وعتزازي لكم
اخوكم ابومشعل