راعي العجراء
20/02/2012, 02:01 PM
السلام علاكم ورحمة الله وبركاته
اليكم هذه السالفه الواقعيه واعتقد انها في عام 1394 هـ او 1395
ذيك السنه كان عندي جيب ولز موديل 1948 قلت لواحد من زملائي وش رايك نكشت يم اخويانا في بنبان انا مواعدهم ابطلع لهم
وكان مفرق بنبان عن طريق صلبوخ يبعد عن الرياض 36 كيلو مع السفلت شمالا
و18 كيلو خطوط صحراويه
قال مايخالف جمعنا اغراضنا وعبينا جراكل ماء وجركل بانزين ومشينا بعد التوكل على الله مسكنا خط صلبوخ
والطريق سيد واحد والجيب اكثر من 60 مايمشي لا وينقطع قلبه من هالممشى متكيثر علينا بهالسرعه
المهم ملينا الطريق ماقطعنا 7 كيلوا وصرنا مثل الحجر العثره في طريق التريلات
وانتم عارفي ان راعي العجراء فيه من الذهانه اللي تكفي سبعة رجاجيل لمدة اسبوع
ماعلى قلبه بخص بالذهانه
قلت لخويي وشرائك نقطع قطوع لبنبان جلد بدل مانمسك هالخط الطويل والوقت ليل
قال ابد اللي تشوفه انا عصاك اللي ماتعصك رفيقي ماهو بعيد عن ذهانتي
وانا افرق يمين وامسك الجلد واقول للجيب الولز تمغط على كيفك جاك الجلد اللي انت تدور
ورنا ركضك بالسروال تندح على كيف ام جابتك
احس ان الجيب يقول لي ابشر بسعدك ياراعي العجراء مادام انت سواقي انا اشهد اني ابي اتندح واتسدح قلت كفو يالنشمي هذا خبري فيك
الجيب كشف ماعليه اشراع والهواء منعش يخلي السواق البنقلاديشي يهيجن
قال خويي خلنا نهيجن قلت ابشر
عطناها قال انت عطنا وانا والولز نرد معك قلت ابشر
قلت خلني اتذكر قصيده يستانس معها الجيب
وتذكر هذه الابيات
ياموتر غابت الشمس ,, وياما من البعد قدامك
حلفت دون الغضي ممس ,, لوشبت النار بشكمانك
منتب خصوصي ولاتكس ,, والبعد يطويه صدامك
اشوي يوم اخذ الولز يتنتد ويتسدح
المهم ونمشي مع هالجلد تقريبا ثلاث ساعات مبسوطين ماغير حنا يالثلاثه
يوم صار شوي الا وندخل رياغي قلابيات يوم انعمينا من الغبره الطريق ماعاد نشوفه لاراحت الغبره مشينا ثم تقوم علينا الغبره من جديد وناقف في وسطها وعلى هالحال
المهم قطعنا الدركال والرياغي وحنا نوقف ونا خذ الكشاف وانا احط النور على وجهه خويي
الاوجهه تقول بس متمرغ له في رماد وخذ ياضحك ويو اخذ الكشاف مني وهو يحط النور في وجهي وهو ياخذه ضحكه
المهم حركنا ومشينا بعد ساعه وصار لنا اربع ساعات نمشي الا هاك الانوار قال خويي وش
الاتوار قلت هذي بنبان يمكن واصلهم الكهربا ومحتفلين من الفرح
قال وين انت غادي يارع العجراء يمكن هذي سدير لنا اربع ساعات وحنا نمشي بنبان متعدينه
وكل مانقرب تزيد اللمبات
وحنا نتحقق بالامر عن هالديره الا وهذا خط العليا العام راجعين للرياض
طبعا هالكلام كانت العليا على بدايتها مابعد نفذ طريق الملك فهد وخذ يالضحك
قال وش السوات قلت انا معلم اهلي اني ابمرح بالبر ويش يدخلني عليهم تالي الليل
قال خلنا ندور محل زين ننام فيه والصباح ندخل على اهلنا
واخر شي نزلنا العزبه عند الانور قريب من الخط
المهم طعينا الشاهي وتستدحنا ويوم طلعت الشمس بعد ساعتين ونقوم ونغسل
وندخل الرياض
خويانا طول الليل وهم يتحرون جيتنا كل نور يقبل يقولون هذولا هم
المهم يوم ارجعوا وينكم تحريناكم قلت ماحصلي حلفت علي امي تقول لا تطلع بالليل
بهالجيب ولا بغيت اقطع حلفه وضيق صدره
انتهت السالفه وارجوا ان تكون اعجبتكم
واستروا ماوجهتوا
وقبل الختام سبحانك اللهم وبحمدك لااله الانت استغفرك واتوب اليك
دمتم بخير
اليكم هذه السالفه الواقعيه واعتقد انها في عام 1394 هـ او 1395
ذيك السنه كان عندي جيب ولز موديل 1948 قلت لواحد من زملائي وش رايك نكشت يم اخويانا في بنبان انا مواعدهم ابطلع لهم
وكان مفرق بنبان عن طريق صلبوخ يبعد عن الرياض 36 كيلو مع السفلت شمالا
و18 كيلو خطوط صحراويه
قال مايخالف جمعنا اغراضنا وعبينا جراكل ماء وجركل بانزين ومشينا بعد التوكل على الله مسكنا خط صلبوخ
والطريق سيد واحد والجيب اكثر من 60 مايمشي لا وينقطع قلبه من هالممشى متكيثر علينا بهالسرعه
المهم ملينا الطريق ماقطعنا 7 كيلوا وصرنا مثل الحجر العثره في طريق التريلات
وانتم عارفي ان راعي العجراء فيه من الذهانه اللي تكفي سبعة رجاجيل لمدة اسبوع
ماعلى قلبه بخص بالذهانه
قلت لخويي وشرائك نقطع قطوع لبنبان جلد بدل مانمسك هالخط الطويل والوقت ليل
قال ابد اللي تشوفه انا عصاك اللي ماتعصك رفيقي ماهو بعيد عن ذهانتي
وانا افرق يمين وامسك الجلد واقول للجيب الولز تمغط على كيفك جاك الجلد اللي انت تدور
ورنا ركضك بالسروال تندح على كيف ام جابتك
احس ان الجيب يقول لي ابشر بسعدك ياراعي العجراء مادام انت سواقي انا اشهد اني ابي اتندح واتسدح قلت كفو يالنشمي هذا خبري فيك
الجيب كشف ماعليه اشراع والهواء منعش يخلي السواق البنقلاديشي يهيجن
قال خويي خلنا نهيجن قلت ابشر
عطناها قال انت عطنا وانا والولز نرد معك قلت ابشر
قلت خلني اتذكر قصيده يستانس معها الجيب
وتذكر هذه الابيات
ياموتر غابت الشمس ,, وياما من البعد قدامك
حلفت دون الغضي ممس ,, لوشبت النار بشكمانك
منتب خصوصي ولاتكس ,, والبعد يطويه صدامك
اشوي يوم اخذ الولز يتنتد ويتسدح
المهم ونمشي مع هالجلد تقريبا ثلاث ساعات مبسوطين ماغير حنا يالثلاثه
يوم صار شوي الا وندخل رياغي قلابيات يوم انعمينا من الغبره الطريق ماعاد نشوفه لاراحت الغبره مشينا ثم تقوم علينا الغبره من جديد وناقف في وسطها وعلى هالحال
المهم قطعنا الدركال والرياغي وحنا نوقف ونا خذ الكشاف وانا احط النور على وجهه خويي
الاوجهه تقول بس متمرغ له في رماد وخذ ياضحك ويو اخذ الكشاف مني وهو يحط النور في وجهي وهو ياخذه ضحكه
المهم حركنا ومشينا بعد ساعه وصار لنا اربع ساعات نمشي الا هاك الانوار قال خويي وش
الاتوار قلت هذي بنبان يمكن واصلهم الكهربا ومحتفلين من الفرح
قال وين انت غادي يارع العجراء يمكن هذي سدير لنا اربع ساعات وحنا نمشي بنبان متعدينه
وكل مانقرب تزيد اللمبات
وحنا نتحقق بالامر عن هالديره الا وهذا خط العليا العام راجعين للرياض
طبعا هالكلام كانت العليا على بدايتها مابعد نفذ طريق الملك فهد وخذ يالضحك
قال وش السوات قلت انا معلم اهلي اني ابمرح بالبر ويش يدخلني عليهم تالي الليل
قال خلنا ندور محل زين ننام فيه والصباح ندخل على اهلنا
واخر شي نزلنا العزبه عند الانور قريب من الخط
المهم طعينا الشاهي وتستدحنا ويوم طلعت الشمس بعد ساعتين ونقوم ونغسل
وندخل الرياض
خويانا طول الليل وهم يتحرون جيتنا كل نور يقبل يقولون هذولا هم
المهم يوم ارجعوا وينكم تحريناكم قلت ماحصلي حلفت علي امي تقول لا تطلع بالليل
بهالجيب ولا بغيت اقطع حلفه وضيق صدره
انتهت السالفه وارجوا ان تكون اعجبتكم
واستروا ماوجهتوا
وقبل الختام سبحانك اللهم وبحمدك لااله الانت استغفرك واتوب اليك
دمتم بخير