تم وبحمد الله شراء قارمن مونتانا 650

[أبوعبدالرحمن الأسعدي]

السلام عليكم

تم بالأمس وبحمد الله شراء مونتانا650 من محل العامة في المرسلات وعليه ضمان سنه وهذي صورة الجهاز

http://www.mekshat.com/pix/upload05/images241/mk65196_111.jpg


انطباعي عن الجهاز بصراحة ممتاز بالنسبة لتجربتي للعديد من أجهزة قارمن ولكن هناك بعض العيوب منها صغر الشاشه 4.0 بالمقارنه لبعض الاجهزه والشاشه نوعا ما فيها شحوب او تباين زايد ولما حملت الخرائط وجدت التوجيه الصوتي مختلف وفيه بعض الأخطاء وكأنه ينطق الكلام حرفيا وصوت رجل بالغ عشر مرات! تعودنا على نعومه الصوت بصراحه ;)

بالنسبه لتحديث الجهاز هو اصدار 2.40 على ماعتقد والحين اخر تحديث له هو 3.90 ودي بصراحه احدثه ولكن دار موجه اعتقد بيضرب في السعر وهذا الي مخوفني وانتم وش رايكم

وشكرا للجميع

[محمدالعريني]

ماشاالله مبروووك يالغالي وبالنسبه للتحديث ما تقدر تحدثه بنفسك

[sameer_1798]

ماشاء الله الله يبارك لك في الجهاز
والتحديث بسيط حدثه بنفسك وليه مايتحدث يامحمد العريني شوف طريقة التحديث في المواضيع المميزه
والصوت ترى فيه صوتين صوت رجل باسم ماجد ينطق اسماء الشوارع وفيه صوت النوفي نسائي تجده من ضمن الاصوات باسم عربي
ولاتنسى مر على موضوع مشرفنا asd في دروس تستفيد منها وتجد رابط موضوع تكبير الخط .

[qulaib]

ألف مبروك
الله يعطيك خيره وتستمتع فيه
ومثل ما قال أخى العزيز المتميز Sameer-1798
مر على موضوع مشرفنا القدير asd في دروس تستفيد منها وتجد رابط موضوع تكبير الخط ومشاركات من إخوانك المتميزين
وبالتوفيق
مع خالص التحيه
أخوك قليب

[حب لاينتهي]

كم سعره

وهل هو سهل الأستخدام

[ابوعبدالله 2005]

داخل عليك بالبركه اخوي و الله يطعمك خيره و يكفيك شره
و الجهاز ما يعلى عليه و تحديثه مثل ما قالوا الاخوان و اذا ما تقدر تحدثه بنفسك تواصل معي و يكون خير إن شاء الله نحدثه و نضيف له اصوات اضافيه و نركب ملف تكبير الخط و الخرائط اللي تبي

والجهاز موجود عندي للي يرغب بإقتنائه يكلمني و يبشر بخير

[أبوعبدالرحمن الأسعدي]

ألف شكر لكم جميعا وجزاكم الله خير

بالنسبه لموضوع اخونا asd يشهد الله اني قبل ما اشتري الجهاز وانا مطيح بالموضوع لكن المونتانا اعداداته كثيره وصعب حصرها بصراحه .. بالنسبه للتحديث رحت لدار موجه اليوم والحمدلله ماقصروا حدثوه لي اخر اصدار 3.90 ومجاناً لاني كنت عميل عندهم سابقا ..
وشكرا لك اخوي ابو عبدالله وماقصرت رايتك بيضا وبصراحه مانستغني عن خدماتك


ملاحظه : اكتشفت في خرائط دار موجه للبر ان النفود لونه نقط خضرا !! هل هو من نفس الخريطه ولا وش السالفه لان دار موجه خربوا خريطتهم اذا هي كذا كانت بالنوفي افضل بكثير

[asd6244]

و عليكم السلام و رحمة الله
مبروك
جهاز مونتانا يعتبر من أفضل اجهزة قارمن
بالنسبة لخريطة دار موجة ، جربت عدة اصدارات من اصدارات دار موجة و ما كان فيها أي مشكلة و على أكثر من تحديث
النفود يأتي بلون اصفر
تأكد لا تكون مفعل خريطتين في آن واحد

[جوالأجواد]

الف مبروك جهاز يستحق الاقتناء
وعند التطبيق العملي سوف تتضح لك كثيرمن المميزات الجميله فهو سهل الاستخدام

[ابوياسر قروش]

الف الف مبروك عليك الجهاز ويعله يدلك على الدرب الزين وعلى الدرب الصالح قل آآآآآآآآآآآآآآآآآمين
اما عن الجهاز انا اشهد انه اطلق جهاز قارمن وانا من مجربين 276 عربي والحين مونتانا عز الله انه جهاز
اما السعر عن الي يسأل عن السعر قيمته من عند اخونا تركي يبيعه في العامة 2100 ريال مع القاعده حقت السيارة مع شاحن سياره اضافة 200 ريال
يعني كله على بعضه 2300 من العامة عن طريق اخونا تركي

[ليل الشمال]

ماشاءالله تبارك الله تقرمنه بالعافيه

وتفيد من وراه الخير باذن الله

[البرفسر]

ابو ياسر ياليت تزودنا برقم الأخ تركي


كل الشكر والتقدير لك