تم طرح شيهانة اليوم في سلطنة عمان شاركوني بارائكم

[haifar]

السلام عليكم ورحمة الله وبركاته

تحية لجميع الاخوة

تم بحمد الله طرح شيهانة اعتقد بحرية حسب رأي المتواضع اليوم صباح الاثنين موافق 20/2/2012 في سلطنة عمان (مسقط) من قبل اخوكم هيفر بعد متابعة لمدة اسبوع للطير والتوفيق من الله ...مقاسه تقريبا 13 ....اخوكم بحاجة لارائكم في الطير وتصحيح معلوماتي اذا كانت خاطئة للعلم هذا الطير الثاني اللي اشبكه هذا الموسم حيث اني عرضت هنا قبل فترة شيهانة جبلية

هذه بعض الصور للطير
http://im15.gulfup.com/2012-02-20/1329757305181.jpg (http://www.gulfup.com/show/Xxn1td8rhgnc8)

http://im15.gulfup.com/2012-02-20/1329757305232.jpg (http://www.gulfup.com/show/X9ceibfjwmd4w0)

http://im15.gulfup.com/2012-02-20/1329757305153.jpg (http://www.gulfup.com/show/Xxn1u4yglmr2w)

http://im15.gulfup.com/2012-02-20/1329757305514.jpg (http://www.gulfup.com/show/Xxn1ugaijtenh)

http://im15.gulfup.com/2012-02-20/1329757305615.jpg (http://www.gulfup.com/show/Xxn1upk4lonjb)

[استيعاب]

السلام عليكم ورحمة الله اخوي هيفر

مبروك جعله مبروكه انشاء الله وتاكل من صيدها وتغنيك عن غيرها ، اركد عليها وانا اخوك والشيهانه ما تمسكها كذا من فخوذها غلط ، علشان ما تصيح وهادها شوي شوي

والله يطرحلك فيها البركه .

[رعد المطر]

مساءالخير ياخوي هذه شيهانه جبليه مهاجره
وياخوي المسكه هذى تضر الطير وقد تكسر رجله تقبل تحياتى وموفق خير

[عبدالرحمن بن ذياب]

ما شاء الله تبارك الله تاكل من صيدها يا اخوي
شيهانه جبلية لكن يا اخوي هل لها ماكر في الجزيرة العربية
او انها مهاجرة ؟؟
عمر الطير قرناسة و الله اعلم

[haifar]

مشكورين اعزائي لا توصوا حريص انا ادري ان المسكة مو صحية للطير بس اخوكم لدواعي التصوير وبما ان الطير وحش وكما تعلمون من الصعب عندما تفرع الطير انه يركد بس اطمنكم كنت حريص وسلس وبحركة سريعة انهيت الوضع وفي النهاية اشكركم ونتمنى المزيد من ارائكم الطيبة

[الخبت الشمالي]

وعليك السلام
هذي جبلية قرناسة وكبيرة بالسن والان قريب وقت المشابط اطلقها وطرح فروخها
والله يعوضك اخير منها

[ذراع الذيب]

السلام عليكم ورحمة الله وبركاته,,
مسيت بالخير ياهيفر,,


ماشالله تبارك الله تطرح النادر ان شالله ولو اعطيتنا سالفه طرحها,,
كان اعطيناك النجوم وهي شيهانه جبليه وانتبه لايكون لها ماكر عندكم وتراه وقت تزاوجها هالايام,,
وتحياتي لك,,

[haifar]

والله يالجماعة الشواهين عندنا اعتقد حسب مشاهداتي ومراقباتي لها انها تستوطن عندنا في مسقط لتوفر الطيور البرية التي تصادها من بداية شهر اكتوبر الي نهاية شهر مارس من كل سنة وبعدها لا نجد لها اثر وربما لها ماكر هذا طبعا من استاجاتي الشخصية في جبل الشمس اعلى قمة جبل في الخليج العربي وتصل ارتفاعة 3000 متر فوق سطح البحر والجو هناك بارد تصل درجة الحرارة في الشتاء تحت الصفر باكثر من 6 درجات احيانا واعتقد بعضها مهاجرة

[أبو لافي00]

ما شاء الله تبارك الله
الله يطعمك من صيده يارب
لكن مثل ماقال اخوي /ذراع الذيب
لاتنسى تبحث عن ماكرها

[SAS2]

ماشالله تبارك الله بس عطنا قصه طرحها ومزيوووونه الله يباركلك فيها

[alwssam6]

الف مبروك عليك

[haifar]

السلام عليكم ورحمة الله وبركاته,,
مسيت بالخير ياهيفر,,


ماشالله تبارك الله تطرح النادر ان شالله ولو اعطيتنا سالفه طرحها,,
كان اعطيناك النجوم وهي شيهانه جبليه وانتبه لايكون لها ماكر عندكم وتراه وقت تزاوجها هالايام,,
وتحياتي لك,,


اشكرك عزيزي ذراع الذيب

والله رائيكم قابل للتنفيذ ربما من يدري ما يخفيه القدر للطير

اما سالفة طرحها نحن مثل ما قلت في موضوعي السابق الشواهين عندنا تستوطن لعدة اشهر وتضاريس منطقتنا اكثرها جبلية واصحاب الطيور (الحمام) دائما يستنجدون بي ويتصلون في بان اتي واخلصهم من الشواهين التي تقنص طيورهم الغالية:p

وبما اني الطاروح الوحيد في مسقط:eek: اقوم بمراقبة الصقور بعد ابلاغي واستعلم عن الجهة التي سلكها اللطير بعد ان قنص الحمام فبذلك اعرف محل اقامة الطير على اعمدة الضغط العالي ... هذي الشيهانة الله يسلمكم طرحها فيها نوع من الابتكار بس ما اعتقد ينفع معكم انا طريقي في الطرح اشبك الحمامة واربطها بخيط مع وزن خفيف واحذفها تحت عمود الكهرباء وابتعد بس اللي حصل مع هذه الشيهانة قبل يومين انها تنزل اكثر من مرة بس بسبب ان الحمام كانت تحاول الهرب وتربش المكان مما يؤدي الى اغلاق عيون الشبك لذلك ابتكرت برقع للحمام من القماش غطيت عيونها وقصصت جنحانها وذيلها قليلا وركبت عليها شبكتين في الظهر وفي البطن وحذفتها على طول نزلت الشيهانة بعد دقيقة اقتربت بس الشهانة ما كانت شابكة طارت فابتعت مرة ثانية ولم انتبه في نزولها وكنت بعيد نسبيا تقريبا اكثر من كيلو وعندما رجعت بعد عشرة دقائق لكي استطلع الامر لقيتها على الحمامة درت حواليها الى ان تأكدت انها شابكة بعد ان حاولت الهروب:good2:

[سيف الهواء]

ماشالله مبروكه
لكن كانها صغيره بالمقاس

[haifar]

للعلم هناك شيهانة اكبر منها بنفسي دربلت عليها يوم الجمعة الماضي بس كانت صايدة حمامة برية وتعلفها على العمود ظهرها اغمق في نفس الموقع كانت هدفي بس ان شاء الله في الايام القادمة ابشركم بطرحها وهي تحت المراقبة كنت اظنها نفسها بس خبروني الجماعة انهم شاهدوها اليوم عصرا واتجهت الى نفس الموقع

[وكّار مكّار]

تبارك الله

[رســــــلان الوجه]

حي الله أخوي هايفر ومتبوعه ان شاء الله
سلطنة عمان ;) دايم اشوف فيها الزين بس اكون وقتها سائح
مناطق رايت فيها الشواهين صلالة ـ ضلكوت
والله العالم ان سلطنة عمان منطقة جذب للطيور لقلة الشباكه هناك وبسبب المرتفعات الجبلية العالية ووعورة التضاريس هناك وتنوع الطرائد والله أعلم
وانا مع اخواني الذين ينادون باطلاق هذه القرناسة لانها في وقت التزاوج والراي الاول والاخير لك

أخوك الصغير/ مجرهد

[الرّمااااي]

وعليك السلام
هذي جبلية قرناسة وكبيرة بالسن والان قريب وقت المشابط اطلقها وطرح فروخها
والله يعوضك اخير منها

هذا كلام العقل

[stewrd]

هذي والله العالم انها شبط جبلي بس ما شاء الله غاسل

[صقرالحروب]

ماشاء الله هذي شيهانه جبليه قرناسه سنها من وجهة نظري لايقل عن رابع وتبي نصيحتي اعتقها واستفيد من طرح فروخها هذا افضل لك على المدى البعيد

[الشهلول]

هذه شيهانه جبلية كبيرة بسنها والأفضل إنك يا أخوي تعتقها لوجه الله والله يرزقك بالنادر إن شاء الله
وتقبل مروري🔥👍

[haifar]

بارك الله فيكم جميعا بما ان الاغلبية رأيهم أن اعتقها بس انا ما شفت احد من الاخوة هنا ولا صادفت موضوع احد منهم اعتق طيره حتى اتشجع واعتقها مثل ما طالب الاكثرية ربما تم ذلك بس ياريت تفيدوني بروابط للمواضيع الخاصة بعتق الطيور وايش الفرق بين طيور الاخوة اللي في نهاية الموسم يخلوهم في المربط ولا يطلقون صراحة هذه النقطة اريد افهما بارك الله فيكم

[ارواف]

يا اخوان هاذي مع احترامي للجميع بحريه مثلوثه قرناسه كبيره والدليل على ذللك الشيهانه باقي فيها ريش ماحذفته بجناحها يوم كانت على يد الصقار فاله الجناح واضح وراهن عليها وشكزا

[أبو لافي00]

للعلم هناك شيهانة اكبر منها بنفسي دربلت عليها يوم الجمعة الماضي بس كانت صايدة حمامة برية وتعلفها على العمود ظهرها اغمق في نفس الموقع كانت هدفي بس ان شاء الله في الايام القادمة ابشركم بطرحها وهي تحت المراقبة كنت اظنها نفسها بس خبروني الجماعة انهم شاهدوها اليوم عصرا واتجهت الى نفس الموقع


انتظر موضوعك احر من الجمر
بارك الله فيك وفي طرحك
شكراً لك اخوي/هيفر

[الرقعي]

ماشاء الله متبوعه

[خلوي]

الي أشوفه سبب رئيسي لإنقراض الشواهين الجبليه، أعتقها وخلها تفرخ ولا تقطع نسلها

[الخبت الشمالي]

بارك الله فيكم جميعا بما ان الاغلبية رأيهم أن اعتقها بس انا ما شفت احد من الاخوة هنا ولا صادفت موضوع احد منهم اعتق طيره حتى اتشجع واعتقها مثل ما طالب الاكثرية ربما تم ذلك بس ياريت تفيدوني بروابط للمواضيع الخاصة بعتق الطيور وايش الفرق بين طيور الاخوة اللي في نهاية الموسم يخلوهم في المربط ولا يطلقون صراحة هذه النقطة اريد افهما بارك الله فيكم
حياك الله اخوي
كثير من الاخوان اعتقو طيور خااصة اذا كانت وحش وقرناس ووقت فروخ هذي تكفي... وبما ان الطيور متوفره وبكثره لية تتعب نفسك بالربط وغثاة بداية الموسم اطرح الي انت تبي والاخوان الي يربطو طيورهم تكون غالية عليهم بالفعل وبالقيمة
تحياتي ’’’’’’’’’’’’’’

[راعي الحرارر]

الف مبروك هذي شيهانه جبليه شبط اخر بيضه باخوانها لكن انا انصحك الشيهانه اللي تقول عليها صايده حمامه هذي انثى واللي انت صايد هذا ذكر اطلق الذكر وبعد شهرين او ثلاثه تصيد الفوخ 4 وخلي امهن والاب وكل سنه بنفس الموعد تصيد الفوخ تحياتي لك

[اسلي نفسي]

وعليك السلام
هذي جبلية قرناسة وكبيرة بالسن والان قريب وقت المشابط اطلقها وطرح فروخها
والله يعوضك اخير منها


انا مع كلام اخوي الخبت الشمالي

[محمد الفهيد]

وقت تزاوجها

ياليت تطلقها احسن
وعسى الله يوفقك

[مخاوي الذيب 305]

والله كنها وكريه

والله يرزقك الحين برقعها وعلفها
لين تهدت

[ابن الغظنفر]

ما شاء الله

[THE SNIPER H]

اخي الكريم انا مع راي الاخوان في اطلاقها وبعد شهرين تشبك فروخها لان هذه فتره التناسل
هذه قرناص رابع او خامس وتصقيرها سيكون اصعب من الفروخ كما انها ستتنكر عليك
اعطيها فرصه للتزاوج والتناسل وكل عام تشبك فروخها هذا لمصلحتك انت فهذه ستفرخ علي الاقل اربع او خمس فروخ فأيهم افضل تشبك واحده جرناصه ام تزيد فرصك وتشبك اكثر من ثلاثه وفروخ ؟؟؟؟؟
والرأي الاخير لك ادعو الله ان يهديك للخير

[ارواف]

سبحان الله وبحمده:l

[أبو لافي00]

وعليك السلام
هذي جبلية قرناسة وكبيرة بالسن والان قريب وقت المشابط اطلقها وطرح فروخها
والله يعوضك اخير منها


انا مع اخوي/ الخبث الشمالي
انك تطلقها وتطرح فروخها
والله يرزقك بالنادر
وتحياتي لك ..

[ارواف]

الشيهانه المطروحه في عمان مثلوثه بحريه قرناسه وليس جبليه

[قرناس شماالي]

ماقصرو الاخوان افادوك

وهي جبليه

[احمد الحاسي]

مشاء الله تبارك الله والله ايبارك فيها وتاكل من صيدها
http://www.mekshat.com/pix/upload05/images238/mk241756_hjhg.jpg

[FalConer_Qtr]

مرحبا اخوي ...

من خلال الصور يبين لي ان عمرها من قرناس ثالث وفوق ...
واتمنى منك اخوي تعتقها لوجه الله سبحانه ... علشان ماتقطعها من افروخها ..
والله يرزقك الشاهين الوافي ...

[أبوفرحان]

ماشاء الله مبروووك

والله يرزقك بالنادر اللي شوفته تطرب العين

[القرناس المهاجر]

http://im15.gulfup.com/2012-02-20/1329757305181.jpg (http://www.gulfup.com/show/Xxn1td8rhgnc8)



ماقصروا الشباب بالنصح والتوجيه
ووفعلاً هذا وقت التزاوج وغير مناسب للطرح
كل طير يتأثر ببيئته .. وهذي جبلية عمانيه
تمنياتي لك بالتوفيق :)