والله تعبت والله يريح من يريحني ويغفرالله لوالديه

[خالد الكايد1]

وضبت السياره حطيت كل القطع اصليه والحين الحراره تصل النصف وإذا مشيت علي الموتر فوق المائه والاربعين يتفتف الموتر ثم يطفي مايشتغل حتي يبرد.



ملاحظه:السياره باثفيندر2005قيرتماتيك 3500مكينه:(
تكفون ياأهل الفزعه والله خسارتي الي الحين فوق العشره الاف والصناعيه ماعندك احد.
بس غير ولايطلع منه العطل.الفزعه ياربعي اكلوني ابوهنود.

[ليل الشمال]

الله يعينك الموتر اذا عوكس عوكس ربي ييسر لك امرك وجميع امور المسلمين

[يكفيني نظرة]

غيرت الطبات؟؟

[لاند93]

اذا في الرياض انت وساكن في الشمال ,, ارسل على الخاص واعلمك ورشه ممتازه,

[مضارب بني حرب]

افحص عند مركز كبير

[باترول 1987]

الله واعلم يمكنه اللديتر

شف تاكد منه وسو له تصييخ

[جمس_454_97]

انا والله ماعندي علم لكن بعطيك وجهة نظري
انت لمن تسرع تتفتف وتطفي وترتفع معك الحراره
فيه سيارات فيها نظام امان لمن تحتر تطفي
يمكن منه هذي الطفيه
حاول تحل مشكلة الحرار
واذا حليتها ولا راحت الطفيه عليك بالبخاخات لايكون فيهم مشكله حاول تفحصهم

[جمس_454_97]

شل بلف الحراره وجرب تروح ولا لا

[مضارب بني حرب]

نظف درورة تبريد المكينة واللرديتر يمكن في ترسبات تمنع احتكاك الماء بالاجزاء الداخلية للمبرد

[مضارب سيارات]

اللي وضب لك مسح الراس وركب وجه مضبوط او لا

[مركز حراره]

بنسبه للحراره ركب اديتر اردني او صيني عريض ممتاز للحراره لانه دبل الوكاله
لطلب ارسل على الخاص

[مكشاتيات]

بسم الله ,


حقيقة اخى الكريم لا املك لك الا الدعاء
بأن يسهل الله امرك ويسمح دربك وتنتهي
مشكلتك بأسرع وقت انه القادر علي ذالك ..

[عبدالرحمن السالم]

الله يكون بعونك يارب ويسهل آمرك
لك رسالة على الخاص

[وهج الحياة]

للحرارة اسباب منها :


· الراديتر متسخ ويحتاج تسييخ وتنظيف
· الماء الموجود في الاديتر مالح جدا
· احد السلندرات او بلوف المكينة مقفل ( مجيم )
· نقصان الزيت في مكينة السيارة لأن أحد مهام الزيت هو تبريد المحرك
· ارتخاء سير المكينة
· وهناك ايضا اتوماتيك المروحة اذا كان عطلان وهو ما يتسبب ببط حركة المروحة
· ضعف طرمبة الماء أو تهريبها
· بلف الماء مجيم ما يفتح بسرعة

تأكد منها ربما تكون المشكلة من احدها

[google-999-]

الله يسهل امررك ان شاء الله وتنحل مشكلتك حبيت ارفع الموضوع

[5200]

وده للوكاله وسوله فحص عام واذا علموك المشكله صلحه برا ورح لكذا ورشه وشف وش يقولون... تبي تعرف الفاهم من النصاب فيهم خذلك يوم كامل وانت تدور على الورشات وقبل الحلول هاذي رح للي وضبت المكينه عنده وانشب بحلقه وطول صوتك وخلك معصب ولا تطلع من الورشه ابدا الا اذا عطاك حل

[احمد بن تميم]

لاتدور ولاتروح ولا تجي رح لابوابراهيم مهندس سعودي متخصص باثفندر
وهذا رقمه 0554889337
نصيحه رح له وان شالله خير

[Topstars]

الله يكون في عونك


اخي بالنسبة للطفية هو يطفي مرة ولا الدعسة توقف ماتدعس...


اذا تفصل الدعسة (دعسة البنزين) وماعد يدعس وعزم الموتر يصير ضعيف بالموت يمشي لقدام.


هذه 100% حساس الهوا يحتاج تنظيف وراس مالها بخاخ تنظيف الأفياش الكهربائية يرجعه مثل اول وأحسن.
بعض الشباب يروح يشتري حساس جديد ومايدري انه يتنظف..بخاخ ب 36 يحل المشكلة...


بس إذا يطفي مرة وحده ومافيه حنه ولا ونة ....هذه يمكن صفاية البنزين مسدودة قيمتها 60 ريال او 40 ريال وتركيبها 10 دقائق.


واحتمال يمكن طرمبة البنزين تسخن وتفصل عن طريق حساس .

لأنها تقوم بضخ البنزين بصعوبة للمكينة بسبب انسداد فلتر البنزين.

ترا الحرارة مالها دخل في طفية الموتر ولا توسوس منها لو في المكينة شي كان ما مشت 140.

انا الحرار توصل معي فل لم يخر الرديتر ولا البف يصلب والسيارة ماعمرها طفت.


.... بس أهم شي شيك علا فلتر البنزين وحساس الهوا كلهم راس مالهم 100 ريال وانت تقدر تسويهم بنفسك ...مايحتاج لها ابو هنود...


الله يكون في عونك..


بالتوفيق

[فاسيلي زايستي]

ياخوك الحاله هذي قد حصلت لي في فورد يطفي وترتفع حرارته ووديته لواحد خبره قال غير طرمبة البنزين ماجاك وغيرتها وطلع كلامه صح وعندي معلومه لك لامن شغلت الموتر وهو بارد عندك بلف في الثلاجه فوق للطرمبه اضغطه وشف ان كان حذف بنزين بقوه زين ثم خله امن احتر الموتر وتفتف اضغطه وشف لوماحذف بنزين زي اول فهو طرمبه 100 في الميه

[abo naser 1]

السلام عليكم

محرك 3500 الباث بندر مشاكله واجد نقص زيت وحراره وقليل يضبط توظيبة وشفت حالات واجد بعد التوظيب كم يوم وترجع للورشة رأيي لاتخسر نفسك تراه يبي يغثك

[صحيح]

طرمبة البنزين