مطلوب اهل الخبرة لاهنتم

[ليل الشمال]

السلام عليكم ورحمة الله وبركاته

اخواني الكرام اسعد الله مسائكم / صباحكم بكل الخيرات

انا ناوي اشتري باثفندر موديل 2001 قير عادي طبعا
رغبة مني عندي اقتناع بان العادي افضل من الاوتوماتيك
بالذات للبر والطعوس وغيره وغيره .
وقبل لاشتري هالسياره قلت ابي مشورة اهل الخبره كيفه بالبر والبلد .

لاهنتم ابي مصداقيه بالخبر والردود للي مجرب الموتر او يعرف عيوبه او غيره ارجوا ذكرها .

علما بان راعي السيارة شارط لي الفحص بعدم تنقيص الزيت في الماكينه ابدا

ولكم وافر التحيه اخوكم / ابوسفانة
هذا اول موضوع لي بينكم مع العلم اني متابع لكم من زمان ولكن اليوم سجلت ع بركة الله .

[يكفيني نظرة]

2001 مكينته 3000 حلو بس ماهنا هاك العزم وترا قطع غياره غاليه بالحيل ولا يبيك تجلده..

[ليل الشمال]

جزاك الله خير وننتظر المزيد

[ليل الشمال]

49 مشاهده من دون اي رد معقوله مافي اعضاء في مكشات مايملكون هالسياره ع شعبيتها وقوتها وصيتها بين العاميه

[ليل الشمال]

للرفع


ابي اعرف الكثير قبل لااشتري
تخبرون ماكل يوم فيه دراهم ولا كل يوم نقدر نشري سيارة

[abo naser 1]

السلام عليكم

مكينة 3000 من 2002 ونازل أصبر من ناحية الحرارة ونقص الزيت وأقل أعطال من 3500 وعزمة طيب اذا صار قير عادي مع مراوح كهرباء ونمرته طويله يعني يصلح لراعي النفود
أهم شي مافيه نقص ولا حرارة ولا مشاكل كهربائية

[بدوي جنوبي]

السياره طيبه
لكن تصرف بنزين وتانكي صغير
قطع غيار غاليه
أذا عزمت والسياره نظيفه من جميع النواحى وسعره معقول
توكل على الله .

[كاشت وحداني]

والله ياليل الشمال شراء سياره الان اصبح محير
وان شاورت بتختلف الاراء فمن يعشق سياره معينه بيمدحها ومن لايعشقها بو مافيها خراب بيطلع لها خراب
فانت هل لك رغبه في الباث وتقارن بين العايدي والتماتيك
ام تقارنه بسيارات اخرى
طبعا الباث معروف عنه غلا قطع الغيار لكن في الرمال غزال
ولا تستغرب المشاهدات وعدم الردود
فالناس فيما يعشقون مذاهب
والله يدلك