سلة لليوكن [الأرشيف] - منتديات مكشات

مشاهدة النسخة كاملة : سلة لليوكن

فكوني

20/02/2012, 11:17 PM

السلام عليكم,اخواني وش احسن سله لحمل الاغراض,واقدر اثبتها وافكها باليوكن بسهوله,انا بالرياض,دلوني,,,واريد ايضا ان البس الارضيه والمراتب,وش احسن مكان الغربي؟؟ولاغيره ووش اسمه,,الله يسعدكم ويوفقكم دنيا واخره

نجدي أصلي

21/02/2012, 07:20 AM

بالنسبة للسلة افضل مكان ورشة المتميز الدائري الشرقي
أما الفرش اعتقد إن السماعيل في الغرابي جيد ولديه تلبيس بلاستيك وعندي سيارتي اليكون من أربع سنوات من عندهم

abuufahad

21/02/2012, 09:00 AM

اخوي انصحك بسلة رفيق الدرب انا مشتري وحده وماشاء الله خفيفة وغير مزعجه ولها مواصفات رائعه

تجدها في الغرابي في الرياض سعرها غالي شوي 1300 بس تستاهل واهم شي خلك معهم عند التركيب عشان الوزنيه

الضوء الرقمي

22/02/2012, 11:36 AM

رفيق الدرب

25/02/2012, 09:59 PM

تجدها في هذا الموقع
Www.travelmate.com.sa

saqer-aljazera

25/02/2012, 10:44 PM

بالنسبة للسلة افضل مكان ورشة المتميز الدائري الشرقي
أما الفرش اعتقد إن السماعيل في الغرابي جيد ولديه تلبيس بلاستيك وعندي سيارتي اليكون من أربع سنوات من عندهم

وأنا أنصحك وبشدة ، خذ بنصيحة الأخ نجدى أصلي
أنا مركب السلة من عندهم من سنتين روووووووووعة وقوية ، لفيت بها مكة وجدة والجنوب كله ورجعت للرياض ولا احلى منها ... متينة وتتحمل .. وارخص من رفيق الدرب بالنصف تقريبا ... انا مركبها من هالورشة بـ 600 ريال فقط ...
وتقدر تفكها وتركبها بسهولة تامة ...

7ابو نواف7

26/02/2012, 12:00 AM

تلبيس المراتب عندك السماعيل في الغرابي ممتاز
يجيب لك نقشة مقاربة لنقشة الوكالة ومقاسات التلبيسة مضبوطة وخامتها أعلى من المتوسط وأسعاره مناسبة ..

أبو هشام راشد

26/02/2012, 11:50 AM

تلبيس المراتب عندك السماعيل في الغرابي ممتاز
يجيب لك نقشة مقاربة لنقشة الوكالة ومقاسات التلبيسة مضبوطة وخامتها أعلى من المتوسط وأسعاره مناسبة ..

شغل السماعيل عادي ولا عليه زود

الأفضل لك تسعير من أكثر من محل واختيار الوقت المناسب والموقع المناسب لكي لا يكون وقت غبار أو المحل عند ممر ضيق واشترط عليه الاتقان وتنظيف المكان قبل الفرش وإن حصلت سعر مناسب والتركيب في داخل المحل بأن تدخل السيارة في الداخل فهو الأفضل لعدم ترك المراتب على الرصيف

بالنسبة للسلة سعرها في حدود 500 ريال ستجد في السوق سلال جاهرة لكن حديدها خفيف ويغري شكلة الجميل لكن التفصيل على ما يعجبك أفضل وبالأطوال اللي تناسبك بأن تكون أصغر من باب الشنطة بتقريبا 5 سم واشترط عليه البوية اللي تناسبك مع العلم بانها ب 20 ريال للون الأسود

أبو دهلوس

26/02/2012, 12:57 PM

رفيق الدرب وبس

أبوباسم455

26/02/2012, 01:12 PM

الشباب يمدحون سلات رفيق الدرب وبالنسبه لي انا عندي تحفظ على السلات بالسياره !!!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)

FORD1969

26/02/2012, 04:38 PM

مامثل شبك التنده الله يذكر حجتنا على صالون عام 1409 هجريه بالخير
مابقى شي ماحملناه على التنده خيام وقدور وكم باكستاني توصيله على الدرب من منى لعرفات ولاضره
اما السله الله من القروشه وانت تسوق خاصه وانت تدق ريوس وناسي ان فيه سله

والحمل عليها واجد يضر الشاص والتوازن
ان ركبتها لاتحمل عليها وزن ثقيل خلها للفرش والمقاضي

ورشه التميز جيده واحرص يكون لها قاعدتين يمين ويسار يعني موب على الهوك في النص لأنها مع الوقت تميل