المساعد الشخصي الرقمي

مشاهدة النسخة كاملة : بعون الله ثم عون اعضاء مكشات ( تكفون ادخلو )


بن مانع التميمي
21/02/2012, 12:04 AM
السلام عليكم ورحمت الله وبركاته


انا ياشباب تبهذلت مع الفحص بشكل غير طبيعي وخسرت فلوس على الفاضي والحمدلله على كل حال


السيارة اول شي كابرس 88 كبريتر


قالوا فيها كربون ( طبعا وهم يفحصون يفحص كربون وهيدروكربون )

المهم نظفت الكبرتير وكل شي وقفلت على الكربون ونجح بالكربون لكن رسب بالهيدرو كربون

ومن وقتها دخلت الموتر 3 مرات بعدها ويرسب وكل ورشه ماتدري عن السبب والي يحوس بالكبريتر شوي ومن دون اي جدوى يرسب ويفشل


ياشباب انا والله حامت تسبدي

ملاحظات : 1 الزيت سوبر شل احمر 2 والبنزين اخضر 3 المكينه ماشيه 350 الف شد بلد ولا هي ذاك النظافه

تكفون طالبكم وش الحل :(
الرحال تبوك
21/02/2012, 12:28 AM
السلام عليكم ورحمة الله وبركاته
ان شاء الله يفيدونك الاخوان
ملاحظه على العنوان( بعون الله وعون اعضاء مكشات ( تكفون ادخلو )
الله يبارك فيك اكتب (بعون الله ثم مساعدتكم يااعضاء مكشات ) اعذرني على المداخله من باب حرصي عليك اخي من الوقوع في الخطا دون قصد منك الله يعافيك
Jeep 2005
21/02/2012, 01:02 AM
ياليت تصحح العنوان بارك الله فيك .. ولا هنت وين موقعك ؟

حتى الشباب يقدرون يفيدونك عن ورشة ممتازة
لاند93
21/02/2012, 01:04 AM
طيب جرب 95 وشف..
مضارب بني حرب
21/02/2012, 01:06 AM
عط السيارة اي واحد من العمال عند الفحص واعطية 100 ريال ولو فيها مكينة خربانة بينج الفحص معاة

هم لهم طرائق ملتوية ويعرفون مداخل الفحص ومخارجة
جمس_454_97
21/02/2012, 01:37 AM
ركب دبة البيئه يمكن تحل المشكله لك
جمس_454_97
21/02/2012, 01:38 AM
خذ لك وحده من حقات السيارات الجديده ونظفها وركبها يمكن تخفف من الكربون
مجرد اقتراح ولكن مالي خبره يالغالي
بن مانع التميمي
21/02/2012, 08:14 AM
السلام عليكم ورحمة الله وبركاته
ان شاء الله يفيدونك الاخوان
ملاحظه على العنوان( بعون الله وعون اعضاء مكشات ( تكفون ادخلو )
الله يبارك فيك اكتب (بعون الله ثم مساعدتكم يااعضاء مكشات ) اعذرني على المداخله من باب حرصي عليك اخي من الوقوع في الخطا دون قصد منك الله يعافيك

الله يجزاك خير يابعدي ولاهنت

وابد هذا المووضوع اهم من الموضوع نفسه


شكرا
بن مانع التميمي
21/02/2012, 08:15 AM
ياليت تصحح العنوان بارك الله فيك .. ولا هنت وين موقعك ؟

حتى الشباب يقدرون يفيدونك عن ورشة ممتازة


للاسف مايمدي اصححه وان شاء الله الادارة تصححه

وانا موقعي المجمعه ولكن لا باس اروح للقصيم والي حولها او الرياض
بن مانع التميمي
21/02/2012, 08:15 AM
طيب جرب 95 وشف..


والله مدري .. ابجرب اشوف
بن مانع التميمي
21/02/2012, 08:16 AM
عط السيارة اي واحد من العمال عند الفحص واعطية 100 ريال ولو فيها مكينة خربانة بينج الفحص معاة

هم لهم طرائق ملتوية ويعرفون مداخل الفحص ومخارجة



والله انا بالمجمعه ومشددين بالحيل والله
بن مانع التميمي
21/02/2012, 08:17 AM
ركب دبة البيئه يمكن تحل المشكله لك


وكاله هو ماله دبه بيئه .. قصدك ارهم له يعني !!
بن مانع التميمي
21/02/2012, 08:19 AM
خذ لك وحده من حقات السيارات الجديده ونظفها وركبها يمكن تخفف من الكربون
مجرد اقتراح ولكن مالي خبره يالغالي


والله ياخوك اني مدري :(

انا ابي اعرف وش السبب
بن مانع التميمي
21/02/2012, 08:20 AM
الله لايهينكم جميعاً

وفي انتظار ردود الشباب

والى الان ماعرفت وش سبب المشكله اساساً

في انتظاركم يالنشاما
سيل سدير
21/02/2012, 09:40 AM
حياك الله يالتميمي الله يعوض عليك وعندي ملاحظة شرعية وهي قولك ( بعون الله وعون اعضاء المنتدى ) وهذا خطأ والصواب بعون الله ثم عون أعضاء المنتدى وفقك الله ورعاك
GM_400
21/02/2012, 12:30 PM
والله مشكله هالفحص ان بغينا نمشي بالنظام عقدونا على أسباب تافهه جداً


وسيارات العمال لوثت شوارعنا كنها سيارات بلديه ترش مبيد ولاأحد قالهم شي



الله يكون في عونك
موترك الواضح انه مو صافي ويبيله تصفيه من كثر الوقفه


موترك كانه واقف لفتره طويله امسك عليه خط وثبت الدعسه على 120 وبيصفى

غير البواجي وشيك اسلاكها كلها

نظف الكربريتر ببخاخ وهو شغال بعد ماتشيل الفلتر اللي فوق (الشوته) وادعس ابنص من عند الكبوت 3 الى 4 مرات


وبعدها حط بنزين 95 وصب معه علبه منظف بخاخ ومسه في خط خل مافي بطنه يطلع وبيتغير للأفضل



الله يسهل امورك
صياد الجبل
21/02/2012, 01:08 PM
شف ياطويل العمر

غير البنزين من 91 الى 95 وراح تشووف فرق بالموتر من ناحية العزم والقوه

وغير صفايه وطربمة البنزين

وامسنك عليه خط حول 100 كيلو رايح و100 جاي يعني مجموعهم 200 كيلو

وشيك على البواجي واسلاكها ونظف الكلبريتر

ورح للفحص وباذن لله خير
ابن الغظنفر
21/02/2012, 01:17 PM
افحص كمبيوتر ويعلمك العله وين
ABO AKASH
21/02/2012, 01:19 PM
شف العمال عندنا السيارة مقربعة ومكسرة ودخنتها بالسماء وتلقا لوحاتها جديدة :mad:


مسه للرياض ولبقة عند أي ورشة بجنب الفحص ساعة وأمورك خالصة :(
ابن الغظنفر
21/02/2012, 01:20 PM
واذا بتوصل الرياض فيه فلبيني في حي الوادي شارع عثمان بن عفان محطة الدريس بعد جامع عثمان بن عفان جنوب
بن مانع التميمي
21/02/2012, 05:32 PM
ابشركم ياجماعه الخير


الموتر زبط ولله الحمد

كثر الله خيركم وماقصرتوا واشكر بالاخص ارمجدون

تحياتي لكم وتحت امركم
كاشت وحداني
21/02/2012, 06:05 PM
تاكد من المنظم طال عمرك
هذا بهذلنا في كابريس وما ارتاح الموتر لين غيرناه
موقعه :
اذا فتحت الكبوت ناظر في المنطقه اللي تحت المساحه اليمين
تجيك الجلده العازله بين المكينه والزجاج الامامي
يجي راكب تحتها فيه لي وفيش غالبا لون الفيش اخضر .
وشيك على هالموضوع :
http://www.mekshat.com/vb/showthread.php?t=484655
بن مانع التميمي
22/02/2012, 09:17 AM
بيض الله وجيهكم


ماقصرتوا انا اشهد
راع الحيزى
22/02/2012, 11:03 AM
لاتوجع راسك بالورش
اعطي السيارة واحد من المعارض يفحصها ويجددها لك بدون تعب.... من واقع تجربة اصحاب المعارض لهم طرقهم ومعارفهم الخاصة لتعدية الفحص.
no fear 78
22/02/2012, 05:30 PM
استعمل المادة الي يحطنها معى البنزين اسمه اوكتين وغير نوع البترول الى 95 دوس الموتر اشوي او شيك في دخان ابيض او ازرق والله ينجح موترك يا خوي
بن مانع التميمي
24/02/2012, 11:55 PM
الحمدلله الموتر نجح ياشباب

ماقصرتوا وجزاكم الله خير

حطيت علبتين ستوك بالمكينه وقفلنا الكريتر مرره لدرجه التفتفه بزيادة

والحمدلله عدا

الف شكر لكم
GM_400
25/02/2012, 11:39 AM
الحمد لله

انصحك بــ95 كان تبي امور الموتر تمشي

المكاين القديمه ماتقبل 91 لنه خفيف