المساعد الشخصي الرقمي

مشاهدة النسخة كاملة : طريقة فك قربة الرديتر للباثفيندر 2005 وتحت :: بن محفوظ ::


بن محفوظ
21/02/2012, 10:05 AM
بسم الله الرحمن الرحيم

السلام عليكم،

تم اكتشاف تهريب ماء الراديتر من نقطة التقاء لي القربة في فتحة الرديتر جنب الغطاء

اول اختبار للمشكلة قبل العمل ، فكيت اللي وقمت بالنفخ و الشفط وحصلته مسدود ولا يطلع هواء .

قررت بعد ذلك فك القربة . وهذا شرح الطريقة بالصور حتى ما تتعب نفسك.

اول شي تفك الشبك و النور الامامي مع الركن الايسر طبعاً ونور الضباب

http://i.imgur.com/JlLUl.jpg

ثانياً تطلع لك القربة بالشكل هذا وللمعوملية هذا مقدار 35 ٪ والباقي كله داخل الصدام

http://i.imgur.com/BiHRR.jpg

طبعاً المشكلة الان كيفية اخراج القربة لان المنطقة ضيقة والشخص الجاهل بالموضوع يمكن يفك
الصدام علشان القربة ، لكن افضل شي تنزلها من عند الكفر

بحيث انك تلف الدركسون يمين وتفك الصاجة الامامية للرفرف وهي متصلة مع الصدام من تحت و تطلع القربة بشكل احترافي ويد خفيفة لان المكان ضيق وفيه اسطوانات سوداء مدري وش غرضها .

http://i.imgur.com/zDgN6.jpg

وهذا حجم القربة بعد الفك ، طبعاً وجدت القاع فيها مليان ملح و غبار متلبد .

http://i.imgur.com/Fwzsy.jpg

وطريقة تنظيفها الافضل صب ماء حار في القربة وتركه لمدة خمس دقائق بعدين تنظيف
الفتحة بالمعلاق افضل ثم غسلها بالصابون ثم الماء

وهذا الجزء المليان ملح و متسدد

http://i.imgur.com/dYKDk.jpg

تم انجاز المهمة في 45 دقيقة الحمد لله .

ملاحظات /
لا تستخدم الشدة مع الكلبسات خصوص في الشبك
اذا فكيت نور الضباب لا تخليه معلق نزله بالارض افضل
جمع المسامير و الصواميل في علبة علشان ما تضيع عليك
لا تشد لي القربة بقوة لانه خفيف ويمكن ينقطع
فك لي القربة من تحت بشويش لانه ماسك بقوة مع الحرارة وحاول تلف به يمين يسار

اتمنى اني وفقت بالشرح واعذروني على القصور
ابراهيم 2003
21/02/2012, 10:13 AM
الله يجزاك خير ياخوي ويوافقك
عبدالرحمن السالم
21/02/2012, 10:25 AM
ماشاء الله عليك يابوفهد ، بشر وش صار طلع الهواء من المكينة ؟

موفق خير
escape_man
21/02/2012, 10:53 AM
مراحب كبار بالباثفندراويه

بشرني عنك يابوفهد وعن علومك

عسى الله يعطيك من خير مويترك ويبارك لك فيه

شرح وافي ومكمل ويبيلنا تطبيق عملي في رحلة باثفندراوية مع بريق قرقاص
المنيعي1
21/02/2012, 11:38 AM
ماشاء الله عليك يا بن محفوظ معلم
وجزاك الله خير على هالمعلومة
ولكن لدي أستفسار بسيط وطلب.
الأستفسار أنت كماهو واضح بالصورة مركب مروحة أضافية ماسبب تركيبك للمروحة هل هو بسبب الحرارة أو لزيادت تبريد المكيف والسيارة واقفة؟ وماهي النتيجة الأيجابية والسلبية بعد التركيب.
الطلب أن تضع لنا تقرير مصور لتركيب المروحة ونوعيتها أذا كان لها أيجابية وفائدة واضحة .
ولك مني كل الشكر والتقدير.
روح المملكة
21/02/2012, 12:09 PM
يعطيك العافيه وما قصرت على التقرير والفايده...
محامي وراط
21/02/2012, 12:13 PM
بيض الله وجهك ولاهنت على المعلومات القيمة ،،

شرح وافي وكافي ،،

لكن نبي نستفسر لاهنت عن المروحة الاضافية :

1- ايجابيات + سلبيات
2- التكلفة الاجمالية
3- النتائج

عمل جبار ويعطيك الف عافية يالشقردي ،،
AL LEADER
21/02/2012, 12:30 PM
يعطيك ألف عافيه تقرير ميه الميه ويعجبني اللي يعتمد على نفسه
وعندي سؤال بسيط لاهنت هل فيه خط يبين مستوى الماء المطلوب للقربه يعني(مانقدر نشوفه الا بفك القربه) لأن عندي 3 علامات بالقربه وكل ما أعبي فل ينقص للأخيره!! هل فيه علامه ولا شي مستخبي ؟؟لأني احصل المويه عندي ألا الانحناء الكبير في هالصوره تقريبا

بسم الله الرحمن الرحيم




http://i.imgur.com/BiHRR.jpg



فهل هو ناقص ولا زين؟؟؟
ح ح و 693
21/02/2012, 01:11 PM
كفوو والله بن محفوظ

عمل ومجهود تشكر عليه
PATHFINDER 4
21/02/2012, 05:05 PM
بيض الله وجهك يابوفهد .. شغل مرتب ونظيف
والله يعطيك خير موترك ويكفيك شره



الا قلي وشلون فكيت الاسطب الايسر ؟؟؟
يوم كنت مركب فلتر K&N للباث بلشت بهالاسطب ماعرفت وشلون افكه !!
أصيل حجآ زي
21/02/2012, 06:47 PM
وعــلـيــكـــُم السـلام


مشكور على الموضوع الجيد .
ونقيمهُ بلاثة 3 نجوم ذهبية .


ونــُضيفهُ للموآضيع المُميزة
المُثبتة في مــُقـدمة الخيمة :
المواضيع المميزة في الخيمة (http://mekshat.com/vb/showthread.php?t=233827)




طبعآ :
لو حصلت نطآرة الماء هذي تحت
بها تهريب أو تشقــُقآت أو شطب
أو أي نطآرة مثلها أو موآصير هرآبة المجلى :
http://i.imgur.com/Fwzsy.jpg




تقدر تغريه بأستخدآم معجون السلكون
بعد تنظيفهُ وتنشيفهُ زين 100%
وقيمة هذا العصآر تحت من المعجون
بين 5 و 7 ريآل فقط لا غير :
http://i.walmartimages.com/i/p/00/68/62/26/75/0068622675151_500X500.jpg




http://www.princessauto.com/hlr-system/WebPhotos/81/811/8116/8116840.jpg
خالد الكايد1
21/02/2012, 09:15 PM
مشكوراخوي على توضيح فك وتنظيف قربة المويه ..
بغيت اسالك الله يعافيك : سيارتي نفسس موديل سيارتك الله يعطيك خيرها ويكفك شرها ..
ابي اعرف الحراره عندك وانت مشغل المكيف توصل الى فين ؟؟
لان الحراره عندي توصل وانا مشغل المكيف قبل النص بقليل
أرجووو منك آفادتـــــي !!
يعني هذا طبيعي ولالا ؟؟
ماعندي اححد يملك نفس سيارتي ><
الصمان 2
21/02/2012, 09:31 PM
بارك الله فيك يالغالي .






.
بدوي جنوبي
21/02/2012, 10:11 PM
بارك الله في اليد العامله
الواحد يستغل وقته في المفيد
ويصلّح سيارته بنفسه ويتعلم المزيد
وفقك الله يا بن محفوظ
مركز حراره
21/02/2012, 11:23 PM
الله يعطيك العافيه
بنسبه للي يتكلم عن الحراره علاج الباثفندر هو تبديل الرديتر الى رديتر اردني 100% الحراره تنزل
بن محفوظ
22/02/2012, 11:05 AM
هلا وغلا بالجميع وشكراً على مروركم والتعليق

لي عودة بحول الله لتوضيح بعض الامور و الرد على الاستفسارات

واسف على التأخير بالرد لاني مشغول اليومين هذي

ولي عودة ان شاء الله
sameer_1798
22/02/2012, 12:56 PM
بارك الله فيك وبيض الله وجهك
ياخي الخواجات مصايب ويش هوله يحطونها ورى الصدام عشان اي صدمه في الصدام تنكسر عليك وتشتريها من عندهم ... وبعض السيارات حتى قربة المساحات ورى الصدام .

طيب فيه استفسارين لاهل الخبرة :
ــ قربة الرديتر انا مولفها على ماطور ثاني ماهي فائدة القربة بالضبط هل تنزل الماء للرديتر ان احتر أو تبدل الماء بين الرديتر والقربة ؟
ــ ماهو ارتفاع القربة المناسب من الرديتر (أعلى / أسفل / متساوي )؟
بن محفوظ
25/02/2012, 07:46 PM
ماشاء الله عليك يابوفهد ، بشر وش صار طلع الهواء من المكينة ؟



موفق خير


هلا بو سالم الامور تمام .. فكيت الغطاء اللي ورى المكينة وطلع معه ماء وهواء لين صفى . بارك الله فيك


مراحب كبار بالباثفندراويه

بشرني عنك يابوفهد وعن علومك

عسى الله يعطيك من خير مويترك ويبارك لك فيه

شرح وافي ومكمل ويبيلنا تطبيق عملي في رحلة باثفندراوية مع بريق قرقاص

هلا بيك .. أخوي وليد .. والامور بخير الحمد لله .. وعاش من سمع هالحس ومبطين والله

حياك


ماشاء الله عليك يا بن محفوظ معلم
وجزاك الله خير على هالمعلومة
ولكن لدي أستفسار بسيط وطلب.
الأستفسار أنت كماهو واضح بالصورة مركب مروحة أضافية ماسبب تركيبك للمروحة هل هو بسبب الحرارة أو لزيادت تبريد المكيف والسيارة واقفة؟ وماهي النتيجة الأيجابية والسلبية بعد التركيب.
الطلب أن تضع لنا تقرير مصور لتركيب المروحة ونوعيتها أذا كان لها أيجابية وفائدة واضحة .
ولك مني كل الشكر والتقدير.

هلا بالمنيعي .. وابشر طال عمرك اقرب وقت اصور طريقة التركيب و التثبيت .. بس عطني مهله .. مشغول هالايام الله يحفظك ..

وبالنسبة للنتيجة ماهي النتيجة اللي عليها العلم .. بس اعجبتني لانها مروحة سرعتين ولها مكان تركب




بيض الله وجهك يابوفهد .. شغل مرتب ونظيف

والله يعطيك خير موترك ويكفيك شره




الا قلي وشلون فكيت الاسطب الايسر ؟؟؟

يوم كنت مركب فلتر K&N للباث بلشت بهالاسطب ماعرفت وشلون افكه !!



هلا ابو سعود ... طريقة فكه لازم تفكه من عند النور الامام لانهم متشابكين مع بعض

مشكوراخوي على توضيح فك وتنظيف قربة المويه ..
بغيت اسالك الله يعافيك : سيارتي نفسس موديل سيارتك الله يعطيك خيرها ويكفك شرها ..
ابي اعرف الحراره عندك وانت مشغل المكيف توصل الى فين ؟؟
لان الحراره عندي توصل وانا مشغل المكيف قبل النص بقليل
أرجووو منك آفادتـــــي !!
يعني هذا طبيعي ولالا ؟؟
ماعندي اححد يملك نفس سيارتي ><

بالنسبة للباثفيندر .. الحرارة فيها تسبب لك انفصام بالشخصية .. كل ما تصلح شي .. تطلع المشكلة من شي ثاني ..

ياليت تروح الرابطة و تسفسر منهم .. لان الحلول واجد من ضمنها رديتر اردني

الله يعطيك العافيه
بنسبه للي يتكلم عن الحراره علاج الباثفندر هو تبديل الرديتر الى رديتر اردني 100% الحراره تنزل
اشكرك يالغالي
عاشق نصب باث
25/02/2012, 11:49 PM
شغل ممتاز وجهد تشكر علية
مشكور وتسلم يمناك
:good2::good2::good2::good2::good2::good2::good2:: good2: