ماعقوبة حمل سلاح غير مرخص ( أهل الخبره افيدوني )

[الرجم النايف]

مرحبا يالذيابه

لو طحت بنقطة تفتيش (بعيد عنكم ) ومعاي شوزن (بندقية صيد) غير مصرحه وش العقوبه ؟ هل فقط مصادرة الشوزن ؟
او هناك عقوبات اخرى !!
الي مرت عليه هالمحنه يخبرنا عساها ماتمر على احد يارب ..
فمان الله انتظر اجاباتكم ..

[miso1391]

السلام عليكم ورحمة الله وبركاته

هذا رابط نظام الأسلحه والذخائر من وزارة الداخلية

http://www.moi.gov.sa/wps/wcm/connect/c0e6870041ec5830b3e7b77e08398394/%D9%86%D8%B8%D8%A7%D9%85+%D8%A7%D9%84%D8%A3%D8%B3% D9%84%D8%AD%D8%A9+%D9%88%D8%A7%D9%84%D8%B0%D8%AE%D 8%A7%D8%A6%D8%B1.pdf?MOD=AJPERES

[v506]

إذا بيمشون بالنظام بتتعب وفيها سجن وفيها غرامه
ويفرق السلاح الحربي مثل الرشاش
عن سلاح الصيد مثل الخرازه الشوزن وغيرها

لاكن في الغالب إذا ما عليك سوابق
ولا فيه مشكله قتل او طلق نار في الديره الي مسكوك فيها

يتم مصادرة السلاح وإعطائك تعهد

تحيااتي صدام تميم

[الرجم النايف]

تسلمون على الافاده بس انا قصدي نقطة تفتيش عاديه على الخطوط السريعه ...

[أبوعابد 22]

يورونك النجوم في عز القايله

[الرويضة اون لاين]

على حسب العسكري يارجال..

انكانة ولد حمولة وكفو بيميشك ولانت شايف منه شر , اما انكانة غيرة بيستقعد لك , وتتصادر بندقك وتدخل السجن ولا تطلع الا بكفالة والبندق لاعاد تدورها..

[ابوخالد6]

الله ييسر الامر

[الطبخ نفس]

اذا مريت من عند النقطه خلك مودب كانك مدرس علوم وعلى ضمانتي مايمسكونك

[الرويضة اون لاين]

^
^
^
ههههههههههههههههههههههههههههه

مدرس علوم عاد..

اضحك الله سنك

[وسم الحر]

اليوم سامع سالفه عن اخ واحد من الشباب مسكوا معه ام خمس صادروها مصرحه طبعا ودقوا عليه بعد فتره معينه وصدر عليه الحكم ان يسجن سنه كامله ودفع غرامه 5000
والحمد الله طاحت عليه السنه دبروها الرجال له شرواكم دفع لهم 5000 غرامه
يعني مادري وش يبون سلاح وصرحنه وباالنظام مشينا ؟

[ولد وايل 2010]

الله يكفينا الشرور وعظايم الامور

[وسم الحر]

اتمم كلام اخو الرويضه نفس الموقف حصلي عسكري في تفتيش ام الجماجم ومعروف التفتيش بالمصادره والاهتمام الزايد
اللي مامعهم شي من الخوف :j يعترف ان معه شي بالبيت فما بالك ونت مار ومعك اسلحة صيد العسكري اول ماشافنا قعد يضحك ويسال قال كيف صيدكم قلت والله الصيد لك عليه يبغالنا زود من طيبة العسكري وصف لنا مكان حول او جهة البطيحانيه قال العالم تصيد هناك وقال الله يستر عليكم
يعني شف الله يجزاه خير ويفرج همه ولايعسر اموره لو واحد غيره كان للحين ماشفتوني اكتب القصه:D

[ابوسامي 2011]

التجارب السابقه اخرها هذه السنه غير مرخص خصوصا شوزل وبنادق الصيد القريبه منها مصادره وغرامه 1000 ريال والغرامه موجله كم سنه قد يتصلوا عليك لدفعها وقد لا يتصلوا بك

[. ذيب ساحوق]

شوف ياطويل العمر اذا العسكري مزاجه متعكر اوج ؟؟ ماراح تفر ولاتمر لو تفحط وقول لسلاحك مع السلامه وتدفع لهم غرامه 10 الاف

اما اذا كان رجل كفو مثلكم وشرواكم لا ابشر بالسعد يمشيك

مرهـ مسكنا تفتيش ومعنا ياطويل العمر 3 خرازت والعسكري قال معكم سلاح قلنا لا قال ابي افتش تغيرت وجيهنا ههههههه ويوم فتش لقاها وقال لازم ندلعكم بالامارهـ هههههههههه ومنا ومنا ياابن الحلال قال ابد الامارهـ الامارهـ

الوكاد وصلنا الاماره ومنا ومنا وصار حذف شمغ وحب خشوم وبيض الله وجه رئيس المركز قال يا رجال السلاح شيلته عز وفخر روحو وماجاكم بووجهي

والعسكري منغبن لارحنبو خشته

ورئيس المركز رشيدي بيض الله ورحم الله والديه عليه بياض الوجه

[خوي الساري]

بعض الاخوان إذا جاء نقطة التفتيش يكون معه جهاز كنود وسلاح غير مرخص وطلقات وتلقى نفسه على راس خشمه وبعضهم يستفز العسكري ثم تعال لبق على جنب وتفتيش وتدقيق ويروح فيها 00 إلا خلك حبيب ومرتب وتمشي زي اللي غيرك 00

[ذئب الشعيبه]

والله يابن الحلال العام في وقته مقناص القمري في نقطه تفتيش فتشوا وجدوا معانا 2شوازن انا وخوي ليه لاكن والله طبينا في عسكري ذيب والدذيب قال روحوا الله يسترعليكم ويرزقكم باالصيد واصحوا تطبون في عسكري غيري

[الرجم النايف]

البلا كل البلا لاطحت لك بواحدن عله لايعرف نخوه ولاشهامه
والله عني انا لامريت نقطه ومعي سلاح قمت انتفض الي يشوفني يقول هذا معاه اربي جي مو شوزن :confused::confused: حتى الادرينالين يزيد معاي وش السواة حتى يمكن قبل لايكلمني العسكري بقوله وش هي شوزنه ؟ ههههه :D:D

[bader_max]

والله انا طحت فيهم في الجنوب نقطة مجاهدين يوم جيتهم تناقزو علي بغيت انحاش

ومعي جيب شنب والقزاز الي ورا السواق ناطلها في البيت

المهم قالو معك سلاح الله الله وبندقين بعد قالو مصرحه قلت لاوالله

نزلوني عند واحد شايب شكله المسؤول ومتربع وقعد يتفرج في الشوزن بيكال ام حبه المذهبه

ويقول هذي وشهي ووش اسمها ومنين جبتها المهم يوم كثر اسئله وانا ادقها تربيعه قدامه وانا اعطيه علوم البندق

ووش الجديد على الساحه والاسعار قال انت ماني فاكك بوديك التوقيف المهم ضحكتين وقلتله والله مشغول والا خاويتك

الزبده قال هاك حديدك وفارقني

[الرجم النايف]

والله انا طحت فيهم في الجنوب نقطة مجاهدين يوم جيتهم تناقزو علي بغيت انحاش

ومعي جيب شنب والقزاز الي ورا السواق ناطلها في البيت

المهم قالو معك سلاح الله الله وبندقين بعد قالو مصرحه قلت لاوالله

نزلوني عند واحد شايب شكله المسؤول ومتربع وقعد يتفرج في الشوزن بيكال ام حبه المذهبه

ويقول هذي وشهي ووش اسمها ومنين جبتها المهم يوم كثر اسئله وانا ادقها تربيعه قدامه وانا اعطيه علوم البندق

ووش الجديد على الساحه والاسعار قال انت ماني فاكك بوديك التوقيف المهم ضحكتين وقلتله والله مشغول والا خاويتك

الزبده قال هاك حديدك وفارقني

والله انك رايق اجل دقيتها تربيعه ههههههههههههههههههههههههههه
تحياتي لك

[ابوهشام 21]

ياشباب السلاح يباع والكل عارف اماكن بيعه والحصول عليه..
لاكن السوال ليه مترصدين بالمشتري وترك البائع ؟؟

[miso1391]

ياشباب السلاح يباع والكل عارف اماكن بيعه والحصول عليه..
لاكن السوال ليه مترصدين بالمشتري وترك البائع ؟؟

فســـــــــــــــــــــاد!

[Abo gssar]

فســـــــــــــــــــــاد!

قصدك فســــــــــــــــــــــــــــاد الصمت .......
يوم كفشوا خوينا في نقطة التفتيش:D:D:D

[نورس911]

غرامة مالية ما بين 500 الى 2000 وسجن ما بين 6 اشهر الى سنتان كلاهما او احداهما يعني ممكن تاخذ اقل عقوبة غرامه 500 وممكن تاخذ اعلا عقوبة سجن سنتان وغرامه 2000
طبعا على حسب حمل السلاح اذا كان عادي للصيد تهون عند القاضي بديوان المظالم واذا كان حمله بمشاجره يختلف الحكم

[الهوى جنوبي]

اقول الوضع يعتمد على العسكري اذا هو كفو ابشر بسعدك
واذا هو من جنبها الله يعينك .

[nayf01]

اقول اسمعو
مسكو بن عمي شائب وحضه التعيس وقع في نقطة تفتيش الثمامه وهو رائح لحلاله في روضة الخفس
وكان وقت القبض عليه بعد الساعة 12 بالليل المهم قالو معك سلاح قال نعم قالو ويش معك قال خرازه ومسدس كلها مصرحة . قالو تمام الظهرها وحين الظهرها وهم يودونه لضابط المناوب وصار من قبيلته لكن صار مقطوع ساقة ومسكين دخله السجن لصباح وبعد جهد جهيد خلو يتصل بواحد في الرياض وياتي ويكفله ويظهر ويروح لحلاله وبعد عشرة ايام رجع للنقطة ولقاء سلاح قد (حج) لقسم الاسلحة وبصموه وردوه له وسلامتكم

[(هزاع)]

السلام عليكم ورحمة الله وبركاته

تشرفت بقرائة كل المداخلات في هذا الموضوع

ولفت انتباهي (العسكري) المقدر للموقف الذي امامه

والذي يعتبره صاحب السلاح (ذيب) ويعتبره مسؤوله (مقصر في واجبه)

اقول الاجواد موجودين ولله الحمد

................

العسكري الذي في نقطة التفتيش لماذا يسئل هل معك سلاح ام لا

ولماذا اقول له نعم معي سلاح

ان فتش ولقا السلاح لها باب وجواب والشكوى لله

اهم شي ربط الجأش مع البشاشه المحترمه

وهم شي لاتسوون مثل خويي : صفق ركبه شوي وينكسر الدرج من الخوف

قال العسكري وشفيه خويك قلت انشده ((ببشاشة طلب نخوه )) قال توكلو على الله وعدينا من النقطه والعسكري يضحك

...........

يختلف وضع نتيجة القبض على السلاح

طبعا حمل السلاح ممنوع سواء صيد او غيره

لكن

هل السلاح المقبوض عليه معمم عنه او مزوره ارقامه او مختلف رقم شاصيه او متعبث بلونه من اسود الى نيكل

كل شي وله بند خاص به

واصعبها الاسلحه المنفذ بها جرائم

ثم

الاسلحه المعمم عنها (مسروقه)

ثم

الاسلحه المزيف ارقام شاصيها (مدقوقه)

ثم

الاسلحه المعاد صبغها مع تغيير اللون

فكل ماذكر باعلاه لن يرجع السلاح ولحامله عقوبه ماديه اوتوقيف او بهما معا

اما الاسلحه السليمه المقبوضه في نقاط التفتيش لها نظام اخر طبق في الفتره الاخيره

[sniper7]

الله يستر على المسلمين

[Got]

مصادرة السلاح
غرامه ماله من ٥٠٠ الى ٢٠٠٠ ريال حسب الروقان والفطور ذاك اليوم