مـــلا حـظه بسيطـه .. واتمنى محد يزعل من كـــلامــي ...!! [الأرشيف]

FalConer_Qtr

21/02/2012, 06:15 PM

انا لاحظت في قسم البيع الخاص للطيور ...
ان اغلب الي يعرضون الطيور ..
يشرطون على الطيور الصيد وهي في الاساس ماصادت عندهم كيف!!
ممكن اتقول عندي ماشافات الصيدة الفلانيه اذا صدق ماشافت .؟
لو عندي طير ابي اعرضه للبيع .. اشرط عليه في حالة اذا صاد عندي ... فقط !!
ماقدر اشرط على اي طير صاد عند اهله الاولين .. لاني انا الي ببيع الطير والطير في ذمتي مهب في ذمة اهله الاوليــن ...

واتمنى محد يزعل من كلامي وياليت الي يشرط
يشرط اذا صاد الطير عنده مايشرط على كلام اهله الاولين ...

ولكم جزيل الشكر وفائق الاحترام ..

رعد المطر

21/02/2012, 06:24 PM

مسيت بالخير ياخوى وجزاك الله خيرهذا الكلام المعقول والصائب( لكن فيه اناس ثقات وهم قله وسندهم صحيح)شرواكم
تقبل تحياتي ودمت بخيرررر

عابر الموج

21/02/2012, 06:36 PM

كلامك في محله ولكن اذا كان الطير عند شخص صدوق شرواكم اكيد اني اخذ كلامه وسبق وان اشترينا طيور عن طريق اشخاص من اشخاص اخرين وطلع كلامهم صدق واصابعك ماهي سواء فيه من يبيع ذمته على شان المادة وفيه من يخاف الله في القول والعمل تقبل تحياتي

(هزاع)

21/02/2012, 07:00 PM

البيع المشروط يلزم الذمه
وذا قال البايع على كلام اهله ونا ماصاد معي ولاشاف معي شي لزمة ذمة اهله الاولين صدقهم وكذبهم
ونا الاحض اغلب الطيور المعروضه بالمنتديات والاسواق صايد الحباري ونا اشوف المبالغه بالكلام كما لو ان الحباري مستفه وكل طير صايدله شلقة حباري
وهذا كلام مايدخل المخ
سؤال للبايع صاد معك نعم خذ كلامه
قال مع اهله الاولين قل تشرط نعم خذ كلامه
قال لا ان بغيت تاخذ ولا الطيور واجد

ابن حـنيف

21/02/2012, 07:49 PM

انا اشوف ان وضح بما ذكره الاخرين جيّد ومقبول

لكن عن نفسي اذا الطير ما صاد معي قلت الطير مجهول ولا اعرف فيه غير طياره على الملواح

شكرا لك على طرح الموضوع

تحياتي ..

قرناس شماالي

21/02/2012, 08:27 PM

كلامك سليم يالغالي

لاكن اذ الطير عارف انه صايد مع راعيه اشرطلك

ولاكن بهلوكت ماتشرد لان الكذبين كثرو ويشرطون وهم كذب

راعي الحرارر

22/02/2012, 09:56 AM

والله يالربع مافي مصداقيه للاسف الشديد وبسراحه مافي بيعه الى وهو صايدعن اهله الاولين غثونا بهالكلمه ياناس

وزاري

22/02/2012, 08:44 PM

المصيبة يأخوان انه فيه واحد معه طير ولابس جينز وعلى راسه دكش مدري كدش اللى يجيك شوشه كبيرة ويقول الطير صايد معى حبارى أيعقل الكلام

واذا نزلت سوق الطيور كلن يقول الطير صايد الله اكبر كل الطيور صايده

لكن مااقول كل الشكر لك FalConer_Qtr لطرحك للمواضيع اللى تصير عندنا وبكثرة

النايف ////

23/02/2012, 01:09 AM

بيض الله وجهك على الكلام الطيب اللي في محله . وكلام الحق مايزعل اهل العرف
وكثير من الناس يشرط على طيره انه يصيد ولاكن ماشاف صيده
المفروض انه ما يشرط الا بعد شوف عينه أويقول في ذمت اهله الاولين

شنوان

23/02/2012, 03:15 AM

طيب وتذا الطير صايد قدامي وشوف عيني
لاهي حباره ولا ثنتين صايد اكثر من وحده
ما اقول ان الطير صايد

FalConer_Qtr

27/02/2012, 07:40 AM

مسيت بالخير ياخوى وجزاك الله خيرهذا الكلام المعقول والصائب( لكن فيه اناس ثقات وهم قله وسندهم صحيح)شرواكم
تقبل تحياتي ودمت بخيرررر

مسيت بمثله يالاجودي .. وشرواك الطيبـ
طيب ممكن اتنشد عن الطير (( عند اهل الطير الاولين ))
1- على اساس ترتاح نفسيا ..
2- وتتعب على طير منه رجى .. مهب باير

وشاكر لك على المداخله ...

FalConer_Qtr

27/02/2012, 08:04 AM

كلامك في محله ولكن اذا كان الطير عند شخص صدوق شرواكم اكيد اني اخذ كلامه وسبق وان اشترينا طيور عن طريق اشخاص من اشخاص اخرين وطلع كلامهم صدق واصابعك ماهي سواء فيه من يبيع ذمته على شان المادة وفيه من يخاف الله في القول والعمل تقبل تحياتي

شــــرواكـ الطيب يالسنـافي ...
صادق الاصابع ماتساوت ..
ولكن المقصد .. ان ناس تشرط على طيور وهي ماصادت عندهم يكتفون بالقول (( صاد عند اهله الاولين )) على اساس يرفع من قيمة الطير ..

وفيه مثل ماذكرت ناس ثقات تاخذ من عندهم الطير وهو صايد .. ولكن ماتشرط عليه انت الين مايصيد عندك .. يعني الطير في حظك مهب في حظهم ...

ولاهنت على المداخله الطيبه

طبيب المواتر

27/02/2012, 08:53 AM

كلامك صح ولا يعمم

كم مرة يشرطون ويطلع كلامهم غير صحيح بس وين يروح من ربه وهو (غش) حسبي الله على كل من ( غش)

ابوعزيز2007

27/02/2012, 09:34 AM

الزمن هذا كل شيء فيه غش الله يستر علينا وعلى المسلمين ولاكن يجماعه الطيور بعد ماتحكم اذكر واحد من الربع معه طير بكر صايد معه ولحوق الطير والسنه الثانيه وهو معه نفس الطير مابغاء الحباري ابد وهو صقار وتخفاه امور الصقاره فمثل هذا تخيل انك بعت وشارط انه ذابح وبعدين تتفاجاء انه مايبي الحباري وش الحل

FalConer_Qtr

27/02/2012, 09:48 AM

البيع المشروط يلزم الذمه

وذا قال البايع على كلام اهله ونا ماصاد معي ولاشاف معي شي لزمة ذمة اهله الاولين صدقهم وكذبهم
ونا الاحض اغلب الطيور المعروضه بالمنتديات والاسواق صايد الحباري ونا اشوف المبالغه بالكلام كما لو ان الحباري مستفه وكل طير صايدله شلقة حباري
وهذا كلام مايدخل المخ
سؤال للبايع صاد معك نعم خذ كلامه
قال مع اهله الاولين قل تشرط نعم خذ كلامه

قال لا ان بغيت تاخذ ولا الطيور واجد

صحيح ..
في حالة الطير ملكي وبغيت ابيعه انا الي اشرط عليه مهب اهله الاولين ..
لان الطير في ذمتي والكلام الي قلته للبايع كلامي مهب كلام الاولين ... وانا ياراعيه الي في الصوره مهب اهله الاولين..

ولاهنت على المداخله العطرا

FalConer_Qtr

27/02/2012, 09:50 AM

انا اشوف ان وضح بما ذكره الاخرين جيّد ومقبول

لكن عن نفسي اذا الطير ما صاد معي قلت الطير مجهول ولا اعرف فيه غير طياره على الملواح

شكرا لك على طرح الموضوع

تحياتي ..

التوضيح مطلوب في حالة صيده عند اهله الاولين .. ولكن ماتشرط عليه انت الاااا لا صاد عندك ...
واشكرك على المداخله الطيبه ...

FalConer_Qtr

27/02/2012, 09:53 AM

كلامك سليم يالغالي

لاكن اذ الطير عارف انه صايد مع راعيه اشرطلك

ولاكن بهلوكت ماتشرد لان الكذبين كثرو ويشرطون وهم كذب

البيعه المشروطه اي بمعنى ان الطير صايد .. طيب ويوم ترفع له احبارى مايعنى لها ولا يدري بها . وش الحل ياترى .. ارد لهله الاولين ولا الي بايعني الطير ..؟

يعني الي يلحقه اللوم هو الي بايع الطير مهب اهله الاولين ...
وشكرا على مرورك وتعقيبك ..

FalConer_Qtr

27/02/2012, 09:57 AM

والله يالربع مافي مصداقيه للاسف الشديد وبسراحه مافي بيعه الى وهو صايدعن اهله الاولين غثونا بهالكلمه ياناس

المصداقيه ان شاء الله موجوده ... والاجاويد اموثقين كلامهم ...

الصقاقير يختلفون ..
فيه صقار بياع شراي (( وينحدر منهم الشريطي ))
وفيه صقار قناي ...

للامانه اذا جيت اشتري طير اشوف راعيه من؟؟ .. فيه ناس اشتري من عندهم بدون لا اتنشد من وراهم .. لانهم اهل ثقه

ولاهنت على المداخله الطيبه

FalConer_Qtr

27/02/2012, 09:59 AM

المصيبة يأخوان انه فيه واحد معه طير ولابس جينز وعلى راسه دكش مدري كدش اللى يجيك شوشه كبيرة ويقول الطير صايد معى حبارى أيعقل الكلام

واذا نزلت سوق الطيور كلن يقول الطير صايد الله اكبر كل الطيور صايده

لكن مااقول كل الشكر لك FalConer_Qtr لطرحك للمواضيع اللى تصير عندنا وبكثرة

ههههههههههه
متطلبات الموضه سنة 2012 :D
وشاكر لك على تعقيبك يالسنافي ...

FalConer_Qtr

27/02/2012, 10:02 AM

بيض الله وجهك على الكلام الطيب اللي في محله . وكلام الحق مايزعل اهل العرف
وكثير من الناس يشرط على طيره انه يصيد ولاكن ماشاف صيده
المفروض انه ما يشرط الا بعد شوف عينه أويقول في ذمت اهله الاولين

وجهك ابيض يالاجودي ...

وصدقت اخوي ...

ولاهنت على المشاركه العطرا ...

FalConer_Qtr

27/02/2012, 10:04 AM

طيب وتذا الطير صايد قدامي وشوف عيني
لاهي حباره ولا ثنتين صايد اكثر من وحده
ما اقول ان الطير صايد

الا صايد وصايد ...

لكن اشرط عليه انت ياراعيه .. لا تقول .. (( صايد عند اهله الاوليـن )) اهله الاولين معاد يدرون عن شي مهب في ذمتهم ...

ولاهنت على المرور والمداخله الطيبه ..

FalConer_Qtr

27/02/2012, 10:06 AM

كلامك صح ولا يعمم

كم مرة يشرطون ويطلع كلامهم غير صحيح بس وين يروح من ربه وهو (غش) حسبي الله على كل من ( غش)

صادق ياخوي ...
والي يرفع الضغط عدل .. يوم تشتري بشروط .. وترويه الحباري مهب احباره وحده مايعنا لهن .. في الاخير الطير مغلوس منها ...
ولا رديت اتكلمه يقولك انا بعتك طير مابعتك اصقاره هههههه
وشاكر لك على المداخله الطيبه ..

FalConer_Qtr

27/02/2012, 10:09 AM

الزمن هذا كل شيء فيه غش الله يستر علينا وعلى المسلمين ولاكن يجماعه الطيور بعد ماتحكم اذكر واحد من الربع معه طير بكر صايد معه ولحوق الطير والسنه الثانيه وهو معه نفس الطير مابغاء الحباري ابد وهو صقار وتخفاه امور الصقاره فمثل هذا تخيل انك بعت وشارط انه ذابح وبعدين تتفاجاء انه مايبي الحباري وش الحل

الله الحافظ ان شاء الله ...

والطير الي ذكرته الوكاد ان فيه خله .. ولا طاح عليها راعيه ...
وفيه اطيور تفعل وتلحقها اعيون خلق الله (( منفوس )) حسد الله يكفينا شره ...

وشاكر لك على المشاركه العطرا ...

////عصويد////

28/02/2012, 12:20 AM

بالنسبه للبيع والشراء في الطيور فالواحد اذا كان يترزق الله ماهو معقوله كل من جاه بالحراج بيطلع مصحف ويحلفه هو صايد والالاا انا رجال اترزق الله اهم شي قدامي حالة الطير وصحته وسلامته ووسرته والي بيغش المسلمين الله يغشه ياما اخذنا طيور مشروطه وطلعت دون الهقوه نبيع بكلام اهلها وياما طيور طيبه اكون انا من شاف هدادها وفعلها ويوم تنباع تفشل مع شاريها وهو اما لقله الدبره اولاختلاف الجو من منطقه الى منطقه اورفع الطير وتنزيله وفي النهاية هذا طير الضامن الله سبحانه

رامى السيد

01/03/2012, 12:37 PM

انا لاحظت في قسم البيع الخاص للطيور ...
ان اغلب الي يعرضون الطيور ..
يشرطون على الطيور الصيد وهي في الاساس ماصادت عندهم كيف!!
ممكن اتقول عندي ماشافات الصيدة الفلانيه اذا صدق ماشافت .؟
لو عندي طير ابي اعرضه للبيع .. اشرط عليه في حالة اذا صاد عندي ... فقط !!
ماقدر اشرط على اي طير صاد عند اهله الاولين .. لاني انا الي ببيع الطير والطير في ذمتي مهب في ذمة اهله الاوليــن ...

واتمنى محد يزعل من كلامي وياليت الي يشرط
يشرط اذا صاد الطير عنده مايشرط على كلام اهله الاولين ...

ولكم جزيل الشكر وفائق الاحترام ..

اتفق معاك ,,