باجر ساير السعوديه وابا رايكم لو تكرمتوا - الفزعه لاخوكم من ابوظبي

[alyaaah]

السلام عليكم والرحمه
باجر بإذن الله طالع مع الاخوان للسعوديه لمدة اسبوعين
بنزور البر في حايل وتبوك
اريد رايكم في بطاقة الجوال
شو افضل بطاقة جوال بالانترنت السريع وتكون لها تغطيه جيده في حايل وتبوك وخاصه المناطق البريه
السعر مب مهم يا اخواني المهم الجوده والسرعه والتغطيه
اريدها بطاقه مدفوعه مقدما لو تكرمتوا
اخوكم سيف

[حنيني]

الافضل في التغطيه stc
حسب علمي والله يحييك في ديرتك

[شاص]

الله يحييك وتوصل بالسلامة .. الأفضل يعتمد على موقعك والتغطية الموجودة .. لكن في الغالب الجوال stc وبعدها موبايلي وترا يجي عندهم عروض جيدة

[بني عدنان]

عليك السلام ابد خذها مني موبايلي اقوى من الاتصالات

وعن تجربة اقولها منطقة العلا انا اروح هناك ما فيه ارسال الا موبايلي ومنطقة حائل موبايلي اقوى وبعض المدن سميرا والروضة والوهيبية موبايلي شغاله جيل ثالث بعد

[alyaaah]

كثر الله خيركم وجزاكم الله كل خير
مشكورين وعساكم ذخر

[راعي-gx97]

الله يحييك عدد خطاويك في بلادك وبين أخوانك ..
موبايلي بدون منازع تغطية في كل مكان والسعر معقول والسرعة طيبة .

[wafi4sa]

خذا وانا اخوك موبايلي وانت مغمض
وعندهم قبل اسبوع بطاقة بــــ 50 ريال لمدة شهر 5قيقا
رحلة موفقة

[ابوماجد-1]

حياك الله بديرتك الثانيه وتنورنا

الاسعار في متناول اليد كل الشركتين

ولكن للحيطه والحذر خذ لك موبايلي والاتصالات STC

[alyaaah]

ما تقصرون يا اخواني
ومثل ما قال بو ماجد باخذ موبايلي واتصالات للاحتياط
وان شاء الله نتواصل وياكم في داركم يا اخوان شما

[faiz-111]

الله يحيك لكن في المناطق البريه واللي قريبه من الخط بيكون شغال فقط الجيل الثاني التو جي يعني السرعه ممله سواء موبايلي ولا الاتصالات لكن داخل المدن ماعندك مشكله ال 3 جي جيد

[GMC79]

بس انتبه وانا اخوك ترا البران عندنا وسيعه من يوم تبعد والا تدخل شعيب تنقطع عنك كل ارسالات الدنيا يعني لا تتكل على شركات الاتصالات عندنا كلها سيء واسؤ

[web]

السلام عليكم

عندنا ثلاث شركات ( الاتصالات السعوديه stc- وشركة موبايلي - وشركة زين )
كلها تتوفر فيها بطاقات مسبقة الدفع
بامكانك شرائها من اي مكان عن طريق اي محل اجهزة جوال
شركة stc اكثر تغطيه بالمملكة ممتازه
موبايلي انا ارشحها لك لان المناطق الي ذكرت وخصوصا مع الطريق اذا انت رايح بسياره تغطية موبايلي في الطريق او في حائل وتبوك افضل
زين ما انصح فيها اسعارها رخيصه مقارنه بالشركتين السابقتين بس التغطيه مش ولابد

ملاحظه *** انا اتكلم من وجهت نظري فقط وتجربه شخصيه

وتوصل ان شاء الله بالسلامه بين اهلكم واخوانكم واي شي تحتاجه راسلني على الخاص وبالخدمة وانا خوك

[شقران نجد]

الله يحييك من مسراك لملفاك ياراعي ابو ظبي حياك في محلك ,,,,,,

عندك يالغالي stc

ثم موبايلي ومنشره مراكزهم بالأحساء وأنتم داخلين

وفقك الله وأتمنى لك طيب الإقامه والتوفيق بالحل والترحال

اخوك

ابوعبدالله

[albraki]

تفضل اخي

الاتصالات هنا (http://www.stc.com.sa/cws/portal/ar/individual/ind-internet/ind-int-start/ind-intr-str-intrntonmov)
وهنا (http://www.stc.com.sa/cws/portal/ar/individual/ind-internet/ind-int-start/ind-intr-str-intrntonmov/ind-intr-str-quicknet-datasim)

موبايلي هنا (http://www.mobily.com.sa/portalu/wps/portal/%21ut/p/c5/dYtLDoIwFADPwgne46PCstAYohaFUqhsSI2GQOQTU4lweonGpT PLyUABi50a60rpuu_UHSQU6xKPNlo0QyvAfZh4zmrr4Zeln5f-B4Kf23WIK8I49VGYO27a5uZ35yDRKXnjDmzS8jAHY9rMHCMao0 5jZDN7MS1P1ywRPqHN9KwvEIV9ewOuHjC0YqyIYbwBc-_i-w%21%21/#7_T1CJJ38P6IU180I2MUIN851CT4)

زين هنا (http://www.sa.zain.com/autoforms/portal/home/mobilebroadband/mbbcomputers)

[adnanmgh]

الله يحييك
ومايقدر يفيدك غير اهل المنطقة
لانهم هم اللي يعرفون التغطية والسرعة الفعلية لاي شركة

دمت

[terke mekshat]

موبايلي أقوى تغطية وأسرع من stc وأنا انصحك فيها تأخذ شريحة خمسة قيقا لمدة شهر بـ 50ريال مسبقة الدفع .

[ذيب الشفا]

بالنسبه للمناطق اللي ذكرت موبايلي افضل ...

[هارون97]

عليك السلام ابد خذها مني موبايلي اقوى من الاتصالات عن تجربه الجيل الثالت في كل قرية وهجرة

[عز نفسك]

يا مرحبا بكم بحايل والسعودية تنورون والله

أخي الغالي الشباب الي قالوا الأتصالات شكلهم ماهم من حايل انا والله قبل ساعة من ردي راجع من البر الي معاهــ موبايلي يكلم وهو جالس والأتصالات رافعين الجولات والأرسال ضعيف والله على ما اقول شهيد ...

اخي اذا تبون البر عليكم بالعضيم والمحلاني جهة الروضة ربيع وممطورة الأسبوع الي طاف واذا احتجت اي شي امرني اخدمك من عيوني وراسلني وابشر بالي تبي ...

[طرّاش]

موبايلي :good2:

stc احترق كرتها

[حبـران]

الاخ الكريم

اذا تبي تتمشى في المنطقة وفي معالمها مثلا في تبوك ووودك تروح المناطق السياحية والاثرية والغريبة
فهناك التغطية من موبايلي حتى في مراكيز الوبران في الحرة ههههههههه

وهذي نصيحة من تجربة والله

[محمد بن صالح1]

اخوي الغالي

يا حيااك و تنوورنا بوجودك بين اخوانك

في مناطق البرر الافضل موبايلي

في وسط المدينه اس تي سي

و لا تعتمد نهائي عليها و الافضل تاخذ احتياطك بالايكوم او الكنوود وقت ما ينقطع عنك الارسال

موفق خير يا غالي