المساعد الشخصي الرقمي

مشاهدة النسخة كاملة : افيدوني بخصوص فرارات الباترول


عاشق نجد111
22/02/2012, 01:43 AM
السلام عليكم ورحمه الله وبركاته
مساء الخير للجميع

انا معي باترول ربع 2005 ومن يوم شريته مركبه عليه فرار يدوي من الجهه اليسرى فقط
وامس قال لي واحد من العيال كذا يضر السياره ويطلع لك صوت بعد فتره فالكرونيا لانه من جهه شغال وجهه مفصول عاد قلت في نفسي مالي الا أهل مكشات عساهم ذخر
هل كلامه صحيح؟

وهل اقدر اضيف له فرار للجهه الثانيه؟
واذا اقدر اضيف له وش افضل نوع وين احصله وين يركبونه بالرياض؟

عارف اني كثرت اسئله لكن تحملونا شوي

تحياتي للجميع
bad boy
22/02/2012, 02:07 AM
نفس السؤال لان معي موتر فيه فرار واحد ؟؟؟
هويدي
22/02/2012, 07:28 AM
مسأله يضر او ما يضر اختلف العلماء عليها :)

بس وشلك بوجع الراس ركب اثنين ولا تخسر دفرنسك بسبب يقولون !!

يباع عند السليماني بالرياض طريق الملك عبدالعزيز حي المرسلات

وفرع الغرابي

بـ 550 النيكل والاسود 500 والتركيب بخمسين بس تابع زين علشان المرات القادمه انت تفك وتركب
الشغله سهله ما يبيلها شي
هملول السحاب
22/02/2012, 08:59 AM
السلام عليكم

والله ياخوي انا كنت مركب 2 وخرب واحد منهم والحين باقي واحد وشغال ومدري في ميكانيكي يقول عادي والثاني يقول لا مشكله صديق..

عاد مافي معلوم انا في مشكل ولا مافي مشكل.

ياليت حد يعلمنا بالعلم الوكاد.
عاشق نجد111
22/02/2012, 11:19 AM
مشكورين على المرور والإفاده
Bad boy

اخوي هويدي ماقصرت كفيت ووفيت
هملول السحاب بعدين سياره انتا خراب بعدين مشكله
اقول ركب واحد بدل اللي خرب احسن لك

تحياتي للجميع
sgl2002
22/02/2012, 12:40 PM
وانا مع اللي يقولون يخرب

والافضل ياتشيل الفرار او اضف واحد ثاني
sameer_1798
22/02/2012, 12:43 PM
أكيد يضر ياخوي ولو على المدى البعيد شوف هذا الموضوع يفيدك إن شاء الله
ركبت فرار جهه وحده هل يضر مع الاستخدام (http://www.mekshat.com/vb/showthread.php?t=480352)
عاشق نجد111
22/02/2012, 03:47 PM
مشكورين على المرور والافاده

تحياتي للجميع