ودي اصلح مظلة بالقرميد لسيارتي ،وش رايكم بالفكره؟ [الأرشيف]

مشاهدة النسخة كاملة : ودي اصلح مظلة بالقرميد لسيارتي ،وش رايكم بالفكره؟

walhan

14/04/2006, 02:40 PM

السلام عليكم جميعا
مع قرب الصيف وحرارة الشمس اللي ما تخفى عليكم ، قررت اصلح مظله لسيارتي في البيت ، بس احترت بين الانواع المتوفره في السوق وهي كالتالي:
1-الشينكو العادي.
وطبعا معروفه للجميع وميزتها القوه وطول العمر ورخص السعر ، بس يعيب عليها انها تقليديه ومعظم الفلل الجديده بطلتها.
2- قماش ال بي في سي.
شكله مقبول وممكن يتركب في الفلل الجديده وما يمرر المويه بس يعيب عليه عمره الافتراضي قصير -الضمان 5سنوات- ويمرر نسبه من حرارة الشمس حتى لو خذت الثقيل وسعره بحدود 120 للمتر للمتوسط.
3- قماش البولي اثلين.
وهو شبيه بالبي في سي بس يمرر نسبة مويه وايضا حراره بس يمكن يكون ابرد شوي متوسط سعره 110 للمتر.
4- الخشب الصناعي.
وسعره غالي وشكله ما اعجبني وايضا له عمر افتراضي ، ويعطون ضمان 5سنوات.

علشان كذا فكرت اني اسوي مظله بالقرميد ، طبعا اسوي الهيكل بالحديد واعطيه البويه المناسبة وبعدين يركب القرميد ، وطبعا يتميز بالعزل الجيد وماراح يمرر مويه وشكله جميل.
فاتمنى من الاخوان يعطوني رأيهم في الفكرة وكم تتوقعون تكلف للمتر واذا احد سبق وسواها يعطينا افكاره حولها والمزايا والعيوب.

نمر بن حثلين

14/04/2006, 03:25 PM

طيب اخوي ما فكرت بالشينكو الاماراتي ؟

يجي اثقل من الشينكو العادي
ولونه احمر غامق وفيه تقسيمات على شكل قرميد

وهو عملي جدا وطويل العمر
بس مشكلة الحديد الحراره
ويمكن تفاديها انك تحط تحته عازل حراره

واظن سعر المتر 30 ريال كاني منيب واهم

walhan

15/04/2006, 01:00 PM

يعطيك العافيه اخوي نمر بن حثلين على مشاركتك وانا صراحه اول مره اسمع به بس ابدور عليه واشوف شكله اذا كان حلو فأكيد يبي يطلع احسن من القرميد.

سعد الدين

16/04/2006, 06:36 PM

نصيحة مني اخي الكريم

أستخدم مظلات خفيفة مثل هذه

http://www.ajllan.com/images/ph16.gif

هنا الموقع

http://www.ajllan.com/

نمر بن حثلين

17/04/2006, 03:10 PM

الله يعافيك
اليوم وانا في السياره لفت انتباهي مطعم حاط الشينكو الي قلت لك عليه على شكل جمالون صغير
وصورته لك بالجوال

http://www.mekshat.com/pix/upload/images16/mk7373_shinko.jpg

walhan

17/04/2006, 11:08 PM

اخوي سعد الدين : يعطيك العافيه على النصيحة ، بس اقولك بصراحة انا مركب نفس النوعيه اللي حاطه في الصوره وما اعجبتني نهائيا للأسباب التاليه:
1- لما توقف السياره تحتها لفتره تلقاها مغبره لأنها تعمل على ترشيح الغبار بعكس الشينكو او القرميد راح يمنع نزول الغبار على السياره.
2- اذا جاء مطر تلقى الغبار اللي متعلق بين فتحات القماش نازل على السياره.
3- لا تمنع اشعة الشمس 100%.
.................................................. .......................
اخوي نمر بن حثلين : شكرا على اهتمامك ، وصراحة شكله مقارب جدا من القرميد والظاهر اني ابستخير واركبه ، بس يبيلي ادور على معلم حديد فاهم.

aahhhh2

18/04/2006, 10:43 AM

السلام عليكم ورحمة الله وبركاته

فيه عند المهيدب الي في الصنعية القديمة شينكو بشكل قرميد مثل الي في الصوره ولاكن مصبوب على الشينكو

ماده متل الجرانيت وبتالي تعطيه شكل مثل القرميد تماماً ويباع الواح طول الوحدة 120 وعرضه 50 ويجي له تقفيله مثل القرميد تماماً ولا ادري كم سعر

walhan

19/04/2006, 12:43 AM

مشكور اخوي aahhhh2 على ردك واتمنى من الاخوان ذكر رأيهم في الفكره ، وهل ستكون ناجحه سواء باستخدام القرميد الصناعي او الطبيعي.

مروق

26/04/2006, 12:35 PM

السلام عليكم ..

اخووي اناا عندي نفس مشكلتك .. وسويت مظلة قرميد .. ولكنها هربت مويه ..

((في حالة وجود ريح شديد مصاحب للمطر ))

واخر افكاري .. ((كل يوم له فكره , الحوش مليان افكار غير مكتمله :D ))..

قررت اسوي بيت شعر وبنفس الوقت مظله

صممت هيكل حديد ثلاثه في خمسه بارتفاع 220 .. وجعلت له ثمان اعمده ..

بحيث اقدر افصل العمود الاول لجعل

الطول 4 متر والمظله كما هيا 5 متر ,, علشان مايضايق الموتر عند الدخول والخروج

استخدمت للمظله شراع ياباني برتقالي قووي جداا

وفي حاله الرغبه بتحويله لبيت شعر .. فقط اصمم له روااق

وسلامتك :)

walhan

28/04/2006, 11:24 PM

شكرا على مشاركتك اخوي مروق ، وما دمت جربت مظلة القرميد عطنا افكارك لو كنت بتصلحها من جديد وش العيوب اللي ممكن تتفاداها وبعدين انا راح اسويها بين جدارين يعني مفتوحه من المقدمه بس فهل ممكن يجي تهريب مويه.ويعطيك العافيه،،،

مروق

29/04/2006, 12:29 PM

السلام عليكم ..

هلا ااخووي ..

بحكم التجربه مانصحك بالقرميد .. مايسوى خسارته .. صح ان شكله حلوو .. لكن فيه مشاكل كثيره

اول شيء مكلف .. سويت مظلة بحدود 40 متر مربع وكلفت فوق السبع الاف مع البويات والسليكون

ثانيا .. يجمع الغبار بشكل عجيب اول مايجيه مويه تحس انك جالس تحت بيت طين:D من كثر الطين اللي نازل

ثالثا .. ماريح يزبط ميه بالميه من ناحيه التقفيل .. الا اذا بتحط بكل قرميده سيلكون بينها والثانيه وهذي مستحيله ومكلفه

رابعا" طريقة تربيطه غير محكمه .. مسمار واحد لكل قرميده .. واكثر المسامير ماتمسك صح

خامسااا مايسوى تعبه !! :confused:

....

انصحك بالشينكو لقديم .. اللي على شكل منحنيات صغيره ومتقاربه ولونه معدني .. شكله رهيب

وصدقني الشينكو اذا سويته على شكل نصف دائره يجي شكله جميل جداا

وبالامكان تجميل الشينكو من تحت بشويه قماش مخطط اوحديد مشغول تضفي عليه لمسه فخمه

وسلامتك .. واذا تبي المزيد حاضرررين:)

walhan

29/04/2006, 10:22 PM

الله يجزاك الف خير اخوي مروق ، وفعلا هذا اللي كنت ادوره ،يعني ابغى واحد يعطيني نصيحة مجرب قبل ما اتورط خصوصا ان المساحه عندي فوق 100 متر مربع ، لكن وش رايك بالشينكو اللي زي القرميد اللي ذكره اخونا نمر بن حثلين لو اركبه واحط معه عازل ، او وش رايك احط المظله شينكو عادي في النص وحولها يكون اطار قرميد بحدود متر مائل وهو اللي يكون ظاهر اما وسط المظله يكون شينكو ، واعذرنا ان كلفنا عليك اخوي مروق ترى صرنا نمون.

مروق

30/04/2006, 12:35 AM

الله يحييك وتمون وتأمر

.. بالنسبه للشينكو اللي زي القرميد شكله حلو ومرتب ,, بس عيبه حرارته الزايده واظن ان لونه له دور كبير ((ممكن تغيير اللون الى فاتح يخفف من المشكله )) واعتقد بانه المناسب لك

وهذي رسم لتوضيح فكرة المظله

http://www.mekshat.com/pix/upload/images16/mk21062_rrrrrrnn.jpg

نهايه المظله شراع خاص مقصوص باشكال جماليه ومهدب ,, يركب على ممرات تصريف الماء ,, بحيث يغطي نهاية الشينكو

وحياااك

walhan

30/04/2006, 09:04 AM

تسلم اخوي مروق وصراحة وفيت وكفيت ، بس ما عطيتني رأيك بفكرة ان يكون وسط المظله شينكو والاطراف قرميد مثل الرسم اللي سويت تحت طبعا هذا منظر لها من فوق.
http://www.mekshat.com/pix/upload/images16/mk19475_medlah.jpg

مروق

30/04/2006, 05:49 PM

هلا اخووي ..

عذرا توقعت انك بتكتفي بالشينكو الاماراتي فقط !

عموما" مادري كيف النتيجه , بس اللي اتوقعه ان الشينكو بيكون ظاهر فوق القرميد على شان تصريف الماء

وكذا مارايح يختفي الشينكو , وبتكون الشغلة عليك معقده والمنظر مارايح يزبط معك من ناحيه التقفيل

فكر بالشينكو الامارتي , وحاول تشوف مظلات منفذة من نفس الشينكو , اكيد بتبين لك الصورة اكثر

وبتطلع بافكار جديده

مع تمنياتي بالتوفيق

walhan

01/05/2006, 09:24 AM

فعلا اخوي مروق تصريف المويه ما فكرت فيه واعتقد انها ما راح تظبط ابسأل عن الشينكو الاماراتي وانشاالله يكون مناسب ، وتقبل اخي فائق شكري وتقديري على جميع ما بذلته من وقتك.

بوفايز

01/05/2006, 09:35 AM

السلام عليكم شفت واحد مسوي له اعمدة حديد مصبوغة بلون حلو اظنه اخضر فاتح وحاط فوقها سعف نخل. وطبعا منزلها شوي على الجوانب على شان تمنع اشعة الشمس وقت العصر والصباح. منظرها حلو جداً. في ناس قالوا لي مشكلتها انها تنزل غبار وقت المطر. الفكرة اللي جت في بالي. سوي مظلة شينكو وحط فوقها سعف نخل بحيث يغظيه تماما ولا يبين. والله اعلم

بو فايز

walhan

03/05/2006, 10:33 AM

مشكور اخوي الغالي بوفايز على الفكره وهي جيده بس لو كان في استراحه ، لكن في البيت ما اعتقد ان شكلها بيكون حلو.

مروق

09/05/2006, 01:38 PM

مراااحب اخووي ..

كنت وعدتك تشوف اخر اختراعاتي بالنسبه للمظله

طرى على بالي اني اسوي بيت شعر وبنفس الوقت مظلة ,, وهو متحرك بواسطه عجلات صغيره

والهيكل مفصل على شكل اجزاء ,, تسطيع تحريك اي ماسورة من اي اتجاة ,,

والان ناقص عليه رووااق ويصير بيت شعر ,,

وبالنسبه للتكلفه مع الرواق ,, بحدود 3000 ريالا ( علما ان تكلفت بيت الشعر من عند السنيدي بحدود 15000 الف ريال ))

وهذي صورة للمظله ...

http://www.mekshat.com/pix/upload/images17/mk21062_5577.jpg

walhan

13/05/2006, 12:54 PM

مشكور اخوي مروق على الفكره الحلوه ، وصراحة روعه ، وبعدين ممكن ان الواحد ينقلها داخل البيت وممكن لو عنده ضيوف يبعدها عن مقدمة البيت ، يعطيك العافيه،،،

سعد الدين

11/06/2006, 01:35 PM

مروق (http://www.mekshat.com/vb/member.php?u=21062)

يا سلام عليك وعلى أفكارك

الله يعطيك العافية

ابوبدران

18/08/2009, 02:08 PM

حق الفيتو

18/08/2009, 11:03 PM

حر كة حقت مروق ...

وتنفع بنفس الوقت للغشمان .. يعني الي عندهم سواقين ..

s3ed

19/08/2009, 12:00 PM

السلام عليكم

اخوي عندك الساندويش بنال (sandwich panel )

تقدر اتصلح فية افضل مظلة وتكون عازلة من الحرارة واذا صبغتها بتكون افضل

هذة الصور

sandwich panel

الطول 6 منر واعتقد العرض متر وشوي ماني متاكد

والشكل يشبة القرميد

عازل حرار ي ممتاز وشكل يشبة القرميد
http://www.mekshat.com/pix/upload03/images121/mk11661_01.jpg
http://www.mekshat.com/pix/upload03/images121/mk11661_02.jpg

جمعان

09/06/2011, 05:03 PM

الأخوة الأعزاء : السلام عليكم ورحمة الله وبركاته ، وبعد : أخوكم يريد أن يسقف مجلس بطول 7.80في 5.80 بشينكو وده ياخذ رأيكم ويش الزين من الشين ، انصحوني جزاكم الله خير ، فالوضع المادي والمعنوي لا يتحمل أكثر من ذلك !!!!!!

wafi4sa

09/06/2011, 11:15 PM

ياخي الكريم
انا انصحك الشينكوا الذي يجي على شكل قرميد ( اللي عندي صناعة جنوب افريقي )
مركبه قبل تسع سنوات ممتاز
والله ويفقك لم هو خير لك

الشنه

10/06/2011, 10:15 AM

تعوذ من بليس

ولا تفرنك واخرتها خساير وتعب

خذ شراع استرالي اصلي او شراع بي في سي

وارتح ويا كثرهم
ولا يلعبون عليك ال بي في سي يجي مقاسين
سميك واقل سماكه
خذ السميك واشرط عليه
وبعد ما يشتغل خذ قطعه زايده من الشراع واطمر لأقرب محل واسأله عن النوعيه
معظمهم غشاش تتفق معه على السميك ويركب الأقل سماكه

بربنجي

10/06/2011, 07:23 PM

صراحه انا اشوف انه اذا عندك امكانية تشوف المحلات المعروفه بالرياض تسوي ليك مضله حلوه صحيح انهم غالين لكن تاخذ شغل مرتب وضمان انامركب مضله مكلفتني 12000 ريال لها عشر سنوات الحين واكثر
حتى ستاره مركب لها عشان تقفل على السياره من جميع الجهات ما تجيها شمس
طبعا المظله اعتقد انه قماش مقوى ماتقطع مع الامطار ولا العواصف ولله الحمد
اسف على الاطاله