راعي العجراء والديك العاشق

[راعي العجراء]

السلام علاكم ورحمة الله وبركاته
اليكم هذه السالفه
تحت عنوان \راعي العجراء والديك اليتيم
انتم عارفين راعي العجراء بمايحمله من مواقف طريفه تنساق مع ذهانته المعتاده (ربع قيقا)
مايحتاج ذهانه نصف كم وشاتره مع الغسيل يعني كامشه وصايره تقل ثالول بهامه الراس
لاشفته تقول منشاف ام صتمه كل الذهانه متحرجمه بهالثالول وباقي الدميجه فاضي شافطها هالثالول
المهم سيرت يوم على زميلي في مزرعته الصغيره وكان عنده ديك اعزل يعني وحيد بهذه المزرعه وبما انه وحيد حاط حيله بالاكل لاشفته تقول اشوال رز تمن من كثر ماياكل رز
المهم سألت صاحبي ليش هالديك لحاله وين باقي الدجاج
قال هالديك سالفته سالفه
الديك شراه واحد من عيالي وهو كتكوت صغير وكبر شوي واخذته معي للمزرعه وخليته
قلت له بس الحين صار كبير ليه ماجبت له دجاج يوسعن صدره
قال كل يوم اقول اباجيب وراحت الايام والى الحين
وانا التفت للديك قلت ابشر من يجيب لك دجاجه توسع صدرك معها وبا اخليك تستانس تالي عمرك وبتدعيلي
ويوم جاء رد الاسبوع وانا ادخل للسوق واشتري له ذيك الدجاجه المزيونه اللي تلاعب الهواء ملاعب ودلوعه وفيها موقه وتوها شبب بكر مابعد ارضعت يانهودها تقول غطيان ببسي
المهم واجيك طالع للمزرعه ومعي الدجاجه الطخماء
وانا احكي على هالدجاجه بالطريق واقول ياهالليله ان تهب عليك الصريفه بس تحيزمي
الليله ابا ازوجكم وباقول
مبارك عرس الاثنين ,,, ليلة خميس وجمعه
واللي جمع بين الاثنين ,,, الله يطول في عمره
وابا اجرها على الربابه ابا اخليكم تستانسون
المهم وصلت المزرعه واخذ الدجاجه ووديها عند الديك ونزلها عنده
هالديك حياته ماشاف دجاجه ولا يدري ان بهالدنياء دجاج مايعرف الا صاحبه وكبسة هالرز
اللي تنثر له
يوم شافها الديك ويبدا يأشر بعيونه ماهو مصدق وهو ياخذ طرف جناحه ويخليه جمع كف يد ويبداء يعرك بعيونه وبدا ياخذ نفس عميق احيان يدخل منقاره بوسط من الشهيق حلقه ماهو مصدق الى الحين
وهو يدور على الدجاجه ويطالع فيها باستغراب ماعاد يفكر بالكبسه شاف شي غريب في حياته
المهم الديك بدا ينتفض شوي يوم طلعت هدارته قلت خلاص وافق شن طبقه
شوي يوم مغط رجليه شوي يوم انسدح على ضهره وشصولت رجليه ويبدا يرتجف
يوم هجد ماعاد يتحرك قلت افا يا هالعلم وش الدبره يوم رحت يمه ولاه ميت له اسبوع
من الوحشه المسكيت بسرعه عشق وبسرعه مات
عاد صاحبي يقول ليتك خليته على طمام المرحوم مع كبسة الرز هذا حياته كلها مابعد شاف
الدجاجه وجبتله وحده طخماء وبكر قلت لاتصير انت بعد دخلك العشق
اصبر لاتموت خلني اروح لهلي ومت على راحتك
انتهت السالفه ارجوا ان اكون وفقت في اخراجها لكم كما ينبغي
وقبل الختام سبحانك اللهم وبحمدك لااله الاانت استغفرك واتوب اليك
تحياتي لكم ودمتم

لاتبخلوا علينا في ردودكم للتشجيع والاستمرار

[محمد الظاهري]

ههههههههههههههههه
امحق من عشق
الله يهديك وش سويت في ديك الرجال
الديك قاتل الحب العذي
الله يبارك في دائماً ممبدع
ودائماً تمتع القاري في اسلوبك الجميل
يا عزي على الدجاجه
اجل غنيت لها مع الخط ههههههه
اشكرك جزيل الشكر
تحياتي وودي
محبك

[أبوعبدالرحمن0]

وعليكم السلام ورحمة الله وبركاته

يا مرحبا بحبيب الجميع

ياخي هذا مو يتيم وبس هذا مقطووع !!

الله يوسع صدرك بالعافية

مشكور على ظرافتك

[ام الايتام]

هههههه حزني الديك

الله يسعدك دنيا واخره زي ما تسعدنا بسوليفك

مشكور اخوي راعي العجرا

[حمد69]

وعلاكم السلام ورحمة الله وبركاته
الله يرجك ياراعي العجراء وش ذي السوالف إلي تقتل ضحك تبا تموتنا ضحك من صباح الله مثل ما موت ديك الرجال ههههه
وانا التفت للديك قلت ابشر من يجيب لك دجاجه توسع صدرك معها وبا اخليك تستانس تالي عمرك وبتدعيلي
ويوم جاء رد الاسبوع وانا ادخل للسوق واشتري له ذيك الدجاجه المزيونه اللي تلاعب الهواء ملاعب ودلوعه وفيها موقه وتوها شبب بكر مابعد ارضعت يانهودها تقول غطيان ببسي.. ههههههههههه
المهم واجيك طالع للمزرعه ومعي الدجاجه الطخماء
وانا احكي على هالدجاجه بالطريق واقول ياهالليله ان تهب عليك الصريفه بس تحيزمي..ههههههه
..وهو يدور على الدجاجه ويطالع فيها باستغراب ماعاد يفكر بالكبسه شاف شي غريب في حياته
المهم الديك بدا ينتفض شوي يوم طلعت هدارته قلت خلاص وافق شن طبقه
شوي يوم مغط رجليه شوي يوم انسدح على ضهره وشصولت رجليه ويبدا يرتجف
يوم هجد ماعاد يتحرك قلت افا يا هالعلم وش الدبره يوم رحت يمه ولاه ميت له اسبوع
من الوحشه المسكين بسرعه عشق وبسرعه مات ههههههههههته

كفووو ياراعي العجراء راعي مواجيب وتحب فعل الخير
امتعتنا بهذه القصة الفكاهية
بارك الله فيك
أرحم ذا الولد إلي كل حين يصدم راسه من الذهانة

[النبهاني]

وعليكم السلام ورحمة الله وبركاته
ياهلا وغلا براعي العجراء
حسبي الله على ابليسك ياراعي العجراء
انا خابر الواحد لاصار ضميان حيل يعطونه الماء قطره قطره
وهالديك اللي ماعمره شاف العذارا طول عمره
تقوم وتجيب له دجاجه طخماء مره وحده لا ونهوده تقل غطيان ببسي
حسافه هالهواوي راح ضحية العشق
امتعتنا الله يمتع بعمرك ويسعدك بالدارين

[ابو عابدّ]

انت راعي فزعات يوم جبت الدجاجه للديك بس الديك ما صدق بها لو عطيته مجال
يشوف شغله وانت واقف على راسه هههههه
خلاص غنيت للدجاجه مع الطريق يكفي ههههه
الله يسعدنا ويسعدك

[Al3rands]

ههههههههههه مات الديك من العشق خخخخخخخخخخ عقب الكبسات جته دجاجه طازه لا وغطيان ببسي ماخليت شي

[راعي العجراء]

ههههههههههههههههه

امحق من عشق
الله يهديك وش سويت في ديك الرجال
الديك قاتل الحب العذي
الله يبارك في دائماً ممبدع
ودائماً تمتع القاري في اسلوبك الجميل
يا عزي على الدجاجه
اجل غنيت لها مع الخط ههههههه
اشكرك جزيل الشكر
تحياتي وودي

محبك


هلا بك يامشرفنا الغالي
تشرفت في حضورك
نعم غنيت لها سامري وهجيني ابيها تستانس قبل ماتشوف الديك
بس الديك الظاهر ان فيه سكر من دبغ الرز
ويو شاف الطخماء ارتفع عنده السكر ومابغى غيرها فنكس ومد كراعينه ومات
تحيتي لك

[راعي العجراء]

وعليكم السلام ورحمة الله وبركاته




يا مرحبا بحبيب الجميع


ياخي هذا مو يتيم وبس هذا مقطووع !!


الله يوسع صدرك بالعافية



مشكور على ظرافتك


هلا وغلا يابو عبدالرحمن والله يمسيك بالخير
والله اني افرح في شوفت معرفك
والديك يعرف الاثله والنخله وشرب العلف
والقلبان طول عمره وهو بالمزرعه
والدجاجه مايعرف عنها شي وانا هبلته بالدجاجه الطخماء
والتمست اسلاكه واعتلقت الضفيره عنده واحولت عيونه
ومات
حاولت اسعفه سويت له تنفس صناعي
ونفخت رئته لما نسم
مع اذانه
ولكن مافيه فايده

[عاصفة عروى]

هههههههههههه
مسكين الديك كسر خاطري
يا ليتا على الرز أفضل
يعطيك ألف عافية أخوي راعي العجراء

[ناصر العلي]

وعليكم السلام ورحمة الله وبركاته
سلمت يالغالي على هالسالفة


واللي جمع بين الاثنين ,,, الله يطول في عمره
الله قل آمين يطول بعمرك
نبي نحلل أسباب وفاة هالديك
الديك بعد مافرك عيونه
وشاف هالدجاجة الطخما اللي نهوده مابعد مزهن الجنين وصاح:D
ودار كم دوره حوله
جاوه هبوط بالدورة الدموية من القهر وليس العشق
وتحسف على أيامه اللي راحت ماتمتع به
ولكن من هول الصدمة ماتحمّل
وجيت أنت وسويت له تنفس إصطناعي
كملت الناقص
مشكور يالغالي على السالفة المضحكة
دمت بخير

[راعي العجراء]

هههههه حزني الديك

الله يسعدك دنيا واخره زي ما تسعدنا بسوليفك

مشكور اخوي راعي العجرا

هلابك يا أم اليتمان
تشرفت في حضورك
انا ما حزنت على الديك انا حزنت على الدجاجه اللي تبي تصير بهالمزرعه وحيده
وتبي تطيح بالرز مثل الديك ويمكن بعد بالمفطح
ويامكياجه ان يسيح على سيقانه ماتلقى من يناظره
ونهوده اللي تقل غطيان ببسي ان تسحبهن بالارض
ويمكن بعد توطيهن برجلينها

[بندر الشريف]

وعليكم السلام ورحمة الله وبركاته
ههههه ومن العشق ماقتل
راح فيها الديك وماعين خير ياعزتيله ليتك ماجمعت بين قلبين ياراعي العجراء الله يطول بعمرك قول آمين
الله يوسع صدرك مثل ماوسعت صدورنا بسواليفك الفائقه والموفقة
شكرا لك من الأعماق ياعزيزي وأسعدك الله أينما كنت

أخوك / بندر الشريف

[راعي العجراء]

وعلاكم السلام ورحمة الله وبركاته

الله يرجك ياراعي العجراء وش ذي السوالف إلي تقتل ضحك تبا تموتنا ضحك من صباح الله مثل ما موت ديك الرجال ههههه
وانا التفت للديك قلت ابشر من يجيب لك دجاجه توسع صدرك معها وبا اخليك تستانس تالي عمرك وبتدعيلي
ويوم جاء رد الاسبوع وانا ادخل للسوق واشتري له ذيك الدجاجه المزيونه اللي تلاعب الهواء ملاعب ودلوعه وفيها موقه وتوها شبب بكر مابعد ارضعت يانهودها تقول غطيان ببسي.. ههههههههههه
المهم واجيك طالع للمزرعه ومعي الدجاجه الطخماء
وانا احكي على هالدجاجه بالطريق واقول ياهالليله ان تهب عليك الصريفه بس تحيزمي..ههههههه
..وهو يدور على الدجاجه ويطالع فيها باستغراب ماعاد يفكر بالكبسه شاف شي غريب في حياته
المهم الديك بدا ينتفض شوي يوم طلعت هدارته قلت خلاص وافق شن طبقه
شوي يوم مغط رجليه شوي يوم انسدح على ضهره وشصولت رجليه ويبدا يرتجف
يوم هجد ماعاد يتحرك قلت افا يا هالعلم وش الدبره يوم رحت يمه ولاه ميت له اسبوع
من الوحشه المسكين بسرعه عشق وبسرعه مات ههههههههههته

كفووو ياراعي العجراء راعي مواجيب وتحب فعل الخير
امتعتنا بهذه القصة الفكاهية
بارك الله فيك
أرحم ذا الولد إلي كل حين يصدم راسه من الذهانة



هلابك يابو حميد وعساك تتؤنس من العافيه
الديك مايلام
جنس ناعم وبكر قدام عيونه لاول مره
والزين ماعليه غطاء
المسيكين دار حول الدجاجه قبل مايموت بس مايدري وش يسويبه ضاعت روابعه

ومن حينه مامن ذهانه من دبغ هالرز
لما صار عرفه اصفر حبس الدم عنه من القهر لاشفت عرفه تقول قرطاسه كيس اسمنت بشمس
لكن الضعيف يحتاج لكتلوج وانا رسمتله بالارض طريقة الاستعمال بس هو مامن دبره
عيونه فيها حول مدري كف نظره
قبل وفاته من هول ماشاف
والظاهر جاه حسر ونشقت مثانته ومات
مع التهاب حاد بالبروستات
تجمعت الامراض على هالضعيف

[سليمان الربيعان]

ههههههههههه اشهد انك فعلت خير بس الديك جته صدمه ما توقع فيه احد يشبهله
عوايدك ما تسةالف الا من الزين ولا تحرمنا من الزين
تقبل تحياتي....

[دل البحار]

لاتلومه ياراعي العجراء من الحب ماقتل
يسعدك ع السوالف
لكن من صدقك مات الديك

[ابن هويشل]

يعل عمرك طويل ياراعي العجرا
الله يشرح صدرك
ويرزقك رزق ماحتريته قل امين
قصه جميله جدا:good2::good2:

[ماوان11]

يعطيك العافيه ياراعى العجراء بس الحق على راعى الديك لأنه حارمه لين جيم الرجال

[قوافي ( أم نهار )]

حياك ربي اخوي
الشكوى لله مات عاشق دجاجه
لو جبت بطه يمكن ما مات
اتخيل الدجاجه الضعيفه من شعور الوحده بتاخذ دور
بلع الكبسه و تنتلي سكر وضغط ونهايته جلطه قهر ..
احسن شي انها استمتعت شوي بالقصيد..
تسلم على السالفه ..دمت بحفظ الله..
تحياتي.اختك
..قوافي..

[ذئب الدهناء]

وش ذا السالفه يا راعي العجرا خيال لا يوصف ( وان من البيان لسحرا )

[فتك الحر]

جزاك الله خير عزالله انك وسعت صدري وكل يوم اشيك على المنتدى ادور لك سالفه جديده وبيت الحكمه في الصميم

[راعي العجراء]

وعليكم السلام ورحمة الله وبركاته
ياهلا وغلا براعي العجراء
حسبي الله على ابليسك ياراعي العجراء
انا خابر الواحد لاصار ضميان حيل يعطونه الماء قطره قطره
وهالديك اللي ماعمره شاف العذارا طول عمره
تقوم وتجيب له دجاجه طخماء مره وحده لا ونهوده تقل غطيان ببسي
حسافه هالهواوي راح ضحية العشق
امتعتنا الله يمتع بعمرك ويسعدك بالدارين
ل اناهلاك يالنبهاني والله يمسيك بالخير
صحيح انا سويت مثل العطشان تسقيه شوي شوي
انا اول ماشفت الديك ماطلعت الا ساق الدجاجه ثم طلعت لسانه فقط وصبرت شوي وطلعت براطم ه بس هو شاف الساق
بدت تقاطر سعابيله ويوم شاف السان جته نفضه ويوم عاد شاف البراطم ويصير عنده ارتجاف بالسره وخفقان بالمقمط
وبد يتمنم بعبارت حزينه وفنقس ومدد بالارض تحت تاثير الاغماء ثم فاق واخذ يدور ويلف على الدجاجه قبل ان بلقى حتفه

[محمدالزبيدي]

ههههههههههههههههه

يقطع الحب وسنينه

يعني راح فيها الديك

قصة طريفة ولك الشكر أخي

[دل البحار]

[QUOTE=قوافي;8031192]
حياك ربي اخوي
الشكوى لله مات عاشق دجاجه
لو جبت بطه يمكن ما ماتأهههههههههههههخخخخخخخخخخخخـ

[راعي العجراء]

ههههههههههه اشهد انك فعلت خير بس الديك جته صدمه ما توقع فيه احد يشبهله



عوايدك ما تسةالف الا من الزين ولا تحرمنا من الزين


تقبل تحياتي....


عاد هي صدمه يابو ربيعان لو صادمه تركتر اهون عليه من صدمة الدجاجه
اشكرك على خضورك لاعدمتك
شاف غطيان الببسي وراح فتا

[الربذي]

يلومني فيك ياكبدي
لكن الديك فعلا مات
يمكن ماهو مستوعب الي جاه وشو
طيب انت لو ماتدري الا انت داخل على نفسك مع الباب تمعك تحكحك عيونك الا هذا راع العجراء ماغيره اكيد تبي تنهبل
هو شكله صار معه كذا مايصدق ان فيه احد غيره ههههه

[منظر]

مفاجأة وكانت قاتله ..
يعطيك العافية
وتقبل تحياتي

[راعي العجراء]

لاتلومه ياراعي العجراء من الحب ماقتل
يسعدك ع السوالف
لكن من صدقك مات الديك




يعل عمرك طويل ياراعي العجرا

الله يشرح صدرك
ويرزقك رزق ماحتريته قل امين

قصه جميله جدا:good2::good2:



يعطيك العافيه ياراعى العجراء بس الحق على راعى الديك لأنه حارمه لين جيم الرجال




حياك ربي اخوي

الشكوى لله مات عاشق دجاجه
لو جبت بطه يمكن ما مات
اتخيل الدجاجه الضعيفه من شعور الوحده بتاخذ دور
بلع الكبسه و تنتلي سكر وضغط ونهايته جلطه قهر ..
احسن شي انها استمتعت شوي بالقصيد..
تسلم على السالفه ..دمت بحفظ الله..
تحياتي.اختك

..قوافي..




وش ذا السالفه يا راعي العجرا خيال لا يوصف ( وان من البيان لسحرا )


جزاك الله خير عزالله انك وسعت صدري وكل يوم اشيك على المنتدى ادور لك سالفه جديده وبيت الحكمه في الصميم


ههههههههههههههههه

يقطع الحب وسنينه

يعني راح فيها الديك

قصة طريفة ولك الشكر أخي


يلومني فيك ياكبدي
لكن الديك فعلا مات
يمكن ماهو مستوعب الي جاه وشو
طيب انت لو ماتدري الا انت داخل على نفسك مع الباب تمعك تحكحك عيونك الا هذا راع العجراء ماغيره اكيد تبي تنهبل
هو شكله صار معه كذا مايصدق ان فيه احد غيره ههههه


مفاجأة وكانت قاتله ..
يعطيك العافية
وتقبل تحياتي
ياهلا وغلا في كل من شارك بهذه الردود الطيبه
كان بودي ارد على كا واحد بمعرفه
ولكن لضيق الوقت والردود كثيره
والكتابه لك عليها
خمسين دقيقه بالكلمه
تقبلوا تحياتي

[الفوازي الحربي]

ههههههههههههههههه الله يسعدك ماش الديك قلبه رهيف مايسحتمل هههههههههههههههههههههههههه

[راعي العجراء]

ههههههههههههههههه الله يسعدك ماش الديك قلبه رهيف مايسحتمل هههههههههههههههههههههههههه

هلابك يالحربي اسمتعت بحضورك في هذه السالفه

[عابر سبيل 1]

الله يقطع أبليسك ياراعي العجراء ويسعدك بالدنياء والآخره

[راعي العجراء]

الله يقطع أبليسك ياراعي العجراء ويسعدك بالدنياء والآخره


ارررررررررحب يا عاااااااااااابر سبيل
جزاك الله خير على دعواتك
فرحي لايوصف بحضور
دمت بخير

[طير ابابيل]

خخخخخخخخ الله يسعدك ياراعي العجراء

[أخت البنات]

الله يسعد ايامك :)
ياراعي العجرا..
قضيت ع الديك لاهو اللي عاش ياكل ويشرب
ولا هو اللي عاش مع الدجاجه
بسبات ونبات وخلفوا صبيان وبنات..
http://t0.gstatic.com/images?q=tbn:ANd9GcShsjGxxsZQuXWiJoQJDSpNMTKUAjwAu lKrcqR40A1kwzyxvz8Nsw

[راعي العجراء]

خخخخخخخخ الله يسعدك ياراعي العجراء

والله يهنيك ياطير ابابيل

[راعي ضيان]

]]]]]] ديكك طلع خصي وانت خرعته بالدجاجه حس انك تبي تكتشف رجولته [[[[[[[

[راعي العجراء]

الله يسعد ايامك :)

ياراعي العجرا..
قضيت ع الديك لاهو اللي عاش ياكل ويشرب
ولا هو اللي عاش مع الدجاجه
بسبات ونبات وخلفوا صبيان وبنات..

http://t0.gstatic.com/images?q=tbn:ANd9GcShsjGxxsZQuXWiJoQJDSpNMTKUAjwAu lKrcqR40A1kwzyxvz8Nsw


هلابك يااخيتي اخت البنات
كلامك صحيح
الديك يوم شاف الدجاجه جته صدمه عنفوانيه
ديك مقطوع من ضعفه طول السنين وشاف دجاجه ومزيونه
ويش يبي يسوي غير يدور اقرب طريقه وحصل ان طريقة الموت هي الانسب
دمتي بخير

[ذيب الفقارة]

ما أظن إنه مات من الفرحة دائما الرجل إذا زاد به العشق يا يموت يا ينجن

ما ني داري ليه بس الرجال اللي يموتون من العشق

[ســـبــار ربــعـــه]

جنيت على الضعيف هههههههههههههههههههههه.

الله يعطيك العافيه صراحه سرد ابداع وممتع وكل مواضيعك ماتنمل.
تقبل تحياتي.

[زهرة القرقاص]

يعطيك العافية على القصة الرائعة

[راعي العجراء]

]]]]]] ديكك طلع خصي وانت خرعته بالدجاجه حس انك تبي تكتشف رجولته [[[[[[[

الا فحل بس ماشاف الدجاجه الا يوم شيب
والشيب ماله علاج
خاصه ليا اجتمع عشق وكبر ودجاجه مزيونه
بالصراحه سلك طريق السلامه

[راعي العجراء]

ما أظن إنه مات من الفرحة دائما الرجل إذا زاد به العشق يا يموت يا ينجن




ما ني داري ليه بس الرجال اللي يموتون من العشق


هلابك ياذيب الفقاره
هو مامات من الفرحه مات من القهر تحسف على ايام شبابه
يوم شاف الدجاجه ونهوها اللي كبر غطيان الببسي

[راعي العجراء]

جنيت على الضعيف هههههههههههههههههههههه.

الله يعطيك العافيه صراحه سرد ابداع وممتع وكل مواضيعك ماتنمل.
تقبل تحياتي.

هلابك ياسبار ربعه
وانا وش يدريني انه بيموت لاشاف الدجاجه
انا احسب انه ديك عاقل عقب هالعمر
مادريت انه ديك مليوح ودلخ من اكل هالرز
اشكرك على ماخصيتني به من تشجيع

[راعي العجراء]

يعطيك العافية على القصة الرائعة

ياهلا ويامرحبا بزهرة القرقاص
شرفني مرورك
دمتي عاليه وغاليه

[ابو الشبرميات]

ابو جلنبوا
بعد الفحص والتحري والمراجعة والبحث الدقيق
تبين ان الديك مات منظول
الدجاجة كانت محبوسة في اقفاص شريطية الطيور ولا يطعونها
وحول ماتموت جوع
ويوم شافت النعمة مكببة عطت الديك عين وجابت خبره
ولذلك عليك دفع دية الديك ودجاجتك يبي من يخبّق عيونها
او تحويلكم لمحاكم فض نزاعات الطيور
والله يعينك توكل لك محامي
...

[ذراع الذيب]

السلام عليكم ورحمة الله وبركاته..
مسيت بالخير ياخوي..

لاهنت على هالمواضيع والسوالف الممتعه مشكور يالنشمي..
تحياتي لك..

[راعي العجراء]

اشكركل من ساهم بالردود على موضوعي الديك العاشق
واقدم لكم اسفي على الرد الجماعي وادري ان كل واحد له حق عندي
ولكن ضيق الوقت والردود ماشاءالله ياكثرها
اجبرت على ان يكون الرد للجميع
وفقكم الله

[راعي العجراء]

ابو جلنبوا
بعد الفحص والتحري والمراجعة والبحث الدقيق
تبين ان الديك مات منظول
الدجاجة كانت محبوسة في اقفاص شريطية الطيور ولا يطعونها
وحول ماتموت جوع
ويوم شافت النعمة مكببة عطت الديك عين وجابت خبره
ولذلك عليك دفع دية الديك ودجاجتك يبي من يخبّق عيونها
او تحويلكم لمحاكم فض نزاعات الطيور
والله يعينك توكل لك محامي
...



هلابك يابو الشبرميات
والديك وش ينظل عليه سنين شباب عمره راحت
في مطارد الكبسات
ووجه راعيه
ماشاف غطيان الببسي الا مرة واحده ومات
مع السلامه

[ابو صفوق]

اهلا ياراعي العجراء ويالله حيوه
انتم عارفين راعي العجراء بمايحمله من مواقف طريفه تنساق مع ذهانته المعتاده (ربع قيقا
اللي نعرفه انك الطيب وفالك الطيب والعود الازرق
اضحك الله سنك يالغالي ههههههه يامسيكين يالديك ماتهنى ولااااااا مره مات يتيم من كله ههههههههه
عطنا مما اعطاك الله من هالسوالف اللي توسع الصدر
مبدع يالغالي
اشكرك
ثنيان بن صفوق الثنيان

[راعي العجراء]

اهلا ياراعي العجراء ويالله حيوه
انتم عارفين راعي العجراء بمايحمله من مواقف طريفه تنساق مع ذهانته المعتاده (ربع قيقا
اللي نعرفه انك الطيب وفالك الطيب والعود الازرق
اضحك الله سنك يالغالي ههههههه يامسيكين يالديك ماتهنى ولااااااا مره مات يتيم من كله ههههههههه
عطنا مما اعطاك الله من هالسوالف اللي توسع الصدر
مبدع يالغالي
اشكرك
ثنيان بن صفوق الثنيان

ياهلا وغلا بعمي ابوصفوق
يالله حيوه
تصدق يابو صفوق تصورت ان الديك يبي يشكرني
يوم جبت الطخما له
ماتصورت انه يبي يفطس من العشق من اول نظره
ولكن ماكل مجتهد نصيب

[فهد الهلالي]

الله يعطيك العافيه راع العجراء

[راعي العجراء]

الله يعطيك العافيه راع العجراء


ياهلا وغلا بمشرفنا الفاضل الهلالي

[سعود 441]

جعلك تسلم يا راعي العجرا الله يسعدك ويوسع صدرك بالعافية وجميع الاخوان

[ابو اسامه 2]

ههههههههه

اعتقد الديك من كثر ما ياكل الرز عنده الكولسترول عنده عالي

يوم شاف الدجاجه ارتفع الضغط عنده من المفاجئه والفرحه

طبعاً انسدت الشرايين والاورده

وتوكل على الله هههههههه

[راعي العجراء]

جعلك تسلم يا راعي العجرا الله يسعدك ويوسع صدرك بالعافية وجميع الاخوان


الله يعافيك ويبقيك ياسعود 441
تشرفت في حضورك عساك تسلم

[ABO JRAA7]

بيض الله وجهك يا راعي العجرا وسعة صدورنا الله يوسع صدرك

صراحه أبدعت في سرد القصه بكل إتقان ، بس ناقصها لو تكملها ببيتين رثاء للديك

يستاهل ههههههههههههههههاااااااااي

[نقا التنهات]

الله يوسع صدرك بالعافية

[ماركة أبوجمل]

ههههههههههه

[راعي العجراء]

بيض الله وجهك يا راعي العجرا وسعة صدورنا الله يوسع صدرك

صراحه أبدعت في سرد القصه بكل إتقان ، بس ناقصها لو تكملها ببيتين رثاء للديك

يستاهل ههههههههههههههههاااااااااي


الله يوسع صدرك بالعافية


ههههههههههه


اشكركم على تواجدكم وردودكم المشجعه
حفظكم الله

[راعي العجراء]

ترفع لترمع هالسالفه

[ابو ما بغى]

السلام عليكم ورحمة الله وبركاته
ياراعي العجراء - انا ما ادري انا اضحك ولا اتحسبن عليك
انفتق صدر - ياخوي هي تخلق لك هالسوالف
اللهم أني اسألك ياودود ياودود ياذا العرش المجيد يافعال لما ترد ياحي ياقيوم
يامن بعثت محمداً صلى الله عليه وسلم رحمة للعالمين
ان تنير بالايمان قلبه وبالسرور صدره وبارك له في زوجه وولده
وماله ونفسه اللهم اجمع له خيري الدنيا والآخرة برحمتك ياارحم العالمين
والحق ذلك باصله مارتفع وفرعه ما طمن ذكراناً واناثاً ومن قرأءها
موفق

[راعي العجراء]

السلام عليكم ورحمة الله وبركاته
ياراعي العجراء -اللهم أني اسألك ياودود ياودود ياذا العرش المجيد يافعال لما ترد ياحي ياقيوم
يامن بعثت محمداً صلى الله عليه وسلم رحمة للعالمين
ان تنير بالايمان قلبه وبالسرور صدره وبارك له في زوجه وولده
وماله ونفسه اللهم اجمع له خيري الدنيا والآخرة برحمتك ياارحم العالمين
والحق ذلك باصله مارتفع وفرعه ما طمن ذكراناً واناثاً ومن قرأءها
موفق
هلابك ياحبيب اهله

تشرفت في حضورك
انا ما ادري انا اضحك ولا اتحسبن عليك
انفتق صدر - ياخوي هي تخلق لك هالسوالف



كلهن بس اهم شي تكون مبسوط

ماوضعت هالسوالف الا ابيكم تستانسون

مع السلامه

[kadmalkel]

انشهد انه راعي العجراء