نرجع لمحور حديثنا (( صوت الطقطقه في المكينه ))

[أبو رزان 97]

السلام عليكم ورحمة الله

سلفرادو 2010 حجم 2500 دبل

نويت اشتري هالسياره واخذتها للفحص عند البريدي في الرياض طلع تقرير فيه الاتي

1/ فلتر زيت القير وهذا بسيط امره

2/ صوت طقطقه خفيفه في المكينه وتظهر اذ دست البنزين قال الشايب صاحب الورشه

هذا صوت تكايات البلوف وسببه خراب طرمبة زيت المكينه احتمال 98% يكون السبب

طيب كيف اعرف ان التكايات ماهي خربانه وان الخراب فقط في الطرمبة ، لاني رحت الجميح اليوم

لقيت الطرمبه مع غيارها 1200 ريال ولا عندي مشكله

لكن المشكله اذا التكايات خربانه سعرها يوصل 3000 ريال وتركيبها 4000 يقولون لازم ترفع المكينه ..؟

[ماون ماركز]

التكيات ما تخرب الأ اذا ضعفت الطرمبة او خربت ..


لأن التكيات بالسيارات الجديدة .. تشتغل تحت ضغط طرمبة الزيت


مو مثل السيارات القديمة .. وزن .. و حوسه ..
مالها علاقة بالزيت الأ أنه يزيتها فقط





لكن ممكن تشوف التكيات اذا فتحت غطاء المكينة العلوي .. ويقدر مهندس يفحصها




والطرمبة .. ممكن فحصها .. بتركيب جهاز قياس الضغط بطريق الزيت المضغوط


يفك حساس ضغط زيت المكينة .. ويركب جهاز بحساس خارجي يقراء الضغط





مثل هذا الجهاز
http://www.mekshat.com/pix/upload05/images238/mk212274_multiple_function_oil_combustion_pressure _meter.jpg


تحياتي

[Magellan]

تغيير الطرمبة خطأ فادح لأنه ماتخرب إلا قليلا
الأصل في الصوت اذا كانت طقطقة واضحة ونزول لأمبير الزيت تحت النص هي بسبب ضعف الجلبة في الكارتير وتسدد الشخال السفلي ، اقرأ الرابط تحت:
http://www.mekshat.com/vb/showthread.php?t=460612
بالنسبة لصوت التكايات فهي موجوده بالجمس والشفر من موديلات السبعين وهذا يعزى بنظري لطول ذراع البستم او مايسمى bore piston انا في سيارتي له اكثر من سنتين وخصوصا ايام البرد اسمعه بقوة وهو صوت تكتكة خفيف لكن عداد الضغط فوق النص ولذلك لامشكلة

[الفيروزي]

شوف الزيت إذا كان فوق 30 يعطيك صوت التكايات بالنسبه للسيارات فوق 2003
اللزوجة المطلوبة هي 5/30
إنشاء الله تضبط معاك
بالتوفيق

[بدوي جنوبي]

اخي ابو رازان نصيحتى لك شف لك غيرها
لان هالمحرك شغلته متعبه وممكن لو غيرت التكايات بيرجع الصوت
لان ما في اى فنى يقدر يرجع يوزن البلوف مثل المصنع
يعنى سياره موديل 2010 محركها ينفك
توقع مشاكل آخرى بعد الاصلاح .
محرك سيارتك فورتيك Vortec ؟
لان محرك الفورتيك يكون عمود الكامات بوسط المحرك .
بعدين انا لاحظت من خلال ردودكم كان طرمبة الزيت ما تغذي الا التكايات
طرمبة الزيت تغذي كل جزي متحرك داخل المحرك
وأذا الطرمبة فعلا فيها عطل أكيد أجزاء ثانيه راح تتعطل بعد فتره من الزمن
مثل سبايك المحرك .وجدار الاسطوانه والبستم .


الاصوات ما تظهر في الفحص الكمبيوتر
فحص الكمبيوتر
يطلع لك نسبة الآنضغاط للبساتم
ونسبة الكربون ومدى جودةالحساسات الخ،،،

اما الصوت يجب محاولة البحث عن مصدر الصوت
قد يكون الصوت من
احدى تكايات المحرك

LIFTERS
http://www.mekshat.com/vb/../pix/upload05/images206/mk32037_65.jpg
او

السبايك :


البنز :


الذراع:

العصافير:


البلوف:


الجنزير :

سيقان الدفع :

عمود التيمن :


بحث عن أسباب صوت المكينه عند التشغيل صباحا فقط لاغير (http://www.mekshat.com/vb/showthread.php?t=355694)

يجب تفحص المحرك عند اكثر من ورشة
وتعرف مصدر الصوت
قد يكون الصوت من شيئ تافه
فأحذر الاستعجال في فك المحرك

بالتوفيق
http://www.mekshat.com/vb/showthread.php?t=384489

[WWS]

صؤت آلتكتكه آلخفيفه تحصله بـ GM ؤ بكثرهـآ
ؤضع آلطرمبه طبيعي
ؤ خرآب آلطرمبه تبين عندك من آمبير ضغطهـآ بآلطبلؤن
لكن يـآلـغـآلي كثير ؤ كثير ؤ كثير ؤ كثير ؤ كثير ؤ كثير سمعت عن فحص آلبريدي آن فحصهم لك عليه
فحص للفلؤس فقط
يـآيعيفك آلمؤتر ؤ هؤ زين آؤ يحببه لك ؤ هؤ شين
هذآ ؤ الله آعلم

[ماون ماركز]

تغيير الطرمبة خطأ فادح لأنه ماتخرب إلا قليلا
الأصل في الصوت اذا كانت طقطقة واضحة ونزول لأمبير الزيت تحت النص هي بسبب ضعف الجلبة في الكارتير وتسدد الشخال السفلي ، اقرأ الرابط تحت:
http://www.mekshat.com/vb/showthread.php?t=460612
بالنسبة لصوت التكايات فهي موجوده بالجمس والشفر من موديلات السبعين وهذا يعزى بنظري لطول ذراع البستم او مايسمى bore piston انا في سيارتي له اكثر من سنتين وخصوصا ايام البرد اسمعه بقوة وهو صوت تكتكة خفيف لكن عداد الضغط فوق النص ولذلك لامشكلة

عزيزي .. هو يتكلم عن موديل 2010 .. تراه مختلف عن موديلات التسعينات والثمانينات
فما بالك باللي ذكرت .. السبعينات ..

ترى فيه فرق .. كبير جداً .. بين تصميم المحركات بتلك السنوات وتصميمها حالياً

[ماون ماركز]

بعدين انا لاحظت من خلال ردودكم كان طرمبة الزيت ما تغذي الا التكايات
طرمبة الزيت تغذي كل جزي متحرك داخل المحرك
وأذا الطرمبة فعلا فيها عطل أكيد أجزاء ثانيه راح تتعطل بعد فتره من الزمن
مثل سبايك المحرك .وجدار الاسطوانه والبستم .
http://www.mekshat.com/vb/showthread.php?t=384489


أنا ما قلت أن الطرمبة ما تشغل الأ التكيات يابعدي ..

قلت التكيات تعمل بتأثير الضغط اللي يصلها من الطرمبة
مثل سيارات هونداي ونسيان في السنوات الأخيرة

والأ الطرمبة .. مهمتها الأساسية تزيت كامل أجزاء المكينة

[بدوي جنوبي]

عزيزي .. هو يتكلم عن موديل 2010 .. تراه مختلف عن موديلات التسعينات والثمانينات
فما بالك باللي ذكرت .. السبعينات ..

ترى فيه فرق .. كبير جداً .. بين تصميم المحركات بتلك السنوات وتصميمها حالياً


ترا فكرة محركات الجى ام والشفر ما تغيرت وهي كامه وسط المحرك
أما الفورد غالبا محركاتها كامه علوية

http://www.mekshat.com/pix/upload05/images240/mk32037_main_image.jpg

http://www.mekshat.com/pix/upload05/images240/mk32037_ohv%20v6.gif

[ماون ماركز]

ترا فكرة محركات الجى ام والشفر ما تغيرت وهي كامه وسط المحرك
أما الفورد غالبا محركاتها كامه علوية



حتى ولو .. ما أتوقع موديل بالـسبعينات .. مثل موديل بـ 2011

لا بد بيكون هناك فرق .. مو بمكان الكامة فقط .. الأ بأجزائها وطريقة تشغليها وتزيتها

[بن مانع التميمي]

اذا الطرمبة سليمه وزيتها كويس مايسود ولا شي

خلاص توكل على الله وكل شي طبيعي باذن الله

وصوت الطقطقه ماعليه خوف ان شاء الله دام الطرمبه كويس ضغطها ودفعها

[أبو رزان 97]

والله مانويت ارد لاني مستمتع بمشاركاتكم ونقاشكم

لاحرمكم الله الاجر

لكن سؤالي عن الطرنبه كيف اعرف خرابه من عدمه بواسطة الامبير اللي بالطبلون
يعني اذا تحت النصف او اعلى او دون

[بدوي جنوبي]

حتى ولو .. ما أتوقع موديل بالـسبعينات .. مثل موديل بـ 2011

لا بد بيكون هناك فرق .. مو بمكان الكامة فقط .. الأ بأجزائها وطريقة تشغليها وتزيتها


كلامك صحيح
لكن أساسيات عمل المحرك ما تغيرت عند الامريكان وغيرهم
وكذلك طريقة التزييت ودورة ماء التبريد
لان محركاتهم ناجحه من بداية صناعاتهم ومساكه معهم يكون المحرك غالبا 8 سلندر
حتى لو كان وزن السياره 1طن مثل ونيت جمس او شفر .

مو مثل اليابانيين يبخلو على سياراتهم بحجم المحرك
جيوب التويوتا والنيسان كم لها سنه تصنع وما حطوا فيها محرك 8 سلندر
الا في ال10 سنوات الاخيره .
:good: