لا حول ولا قوة الا بالله ... القير احطه بالدي مايمشي !!

[M A R W A N]

السلام عليكم

يا اخوان ماشيء بالموتر زي الفل مايقول اح, المهم فجاءة الموتر يحن وهو على الدي
طلع ضغط البنزيم لكن ماتمشي بس امبير الهوا يطلع ولا مشيء ماتمشي

بالنمر كلها ريوس دي 1 دي 2 كل مايمشيء

ريحتها شويء على الخط ثم شغلت مشت معي ورجعت نفس المشكلة :(:(:(

وجنبها ورجعوني الشباب البيت :(:(

للاسف لا افقه شيء بالسيارة ولقيت بنشري فاتح قال ماعندنا ميكانيكي :(

لاهنتم عطونا علم
معلومات عن الموتر
كامري 2003 قير اوتوماتيك سعودي.

الزيت حق القير من يوم ما اخذت السيارة ماغيرته.[ السياره ماخذها لي سنه ].


اتمنى الافادة والله اني شايل هم. :(

[العدانه]

وعليكم السلام حياك الله ياأخي اولا شيك علي زيت القير يمكن مخلص او شيك علي فبتر القير الغالب مثل هالمشاكل تجي من نقص زيت القير وشكرا

[ابو محمد السهلي]

كلتشات القير تحتاج تبدبيل

[أبو رزان 97]

كان معي مكسيما اوتو وحصلت نفس المشكله معي

رحت الصناعيه شف وش قالوا:
واحد يقول جنزير المكينه
والثاني يقول الجربكس لازم يتفك
وكلٍ يدلي بدلوه

لقيت يماني قلتله عالمشكله قال فك الكبوت وانا جالس بالسياره
رجع داخل المحل جاب علبه صغيره وصبها قال عشق كم مره بدل نمر
رجعت السياره طبيعيه واختفت المشكله ...!!!

قلت وش سويت قال زيت الجربكس عندك فاضي وعبيته
واخذ عشره ريال وسلامتك...

[نادرخيارى]

بسم الله اذا كنت تطفى السياره وبعد ماتبرد تشغلها وتمشى وبعد فتره ترجع للمشكله اتوقع والله اعلم ان هذا مبرد الجربوكس يعنى الرديتر حق الجربوكس يمكن مسدود او فيه مشكله لانه اذا سخن مايمشى والله اعلم

[M A R W A N]

وعليكم السلام حياك الله ياأخي اولا شيك علي زيت القير يمكن مخلص او شيك علي فبتر القير الغالب مثل هالمشاكل تجي من نقص زيت القير وشكرا

الى الان
توصلت الى اني اغير زيت القير والفلتر وموقف السيارة قريب من بنشري ونخليه يغيره
وعسى خير باذن الله ... اشكرك يالعدانة.


كلتشات القير تحتاج تبدبيل
يا ابو محمد الموتر اوتوماتيك .. وما عندي علم اذ هو في كلتشات
شكر لك.

كان معي مكسيما اوتو وحصلت نفس المشكله معي

رحت الصناعيه شف وش قالوا:
واحد يقول جنزير المكينه
والثاني يقول الجربكس لازم يتفك
وكلٍ يدلي بدلوه

لقيت يماني قلتله عالمشكله قال فك الكبوت وانا جالس بالسياره
رجع داخل المحل جاب علبه صغيره وصبها قال عشق كم مره بدل نمر
رجعت السياره طبيعيه واختفت المشكله ...!!!

قلت وش سويت قال زيت الجربكس عندك فاضي وعبيته
واخذ عشره ريال وسلامتك...
ماشاء الله
باذن الله انها بسيطة ومثل ماقلت, واعطيتني جرعة من التفاؤل
شكرا لك.

بسم الله اذا كنت تطفى السياره وبعد ماتبرد تشغلها وتمشى وبعد فتره ترجع للمشكله اتوقع والله اعلم ان هذا مبرد الجربوكس يعنى الرديتر حق الجربوكس يمكن مسدود او فيه مشكله لانه اذا سخن مايمشى والله اعلم
هلا بالنادر
راح اشيك عليها اليوم, وإن شاء الله تطلع منها
اتمنى فقط, ان تكون المشكلة أمرها بسيط
شكرا لك.






الى الان انتظر اراء الاخوان وخاصة الفيلسوف الكبير [ اصيل حجازي ]

[عمر الشريف]

عند أبوي جمس ومن يوم ماشتراه ماقد فك عيار زيت الجربوكس المهم في يوم من الأياام شغل السياره يسخنها بالفجريه يوم سخنت السياره عشق ع الريوس ولا والله السياره ماهي راضيه تمشى وحطها بالدي ولا والله نفس المشكله ياساتر وكيف السالفه تر وزيت وأموور الجمس على مايراام ونجيب مهندس متخصص وشاف العيار ولا والله مابه زيت ..ولله الحمد تم شراء فلتر وزيت وأموور الموتر تمااااااااام نحمدالله

[M A R W A N]

عند أبوي جمس ومن يوم ماشتراه ماقد فك عيار زيت الجربوكس المهم في يوم من الأياام شغل السياره يسخنها بالفجريه يوم سخنت السياره عشق ع الريوس ولا والله السياره ماهي راضيه تمشى وحطها بالدي ولا والله نفس المشكله ياساتر وكيف السالفه تر وزيت وأموور الجمس على مايراام ونجيب مهندس متخصص وشاف العيار ولا والله مابه زيت ..ولله الحمد تم شراء فلتر وزيت وأموور الموتر تمااااااااام نحمدالله
ماشاء الله
اعتقد ان عيار الززيت مافيه نقص لكن جدا قديم
انا الان في حالة تفاؤل من الردود, باذن الله ان المشكلة زيت وفلتر
اشكرك ياعمر.

[عمر الشريف]

ماشاء الله
اعتقد ان عيار الززيت مافيه نقص لكن جدا قديم
انا الان في حالة تفاؤل من الردود, باذن الله ان المشكلة زيت وفلتر
اشكرك ياعمر.

المهم أنك ترووح عند مهندس مروووق يعني بعد الفجر تسنتر عن الورش:D:D اللي بتقصدهاا وإن شاااء الله ربنا يعينك ويسهلك أمرك

[M A R W A N]

رحنا للموتر
وجبنا ميكانيكين

الاول يقول يبغاله توظيف وتغير [ الكلتشات انتهت ]

والثاني نفس الكلام... :(

ياشباب انا ماني مدري والله وش الحل الان ... افيدونا وش ممكن يكون غير التوظيب او التغير..


:(

الزيت قديم لكن مو ناقص.

[الصقر الحربي]

هذه غالباً الكلتشات أنتهت بسبب عدم تغيير الزيت والفلتر

والله اعرف واحد من اخوياي صارت له نفس المشكلة وغير الجيربوكس كامل من التشليح

[M A R W A N]

هذه غالباً الكلتشات أنتهت بسبب عدم تغيير الزيت والفلتر

والله اعرف واحد من اخوياي صارت له نفس المشكلة وغير الجيربوكس كامل من التشليح



جاري تغير الجربوكس ولا حول ولا قوة إلا بالله..

الله يعوضنا خير.

[ابوسند9]

اخوي
يقولون اخر الدواء الكي
انت حاول تغير الزيت مع الفلتر فربما الفلتر مسكر وما يمشي الزيت
ولا تستعجل وتوضب القير واللى تبدله
حاول تشوف لك كم مكيانيكي متخصص با القير واذا اتفقو على التوضيب او الاستبدال عاد اللى يعوض عليك