التفريخ والاصيل

[درويش]

السلام عليكم :

يااخوان كيف أعرف الطير الاصيل من التفريخ يعني ما هي الامور التي تفرق بينهما . لأني بغيت أشري طير وشافوه الصقارين واختلفو فيه البعض قال تفريخ والاخر قال أصيل . نرجو من اللي عنده خبره يفيدنا جزاه الله خير ,,,,,,,,

[الرقعي]

ياخوي اختلط الحابل بنابل طير ماتطرح انت شخصين ؟؟؟؟؟؟ الطيور محد يقدر يحكم عليها

[محمد المساعد]

فيه طريقه جديده لهم وهي الكشاف يصلطونه على ريشة الطير التفريخ حتا يبهة الون لاكن انت لابغيت تشري طير ولا عندك خبير اول شي ركز على الدواغر والذناب مافيه شك ان فيه بعض الناس يقولك كف الطير لازم تكون حرشه ونا اضن هذي نظريه ضعيفه لا كن انا اتكلملك عن تجربه وحاولو ناس صقاقير انها تغشني بطيور والحمدلله بفضل من الله واخواني بمكشات وخبراتهم قدرت اخذ اقرب الاحتمالات لتفريق بين التفريخ والاصيل ومثل مقلتلك


1- دواغر الى تحت الجناح لصعوبة وصول الكشافات لها
2- ذناب الطير الريشه الوحيده الظعيفه بطير بنسبه للون لوصلط الكشاف عليها تبهت على طول
3-حركت البرقع فوق راس الوحش لا قلب براسه اعرف انه اصيل مافيه كلام


هذا مالدي وأخواني الصقاقير يفيدونك اكثر

[درويش]

الرقعي ,, واخونا شبح 99
ماقصرتوا على الفائده ... ننتظر مشاركت الباقين لتعم الفائده

[رعد المطر]

ياخوي كل شى فعلوه في التفريخ لكن شوف نهايه الذنب يجى كأنه مسنن وكذلك لون الذنب من الداخل والخارج لون واحد هذا بالفرخ

[مخاوي الذيب 305]

اذا كان فرخ الزراق اللي برجله تلقاه غامج

ترى هذه وجهت نظري والكل له طريقه له

[الامبراطوري]

هذه تحتاج الى فراسة بالصقار.

[(هزاع)]

التفريخ لاصار فرخ فيه مواري كثيره يسهل عرفه
اما لاقرنس مايعرفه الامتمكن

[قرناس شماالي]

التفريخ لاصار فرخ فيه مواري كثيره يسهل عرفه
اما لاقرنس مايعرفه الامتمكن

:good2::good2::good2:

[انور العنزي]

معلومه متوضعه من اخوكم الطير الاصيل لانقلته دايم يشبط الدس حاول تسحب كفه فجاه فوق يعني امسك احد اصابع الطير فجاه وتلها فوق تلقاه ماسك وماتجي معاك بينما التفريخ تلقاه دايم مريح على الكف يعني مأيشبط الدس هاذي افضل طريقه من وجهت نظري لانهم مأيقدرون يغيرونها فالطير