عندي مشكلة في سرعة موتري

[الشامخ الشمالي]

السلام عليكم ورحمة الله وبركاته

اسعد الله اوقاتكم اخواني الكرام

عندي موترين جمس 454 موديل 79 وجمس 350 موديل 81

الأول ماشاء الله عليه يمشي فوق الـ 200 إما الثاني بالقوه يوصل 140

شيكت على الموتر بالكامل لافيه لاتقطيع ولا اي عطل يذكر سوى انه مايمشي

على الخط الددسن القديم يطوفني :( ياليت من يعرف حل لهذه المشكله يخبرني

فزعتكم ياهل الجموس ولدي سؤال لأهل الخبره هل فيه فرق بين دفرنس الاثنين

شاكرين جهودكم الطيبه ولكم اطيب التحايا

[PATROL-99]

ما لي خبرة في الجموس لاكن ما اقول الا انك انشالله تلقى ضاالتك....
لاكن فرق المكاين ماله دخل يعني ال 454 يمشي اكثر من 350؟؟

[mtc_959]

اذا كلهم رفارف الدفرنشات وحده لكن الكوارين تفرق

[الوقيدي]

السلام عليكم : اذا كانت الكهرباء مضبوطه كاملا من بواجي وديلكو واسلاك بواجي والكربريتر سليم ليس فيه خلل تكتيم اوتفتفه . وحاله الماكينه جيده لاتستهلك زيت زياده. فالخلل من الكلتش ضعيف اويحتاج وزن بلوف للماكينه . الى اللقاء

[سفاري فتك]

اخوي الحل في الكلبليتر رح لمكنيكي فاهم صح وخله يفتح على الابره حقته
وبعد كذا بيجيب طبلونه وانت مرتاح بس هاه بيشرب بنزين كثير خصوصا بعد سرعة 120

[الشامخ الشمالي]

الله يجزاكم خير على ردودكم ومروركم الكريم

دمتم بخير

[طيرشلوى 2]

واحد من الربع معه 350 يمشي 200 بس يمكن عن الديلكو يبيله وزن وعندك البلوف قافله افتحها وغير فلتر الكبليتر ترها جوى الكبليتر قيمته 5 ريال وان شاء الله انه بيزين