يوسف الخليفة1
24/02/2012, 08:59 PM
بسم الله الرحمن الرحيم
السلام عليكم ورحمة الله وبركاته
ابطا المطر والقاع تسفاه الارياح=والجمه اصفت ما قدرنا نميحه
هل الورق والعود من مقضبه طاح=وامسا هشيم الرمث بارضن فسيحه
حتا الطلاح بقفرها مثل الاشباح=من الضما صارت سواة السريحه
العشب والنوار عن حاجره راح=والنقد والجثجاث واغصون شيحه
والذيب يقنب ضيمه براس لولاح=حتا الحنش بالجوع يخرع فحيحه
وين الحيا مع مغرب الشمس ما لاح=والبرق ما شفنا لمايح كشيحه
يا ربي ما نجزع لو تحوص الافراح=بامرك ونهيك عسرها والمريحه
يشكي صعوبة حالته كل فلاح=عقب الشتا جمة قليبه شحيحه
مما جرا من مصلفن فينا لفاح=بالالف والالفين نلقا الذبيحه
يالله يسرك والعسر عنا ينزاح=ما غيرك اللي يجلا سودا الصحيفه
يوسف الخليفة ( أبو عبد الله )
السلام عليكم ورحمة الله وبركاته
ابطا المطر والقاع تسفاه الارياح=والجمه اصفت ما قدرنا نميحه
هل الورق والعود من مقضبه طاح=وامسا هشيم الرمث بارضن فسيحه
حتا الطلاح بقفرها مثل الاشباح=من الضما صارت سواة السريحه
العشب والنوار عن حاجره راح=والنقد والجثجاث واغصون شيحه
والذيب يقنب ضيمه براس لولاح=حتا الحنش بالجوع يخرع فحيحه
وين الحيا مع مغرب الشمس ما لاح=والبرق ما شفنا لمايح كشيحه
يا ربي ما نجزع لو تحوص الافراح=بامرك ونهيك عسرها والمريحه
يشكي صعوبة حالته كل فلاح=عقب الشتا جمة قليبه شحيحه
مما جرا من مصلفن فينا لفاح=بالالف والالفين نلقا الذبيحه
يالله يسرك والعسر عنا ينزاح=ما غيرك اللي يجلا سودا الصحيفه
يوسف الخليفة ( أبو عبد الله )