رساله لملاك الباثفندر.

[تعوووووبي 511]

اريد النصيحه والراي
ارغب بشراء باثفندر ولقبت واحد موديل 2005 قير تماتيك مكينه 3500 .

الموصفات

خالي من السمكره بوية بلاده.
مكينه وقير بكس شد بلاده.
طبلون ليزر.
الموتر طالب فيه راعيه 43000 ريال، يستاهل هذا المبلغ ام لا.
ايهما افظل القير العايدي ام التماتيك.

ملاحظه: جربت الموتر ومشيت عليه 180 كم أرتفعت الحراره الى النصف في وقت الظهر.
اخبرني صاحب الموتر ان هذا طبيعي.
هل هذا الكلام صحيح ام خطأ.
ارجو المساعده وبالأخص في موضوع الحراره.

وجزاكم الله خيرا عني وعن المسلمين اجمعين:D

[ابو سلطانه]

الحراره غير طبيعيه


يحتاج تصيخ اديتر وتغير بلف الحراره

[sgl2002]

ياليت تعيد النظر في اختيار السيارة لانها كثيرة المشاكل

والحرارة غير طبيعية

وقيمته اذا كان ماشي قليل يتجاوز ال50 ألف

[salih100]

1- الحراره غير طبيعيه
2- اذا السياره نضيفه مره مره وممشاها قليل فهي تستاهل اكثر
3- الموتر خفيف وممتاز بس تراه حساس مره

[العنيزان]

اخوي بعض الاشياء يمكن تقدر تتغاضا عنها في السياره الا الحراره ولاتقول يمكن تصييخ بسيطه ولاغيره نصيحتي لك لاتستعجل

[دبا الحصن]

اخوي نصيحه مجرب ابتعد عن الباث فندر من 2003 الي 2005 مكاين 3500 سريعه التخبيط بسبب مسامير الثلاجه خلل مصنعي

خذلك 2002 مكينه 3300 سياره مكده ومافيها اي مشاكل سواء تماتيك او عادي
موفق انشالله

[باث2001]

مع كامل احترامي وتقديري وحبي للجميع ,, اهل مكة ادرى بشعابها ,, أسأل أهل الرابطة

[نومـ11111س]

انا معي اخوه من خمس سنين

اذا كان هذي مواصفاته يستاهل سعر اكثر من كذا

لكن ترى حراراته ماهي مضبوطه ، المفروض ترتفع الى الثلث وتثبت مهما صار ، ماعدا وانت تتطعس به ترتفع شوي وتنزل على طول اذا ركدت ( ترجع لوضعها بسرعه مره )

[خالد الكايد1]

منهم اهل الرابط يااخوي باث 2001 ما فهمت قصدك ما اضنهم يبخلوا علينا باراهم.

[أبوغيث 2003]

الحرارة في أسوأ الأحوال ما تتعدى الثلث

[أبوغيث 2003]

لكن انتبه لا تتوهق مثل هالرجال



المشاركة الأصلية كتبت بواسطة هائم حد السفر http://www.mekshat.com/vb/images/buttons/viewpost.gif (http://www.mekshat.com/vb/showthread.php?p=8020161#post8020161)

السلام عليكم ورحمة الله وبركاته






حسبي الله ونعم الوكيل





كان معاي اكسبلور 2006وخرب علي السلف كنت ماشي وطفت السيارة اتصلت ع سطحة واناجالس انتظر وصول السطحة فتحت الكبوت لقيت غطاء الرديتر مفتوح فتحت السف وشفت انبير الحرارة ع النصف قلت بعبيه موية بعد ان عبيته مقدار كأس طلع بخار كثيف جداَ ممايعني ان الحرارة ع الاخر شفت الانبير واذا بالفعل الحرارة اتش حتى اختصر خرب الرأس والسرندل وانا في الطريق للحاير عشان اشتري مكينة اتصل علي صاحب الورشة وخبرني يوجد لديه مشتري اتفقت معاه وبعتها له بخساره قلت خلاص ماله داعي اروح التشليح بروح الحراج لقيت باثفندر 2005 الشكل الجديد مع شخص كبير في السن وملتزم يحرج عليه المهم البدي وكاله وقف علي 49500 اخذني صاحب السيارة ع جنب وقال الله لايحللك ولايبيحك اذا انت شريطي وتبي تتكسب من وراي السيارة جايبه الصبح 53 الف خبرته بقصتي واني كنت جاي للتشليح المهم شريت وكلمته انا خلاص شريت بس اذا السيارة فيها شي يخبرني عشان مااخسرنقل وتأمين ابيعها وهي بـ اسمه حلف انه السيارة سليمة اليوم الثاني وبعد نقل الملكية اخت السيارة من المعرض ومشيت عليها ممكن 200 متر وطلع صوت في المكينة ادعس ماتقبل وبعد ربع ساعة وقفت شلتها بسطحة وبعد الفحص وجدنا بستم مكسور غيرت المكينة بـ 14500الكلام هذا قبل شهر والحين لدي مشكلة في القير وكلمت التشليح قال سعرة 10000 مشكلتي والسيارة بارده التغييرات تمام بس تحتر يفصل معاي ادعس فاضي لازم اطفي السيارة ومن ثم يعشق وعند التغيير يفصل غيرت الزيت ونظفت الفلتر لئنه مايتغير





بعدها تحسن معاي يوم ورجع كما كان

[المنيعي1]

أذا الحرارة تزيد مع السرعة وتنزل اذا هديت هذي بسيطه وسببه من الرديتر تغيره وتنتهي المشكلة.
وبنسبه لقيمته أذا على كلامك رخيص

[مسافر وحداني]

اقول انحش عنه
اقسم بالله انه يصدع براسك ويجيب الهلوسه
ما لك الا ( تويوتا ) فقط لو سعره غالي لكن حقه فيه

[عبدالرحمن السالم]

اذا على الحراره بسيط امرك ندلك على الزيينين وتصلحه
اهم شى ميكانيكياً ، مكينة قير دفرنس دبل هذا المهم

موفق خير

[ح ح و 693]

انا معي اخوه من خمس سنين

اذا كان هذي مواصفاته يستاهل سعر اكثر من كذا

لكن ترى حراراته ماهي مضبوطه ، المفروض ترتفع الى الثلث وتثبت مهما صار ، ماعدا وانت تتطعس به ترتفع شوي وتنزل على طول اذا ركدت ( ترجع لوضعها بسرعه مره )


+1

واذا جزمت على الموتر فلابد ان تفحصه عند احد فاهم
اذا كنت في الرياض فيه مركز اسمه البريدي (طريق المعارض حي النسيم )

سؤال / كم ماشي الموتر ؟

[باث2001]

اهل الرابطة يا حبيبي اهل كرم ووفاء ماراح يبخلون عليك بأي شيء
ادخل رابطة ملاك الباثفنيدر الجيل القديم الجزء الثاني

http://www.mekshat.com/vb/showthread.php?t=432261&page=175

[Topstars]

الحرارة لا تتعدى الثلث

أتوقع يحتاج تسييخ رديتر وتغيير بلف الحرارة

بس افحص

[مافيه]

اخوي نصيحه لوجه الله هالموتر بالذات انحش عنه

عندي واحد 2003 نفس مواصفاته قير عايدي معي من وكالته

((السياره و الشهاده حق انه ماقصرت معي ومنضرها ولا احلى لاكن لاتركب فيها وهي تمشي انواع الاصوات من كل مكان))
الشي الثاني من سنتين يعلم الله اني ما اقدر اطب بها حتى نفود الثمامه

كل مامشيت في ردميه مسافه طويله شوي مثل 1 او 2 كيلو او دخلت رمل خرب علي حساس منضم الهواء وتطفاء السياره وكل مادقيت سلف يمشي دقيقه ويطفا لين اغير الحساس

الزيت ينقص كل 5000 كيلو تقريبا 3 علب واذا كانت رجلي حاره عليه 5 علب مع العلم انه مافيه دخنه او رحيه تبين خلل في الشنبر او المكينه ((الخلل هاذا مصنعي وفي كل باثفندر عليه نفس المكينه 3.5))

((غير هالمشاكل الي فيه انا اشهد انه يطيب الخاطر وخفيف نفس وبديه يثلج الصدر ((خذ هالعلم من واحد مستعمله قرابة ال8 سنوات

طبعا كل هاذا غير الخرابات الي واجهتني بشكل مفاجئ وهي كثيره لايستعني ذكرها

وهو جديد مهنا ازين منه بس الحين راح عمره وكثير عطاله عشان كذا ما انصحك به

[جبل ادقس]

سعرها طيب وتستاهل اكثر اذا كان ماشي قليل.
والحراره غير طبيعيه افحصه زين انا عندي تحت الربع في اسواء الاحوال ولله الحمد وتم فك مسامير الثلاجه والسياره لها معاي سنتين كامله ويعلم الله اني اجلده بالبر كل نهايه اسبوع ولا اشتكي من شي ولله الحمد والعزم يطربك ماشاء الله.
سيارتي موديل 2005 قير عايدي

اذا نظيف توكل علي وعسي ربي يوفقك

[طيرشلوى 2]

نصيحه لوجه الله ابعد عنه والله انه مافيه خير موتر احط فيه حدود 50000 واخر شي ينقص على 3000 واذا مشيت عليه 160 مع المكيف في الصيف ارتفعه حرارته اشتر التويوتا لوكان غالي واتمشى كل ما يطري عليا