العلم عجه وريح امطار .............................. حله ( الاديب ) .. الحل ( الجصه )

[الخامسي1]

بسم الله الرحمن الرحيم

السلام عليكم ورحمة الله وبركاته

ـ" اللهم إني أسألك خيرها وأعوذ بك من شرها "ـ
ـ" اللهم إني أسألك خيرها وخير مافيها وخير ما أرسلت به وأعوذ بك من شرها وشر ما فيها وشر ما أرسلت به "ـ



العلم عجه وريح اغبار
وحنا غدينا حمام الدار
بين الدعاء وكثرة استغفار
يارب أغثنا مطر رحمه

الذنب واجد وفضلك خير
والمغفرة منك يالستير
الجو اظلم وحنا عصير
والناس في الخط مزدحمه

وانشد هل العرف بالمعنى
كم واحد العام ودعنا
والمقبرة دوم تجمعنا
وارحام تقطع كما اللحمه

اللغز مبناء حجر واقف
وطعم العسل تحتها واكف
بنتً وقديمه لها نالف
الزاد في بطنها شحمه

تذكير باعلاه جبته غصب
ومقدمه بين ذبح وقصب
سهله وقبله دعينا الرب
وقلوب الاخوان ملتحمه

[الخامسي1]

أبشركم يأهل الرياض ان شاء الله الخير جاي

من فضل الله سدير جاهم بعد العجه مطر
والحسي عليهم رش طيب

دقله رش والله يطرح البركه

ثادق رش خفيف

وساجر كذلك عليها مطر طيب

والارطاويه



والله يغيث البلاد والعباد وأكثروا من الاستغفار

الله يرحمنا برحمته

[سعد القاسم]

لغز محبوك بارك الله فيك
الله يغيث البلاد والعباد
جزاك الله خير
لي متابعه

[الخامسي1]

لغز محبوك بارك الله فيك
الله يغيث البلاد والعباد
جزاك الله خير
لي متابعه



الله يقبل منا ومنك ويرحمنا برحمته

انتظر عودتك ورمعتك

[حمد؟؟]

صح لسانك ابو نايف
والحمد الله امطرنا بفضله
والله يطرح فيه البركه
والرمعه
ممكن اللي يجمعون تجار السمن فيها من اول
وبعدين يوزعونه على التوانك (التنك)
هذي قصه سمعته من الشرهان البارح لاكن نسيت اسمه

[الخامسي1]

صح لسانك ابو نايف
والحمد الله امطرنا بفضله
والله يطرح فيه البركه
والرمعه
ممكن اللي يجمعون تجار السمن فيها من اول
وبعدين يوزعونه على التوانك (التنك)
هذي قصه سمعته من الشرهان البارح لاكن نسيت اسمه



صح بدنك اخوي حمد
عطنا اخبار المطر عندك وأي مكان لو على الخاص
والسمن يحطونه في العكه حسب علمي من الجلد
والرمعه سهله جدً

مالك لواااا وانتظر القادمه

[كاف نواف]

صح الله لسان ابو نايف
كم جاب لغزه لنا كايف
والرمعه اللي انا شايف
زمزم عليها البشر زحمه

[الخامسي1]

صح الله لسان ابو نايف
كم جاب لغزه لنا كايف
والرمعه اللي انا شايف
زمزم عليها البشر زحمه



اللغز منه الهدف واضح
ناصح وشرؤاكم الناصح
والخير باب السماء فاتح
وشحمه ترى لونها فحمه


مالك لوااااا

[إلقناصه]

الله يرحمنا برحمته وان شاء الله مابعدها الا الخير والبركة من الكريم

صح لسانك يالخامسي
رمعه ماتكون الرحى

[الخامسي1]

الله يرحمنا برحمته وان شاء الله مابعدها الا الخير والبركة من الكريم

صح لسانك يالخامسي
رمعه ماتكون الرحى




مالك لواا

والله يبارك فيك

[إلقناصه]

طيب نقول السنه النبويه

[الخامسي1]

طيب نقول السنه النبويه




مالك لوااااا

[torrjom]

صح السانك

اخوي ابونايف

والله يزيدك من فضله

تسجيل حضور

وجاري التفكير


كل الووووووووووووووود

[كاف نواف]

امس الضحى جيت من عمان
متشوّق ٍلك وللإخوان
وطول المسافه وهي غدران
مليانه امواه مندحمه
من الحديثه لحد طريف
مناقعٍ يطربنّ الكيف
والخافي ازود من اللي شيف
رحمه ومن واسع الرحمه
وبلكي تبي قربة الميّه
مضى لها شي وشويه
اللي بقطران مطليّه
تجي بعض نوب منسحمه

[الخامسي1]

صح السانك

اخوي ابونايف

والله يزيدك من فضله

تسجيل حضور

وجاري التفكير


كل الووووووووووووووود






ارحب وبيض الله وجهك وتشرفت بمرورك وانتظر رمعتك

[الخامسي1]

امس الضحى جيت من عمان
متشوّق ٍلك وللإخوان
وطول المسافه وهي غدران
مليانه امواه مندحمه
من الحديثه لحد طريف
مناقعٍ يطربنّ الكيف
والخافي ازود من اللي
شيف
رحمه ومن واسع الرحمه
وبلكي تبي قربة الميّه
مضى لها شي وشويه
اللي بقطران مطليّه
تجي بعض نوب منسحمه



مالك لوا يابعد حيي
والغز في داخل الحيي
دوره في ما مضى زايي
تلقاه والقافيه تحمه

[الأديب]

صح لسانك يابونايف
عسى الله ان يرحمنا برحمته ولايعاملنا بمانحن اهل له بل يعاملنا بماهو اهل له سبحانه
الله يجيب الخير لديارالمسلمين عامه ويبارك فيه
رمعه لعلها محطة غيار الزيوت
دمت برعاية الله

[ال-رايق]

صح لسانك
يابو نايف
------
الشمعة
أو
الحجر(حجرة البطارية -أم بس)
------------------------------------------
وتسلم

[الخامسي1]

صح لسانك يابونايف
عسى الله ان يرحمنا برحمته ولايعاملنا بمانحن اهل له بل يعاملنا بماهو اهل له سبحانه
الله يجيب الخير لديارالمسلمين عامه ويبارك فيه
رمعه لعلها محطة غيار الزيوت
دمت برعاية الله



مالك لوااا
واعذروني بعيد عن الشبكة

[الخامسي1]

صح لسانك
يابو نايف
------
الشمعة
أو
الحجر(حجرة البطارية -أم بس)
------------------------------------------
وتسلم





مالك لوااااا

واكرر عذري

[عليق بري]

صح لسانك ابو نايف ٠٠

المقصودة مو النحلة ٠٠

[كاف نواف]

طيب محجر العين


الملتحمه

[الخامسي1]

صح لسانك ابو نايف 00

المقصودة مو النحلة 00

ارحب اخوي وصح بدنك مو النحله يا عسل

مالك لواا

[الخامسي1]

طيب محجر العين


الملتحمه



تسلم بارك الله فيك على المحاوله


مالك لواااااا


تستاهلون الطيب اثنينكم !!!!!

[الأديب]

ابونايف
ماتكون الجصه اللي يخزن به التمر قديما

[الخامسي1]

ابونايف
ماتكون الجصه اللي يخزن به التمر قديما






الا تكون وكاتب الرد ما يهون

الجصه

كفووووووووووو مليون

[الأديب]

صح لسانك يابونايف ولاهنت طال عمرك
وكفوك الطيب
دمت برعاية الله