قصتي مع طرح القرناسة البحرية

[صقرالحروب]

السلام عليكم ورحمة الله وبركاته



مساكم/صبحكم الله بالخير



تلبية لطلب أخونا المشرف ذراع الذيب


حبيت اسرد لكم قصة طرحي لأغلى قرناسة شياهين في المملكة لهذا الموسم 2011
والتي بيعت بمبلغ 57 الف لحمدان الرفاعي وحسب ماوصلني ان الشيهانه مع احد شيوخ قطر


أخذت إجازتي السنة اللي طافت في 19 شوال بعد العيد
واستعديت للمقناص وبصراحة ماكنت متحمس جداً بعد مااخبرني احد زملائي بانه عندي مهمة في الرياض يوم الاثنين
3 اكتوبرلمدة أربعة أيام وش هالبلشة كلمت العقيد
وقالي يابواريام هم طالبين رتبة نقيب ومافي احد غيرك يعني الله لايهينك ومن باب
المعنوية قالي بعدين راح نعوضك قلت يالله عساها خيرة توجهت للرياض يوم 3 أكتوبر وقلبي فالساحل خلصت المهمة
في يوم واحد من الشفقة على المقناص ومطارد الطيور ههههه


وأول طيارة على جدة وصلت يوم 4اكتوبر
سلمت على اهلي وعلى طول العزبة وكان وقتها المغرب
سلمت على الشباب وسولفت معاهم واخبرني السناوي بانه حامت اليوم 5 قرانيس من
الحنو مالله كتبها لهم


وان شاء الله حراويها عندنا بكرة وبكرة نبي نقنص الصفحة حرويها هناك ومع الفجر
صلينا انا وابوعماد وابوخالد وابوبندر وتحركنا قبل فجة الضوء وكان ابوعماد وابوخالد في سيارة وابوبندر في سيارة وانا معي سيارتي
وصلنا الصفحة وكان المكان يعج بالمواتر


لكن الانسان مسير لرزقه توجهت متشامل واذكر الشمس بعد ماضهرت وانا اوقف واسبر
بالدربيل واشوف جيبين قدامي وشوي اسمع واحد من اهل الرايس يفزع على خوياه بالجهاز عنده مثلوثه وكان راعي الجيبين اللي قدامي
من خوياه تحركو وتعدو من جنبي مسرعين قلت عسى الله يرزقهم بها
وانا اقدم شوي وادربل الا وشوف حقبي قلت بس الله جابك ابي اطرحه اعلم الطراد عليه
يوم قدمت الا ويطير من بعيد وانا اوقف وادربل
يوم سبرت الدربيل شرق لا وهالمزيونه ما شوف غير مانحرها طامنه في الصمد


http://www.mekshat.com/pix/upload05/images243/mk65413_fhnfturnu.jpg


وانا اخذ السمانه المثقله وافر الثقاله للاخير
وهذي الحركة مهمه واحرك الموتر ابي ادور مكان زين احذف لها فيه
لاني خفت احذف لها من مكاني وماتشوف الزريق


لانها في طمان انا ادور على مكان مره اشوفها ومره لا
لدرجة اني رجعت لمكاني الاول
عشان اتاكد من محلها ومالقيت الااني اقرب منها وقتها قلبي يخفق وحيلي برد خفت تكفخ وانا ماشبكت شي طيار
(وهذا من اكبر الاخطاء لكن الرزق مكتوب )


المهم لقيت انسب مكان وانا اسمي بالله واحذف السمانه
(كل هالتفكير واتخاذالقرار في اقل من دقيقتين وهذا من توفيق الله )
وماطبت السمانه
الارض الا وجاتك هداد ماشاء الله وانا اخذ الريشة
وازهم خوياي يابوعماد تجيني شمال عزبه ابوخالد بسرعة وقتها طبق صمت على الجهاز
العالم كلها تابع وتدعي وانا اشوف الشيهانه الا وهي تنش السمانه وحده ثنتين الثالته الا ويوم لقطت السمانه وافلتتها الا وهي معلقه
عين وحده وانا انزل من الموتر جري واضفها


وماضفيتها الا وموقف وراي الاخ الفاضل احمد الكبيدي يبارك لي وخوياي لسه ماوصلو
وانا ارجع وامسك الريشة ابشر بالتامه يابوعماد ماصدقو لان العمليه هذي كلها مااخذت اكثر من 5 دقائق وهذا من توفيق الله ولله الحمد
وساعدني احمد الكبيدي الله يجزاه خير في تمهيد وتسبيق الطيره وركبت الموتر وتواجهت
لخوياي في منتصف الطريق



ولمشاهدة الصور تجدونها في تقرير مصور لحراج اغلى قرناسة في عزبة السناوي
http://mekshat.com/vb/showthread.php?t=447297


واعذرونا على القصور

[خالد الغنامي]

ما شاء الله تبارك الله


متبوعه مهب مجبوعة

[ذراع الذيب]

السلام عليكم ورحمة الله وبركاته,,
صبحت بالخير يابواريام,,


هلاااا والله وغلاااا بالنشمي جعل ربي يرضى عليك يوم وفيت مطلوبنا,,
حنا نشفق لمثل هالعلوم الطيبه من مثلك وشرواك وسمعت بخبر هالقرناسه ومادريت ان راعيها معنا بالمنتدى الامنك من يومين,,
بسالفتك هذي رجعتني لأجواء اكتوبر وكني حسيت معاناتك يوم اطلبوك بالمهمه ولاكن الحمدلله عوضك ربي فيها,,
ومحاولتك للشيهانه تدل انك خبير بالطرح وراكد جعل ربي مايضرك ويوفقك ويرزقك كل سنه بطيرن طيب..
وتذكر لنا سالفته هنيا بالمنتدى وموضوعك يستحق التقييم الاعلى والتثبيت بفنجال وعلوم رجال,,
وتحياتي لك,,

[صقرالحروب]

السلام عليكم ورحمة الله وبركاته,,

صبحت بالخير يابواريام,,


هلاااا والله وغلاااا بالنشمي جعل ربي يرضى عليك يوم وفيت مطلوبنا,,
حنا نشفق لمثل هالعلوم الطيبه من مثلك وشرواك وسمعت بخبر هالقرناسه ومادريت ان راعيها معنا بالمنتدى الامنك من يومين,,
بسالفتك هذي رجعتني لأجواء اكتوبر وكني حسيت معاناتك يوم اطلبوك بالمهمه ولاكن الحمدلله عوضك ربي فيها,,
ومحاولتك للشيهانه تدل انك خبير بالطرح وراكد جعل ربي مايضرك ويوفقك ويرزقك كل سنه بطيرن طيب..
وتذكر لنا سالفته هنيا بالمنتدى وموضوع يستحق التقييم الاعلى والتثبيت بفنجال وعلوم رجال,,

وتحياتي لك,,

ماقصرت يانشمي جعلك ذخر وهذي اقل مانقدمه لك وللشباب في المنتدى وانتظرونا في مواضيع قادمه راح تعجبك في طرحها

[رعد المطر]

ماشاء الله وتبارك الله
والله تستاهل واسأل الله ان يديم نعمه الطرح لك واخوياك وجميع من يقرأ

[الامبراطوري]

الله يرزقك كل سنة بالتامات من حرار وشياهين .. اللهم آمين .

[محمد الفهيد]

ماشالله

تقرير مميز وعسى الله يرزقك من واسع فضله
وريشتها حلوه وتمنيت ان رابط الصور يفتح معاااي

جزاك الله خير

[GHAAM]

مشاء الله تبارك الله
الله يبارك لك في رزقك والقارئين

[محمد المساعد]

الله يعيده عليكم بخير والمسلمين

[القرناس المهاجر]

في الرواية عن الرسول صلى الله عليه وسلم:

(إنّ أرزاقكم تطلبكم كما تطلبكم آجالكم
فلن تفوتوا الأرزاق كما لم تفوتوا الآجال )

مبروك اخي زياد .. زادنا الله وإياك من فضله

شيهانة مزيونة .. وصفها قليل

قصة رائعه .. لرزق ميسر

تحياتي ,,

[الرقعي]

ماشاء الله تبارك الله لو تجري جري الوحش غير رزقك ماتحوش

[falcon 1]

ما شاء الله تبارك الرحمن
عز الله انك تستاهل يا صقر الحروب
وبصراحه التقرير الي كتبته عن المزاد كان في قمة الروعه جزاك الله خير
ونستنه عسى الله يعطيك الف عافيه
متبوعه بالنوادر ان شاء الله مهي بمجبوعه
وعسى دوم هالوناسه
الله يرزقك ويرزق الجميع من واسع فضله

تقبل تحياتي
اخوك
فالكن 1

[انكر]

ماشاء الله وتبارك الله

[فهد الحنيني]

ماشاء الله تبارك الله جعلها متبوعه بإذن الله
تستاهلون كل خير وهذي ارزاق توزع للعباد

[أبو لافي00]

مسيت بالخير اخوي/ صقر الحروب
ما شاء الله تبارك الله
الله يزيدك من رزقه يارب ,,
بالتوفيق والله يرزقك كل سنه بطيور توسع عليك يارب
وعلى جميع المسلمين,,

تحياتي لك وللجميع ,,

أبو لافي00
,
,
4-4-1433هــ

[ماجد الهلالي]

ما شاء الله تبارك الله
عساها ان شاء الله متبوعه وجعلها فاتحه خير ورزق لك ولجميع المسلمين
وانتم يا اهل الساحل ما تستاهلون الا كل خير
والله يوفقم وعقبال النادر

[@السيف@]

مبارك الطرح وفالك النادر ويجعلها بداية الخير لا عدمناك

[الرّمااااي]

فالك الي اطيب منها انشالله

[قرناس شماالي]

ماشاء الله تبارك الله جعلها متبوعه بإذن الله
تستاهلون كل خير وهذي ارزاق توزع للعباد


وفال الجميع

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / صقر الحروب

.
مبروك وجعلها متبوعه
شيهانه خصم . خبر سرنا ونشكرك عشنا جوك
سلمت
*
والسلام
الفيتو
الحجاز
4-4-1433هـ

[انس بن سالم]

متبوعه ماهي مجبوعه ان شاء الله

[الماهر2000]

بسم الله الرحمن الرحيم 0 ماشاء الله تبارك الله لك فيما اعطاك وان شاءالله كل عام نسمع عندك العلوم الطيبه ياصقر الحروب ومدك الله بالصحه والعافيه 000 تحياتى

[بدر العتيبي2]

السلام عليكم ورحمة الله وبركاته
ماشاء الله وتستاهل الطيب ياصقر الحروب وان شاء الله متبوعه ماهيب مجبوعه
وموضوعك اكثر من رائع وشوقتني للمقناص كني ببداية اكتوبر يازين ذيك الايام


اخوك /بدر العتيبي

[رســــــلان الوجه]

الف الف مبروك ياصقر الحروب وجعلها متبوعه ان شاء الله

[الـسـاطـع]

ماشاء الله تبارك الرحمن
الله يوفقك ويرزقك كل سنه انت وجميع قناص
وتحياتي لك يابوعواد

[عبدالرحمن بن ذياب]

ما شاء الله تبارك الله تستاهل و الله كل خير و الله يرزقك من واسع فضله

[ابوعزيز2007]

ماشاء الله تستاهل يالذيب

[عشقي اكتوبر]

ماشاء الله تبارك الرحمن

مبرووك ألف ألف مبرووك..وتراني كنت قريب منك..وفرحت يوم انك طرحتها..

جعلك تضف القرناس النادر اللي ماطرح مثله قرناس..اللهم آميين وجمييع الطواريح ان شاء الله..

عز الله انك شوقتنا لأكتووبر الله يجيبه واحنا وانتم والجميييع بأتم صحه وعافيه..

وتكفى لاتقطعنا من مثل هالسواليف...

تحياتي لكـ