فيه احد عنده خبر عن موعد تغيير سير السياره

[عضى]

السلام عليكم ورحمة الله وبركاته

وصبحكم الله بالخير والعافيه

اخواني فيه احد عنده خبر عن موعد تغيير سير السياره

الجمس والجيب الاندكروزر والسكويا وذلك خشية الإنقطاع

وهل توجد مواعيد محدده خصوصاً لمن عنده سفر طويله

وخطوط كثيره
وجزاكم الله خير
ولاتنسو إخوانكم المسلمين من الدعاء والقنوت لهم اللهم أحفظ انفسهم وأعراضهم ونسائهم وأطفالهم وشيوخهم من بين أيديهم ومن خلفهم ومن أمامهم وعن يمينهم وشمالهم وأحفظهم أن يغتالو من تحتهم وأعمي نظر عدووهم عنهم وتجاوز ورحم وأغفر
لموتاهم اللهم آمين.

[بنزرت]

سلام
بالنسبه للسير فيغير اذا وجدت تشققات في بطن السير اي الجهه اللي فيها حدود وخدود

[Bader-M]

وعليكم السلام
العمر الافتراضي له تقريبا 100 الف كم تزيد او تنقص قليلا
ولكن نصيحة لك غيره وحتى وان كان سليم و خله عندك في الشنطة احتياط وخاصة ان سعره رخيص
وتركيبة سهل

تحياتي اليك

[كاشت وحداني]

تختلف من شخص لشخص حسب ظروف الاستخدام
وطريقة الاستخدام
راعي جور عالموتر اكيد بيزيد عليه الضغط ويعطي عمر اقل
لكن بالنظر اذا شفت الشقوق ببطن السير غيره والافضل الاحتياط موجود ويكون مغلف وفي ظل للتخليه لاشعه الشمس المباشره

[سالم العنزي]

من 2007 وتحت اللي اعرفة
GXR حديد
vxr سير عادي يتغير علي 150 الف كم اذا ستعمال االسيارة حشمة ويعطيك تنبيه اشارة في الطبلون اذا وصل الموتر 150 كم بوجوب تغيرة

[عضى]

السلام عليكم ورحمة الله وبركاتة
الحمدلله تم تغيير سير السيارة السكويا بعد 122 الف كيلو موديل 2010 بدون دبل شريت السير من الضحيان قيمة 540 وبعد الخصم اخذته ب 380 ريال سعودي وركبته عند مهندس سوداني مسلم من دافور صناعية شرق الرياض السلي ب 120 ريال سعودي شغل يد
طبعا السير القديم كان حالته جيدة وممكن يمشي والله اعلم الى 150 الف كيلو لكن من باب الحرص
والله ولي التوفيق وبارك الله بالجميع. :l:l:l

[1824]

السير حسب الاجواء حقتنا يتغير كل 100 كيلو حسب اي سيارة يختلف عنها بشيء بسيط مهم جداً تغيره لتفادي المشاكل والانقطاع وقد تصل لاضرار للمحرك بسبب انقطاع السير بالتوفيق لك

[MSAN]

أنا عن نفسي أغيره كل خمسين ألف


بالتوفيق

[الحربي 591]

تبغاني اقولها لك بالعربي

مع تغيير الكفرات اذا انت تستخدم لين ما ينمسح ابو جدها هههههههههههههههههه

[قلم جريئ]

خذ العلم مني وانا اخوك ولاهو قصور باخواني اللي علقو
بحكم اني متابع مع الوكاله سيارتي يوكن ٢٠١١ ديل قصير
هذا كلام المهندس لي السير حق اليوكن يتغير كل ٦٠ الف كيلو
قيمته ١١٠ ريال من نفس الوكاله وتركيبه سهل جدا المره الجايه ابحاول انا اغيره

[الوقيدي]

اذا كان السير الخارجي فتغيره عندما تظهر شقوق بجانبه . والاهم تأكد من سلامه رمانات الشددات وبكرات الماكينه والدينمو والمكيف وطرمبه الماء والدركسون لاتكون حاده او محفوره للداخل فهي السبب في تقطع سير الماكينه . الاهم يكون معك جديد اصلي حسب المقاس في السياره .

[أصيل حجآ زي]

.

.

.

كيف تشـُـد سـيـور مـُـحـرك / أصوآتـُه / مـشـاكـلـُه / وطـُرق فاشلة لأخفاء المشاكل . (http://www.mekshat.com/vb/showthread.php?t=247370)




كيف تغير وتوزن سير التوقيت TB وسيور المُحرّك ومضخة الماء بالصور والأشرطة مُحدّث بأستمرآر (http://www.mekshat.com/vb/showthread.php?t=526044)




كيف تـُعـيد برمجة أو ألغاء رسآلة تحذير تغيير سير توقيت المـُحرك TB ؟ وتغيير السير لاحقآ (http://www.mekshat.com/vb/showthread.php?t=404781)



.

.

.